दैनिक जनमत

पंढरपूर(प्रतिनिधी):-   पंढरपूर तालुक्यातील सरकोली गावांत आपल्या पत्नीची बदनामी केल्याचा राग मनात धरून गावातीलच आरोपी विनोद लक्ष्‍मण भोसले यांने संतोष सुरेश कापणे हा झोपलेला असताना त्याच्या डोक्यामध्ये दगड घालून त्याचा खून केला खूनाच्या या प्रकाराने सरकोली परिसरात एकच  खळबळ उडाली.
22 मे च्यारात्री पावणेअकराच्या सुमारास सदर घटना घडली असून घटनेची माहिती मिळताच उपविभागीय पोलिस अधिकारी डॉ. सागर कवडे तालुका पोलीस निरीक्षक किरण अवचर यांनी घटनास्थळी भेट देऊन पाहणी केली व  तपासाची चक्रे फिरवली
 या घटनेची पोलिसांकडून समजलेली अधिक माहिती अशी आरोपी विनोद लक्ष्मण भोसले राहणार सरकोली याने एक वर्षापूर्वी संतोष सुरेश कापणे (वय 32) राहणार सरकोली याचे विरोधात आपल्या पत्नीची बदनामी केली म्हणून मनात राग धरून होता एक वर्षापासून तो मयत संतोष यास बदनामीचा  जाब विचारत असे परंतु संतोष त्याला कोणताही प्रतिसाद देत नसल्याने त्याच्या मनात बदला घेण्याची वृत्ती निर्माण झाली व त्याने घरासमोर झोपलेल्या संतोष सुरेश कापणे याच्या डोक्यात मोठा दगड घालून खून  केला.
 संतोष याचा दूधाचा  व्यवसाय असून पहाटे त्याला झोपेतून उठवण्यासाठी आई त्याच्याकडे गेली असता हा प्रकार उघडकीस आला.
सदर घटनेची माहिती गावांमध्ये पसरताच घटनास्थळी नागरिकांनी मोठी गर्दी केली होती. यावेळी अनेक तर्कवितर्क लावले जात असले तरी बदनामी व पूर्व वैमनस्यातून ही हत्या झाल्याची माहिती पोलिस तपासात निष्पन्न झाली  असून यातील आरोपी विनोद लक्ष्मण भोसले यांनी गुन्हा केल्याचे कबूल केले असून त्यास तालुका पोलिसांनी अटक केली आहे.

                               मयत

(राहुल कांबळे तासगाव)
                   तासगांव नगरपरिषदेने स्वच्छतेत सातत्य ठेवत शहर स्वच्छतेमध्ये देशात अग्रेसर स्थान मिळवले आहे. काल केंद्रशासनाने कचरा मुक्त शहर म्हणून तासगांव शहरास 3 स्टार नामांकन बहाल केले. हे यश आपल्या सर्वांच्या महत्त्वपूर्ण योगदानामुळे लाभले आहे. शहरासाठी अहोरात्र झटणार्‍या पालिका कर्मचारी, पदाधिकारी, आणि सर्वात महत्त्वाचे सर्व तासगांवकर नागरिक, संस्था, मंडळे, शाळा व पत्रकार आदी. आपल्या सर्वांचे या लोकचळवळीत अनन्यसाधारण महत्त्व आहे. आपल्या योगदानामुळे शहराला देशपातळीवर अभिमानास्पद यश प्राप्त झाले आहे.
                    स्टार रेटींग आणि शहर स्वच्छतेसाठी तासगांव नगरपरिषद चे सर्व पदाधिकारी, मान्यवर, कर्मचारी, सर्व विभाग, सफाई कर्मचारी, पत्रकार, शाळा, कॉलेज, शिक्षक, विद्यार्थी, सर्व संस्था, असोशिएशन, तरुण मंडळे, संघटना, महिला बचत गट, आणि सन्माननीय सर्व तासगांव शहर व उपनगरातील नागरिक, स्वच्छतादूत, स्वच्छ शहर अंमलबजावणी कक्ष आपल्या सर्वांचे हार्दिक अभिनंदन..!
                  या निमित्ताने स्वच्छता हीच सेवा हा जीवनाचा संस्कार ठरवून योगदान दिलेल्या  प्रत्येक तासगांवकर नागरिकाचे अभिनंदन व आभार….!

