दैनिक जनमत

उस्मानाबाद दि १३ : कोरोना विषाणूच्या साथीमुळे संपूर्ण देशातच संचारबंदी लागू करण्यात आली आहे .परिणामी देशातील सर्व व्यवहार ठप्प झाले असून त्यामुळे सरकारचे उत्पन्नाचे मार्गही ही बंद झाले आहेत. दुसरीकडे साथीला आळा घालण्यासाठी कराव्या लागणाऱ्या प्रयत्न बरोबरच लोकांना जीवनावश्यक वस्तूंचा पुरवठा करण्यासाठी सरकारला पदरमोड करून मोठा खर्च करावा लागत आहे. आर्थिक विकासाचा वेग आधिच खालावलेला असल्याने सरकारच्या तिजोरीत खडखडाट आहे, यापार्श्वभूमीवर  बोलताना बहुदा जनतेने विशेषता महिलांनी देश अडचणीत असताना दागिने काढून दिले आहेत असे सुतोवाच पंतप्रधान नरेंद्र मोदींनी केले असून त्याप्रमाणेच जनतेने सरकारच्या मदतीसाठी पुढे यावे अशी अपेक्षा एक प्रकारे व्यक्त केली आहे ,खरेतर सर्वसामान्य माणूस आज खचला गेला आहे, त्यातच कोरोना च्या संकटामुळे त्याचीच ससेहोलपट होणार आहे. अर्थतज्ज्ञांनी वर्तवलेल्या अंदाजानुसार साधारण 40 कोटी जनता दारिद्र रेषेखालील ढकलली जाणार आहे .कोरोना ची साथ नियंत्रणात आली तरी पुढील काही वर्ष अर्थव्यवस्था मूळ पदावर यायला लागणार आहे .याचे चटके अंतिमतः गरिबांना सोसावे लागणार आहेत, अशा स्थितीत याच जनतेकडून त्यागाची अपेक्षा करणे सर्वथा गैर आहे. त्याऐवजी सरकारने श्रीमंतांच्या खिशात हात घालने आवश्यक आहे .काही उद्योगपतींनी पुढे येत मदतीची घोषणा केली असली तरी गेल्या पंधरा-वीस वर्षात त्यांनी जे अवाजवी लाभ मिळविले, सार्वजनिक साधन सामग्रीची लूट केली, त्या तुलनेत त्यांनी देऊ केलेल्या रकमा या अगदीच नाम मात्र आहेत .त्‍यामुळेच सरकारने संपत्ती कर ,वारसा कर लावून अतिरिक्त निधी उभा करावा असे मागणी जनता दल सेक्युलर चे प्रदेश कार्याध्यक्ष तथा प्रवक्ते ऍड रेवन भोसले यांनी केंद्र सरकारकडे केली आहे . केंद्र सरकारने गेल्या सहा वर्षाच्या काळात देशात मोठ्या प्रमाणावर संपत्तीचे केंद्रीकरण केले असून आर्थिक विषमता वाढली आहे .देशातील एक टक्का श्रीमंतांच्या हातात देशातील तब्बल 73% संपत्ती केंद्रित झाली असल्याचे आढळून आले आहे . 2014 मध्ये देशात 56 अब्जाधीश होते. त्यांची संख्या आता 138 वर गेले आहे . केंद्र सरकारने दरवर्षी साधारण साडेपाच लाख कोटी रुपयांची कर्जमाफी उद्योजकांना दिली आहे. गतवर्षी सरकारची आर्थिक स्थिती खालावली म्हणून रिझर्व बँकेच्या राखीव निधीतून तब्बल 1 लाख 76 हजार कोटी रुपये काढून घेण्यात आले .मात्र त्यानंतरच्या काही महिन्यातच सरकारने आर्थिक विकासाला चालना देण्याच्या नावाखाली उद्योजकांना 100000 45 हजार कोटी रुपयांची सवलत कार्पोरेट टॅक्समध्ये दिली होती .पण त्यानंतर आर्थिक विकासाला मुळीच चालना मिळालेली नाही ,याचा अर्थ उद्योजकांनी आणि त्यांच्या कंपन्यांनी कर माफी तून मिळालेला लाभ  रिच विण्याचे काम केले आहे . केंद्र सरकारने सरकारने पहिल्या तीन वर्षातच 16.5 लाख कोटी रुपयाची करमाफी वा सवलत उद्योजकांना दिली आहे .काँग्रेसच्या नेतृत्वाखालील सरकारचे धोरण ही या बाबतीत असेच होते .2004- 5 ते 2015 -16 या काळात श्रीमंतांना सोने-चांदी, दाग, दागिने ,जडजवाहीर यांच्या खरेदीवर दिलेली कर सवलतही ही काही लाख कोटी रुपयांची असल्याचा आरोप ऍड भोसले यांनी केला आहे. त्याचबरोबर गेल्या सहा वर्षातच बँकांनी जवळपास 6.7 लक्ष कोटी रुपयांची कर्ज निर्लेखित केली असून त्याचा लाभही  कुडमुड्या भांडवलदारांना झाला आहे. आताही कर्ज कधीही वसूल होण्याची शक्यता नाही ,या पार्श्वभूमीवर दहा लाख डॉलर म्हणजे सुमारे 7 कोटी रूपये वा त्याहून अधिक संपत्ती असलेल्या श्रीमंतांवर वार्षिक किमान दोन टक्के दराने संपत्ती कर लागू करण्यात यावा तर अति श्रीमंत असलेल्या व्यक्तीवर तीन ते चार टक्के दराने संपत्ती कर लावण्यात यावा अशी मागणीही अडवोकेट भोसले यांनी केली आहे .भारतात 2015 सालापर्यंत श्रीमंतांवर संपत्ती कर लागू होता मात्र त्याची नीट वसुली होत नाही असे कारण देऊन 2015 मध्ये तत्कालीन अर्थमंत्री अरुण जेटली यांनी हा कर रद्द करून टाकला होता .वास्तवात अमेरिका, युरोप येथील देशांमध्येही तेथील श्रीमंतांवर संपत्ती कर लावण्यात आलेला आहे. किंबहुना अमेरिकेतील सर्वाधिक श्रीमंतांपैकी एक असलेल्या जॉर्ज सोरुस, फेसबुकचे संस्थापक असलेले क्रिश युजेस व इतर काही श्रीमंतांनी दोन ते तीन टक्के संपत्ती कर लागू करण्याची सूचना काही महिन्यांपूर्वीच स्वतःहून केली होती. संपत्ती करा सोबतच श्रीमंतांच्या संपत्तीवर वारसा कर रही लागू करण्यात यावा .आई वडील वा अन्य नातलगांकडून मुलाबाळांना वर्षाने मिळणाऱ्या संपत्तीवर हा कर लावण्यात येतो .भारतात 1985 पर्यंत वारसा कर रही लागू होता नंतर तत्कालीन सरकारने तो रद्द केला .विकसित देशात आजही हा कर लागू असून दहा ते पन्नास टक्के पर्यंत त्याचे प्रमाण आहे. भारतात हे दोन्ही कर लागू केल्यास सरकारच्या उत्पन्नात दरवर्षी सुमारे आठ ते दहा लाख कोटी रुपयांची भर पडू शकते .हा पैसा गरिबांना सामाजिक सुरक्षा देण्यासाठी तसेच सद्यस्थितीत जनधन खात्यांच्या माध्यमातून गरिबांना थेट मदत देण्यासाठी वापरता येऊ शकतो .देशातील सर्व मुलांना केंद्रीय शाळांच्या दर्जाचे शिक्षण द्यावयाचे झाल्यास व आंतरराष्ट्रीय मापदंडाप्रमाणे शिक्षणावर राष्ट्रीय उत्पन्नाच्या सहा टक्के रक्कम खर्च करण्याचे ठरविल्यास 6.3 लाख कोटी रुपये लागतील तर सर्वांना आरोग्यविषयक सुविधा पुरविण्यासाठी आणखी 4.2 लाख कोटी रुपये लागणार आहेत .या दोन्ही खर्चाची तरतूद करणे या दोन करामुळे सहज शक्य आहे. केंद्र सरकार दरवर्षी जवळपास साडेपाच लाख कोटी रुपयांची कर्जमाफी उद्योजकांना देत आहे .यापुढे असे प्रकार थांबविण्यात यावेत .ही उधळपट्टी थांबविल्यास देशातील सर्व वृद्धांना दरमहा किमान पाच हजार रुपये पेन्शन देणे शक्य आहे असेही ऍड भोसले यांनी म्हटले आहे.

