दैनिक जनमत

• मृत व्यक्ती विक्रम पवार चिंचणी ता. तासगाव येथील*

राहुल कांबळे तासगाव/श्रीकांत कुकडे मिरज
दि.२४/५/२०२० रोजी सकाळी ८ वाजता च्या सुमारास नामदेव पाटील रा पाटगाव, ता मिरज येथील शेती लगत असलेल्या म्हसोबा ओढ्याच्या पात्रात झुडपांमध्ये पुरुष इसम अंदाजे वय ३५ संशयास्पद रित्या मृत अवस्थेत मिळून आला होता यावरून मिरज ग्रामीण पोलीस ठाणे मध्ये अज्ञात व्यक्तीविरुद्ध खुनाचा गुन्हा दाखल झाला होता या गंभीर गुन्ह्यांचे अनुषंगाने पोलिस अधीक्षक श्री सोहेल शर्मा अप्पर अप्पर पोलीस अधीक्षक मनीषा यांनी कोणाचे घटनेचे गांभीर्य ओळखून तात्काळ मयत व्यक्तीची ओळख पटवून गुन्ह्यातील आरोपींना निष्पन्न करून गुन्हा उघडकीस आणण्याच्या सूचना स्थानिक गुन्हे अन्वेषण शाखेचे वरिष्ठ पोलीस निरीक्षक श्रीकांत पिंगळे यांना दिल्या होत्या त्याप्रमाणे या शाखेकडे उपनिरीक्षक प्रदीप चौधरी,उपनिरीक्षक अभिजीत सावंत व इतर कर्मचारी यांनी दोन पथके तयार करून त्यांना मार्गदर्शन व सूचना करून रवाना केल्या होत्या.घटनेच्या परिसरा भेट देऊन घटनास्थळाचे परिसराच्या तील गावे जिल्ह्यातील सीमाभागातील पोलीस ठाण्याचे अभिलेखा वरील मिसिंग पडताळून मयताचे फोटो दाखवून ओळख पटवण्याचा प्रयत्न केला परंतु ठोस माहिती मिळाली नाही.मयता बाबत पोलीस नाईक सागर लवटे यांना त्यांच्या खास बातमी दाराकडून बातमी मिळाली की सदर चा खून हा अनैतिक संबंधातून झालेला असून मयत व्यक्तीचे नाव विक्रम मोहन पवार राहणार चिंचणी ता. तासगाव असे समजले सौ. सारिका सुरेश माने मयत व्यक्ती बरोबर अनैतिक संबंध होते सौ सारिका माने रा.पाटगाव हिने व युवराज पाटील पाटगाव या दोन्ही आरोपीने काठीने जबर मारहाण करून खून केला असल्याची माहिती समोर आली आहे. सदरच्या दोन्ही आरोपींना पोलिसांनी ताब्यात घेतले आहे. पुढील तपास मिरज ग्रामीण ठाणे कडे रिपोर्टरने देण्यात आला आहे सदरच्या गुन्हा उघडकीस आणण्याकरता वरिष्ठ पोलीस निरीक्षक श्रीकांत पिंगळे यांच्या मार्गदर्शनाखाली उपनिरीक्षक अभिजीत सावंत,उपनिरीक्षक प्रदीप चौधरी,पोलीस नाईक सागर लवटे,बिरोबा नरळे,निलेश कदम, जगन्नाथ पवार, संजय कांबळे, दरिबा बंडगर, संदीप गुरव,संदीप नलवडे,अनिल कोळेकर, संतोष गळवे,सुधिर गोरे, हेमंत ओमासे, शशिकांत जाधव, सुनील लोखंडे, चेतन महाजन गौतम कांबळे, सुप्रिया साळुंखे,सीमा तोडकर, विमल नंदगावे, ज्योती चव्हाण चालक शंकर पाटील यांनी सहभाग घेतला होता या खुन्याचा तपास लवकरात लवकर उघडकीस आणल्याबद्दल पोलीस अधीक्षक सुहेल शर्मा व अप्पर पोलीस अधीक्षक मनीषा दुबुले मॅडम यांनी या सर्व टीमचे अभिनंदन व कौतुक केले आहे

• आमदार श्रीमती सुमनताई पाटील व जिल्हाध्यक्ष अविनाश काका पाटील यांची प्रमुख उपस्थिती

