दैनिक जनमत

परंडा प्रतिनिधी-
 परंडा तालुक्यात वादळी वाऱ्यासह अवकाळी पावसाचा कहर सुरू असून शुक्रवारी( दि 15 ) दुपारी 3 च्या सुमारास झालेल्या वादळी पावसाने शेतकऱ्यांचे मोठे नुकसान झाले असून काढणीस आलेली पिके ,फळबागा आदींचे मोठे नुकसान झाले आहे
 कोरोना पार्श्वभूमीवर राज्यातील
लॉकडाऊन,जिल्हाबंदी,बंद असलेले लिलाव ,कोणत्याच शेतमाला नसलेले बाजारभाव यातच काय भर कमी होती ते मेघगर्जनेसह होत असलेला वादळी पाऊस याच वादळी पावसात वाऱ्यामुळे कपिलापुरी ,आवार पिंपरी सह परिसरात मोठ्या प्रमाणात नुकसान झले आहे  कपिलापुरी येथील महादेव  पाटील यांची उत्पादन देणारी लिंबोनी बाग भुईसपाट झाली आहे.२ एकर क्षेत्रावर असलेल्या लिंबोनी बागेतील उत्पादन देणारी तब्बल २५ झाडे जमीन दोस्त झाली आहेत.६ वर्षांपासून आलेली ही बाग सुसाट सुटणाऱ्या वादळी वाऱ्या पुढे तग धरू शकली नाही परिणामी मोठे आर्थिक नुकसान झाले आहे. प्रशासनाकडून  नुकसानीचे तातडीने पंचनामे करून नुकसान भरपाई मिळावी अशी मागणी शेतकरी वर्गातून होत आहे 

उस्मानाबाद – कळंब तालुक्यातील तिघांचे अहवाल आज पॉझिटिव्ह आले असल्याचे प्रशासनाच्या वतीने कळवण्यात आले आहे.
विलासराव देशमुख शासकीय वैद्यकीय विज्ञान संस्थेत आज एकुण 58 व्यक्तींचे स्वॅब तपासणीसाठी आले होते. त्यापैकी विलासराव देशमुख शासकीय वैद्यकीय विज्ञान संस्थेतील 22  व्यक्तींच्या  स्वॅबची तपासणी करण्यात आली त्यापैकी 21 व्यक्तींचे अहवाल निगेटिव्ह आले असून 1 व्यक्तीचा अहवाल (Inconclusive) आला असल्यामुळे त्याची उद्या पुनर्तपासणी करण्यात येणार आहे.  उपजिल्हा रुग्णालय उदगीर येथील 3  व्यक्तींच्या  स्वॅबची तपासणी करण्यात आली त्यापैकी सर्वच व्यक्तींचे अहवाल निगेटिव्ह आले आहेत. बीड  येथील 15 व्यक्तींच्या  स्वॅबची तपासणी करण्यात आली त्यापैकी 14 व्यक्तींचे अहवाल निगेटिव्ह आले असून एका व्यक्तीचा अहवाल(Inconclusive) आला असल्यामुळे त्याची उद्या पुनर्तपासणी करण्यात येणार आहे.  उस्मानाबाद येथील 18 व्यक्तीच्या स्वॅबची तपासणी करण्यात आली त्यापैकी 13 व्यक्तींचे अहवाल निगेटिव्ह आले असून कळंब येथील 3 व्यक्तीचा अहवाल पॉझिटिव्ह आला असून 2 व्यक्तीचे अहवाल (Inconclusive) आले असल्यामुळे त्याची उद्या पुनर्तपासणी करण्यात येणार आहे.  असे एकुण 58 व्यक्तींचे स्वॅब तपासणीसाठी आले होते त्यापैकी सर्वच 51  व्यक्तींचे अहवाल  निगेटीव्ह आले असून 3 व्यक्तींचे अहवाल पॉझिटिव्ह आले असून 4 व्यक्तींचे अहवाल (Inconclusive) आले आहेत  अशी माहिती विषाणु संशोधन व निदान प्रयोगशाळेचे प्रमुख तथा सहयोगी प्राध्यापक सुक्ष्मजीवशास्त्र विभाग डॉ. विजय चिंचोलकर व विलासराव देशमुख शासकीय वैदकीय विज्ञान संस्थेचे अधिष्ठाता डॉ. गिरीष ठाकूर यांनी दिली.