उस्मानाबाद :- येथील जिल्हा शासकीय रुग्णालयात  प्रवेश करणाऱ्या प्रत्येकासाठी प्रवेशद्वारावरच निर्जंतुकीकरण यंत्रणा राष्ट्रीय स्वयंसेवक संघ जनकल्याण समितीच्या वतीने बसविण्यात आली आहे. जिल्हाधिकारी श्रीमती दीपा मुधोळ मुंडे यांच्या हस्ते या निर्जंतुकीकरण यंत्रणेचा शुभारंभ करण्यात आला. या निर्जंतुकीकरणासाठी सोडियम हयपोक्लोराइड   या औषधाची  फवारणी करणारी यंत्रणा जनकल्याण समितीने स्वखर्चातून उभारली आहे. याचा उपयोग रुग्णालयात प्रवेश करणारे डॉक्टर्स रुग्ण त्यांचे नातेवाईक आणि आरोग्य कर्मचाऱ्यांना याचा उपयोग होणार आहे. यावेळी जनकल्याण समितीचे अध्यक्ष डॉक्टर आदिनाथ राजगुरू कार्यवाह एडवोकेट श्रीकृष्ण मसलेकर प्राचार्य एमडी पाटील सतीश राजेनिंबाळकर शंकर पांढरे आदी उपस्थित होते.