मा.गणेश शिंदे
(मुख्याधिकारी तासगांव नगरपरिषद, तासगाव)

कोरोनाच्या पार्श्वभूमीवर देशातील एक समृद्ध व आघाडीचे राज्य म्हणून ओळख असलेल्या महाराष्ट्राने भयाण अशा संकटात सापडलेल्या शेतकरी,हातावर पोट असलेले घटकांना एक नया पैशाचे आर्थिक पॅकेज दिले नाही याचा निषेध करण्यासाठी व लॉकडाउन मुळे प्रचंड आर्थिक संकटात सापडलेल्या शेतकरी, बारा बलुतेदार व असंघटीत कामगारांना ५०००० हजार कोटींची पॅकेज देण्यात यावे या मागणीसाठी आज भारतीय जनता पार्टीच्या वतीने आंदोलन करण्यात आले.
महाराष्ट्र देशातील एक प्रगत राज्य असताना सरकार शेतकऱ्यांना,बारा बलुतेदार व असंघटीत कामगारांना दिलासा देण्यासाठी कोणतेच पाऊल उचलत नसल्याने ,झोपेचे सोंग  घेतलेल्या ठाकरे सरकारला जाग आणण्यासाठी आज भारतीय जनता पार्टीच्या वतीने आंदोलन करण्यात आले.आंदोलन करताना सर्वांनी मास्क घालून सोशल डिस्टन्सिंग चे पालन करत आंदोलन केले. यावेळी जिल्हाध्यक्ष नितीन काळे, श्री.सुरेशभाऊ देशमुख, माजी जि.प.अध्यक्ष नेताजी पाटील, माजी नगराध्यक्ष सुनील काकडे, उपनगराध्यक्ष श्री.अभय इंगळे, जिल्हा बँकेचे संचालक सतीश दंडनाईक, श्री.खंडेराव चौरे, गटनेते युवराज नळे, युवा मोर्चा जिल्हाध्यक्ष प्रदीप शिंदे, सोशल मीडिया जिल्हाध्यक्ष श्री.प्रवीण पाठक, नगरसेवक अभिजित काकडे, गजानन नलावडे, संदीप कोकाटे, प्रल्हाद धत्तुरे, नामदेव नायकल, गणेश मोरे आदी उपस्थित होते.
उस्मानाबाद जिल्ह्यातील रेशन कार्ड नसलेले नागरिकांना कसलीच मदत मिळत नसल्याने त्यांच्या उदरनिर्वाहाचा प्रश्न निर्माण झाला आहे.उस्मानाबाद जिल्हा परिषदेने अशा १०००० नागरिकांना जीवनावश्यक वस्तूंचे किट देण्याचा निर्णय घेतला होता.त्याबाबत सरकारकडे परवानगी मागितली असता एक महिना वेळ घालवला व अचानक कोणतंही कारण न देता प्रस्ताव नामंजूर केला.सरकारच्या या निर्णयामुळे  सदर १०००० कुटुंब गेली १ महिना मदतीपासून वंचित राहिली आहेत याचा देखील यावेळी निषेध करण्यात आला.
राज्यकर्ते उठता बसता छत्रपती शिवरायांचं नाव घेऊन राजकारण करतात मात्र प्रत्यक्षात कारभार करताना महाराजांच्या तत्वांना तिलांजली देतात.गोरगरिबांना मदत करायची सोडून पैसा नसल्याचा खोटा आव आणतात. अशा सरकारला शिवरायांचे नाव घेण्याचा अधिकार आहे का ?? असा सवाल यावेळी जेष्ठ नेते सुरेशराव देशमुख यांनी उपस्थित केला.
सरकारने येत्या कांही दिवसात जर याबाबत ठोस निर्णय घेऊन शेतकरी, बारा बलुतेदार व असंघटीत कामगार वर्गाला आर्थिक मदत केली नाही तर अधिक तीव्र आंदोलन करण्यात येईल असा इशारा जिल्हाध्यक्ष नितीन काळे यांनी दिला.

“महाराष्ट्र देशातील आघाडीचे व आर्थिक दृष्ट्या समृद्ध राज्य आहे.एकट्या मुंबई महापालिकेकडे ८० हजार कोटी रुपये पडून आहेत.दिल्ली सरकार रिक्षा व टॅक्सी चालक,कामगारांना ५००० रुपये देते,कर्नाटक सरकार धोबी,नाभिक बांधवाना ५००० रु देते तर फुल शेती करणाऱ्या शेतकऱ्यांना २५००० रु देते,आंध्रप्रदेश सरकार शेतकऱ्यांना १७५०० रु मदत करते मात्र महाराष्ट्र सरकार एक नया पैसा मदत करत नाही हे अत्यंत दुर्दैवी असून हे खपवून घेतले जाणार नाही.सरकारने राज्यातील शेतकरी,बारा बलुतेदार व असंघटीत कामगारांना थेट आर्थिक मदत करण्यासाठी मुंबई महापालिकेकडे पडून असलेल्या  ८० हजार कोटींपैकी ५० हजार कोटी रुपयांचे पॅकेज जाहीर करावे.”
– राणाजगजीतसिंह पाटील

उस्मानाबाद – उस्मानाबाद जिल्ह्यात कोरोना चा संसर्ग वाढत चालला आहे.  गुरुवारी मध्यरात्री सहा जणांचे अहवाल होकारात्मक आले आहेत. त्यात परंडा १, वाशी१, लोहारा तालुक्यातील जेवळी ४ असे नविन रुग्ण आढळून आले आहेत. गुरुवारी सकाळी शिराढोण  येथील एक महिला आढळून आली होती मात्र ती महिला लातूर येथे उपचार घेत आहे. तर उमरगा येथे दुपारी एका महिलेचा अहवाल पाॅझिटीव्ह आला होता. उस्मानाबाद जिल्ह्यातील प्रत्येक तालुक्यात कोरोनाचा रुग्ण असल्याने धोका वाढत चालला आहे. 