• दुर्घटना झालेला कुटुंबास शासनाच्यावतीने मदतीचा धनादेश सुपूर्द

तासगाव प्रतिनिधी दि.
रविवार दिनांक २५ रोजी तासगाव तालुक्यातील वासुंबे, मतकुणकी येथे सांगली जिल्ह्याचे पालकमंत्री कथा जलसंपदा मंत्री ना.जयंतराव पाटील साहेब व आ.सुमनताई पाटील यांनी प्रचंड गारपिटीने झालेल्या शेतकऱ्यांच्या बांधावर जाऊन पाहणी केली. शेतकऱ्यांचे मोठ्या प्रमाणात नुकसान झाले असून या दोन्ही गावासह तासगाव तालुक्यातील शेतकरी हवालदिल झाले आहेत.महाविकास आघाडी सरकार कायम बळीराज्याच्या पाठीशी ठामपणे उभी आहे,अशी प्रतिक्रिया शेतकऱ्याच्या बांधावर पोहचल्यानंतर सदरच्या शेतकऱ्यांची व्यथा ऐकल्या नंतर ना.जयंत पाटील  यांनी व्यक्त केली आहे.
तसेच,वासुंबे मतकूणकीत वादळी वाऱ्याने संजय शिरतोडेंच्या घराचे संपूर्ण पत्रे उडून गेले होते. या दुर्घटनेत त्यांच्या ५ महिन्याच्या बाळाचा दुर्दैवाने मृत्यू झाला. सदरच्या दुःखद कुटुंबीयांची भेट घेतली व सांत्वन करून महाराष्ट्र शासनाच्या वतीने मदतीचा धनादेश तासगाव कवठेमंकाळ च्या लोकप्रिय आमदार श्रीमती सुमनताई पाटील यांच्या हस्ते सुपुर्द करण्यात आला. यावेळी राष्ट्रवादी काँग्रेस पक्षाचे ग्रामीण जिल्हाध्यक्ष अविनाश काका पाटील,राष्ट्रवादीचे जिल्हा सरचिटणीस बाळासाहेब पाटील, तासगाव च्या तहसीलदार श्रीमती कल्पना ढवळे, गटविकास अधिकारी श्रीमती दीपा बापट,राष्ट्रवादी काँग्रेस पक्षाचे शहराध्यक्ष अमोल शिंदे, माजी पंचायत समिती सभापती एडके, माजी पंचायत समिती सदस्य बाळासाहेब एडके, राष्ट्रवादीचे नेते ना. जयंतराव पाटील यांच्या कट्टर समर्थक युवा नेते खंडू पवार,तासगावचे मंडल अधिकारी प्रवीण माळवे, तालुका कृषी अधिकारी,तलाठी पतंगअण्णा माने, मतकुणकी च्या तलाठी कल्पना लोणकर, वासुंबे गावातील ग्रामपंचायतचे सदस्य माजी सरपंच, प्रतिष्ठित नागरिक व ज्या शेतकऱ्यांचे अवकाळी पावसामुळे व वादळामुळे द्राक्ष शेतीचे प्रचंड नुकसान झाले असे सर्व शेतकरी बांधव उपस्थित होते. यावेळी काही शेतकऱ्यांनी अक्षरशः आपली व्यथा मांडत असताना स्वतःला हुंदका आवरता आला नाही अक्षरशा सदरचे शेतकऱ्यांच्या डोळ्यातून अश्रू वाहत होते. यावेळी अविनाश काका पाटील, आमदार सुमन ताई पाटील यांनी सदरच्या शेतकऱ्यांना समजावण्याचा प्रयत्न केला तर ना जयंतराव पाटील यांनी निश्चितपणे आमचे सरकार नुकसान झालेल्या शेतकरी बांधवांच्या पाठीशी उभे राहील मी स्वतः लक्ष घालून मा. मुख्यमंत्री श्री उद्धवजी ठाकरे साहेब यांना संपूर्ण माहिती देऊन तातडीने काय करतायेत येते का.. हे पाहून घेतो.. त्यामुळे वासुंबे मतकुणकी,व तासगाव तालुक्यातील नुकसान झालेल्या द्राक्ष बागातदार शेतकऱ्यांच्या आशा पल्लवित झाल्या आहेत.