उमरगा -अमोल पाटील कोरोना विषाणूच्या प्रादुर्भावामुळे संबंध देश, राज्य तथा तालुक्यामध्ये शासनाने लॉकडाऊन जाहीर केले आहे .वर्षानुवर्ष दुष्काळ, अतिवृष्टी ,गारपीट ,रोगराई अशा अडचणींना सातत्यपूर्ण सामोरे जात असलेल्या शेतकऱ्यांना या कोरोणा विषाणूमुळे निर्माण झालेल्या संचारबंदी परिस्थिती शेतात उत्पादित केलेला माल वाहतूक बंद असल्याने व व्यापारी कमी किमतीला माल घेत असल्याने असून अडचण आणि नसून खोळंबा अशी परिस्थिती निर्माण झाली आहे .
       तळहाताच्या फोडाप्रमाणे जपून शेतामध्ये भाजीपाला ,फळे याचे उत्पादन घेऊन त्यातून काही नफा कमावता येतो का या प्रयत्नात असलेल्या शेतकऱ्यांना व्यापारी मात्र पीळून खात आहेत . कुणाची कलिंगड, कुणाची फुले ,तर अनेकांची द्राक्षे, फळभाज्या उठाव नसल्याने जागेवर वाळत असल्याचे  चित्र आज मितीला निर्माण झाले आहे .अनेक शेतकऱ्यांनी शासनाकडून यासाठी मदतीची अपेक्षा व्यक्त केली आहे .तर अनेकांनी अनुदानाची मागणी केली आहे.
     उत्पादित केलेल्या मालाला चांगला भाव मिळावा .गरजवंत ग्राहकाला चांगल्या प्रतीचा माल मिळावा शेतकरी व ग्राहका मधील दुवा असणारा व्यापारी दोन बोक्या तील भांडणात माकडाच्या भूमिके प्रमाणे मलीदा सातत्यपूर्ण स्वतःच लाटत राहतो . याला आळा घालण्यासाठी तसेच संचार बंदीच्या काळामध्ये अनेकजण गरजवंत लोकांना विविध माध्यमातून धान्याचे किट ,भाज्या, फळे इत्यादी माध्यमातून मदत करताना दिसत आहेत . तो माल खरेदी करताना प्रत्यक्ष शेतकऱ्यांकडून खरेदी केल्यास त्याला योग्य भाव मिळतो व घेणाऱ्याला चांगल्या प्रतीचा माल उपलब्ध व्हावा हा उद्देश समोर ठेवून उमरगा येथील तालुका कृषी अधिकारी सुनील जाधव यांनी उमरगा लोहारा तालुक्यामध्ये हा नाविन्यपूर्ण उपक्रम चालू केला आहे . या तयार करण्यात आलेला यादी मध्ये कृषी खात्यामार्फत सर्व शेतकऱ्या जवळील उपलब्ध मालाची माहिती गोळा केली जाते तसेच शेतकऱ्यांचा संपर्क क्रमांक, गाव, मालाची प्रत, इत्यादी बाबी त्यात उल्लेख केल्या जातात व ती यादी व्हाट्सअप ग्रुप, सोशल मीडिया, ग्रामीण भागातील शेतकरी गटे विविध शासकीय  व निमशासकीय अधिकारी कर्मचारी यांचे  ग्रुप, कृषी सेवक यांचे व्हाट्सअप ग्रुप यांच्यामार्फत व्हायरल केली जाते . ज्यामुळे आपल्या परिसरात उपलब्ध असलेल्या मालाची माहिती सर्व नागरीक, गरजवंत ,व्यापारी ,हॉटेलचालक, गरजवंतांना मदत करणाऱ्या सामाजिक संस्था तथा शासनामार्फत मदत करणाऱ्या एजन्सिज यांना ही माहिती जाते व या माध्यमातून शेतकऱ्यांना मालाला चांगला भाव मिळावा आणि ग्राहकाला ताजा भाजीपाला फळे उपलब्ध होतील .
अशा या नाविन्यपूर्ण उपक्रमाला ग्राहकांनी प्रतिसाद देऊन शेतकऱ्यांसमोर उभा टाकलेल्या या आर्थिक संकटाला तोंड देण्यासाठी सहकार्य व्हावे हीच माफक अपेक्षा .
       