उस्मानाबाद – उस्मानाबाद जिल्ह्यातील एका महिलेचा सोलापूर येथे कोरोनाने मृत्यू झाला आहे.
मयत झालोली महिला 65 वर्षाची असून तीचे मुळगांव सुलतानपूर , जि . उस्मानाबाद येथोल असून नई जिंदगी येथे नातेवाईकांकड़े 18 मार्च रोजी आली होती . लॉकडाऊनमुळे ती येथेच नातेवाईकांकडे राहत होती . दि . 12मे  रोजी दुपारी 12.15 वा . सिव्हील हॉस्पिटलमध्ये गंभीर अवस्थेत दाखल करण्यात आले होते . उपचारा दरम्यान दि . १२ मे  रोजी सायं 05.15 वा निधन झाले . त्या महिलेचे कोव्हीड -19 अहवाल प्राप्त झाला असून तो पाॅझिटिव्ह असल्याची माहिती सोलापूर प्रशासनाच्या वतीने देण्यात आली आहे.
सोलापूर जिल्ह्याचा कोरोना बाधीतांचा आकडा २२ ने वाढू ३३० वर पोहोचला आहे.

उस्मानाबाद, दि.१४ः  लॉकडाउनमुळे शिक्षणक्षेत्रासह बहुंताशी क्षेत्रातील कामे थांबली आहेत. परंतु याही परिस्थितीत उपलब्ध पर्यायामध्ये तंत्रज्ञांनाच्या सहाय्याने व्यवस्थापनशास्त्र विभागाने उत्तर शोधले आहे