उस्मानाबाद
– उस्मानाबाद जिल्ह्यातील कोरोना बाधितांची संख्या दिवसेंदिवस वाढत आहे. उस्मानाबाद जिल्ह्यातील कोरोना बाधितांचि संख्या ६ ने वाढली आहे. आज उमरगा येथे ३ परंडा येथे १ तर जिल्हा शासकीय रुग्णालय उस्मानाबाद येथे २ रुग्णांचे अहवाल होकारात्मक आले  असल्याची माहिती जिल्हा शल्यचिकित्सक डॉ. राजाभाऊ गलांडे यांनी दिली. आज जिल्ह्यात एकूण ४७ रुग्णांचे अहवाल आले आहेत. त्यातील ३५ जणांचे नकारात्मक तर ६ जणांचे अनिर्णित तर ६ जणांचे होकारात्मक आले आहेत.
सहापैकी उस्मानाबाद शहरातील एक रुग्ण देशपांडे स्टॅन्ड, जोशी गल्ली येथील असून, सोलापूर रिटर्न आहे. दुसरा धुता येथील 30वर्षीय महिला असून मुंबई रिटर्न आहे. तर उमरगा तालुक्यातील तीन पैकी दोन उमरगा शहरातील आहेत तर एक केसर जवळगा येथील आहे. परंडा येथील एक रुग्ण कुक्कड गाव येथील आहे.

