मुंबई – लोकसभा निवडणुका जस जश्या जवळ येत आहेत तस तसे राज्यातील राजकारण तापत चालले आहे. आघाडी, जागावाटप याच्या चर्चा प्राथमिक स्तरावर आहेत. पंतप्रधान मोदी आणि भाजप यांना थेट आव्हान देणाऱ्यांपैकी वंचित बहुजन आघाडी सर्वात आघाडीवर आहे. मात्र या पक्षाला इंडिया आघाडीत घेण्यासंदर्भात सध्या उलटसुलट चर्चा सुरू असतात त्याला विशेषतः काँग्रेसच्या नेत्यांना वंचित बहुजन आघाडीचे प्रवक्ते सिद्धार्थ मोकळे यांनी उत्तर दिले आहे ते म्हणतात की,
काँग्रेस मधील 23 बंडखोर नेत्यांपैकी एक असलेले पृथ्वीराज चव्हाण यांनी वंचित बहुजन आघाडी आणि बाळासाहेब आंबेडकर यांना असा सल्ला दिला आहे की, त्यांनी भडक वक्तव्य करू नयेत आणि इंडिया आघाडी किंवा काँग्रेसच्या नेत्यांशी भेटून चर्चा करावी. त्यांना मी आठवण करून देऊ इच्छितो की आतापर्यंत आम्ही 3 वेळा पत्र लिहिलेले आहेत. अनेकदा माध्यमांमधून, समाज माध्यमांमधून आणि सभांमधून आम्हाला इंडिया आघाडी मध्ये सहभागी व्हायचंय याची जाहीर वाच्यता केलेली आहे, सगळ्या जगाला हे माहिती आहे. मात्र तरीही अद्याप आम्हाला तुमच्या पक्षाकडून किंवा इंडिया अलायन्स कडून कुठलंही अधिकृत निमंत्रण न आल्यामुळे आम्ही त्याचा भाग होऊ शकलो नाही.
राहिला दुसरा मुद्दा, ज्या वेळेला मल्लिकार्जुन खरगे यांनी वंचित बहुजन आघाडीला सोबत घ्यावा की न घ्यावं या संदर्भात चर्चा करण्यासाठी महाराष्ट्रातील काही नेत्यांना बोलावलं होतं, त्यात पृथ्वीराज चव्हाण होते. त्या बैठकीमध्ये पृथ्वीराज चव्हाण यांनी वंचित बहुजन आघाडीला सोबत घेण्यास विरोध केला होता. स्वतःच्या पक्षाच्या नेत्याला एक वेगळा सल्ला द्यायचा की वंचितला सोबत घेऊ नका, आणि बाहेर येऊन माध्यमांमध्ये वंचितला वेगळे सल्ले जायचे, सारवासारव करणारी भूमिका मांडायची या भूमिकेचे वागण्याचा नेमकं कारण काय आहे? पृथ्वीराज चव्हाण यांना मी सांगू इच्छितो की याला मराठीत म्हण आहे, चोराच्या उलट्या बोंबा. एकीकडे विरोध करायचा आतून आणि बाहेर येऊन वेगळच काहीतरी सांगायचं त्यामुळे माझी विनंती त्यांना की त्यांनी या अशा पद्धतीच्या उलट्या बोंबा मारण्याचं थांबवावं आणि सरळ सोयीने काही जर चांगलं जुळून येत असेल तर त्याला सहकार्य करावं. असेही सिद्धार्थ मोकळे
व्हिडिओ मध्ये म्हणाले आहेत.