   डॉ. बाबासाहेब आंबेडकर मराठवाडा विद्यापीठ
उप-परिसर उस्मानाबाद येथील व्यवस्थापन शास्त्र विभागाने विभागाच्या विद्यार्थ्यासाठी “डिजिटल अकॅडमिक प्लॅटफॉर्म” ची सुविधा तयार केली आहे. हा प्लॅटफॉर्म वेबसाइट व मोबाईल अप्लीकेशनद्वारे उपलब्ध करून देण्यात आला आहे. या सेवा विद्यार्थ्यांना ऑनलाईन उपलब्ध असून सदर सुविधा ज्या विद्यार्थ्यांना आहेत त्यांना विभागामार्फत आय डी व पासवर्ड मिळतील. या प्लॅटफॉर्म वरती विविध कोर्स नुसार प्रत्येक सेमेस्टरचे एक टॅब तयार केले आहे. ज्या सेमिस्टर मध्ये विद्यार्थी आहे त्याने त्या टॅब मध्ये प्रवेश केल्यास त्याला विषय निवडायचा आहे त्या विषयाच्या टॅब वरती त्याला संबधित विषयाचे विविध प्रकारातील ऑडिओ,व्हिडिओ, पी. डी. एफ., पी. पी. टी.,विषयाची पुस्तके, नोटस, बातम्या, ब्लॉग लिंक, संशोधन लिखाण, प्रश्नावलि, मॅनेजमेंट गेम्स, बिजीनेस प्लॅन, केस स्टडी आदी अभ्यास करण्यासाठी शैक्षणिक साहित्य उपलब्ध केले जाणार आहे. सदरील साहित्य हे त्या विषयाच्या शिक्षका मार्फत त्या प्लॅटफॉर्म वरती पुरवलेले असेल. त्यामुळे घरी राहून देखील सर्व टिचिंग व लर्निंग चालू रहण्यास मदत होणार आहे, तसेच वेळोवेळी विभागामार्फत दिली जाणारी नोटिस,आसाईन्मेंट, प्रोजेक्ट, कार्यक्रम, माहिती देखील विद्यार्थ्यांना सदर प्लॅटफॉर्म वरती उपलब्ध असणार आहे. त्याच बरोबर विभागाच्या माजी विद्यार्थ्यांचे माहिती संकलन तिथे उपलब्ध होणार आहे. जेणेकरून विद्यार्थी त्यांच्या सोबत देखील संवाद ठेऊन प्रोजेक्ट, फील्ड सर्वे, नौकरी व मार्गदर्शन बाबत माजी विद्यार्थ्याद्वारे मदत घेऊ शकेल. ‘प्लेसमेंट ‘ या टॅब मध्ये उपलब्ध झालेल्या प्लेसमेंट बाबत बातम्या, जाहिरात, संपर्क देखिल विद्यार्थ्यांना त्यावरती उपलब्ध होणार आहेत. विभागातील होणारे कार्यक्रम बाबत विद्यार्थ्यांना माहिती मिळणार आहे. विभागाचा आद्याप पर्यंतचा प्रवास, माहिती, विभागाच्या उपलब्धता, शिक्षक, सेवा व सुविधा, कार्यक्रम फोटो बाबत माहिती या उपक्रमा मार्फत विद्यार्थ्यांना उपलब्ध होणार आहे. विद्यार्थ्यांना शैक्षणिक साहित्य बाबत व विषया बाबत काही आडचण असल्यास तो या प्लॅटफॉर्म वरुण समंधित शिक्षकास ईमेल पाठऊ शकतो सदरील ईमेल चे उत्तर विद्यार्थ्याला ईमेल वरती मिळू शकले. जिथे आवश्यकता असेल तिथे संपर्कासाठी गुगल फॉर्म व गुगल मिट यांचाही वापर केला जाणार आहे.
या प्रकल्पासाठी मोलाचे मार्गदर्शन कुलगुरू. डॉ. प्रमोद येवले यांचे लाभले आहे. तसेच प्र कुलगुरू  डॉ. प्रवीण वक्ते, कुलसचिव  डॉ.  जयश्री सूर्यवंशी, वाणिज्य व व्यवस्थापनशास्त्र विद्याशाखेचे आधीष्ठाता प् डॉ. वाल्मीक सरवदे,  व्यवस्थापन शास्त्र विभागाचे संचालक डॉ. अभिजीत शेळके, उप-परिसराचे संचालक डॉ. प्रशांत दीक्षित यांचे मार्गदर्शन मिळाले. या प्रकल्पाचे नियोजन विभागाचे संचालक डॉ. सुयोग अमृतराव यांनी केले या प्रकल्पातील शैक्षणिक जबाबदारी डॉ. विक्रम शिंदे,विभागाच्या माहितीची  प्रा. सचिन बस्सैये व प्लेसमेंट व माजी विद्यार्थी बाबत जबाबदारी प्रा. वरुण कळसे यांनी पूर्ण केली. प्रकल्प पूर्ण करण्यासाठी प्रा. शीतलनाथ एखंडे व विभागाचा विद्यार्थी सूरज शिंदे यांनी महत्वाचे तांत्रिक सहकार्य केले आहे. विभागातील विद्यार्थ्यांची नोंदणी व माहिती आपलोड चालू केली जाणार आहे.