मगरवाडी  / प्रतिनिधी
विधानपरिषदेचे भाजपा समर्थक आमदार प्रशांत परिचारक यांनी नुकतेच पंढरपूरात महाविकास आघाडीच्या विरोधात आपल्या दारासमोर उभारुन आंदोलन केले आहे राज्य सरकारवर टिका केली आहे.हा प्रकार म्हणजे वेड पांघरुन पेडगावला जाण्याचा प्रकार आहे अशी टिका शिवसेनेचे पंढरपूर विभाग जिल्हा प्रमुख संभाजी शिंदे यांनी प्रसिध्दीस दिलेल्या पत्रकाद्वारे केली आहे.एकीकडे केंेद्र सरकार राज्य शासनाच्या वाट्याचे विविध करापोटी संकलीत झालेले हजारो कोटी रुपये अडकावून  ठेवत आहे.कोरोनाचा सामना करण्यासाठी राज्यांना देण्यात येणार्‍या अर्थिक पॅकेजमध्ये महाराष्ट्राबाबत भेदभाव करीत आहे.त्याच वेळी राज्यातील भाजपा समर्थक नेते मंडळी मुख्यमंत्री निधीस मदत करण्याचे आवाहन करण्याऐवजी पीएम.केअर्स फंडास मदत करा असे आवाहन करुन या संकटकाळात देखील राजकारण करीत आहेत.असे असताना आता महाराष्ट्र बचाव आंदोलनाच्या माध्यमातून भाजपाने हसू करुन घेतले असून आ.परिचारक यांनी त्यांच्या आंदोलानबाबत जनतेत काय प्रतिक्रिया आहेत याचा कानोसा घेतला तर ते पुन्हा अशा प्रकारच्या आंदोलनाच्या भानगडीत देखील पडणार नाहीत अशीच प्रतिक्रिया यावेळी संभाजी शिंदे यांनी व्यक्त केली.
    केंद्र सरकारने कोरोनाचा देशभरात फैलाव रोखण्याासठी वेळीच उपायोजना केली असती तर आज देशात गोरगरीब लोकांचे हाल झाले नसते हे सुर्यप्रकाशाइतके सत्य आहे.लॉकडाऊन जाहीर झाल्यापासून हजारो किलोमीटरची पायपीट करीत लाखो कामगार घराकडे परतत होते तेव्हा त्यांना दिलासा देण्यास केंद्र सरकार अपयशी ठरले होते.मार्च महिन्यात केंद्रीय अर्थमंत्री निर्मला सितारामन यांनी 1 लाख 80 हाजर कोटी रुपयांच्या पॅकेजची घोषणा केली पण त्यातील दमडीही सर्वसामान्य जनतेपर्यंत पोहोचली नाही.राज्यातील शेतकरी तयार शेतीमाल घरात पडून असल्याने मोठया संकटात सापडला अशा संकटकाळात केंद्राने हमी भाव खरेदीचा विस्तार करणे गरजेचे असताना यात केंद्र शासन अपयशी ठरले.मुंबई हे जगातील 3 क्रमांकच्या अर्थिक केंद्र आणि 2 कोटीहून अधिक लोकसंख्येचे शहर आहे.या शहरातून लाखो कोटी रुपयांचे उत्पन्न केंद्र सरकारला प्राप्त होते पण मुंबईसाठी ठोस अर्थिक मदत देण्यास केंद्राने हात आखडता घेतला.राज्यातील शेतकर्‍यांसह दुग्धव्यवसायीक,इतर छोटे मोठे स्वयंरोजगार करणारे व्यवसायीक आदींना थेट अर्थिक मदत करण्याची गरज असताना महाराष्ट्रावर अन्याय करण्यात आला या बाबत आ.परिचारक यांनी चकार शब्द काढण्यास तयार नाहीत.आ.परिचारक यांनी राज्य शासनाच्या कर्जमाफीचा लाभ शेतकर्‍यांना मिळाला नाही अशी टिका करीत आहेत.त्यांनी एकदा भाजपा सरकारच्या काळात करण्यात आलेल्या फडव्या कर्जमाफीचा आढावा घ्यावा आणि शेतकर्‍यांच्या प्रतिक्रीयाही जाणून घेतल्या तर त्यांचा भ्रम दूर होईल.कोरोना मुळे संकटात सापडलेल्या शेतकर्‍यांना नव्याने कर्ज देण्यासाठी स्वत राज्य शासनाने हमी देण्याचा निर्णय घेतला आहे व तशा सुचना बॅँकाना देण्यात आल्या आहेत.तर शेतकर्‍यांना बांधावरच बियाणे व इतर आवश्यक बाबींचा पुरवठा व्हावा यासाठी ठोस उपायोजना केल्या आहेत.राज्यासह पंढरपूरातही हजारो परप्रांतिय कामगार अडकून पडल्यामुळे वास्तव्यास होते त्यांच्या प्रवासखर्चासह सर्व व्यवस्था राज्य शासनाने केली तर पंढरपूरातील जवळपास एक हजार मजुरांरान तामीळनाडूकडे रेल्वेद्वारे पाठविण्यात स्वत: मुख्यमंत्री उध्दव ठाकरे यांनी लक्ष घातले होते. 
              राज्यातील सामान्य जनतेला वैद्यकिय उपचाराचा भुर्दंड सहन करावा लागू नये म्हणून महात्मा फुले जनआरोग्य योजनेचा विस्तार करुन राज्यातील सर्वच केशरी कार्ड धारकांचा आता यात समावेश करण्यात आला आहे.त्याच बरोबर सर्वसामान्य छोट्या व्यवसायीकांसाठी राज्य शासन ठोस उपायोजना करीत असून संकटकाळात केवळ राजकारण म्हणुन विरोध आंदोलन करुन महाराष्ट्र बचावाच्या नावाखाली भाजपा समर्थख चमकोगीरी करीत आहेत.महाराष्ट्राची लोकसंख्या आणि मुंबई महानगराची आंतराष्ट्रीय कनेक्टिीव्हीटी याचा विचार केला तर कोरोनाचा प्रसार राज्यात कशा प्रकारे झाला याचे संदर्भ विरोधकांच्या लक्षात येतील.सर्वांना सोबत घेवून चालणारे हे महाविकास आघाडीचे सरकार असून कोरोनामुळे महाराष्ट्रच काय तर सार्‍या जगावर संकट घोंगावत असताना भाजपा आणि त्यांच्या समर्थकांनी केलेले आंदोलन म्हणजे किळसवाण्या राजकारणाचा प्रकार आहे अशी जहरी टिका शिवसेनेचे पंढरपूर विभाग जिल्हा प्रमुख संभाजी शिंदे यांनी केली आहे.यावेळी साईनाथ अंभगराव ,सुधीर अंभगराव, महावीर देशमुख, रवी मुळे यादी उपस्थित होते.