—————
आज अखेर माझा बळीराजा दुष्काळ, अतिवृष्टी, गारपीट अशा अनेक संकटांना तोंड देत आलेला आहे. त्यातच सध्या जगामध्ये कोवड १९ हा विषाणू थैमान घातलेला आहे. या विषाणूला वेळीच आळा घालण्यासाठी प्रशासनाने लॉक डॉउन व संचारबंदीसारखी उपाययोजना करीत आहे. यामुळे शेतकऱ्यांकडील फळे व भाजीपाला यासारखे नाशवंत उत्पादनांचे मोठ्या प्रमाणात नुकसान होत आहे. या उद्भवलेल्या परिस्थितीत शेतकऱ्यांचे नुकसान होऊ नये म्हणून कृषी विभागाच्या क्षेत्रीय अधिकारी व कर्मचार्यांमार्फत शेतकऱ्यांकडे उपलब्ध असलेल्या फळे व भाजीपाला याबाबत माहिती संकलित केली असून  सदरील माहिती व्हॉट्सअॅप व इतर सोशल मीडियाच्या माध्यमातून ग्राहकांपर्यंत पोहोचवण्याचा मानस आहे. तसेच अनेक सामाजिक संस्था आज गरजवंतांना मदत करीत आहेत, या सामाजिक संस्थांनी जर शेतकऱ्यांकडून थेट माल खरेदी केल्यास शेतकर्यांचा होणारा नुकसान टाळुन शेतकरी सुखावला जाईल. 


— सुनील जाधव 
(तालुका कृषी अधिकारी, उमरगा )

उस्मानाबाद – तुळजापूर तालुक्यातील आरळी ग्रामपंचायतीने अभिनव उपक्रम राबवत कोरोना आजाराची जनजागृती केली आहे. तत्पूर्वी ग्रामपंचायतीने कोरोना सहाय्यता समितीची स्थापना केली. त्याअंतर्गत ही स्पर्धा घेण्यात आली. स्पर्धेसाठी चौथी ते आठवीचा ‘अ’ आणि ९ वी ते बारावी  ‘ब’ गट असे दोन गट करण्यात आले. कोरोना विषाणूचा प्रसार रोखण्यासाठी माझी भूमिका हा स्पर्धेचा विषय ठेवण्यात आला. ही स्पर्धा पूर्णपणे ऑनलाईन घेण्यात आली. घरी बसून विद्यार्थ्यानी निंबंध लिहून व्हॉट्स अप च्या माध्यमातून आ आयोजकांकडे पाठवण्यात आले.  या माध्यमातून विद्यार्थ्याना घरी तर बसावेच लागले मात्र स्वतः ची निबंध लिखाणाच्या कलेला वाव मिळाला सोबतच कोरोना या भयंकर विषाणू बद्दल जनजागृती देखील झाली. आणि प्राविण्य मिळवणाऱ्या विद्यार्थ्यांना बक्षीस देखील मिळाले. असे अनेक हेतू या उपक्रमातून आयोजकांनी साधले आहेत. ११ एप्रिल रोजी या स्पर्धेचा निकाल जाहीर करण्यात आला. यामध्ये  प्रणव पौळ , करण गाडे,  सानिया पठाण,जोया सय्यद, किरण गाडे, प्रतिभा नीचळ या विद्यार्थ्यांनी यश संपादन केले. ही ऑनलाईन  स्पर्धा यशस्वी करण्यासाठी जिल्हा परिषद शाळा आरळी आणि जिल्हा परिषद शाळा कदमवाडी येथील शिक्षकांनी आपले योगदान दिले.