उस्मानाबाद
लॉकडाऊनच्या कालावधीत छोट्या व्यवसायिकांना झालेल्या नुकसानीपोटी आर्थिक मदत करा अशी मागणी भाजपा माजी जिल्हाध्यक्ष दत्ता कुलकर्णी यांनी जिल्हाधिकऱ्यांमार्फत मुख्यमंत्री यांच्याकडे केली आहे.
लॉकडाऊनच्या मागील ५१ दिवसांपासून उस्मानाबाद जिल्ह्यातील छोटे व्ययसायिक, पारंपारिक व्यवसाय करणारे, चहा स्टॉल, टपरीधारक, वाहतूक व्यवसाय करणारे खाजगी वाहन चालक, रिक्षाचालक, सलूनधारक, चौपाटीवरील भेळ विक्रेते, फेरीवाले, तांत्रिक दुरुस्त्या करणारे टेक्निशियन तसेच दैनंदिन उत्पन्नावरच ज्यांचे जीवनमान अवलंबून आहे, असे अनेक घटक या कालावधीत प्रचंड अडचणीत सापडले आहेत़
मुळातच उस्मानाबाद जिल्हा हा दुष्काळप्रवण क्षेत्रात मोडतो, मोठे उद्योग नसल्याने रोजगारांची वानवा आहे़, परिणामी, अनेकजण छोटे-मोठे व्यवसाय, कामे करुन आपला उदरनिर्वाह भागवितात़ अत्यंत तोकड्या भांडवलावर उपरोल्लेखित घटक हे व्यवसाय करीत असल्याने त्यांना मिळणारे उत्पन्नही तुटपुंजे असून, त्यातूनच ते आपल्या गरजा भागवीत असतात़ अशातच लॉकडाऊनमुळे व्यवसायही थंडावल्याने हे घटक आर्थिक अडचणीत सापडले आहेत़ गरजा भागविण्यासाठी व्यवसायातील भांडवलच खर्ची गेल्याने ते आर्थिक अडचणीत आले आहेत़ आता लॉकडाऊन शिथिल झाल्यानंतर किंबहुणा ते उठविल्यानंतर या घटकांना आपला व्यवसाय पूर्ववत सुरु करण्यासाठी भांडवलाची गरज भासणार आहे़ तेव्हा उस्मानाबाद जिल्ह्यातील या मर्यादित गरजांमध्ये जगनाऱ्या सर्वसामान्य घटकांना, बचत गटाच्या माध्यमातून कामे करणाऱ्या महिलांना सरकारच्या माध्यमातून आपण भांडवल उपलब्ध करुन द्यावे, त्यासाठी तातडीने स्वतंत्र आर्थिक पॅकेज जाहीर करावे,  असे निवेदनात म्हटले आहे.

परंडा :-ग्रीन झोन असलेल्या उस्मानाबाद जिल्यात  सोमवार दि 11 रोजी एक कोरोना पॉझिटिव्ह रुग्ण होता त्या रुग्णाच्या संपर्कात तालुक्यातील 22 जण आले होते त्यातील 6 जणांचे अहवाल नकारात्मक आल्याने तालुकवासीयांना मोठा दिलासा मिळाला आहे तर त्यातील आणखी 8 जणांचे अहवाल आज प्राप्त झाले असून  ते सर्व अहवाल नकारात्मक आले आहेत अशी माहिती  तालुका आरोग्य अधिकारी डॉ सय्यद यांनी   दैनिक जनमत शी बोलताना दिली
डॉ सय्यद म्हणाले की  रुग्णाच्या संपर्कातील 22 जनांपैकी 6 जणांचे अहवाल काल दि 12 रोजी प्राप्त झाले ते सर्व अहवाल नकारात्मक आले होते तर आज 8जणांचे अहवाल प्राप्त झाले आहेत तेही नकारात्मक आल्याने मोठा दिलासा मिळाला आहे
 पॉझिटिव्ह रुग्णाच्या संपर्कात आल्यानुसार 5 – 5 दिवसानंतर स्वाब पाठवावे लागतात त्यानुसार उर्वरित जणांचे ठराविक वेळेत पाठवले जाणार आहेत अशी  माहिती डॉ सय्यद यांनी दिली
   जिल्ह्यात पझिटिव्ह  रुग्ण  सापडल्याने  गालबोट लागल्याने लाल परी ,विविध आस्थापना बंद कराव्या लागल्या असल्या तरी अहवाल निगेटिव्ह आल्याने मोठा दिलासा मिळाला आहे.