पंढरपूर (प्रतिनिधी):- पंढरपूर शहरांमध्ये मुस्लीम बांधवांचा पवित्र रमजान सणाच्या निमित्ताने रविवारी असणारा जनता कर्फ्यू हा रद्द करण्यात आल्याची माहिती पंढरपूरच्या प्रथम नागरिक नगराध्यक्षा सौ.  साधनाताई भोसले यांनी दिली. कोरोनाच्या  पार्श्‍वभूमीवर शहरात सोमवार ते शनिवार  सकाळी नऊ ते पाच या कालावधीमध्ये व्यापाऱ्यांनी आपली अस्थापना दुकाने उघडी ठेवावीत त्याचबरोबर रविवारी शहरात जनता कर्फ्यूचे पालन करण्यात यावे असे असताना मुस्लिम बांधवांच्या पवित्र रमजान सनानिमित्त त्यांना लागणाऱ्या वस्तूंची खरेदी करण्यासाठी शहरातील बाजारपेठ उघडे ठेवण्यात येणार असून रविवारचा जनता कर्फ्यू रद्द केला आहे. पुढील रविवारी आजचा जनता कर्फ्यू करण्याचा निर्णय झाला असल्याची माहिती नगराध्यक्ष भोसले यांनी दिली. दरम्यान  पंढरपूर शहराला पाणीपुरवठा करणाऱ्या बंधाऱ्यात पाण्याची पातळी कमी झाली  असून शहरावर पाण्याचे मोठे संकट उभे राहिले आहे.  पाण्याच्या नियोजनासाठी शहरात एक दिवसाआड पाणीपुरवठा करण्याचा निर्णय रविवारपासून घेण्यात आला होता परंतु रमजान सणाच्या निमित्ताने हा निर्णय ही दोन दिवस पुढे घेत एक दिवसाआड पाणीपुरवठा हा दोन दिवसानंतर सुरू केला जाईल व सणानिमित्ताने शहरवासीयांना दररोज दोन दिवस पाणी नेहमी प्रमाणेच येणार असल्याची माहितीही यावेळी नगराध्यक्षा यांनी दिली दरम्यान नागरिकांनी सोशल डिस्टन्सिंगचे पालन करावे असे आवाहनही त्यांनी केले आहे.

तासगाव प्रतिनिधी दि.(राहुल कांबळे)
तासगाव शहरात लॉक डाऊन सुरू होऊन दोन महिने उलटले आहेत. सध्या शहरांमध्ये नागरिक व व्यापार यांच्या वतीने लॉक डाऊन ची अंमलबजावणी अत्यंत काटेकोरपणे होत आहे. शासनाच्या परिपत्रकानुसार हॉटेल, शाकाहारी व मांसाहारी खानावळी, वडापाव सेंटर, ज्युस सेंटर संपूर्णपणे बंद आहेत. त्यामुळे शहरातील डुकरांना कोणतेही खराब खरकटे पदार्थ खाण्यासाठी मिळत नाहीत त्यामुळे सदरची शेकडो मोकाट डुकरे शहरात मुक्तपणे फिरताना दिसत आहेत ती नुसती फिरत नसून ती लोकवस्तीत काय खाण्यासाठी मिळत आहेत का यासाठी भटकत आहेत. नागरिकांच्या कडून त्यांना हुसकावण्याचा प्रयत्न केला तर नागरिकांच्या अंगावर जात आहेत अशी सध्या अवस्था आहे. सध्या विटा नाका एसटी स्टँड चौक पागागल्ली, सांगली नाका, भिलवडी नाका, काशीपुरा गल्ली, तासगाव पोलीस लाईन, पटवर्धन मळा,येथे मोकाट डुकरांचा अक्षरशा धुमाकूळ मांडला आहे. यापूर्वी शहरातील हॉटेल, शाकाहारी व मांसाहारी खानावळ व ज्यूस सेंटर सुरू असताना राहिलेल्या शिल्लक अन्न व खरकाटे डुकरांच्या मालक गोळा करत व त्यांच्या दुकानात खायला घालत होते सध्या त्यांना ते मिळत नसल्यामुळे डुक्कर मालकांनी आपली डुकरे मोकाटपणे लोकवस्ती सोडून दिलेले आहेत मध्यंतरी सामन्यापूर्वी मोकाट डुकरांचा हा मुद्दा तासगाव शहरातील पत्रकार बांधवांनी लावून धरला होता परंतु नगरपालिकेतील सत्ताधारी एका बड्या नेत्यांच्या संपर्कात असलेल्या डुकरांच्या मालकाने सर्व डुकरे पकडून घेऊन जात असताना राजकीय वजन वापरून सदरची सर्व मोकाट डुकरे सोडण्यास भाग पाडले होते. त्याचा गंभीर परिणाम म्हणून सध्या सर्वच भागांमध्ये रहिवाशी वस्तीत सर चे मोकाट फिरत आहेत व नागरिकांना त्रास देत आहेत. नागरिकांच्या दारामध्ये विस्टा टाकत आहेत. यासंदर्भात आज पागा गल्ली तासगाव येथील संतप्त नागरिकांनी निवेदनाद्वारे मुख्याधिकारी यांची भेट घेण्याचा प्रयत्न केला असता ते उपलब्ध न झाल्याने प्रभारी आरोग्य अधिकारी प्रताप घाडगे यांना सदरचे निवेदन देण्यात आले तरी या भागातील नगरसेवकांनी तातडीने या प्रकरणात लक्ष घालण्याची मागणी या भागातील नागरिकांनी केली आहे. तसेच एक आठवड्यामध्ये सदर मोकाट डुकरांचा बंदोबस्त झाला नाही तर या भागातील सर्व नागरिक नगरपालिका समोर उपोषणास बसणार आहेत. याप्रकरणी तासगाव येथील काही पत्रकारांनी प्रभारी आरोग्य अधिकारी श्री प्रताप घाडगे यांची भेट घेतली असता यासंदर्भात आम्ही प्रशासनाच्यावतीने तातडीने पाऊले उचलून कारवाई करण्याचे संकेत दिले आहेत तर नगरसेवक ऍड बाळासाहेब गुजर यांनी या मोकाटपणे लोकवस्तीत डुकरे फिरणाऱ्या प्रकरणात लक्ष घालण्याचे आश्वासन निवेदन देणाऱ्या व उपस्थित पत्रकार बांधवांना दिले आहे. सर्वात महत्त्वाचे या सर्व डुक्कर मालका पैकी एक बहादर आपली राजकीय ताकद पुन्हा वापरण्याची शक्यता आहे.त्याने जर तसे करण्याचा प्रयत्न केला तर नगरपालिकेने सदरच्या त्या व्यक्तीवर तातडीने गुन्हा दाखल करण्याची ही मागणी संतप्त नागरिक यांच्याकडून होत आहे.