उमरगा – शहरात एक रुग्ण पाॅझिटीव्ह आढळून आला आहे. तो रुग्ण पुणे येथून आला असून त्याच्यावर सध्या उमरगा येथील उपजिल्हा रुग्णालयात उपचार सुरू आहेत. अशी माहिती जिल्हा शल्यचिकित्सक डॉ. राजाभाऊ गलांडे यांनी दिली. हा रुग्ण उमरगा शहरातील एस. टी. कॉलनी परिसरात वास्तव्यास असल्याची माहिती आहे.
 उस्मानाबाद जिल्ह्यातील कोरोनाबधितांचा आकडा दिवसेंदिवस वाढत चालला आहे. जिल्ह्यात पहिला रूग्ण उमरगा तालुक्यात आढळून आला होता त्यानंतर आरोग्य विभागाने योग्य ती खबरदारी घेतली होती. त्याच्यासह इतर दोघांवर उपचार करून त्यांना कोरोना मुक्त केले होते. मात्र गेल्या काही दिवसात जिल्ह्यात मुंबई पुणे या ठिकाणावरून येणाऱ्यांची संख्या वाढली त्यातील काही जण कोरोनाबधीत आढळून आल्याने जिल्ह्यात कोरोनाचा विळखा वाढत चालला आहे.

तासगाव प्रतिनिधी
सांगली  जिल्हांतर्गत एसटीची वाहतूक शुक्रवार (ता.२२) पासून सुरु होत आहे. त्याचे तपशीलवार नियोजन करण्याचे काम एसटी विभागाने सुरु केले आहे. एका आसनावर एक प्रवाशी या पद्धतीने प्रवास केला जाईल. जिल्हाधिकारी डॉ. अभिजित चौधरी यांनी त्याची माहिती जाहीर केली.

एसटी थांबली की सारं जग थांबल्यासारखं वाटलं. लाल परी रस्त्यावर धावायला लागली की आपलं जग धावायला लागतं. ही लाल परी गेल्या ६० दिवसांपासून बंद आहे. तीची चाकं थांबली आहेत… मात्र आता “हात दाखवेन, पण एसटीनंच जाईन’, असं म्हणणाऱ्यांसाठी एक चांगली बातमी आली आहे. एसटीचा स्टार्टर आता लागणार आहे. चाकं पुन्हा धावू लागणार आहे. सिंगल बेल, डबल बेलचा आवाज घुमणार आहे. जिल्हाधिकारी डॉ. अभिजित चौधरी यांनी तसे आज पत्रकार परिषदेत जाहीर केले आहे.

कोरोनाच्या पार्श्‍वभूमीवर एसटी वाहतूक शंभर टक्के बंद करण्यात आली होती. महाराष्ट्रांर्गत आणि परराज्यातही वाहतूक पूर्णपणे ठप्प झाली होती. गावांना जोडणारी, महानगरांकडे धावणारी आणि सर्वसामान्यांच्या खिशाला परवडणारी एसटी आता पुन्हा धावणार आहे. अर्थात, खूप कडक नियमांसह ती धावेल. त्यात एसटीमध्ये प्रवेश करताना हातावर सॅनिटायझर घ्यावे लागणार आहे. एरवी एसटीची प्रवासी क्षमता ही ५२ ते ५५ इतकी असायची. ती आता निम्म्यावर येईल. एकाच आसनावर एकालाच बसता येईल. त्यामुळे मला “विंडो सीट मिळेल का?’ अशी चिंता करण्याचे कारणच नाही.

अर्थात, या नियमामुळे एसटीचे भारमान एरवीच्या सरासरी भारमानापेक्षा खूपच खाली येणार हे निश्‍चित आहे. त्यामुळे दरवाढ होण्याची शक्‍यता नाकारता येत नाही. अर्थात, हा संपूर्ण निर्णय महाराष्ट्र राज्य एसटी महामंडळाच्या अधिकारात आहेत. त्याबाबत कोणते आदेश येतात, याकडे लक्ष असेल.

असे असतील नियम

* केवळ जिल्ह्यांतर्गत वाहतूक सुरु होणार
* एसटीत येताना हातावर सॅनिटायझर
* एका आसनावर एकच प्रवासी बसणार
* एसटीत बसताना मास्कची सक्ती असणार
* स्थानकावर लोकांना अंतर ठेवून बसवले जाणार
* प्रवाशांच्या संख्येनुसार एसटीचे वेळापत्रक ठरणार