माडग्याळ:-सनमडी ता. जत येथे एका अल्पवयीन मुलीवर बलात्कार  प्रकरणी एका शिक्षकावर उमदी पोलीस ठाण्यात गुन्हा नोंद करण्यात आला आहे.अल्पवयीन मुलीने नराधम शिक्षकाने जीवे मारण्याची धमकी देत बलात्कार केल्याचे फिर्यादीत म्हंटले आहे. याप्रकरणी संशयित शिक्षक सतिश अंकुश कांबळे( वय 38) रा.सनमडी यांच्याविरोधात उमदी पोलीस ठाण्यात  पोक्सो कायद्यानुसार  बलात्काराचा गुन्हा दाखल करण्यात आला आहे.संबधीत शिक्षक जत जवळ एका  प्राथमिक मराठी शाळेत शिक्षक असल्याचे समजते.तसेच तो शिक्षक सनमडी गावाचा माजी उपसरपंच होता व सध्या त्याची पत्नी गावाची ग्रामपंचायत सदस्य आहे.
     पोलीसांनी दिलेली व घटनास्थळ वरून अधिक माहिती अशी , पीडित मुलगी ही अल्पवयीन असून दिनांक 09 एप्रिल रोजी दुपारी अल्पवयीन मुलीवर घरी कोणी नसल्याचे संधी साधून शिक्षकांने बलात्कार केल्याची घटना घडली. या घटनेतील पिडीत मुलीच्या घरी कोणी नसल्याची संधी साधून शिक्षक सतिश कांबळे यांनी मुलीच्या घरी जाऊन तिला आपल्या घरी येण्यास सांगितले त्यावेळी मुलीने नकार दिला त्यावेळी मुलीला धमकावून घरी घेऊन गेल्याचे मुलीने फिर्यादीत म्हटले आहे. त्यानंतर घरात कोणी नसल्याने मुलीने येथे का बोलावले असे विचारले असता त्यांनी तिला जबरदस्तीने झोंबाझोंबी करून बलात्कार केला. .
      यानंतर ही संबंधित शिक्षकाने  11 एप्रिल रोजी गच्चीवर पापड काढण्यासाठी गेलेल्या मुलीला धमकी देत परत बोलावले असता मुलीचे भाऊ आल्याने तेथून पळ काढल्याचे फिर्यादीत म्हंटले आहे. मुलीचे आई वडील मोलमजुरी करून आपले कुटुंब चालवत आहेत.     
       नराधम शिक्षकाने घरी कोणी नसल्याचे संधी साधून अल्पवयीन मुलीला धमकी देत बलात्कार केला आहे. याप्रकरणी पोलिसांनी शिक्षक  सतिश कांबळे यांच्या विरोधात गुन्हा दाखल केला आहे. अधिक तपास उमदी पोलीस ठाण्याचे सहाय्यक पोलीस निरीक्षक दत्तात्रय कोळेकर करीत आहेत.
   उमदी पोलीस ठाण्यात संबंधित शिक्षकावर   बलात्काराचा गुन्हा नोंद झाल्यानंतर तो शिक्षक फरारी झाला. उमदी पोलिसांनी त्या शिक्षकाचा सनमडी परिसरात  शोध घेतला. पण तो शिक्षक सापडला नाही.
 
            नात्याला व शिक्षकी पेशाला काळिमा


संबधीत मुलगी व त्या नराधम शिक्षकाचे नाते भावकितील होते. पेशाने शिक्षक व गावचा माजी उपसरपंच असल्याने नात्याला व शिक्षकी पेशाला काळिमा फासण्याचे काम त्यांनी केले.

             मिटवण्याचा प्रयत्न फसला
दि.11 शुक्रवारी दुपारी घटना घडल्यानंतर अनेकांनी मिटवण्याचा प्रेयत्न केला परंतु तो प्रेयत्न फसला अखे र संध्याकाळी गुन्ह्याची नोंद उमदी पोलीस ठाण्यात दाखल केली.

बार्शी – तुळजापूर रस्त्यावर बावी (आ) येथील प्रवेशद्वाराजवळ एका कमानीचे काम सुरु असताना कमान कोसळून तीन जणांचा मृत्यू झाल्याची दुर्दैवी घटना आज दुपारी घडली. या घटनेने तालुक्यात खळबळ उडाली आहे.

महेश भारत डोळज (२७ वर्षे) रा वैराग, विकास सुग्रीव वाळके ( ३२) रा. मानेगाव, दिपक संग्राम घोलप (३२) वर्षे रा दडशिंगे अशी मृत व्यक्तीची नावे आहेत. याबाबत माहिती मिळताच बार्शी तालुका पोलिसांनी घटनास्थळी  भेट देवून पंचनामा केला. त्यानंतर, मृतदेह शवविच्छेदनासाठी बार्शी ग्रामीण रुग्णालयात पाठविले आहेत.

दरम्यान, लॉकडाऊन काळात खाजगी कमानीचे काम कसे सुरु होते, तसेच झालेल्या घटनेला जबाबदार कोन व बार्शी तालुका पोलिस यावर काय कारवाई करणार याकडे संपूर्ण बार्शी तालुक्याचे लक्ष लागले आहे.
पुढील तपास बार्शी तालुका पोलिस करत आहेत.