उस्मानाबाद – उस्मानाबाद जिल्ह्यातील कोरोना बाधितांची संख्या दिवसेंदिवस वाढत आहे. शिरढोण येथील ३३ वर्षीय महिला आणि मुरूम येथे २३ वर्षीय तरुणाचा कोरोना अहवाल पाॅझिटीव्ह आला असल्याची माहिती जिल्हा शल्यचिकित्सक डॉ. राजाभाऊ गलांडे यांनी दिली. आज जिल्ह्यात एकूण ४१ रुग्णांचे अहवाल आले. त्यातील दोघांचे अहवाल होकारात्मक आले आहेत. तर ३४ जणांचे अहवाल नकारात्मक आहेत तर ४ जणांचे अहवाल प्रलंबित आहेत आणि चाचणीसाठी पाठवलेला एक नमुना रद्द करण्यात आलेला आहे. मुरूम येथे नव्याने रुग्ण आढळल्याने रेड झोन मध्ये वाढ होत आहे.

पंढरपूर (प्रतिनिधी):-
अवघ्या महाराष्ट्रातील वारकऱ्यांचे आद्यपीठ व भाविकांचे श्रद्धास्थान असलेल्या श्री विठ्ठल-रुक्मिणी मंदिराच्या गाभाऱ्यात आज दशहरा दिनाच्या निमित्ताने विठ्ठल रुक्मिणी मातेचा गाभारा येथे सुंदर आकर्षक अशा द्राक्षांची  विलोभनीय अशी सजावट करण्यात आली आहे. *”तें तीर्थांचें माहेर। सर्व सुखाचें भांडार।।”*
या संत ओवि प्रमाणे सर्व सुखाचे भांडार ज्याच्या चरणी आहे त्या विठ्ठलाचे दर्शन सध्या कोरोना व लाॅकडाऊन मुळे होत नसल्याने व मंदिर बंद असल्याने भाविकांसाठी मंदिर समितीने द्राक्षाची केलेली आरास सादर केली आहे.  या द्राक्षांची सजावट पंढरपूर तालुक्यातील कासेगाव येथील कृष्णा देशमुख यांच्या वतीने अर्पण  करण्यात आली असून या सजावटीमध्ये द्राक्षांचे घड व द्राक्षवेली चा उपयोग केला असल्याने विठ्ठल रुक्मिणी मातेच्या गाभाऱ्यास मनमोहक स्वरूप प्राप्त झाले आहे.  ही सजावट मंदिर समितीमधील कर्मचाऱ्यांकडून करण्यात आली असल्याची माहिती श्री विठ्ठल रुक्मिणी मंदिर समितीचे कार्यकारी अधिकारी विठ्ठल जोशी यांनी दिली.