दैनिक जनमत

• कोरोनाबाधित महिलेवर उपचार केल्याचे प्रकरण ; तहसीलदारांना निवेदन

तासगाव प्रतिनिधी
     तासगाव तालुक्यातील वाघापूर येथील कोरोनाबाधित महिलेला स्वतःच्या स्वामी समर्थ हॉस्पिटलमध्ये उपचारासाठी दाखल करुन घेऊन दवाखान्यातील स्टाफच्या आरोग्याशी खेळणाऱ्या डॉ. सचिन पाटील यांच्यावर कारवाई करा, अशी मागणी शिवसेनेचे तालुकाप्रमुख अमोल काळे यांनी केली आहे. याबाबतचे निवेदन त्यांनी तहसीलदार कल्पना ढवळे यांना दिले आहे.

    त्यांनी दिलेल्या निवेदनात म्हटले आहे, तासगाव येथील डॉ. सचिन पाटील यांनी शासनाच्या नियमांचे उल्लंघन करून वाघापूर येथील एका कोरोनाबाधित महिलेला आपल्या दवाखान्यात उपचारासाठी दाखल केले. तिच्यावर चार दिवस उपचारही केले. या चार दिवसांत संबंधित महिलेला कोरोनाची लक्षणे दिसत होती. मात्र डॉ. सचिन पाटील यांनी याबाबत आरोग्य विभागाला कळवले नाही.

     दरम्यानच्या काळात दवाखान्यातील अनेक कर्मचारी या पीडित महिलेच्या संपर्कात आले. दुर्दैवाने त्यानंतर या महिलेचा कोरोना रिपोर्ट पॉझिटिव्ह आला. त्यानंतर याच दवाखान्यातील चौघांना कोरोनाची लागण झाली.

      डॉ. सचिन पाटील यांच्या बेफिकीरीमुळे शहरात कोरोनाची साखळी वाढत गेली. तालुक्यात यापूर्वी कोरोनाचे रुग्ण कमी होते. मात्र डॉ. पाटील यांच्या निष्काळजीपणामुळे तालुक्यातील लोकांच्या आरोग्याशी खेळ सुरू आहे. तालुक्यातील नागरिकांचे आरोग्य धोक्यात आले आहे. शिवाय प्रशासनाला १० दिवस शहर बंद ठेवावे लागले. याचा त्रास व्यापारी व सर्वसामान्य नागरिकांना होत आहे. त्यामुळे डॉ. सचिन पाटील यांच्यावर कारवाई करण्यात यावी. डॉक्टरांच्या बेफिकीर वागणुकीमुळे हॉस्पिटलमधील एकूण स्टाफ पैकी चार जणांना कोणाची लागण झाली आहे. याची संपूर्ण जबाबदारी डॉक्टरांचे आहे. त्यांच्यावर कारवाई करणे बाबत अनेक प्रसारमाध्यमातून मागणी करण्यात आली होती. दैनिक जनमत चे प्रतिनिधींनीही याबाबतीत या विषयावर प्रकाश टाकला होता. सर्वात महत्त्वाचे सदस्य डॉक्टरांनवर कारवाई करण्याबाबत प्रशासनाने संकेत दिले होते. परंतु यामध्ये राजकीय हस्तक्षेपही झाल्याची चर्चा सध्या तासगाव शहरांमध्ये सुरू आहे. याबाबतीत पोलीस अधिकारी राजकीय दबावाला बळी पडल्याची उघड चर्चा तासगाव शहरात सुरू आहे. यामुळे तासगाव संपूर्ण शहरा वेठीस धरण्यात आले आहे. यामुळे तासगाव शहरातील संपूर्ण नागरिक संतप्त झाले आहेत.त्यामुळे कारवाई होण्याबाबत जनतेतून जोरदार मागणी होत आहे तसेच राजकीय कार्यकर्तेही चर्चा करीत आहेत तर काही कार्यकर्ते उघडपणे कारवाईची मागणी करत आहेत. यामध्ये शहर शिवसेना व तालुका शिवसेना आघाडीवर आहे.

      निवेदनावरसेना तालुकाप्रमुख अमोल भैया काळे, केशव वाघमोडे, संदीप माळी, बाळासाहेब महाडिक, पृथ्वीराज माने, अभिजित पवार यांच्यासह इतरांच्या सह्या आहेत:

परंडा :- जिल्ह्यात दरदिवशी कोरोना रुग्णांची संख्या झपाट्याने वाढत असून आज दि 4 रोजी परंडा तालुक्यातील 6 रुग्णांचे रिपोर्ट पॉझिटिव्ह आले आहेत यामध्ये परंडा शहरातील 4 नालगाव  व आवार आवार पिंपरी येथील प्रत्येकी 1 रुग्णाचा समावेश आहे

   तालुक्यातील नालगाव येथे अगोदरच 1 रुग्ण सापडला असल्याने ते गाव प्रशासनाने  पूर्णतः सील केले अशीं आवार पिंपरी येथे नव्याने रुग्ण सापडल्याने आवार पिंपरी गावात जाणारे सर्व रस्ते प्रशासनाने सील केले असून गावातील किराणा दुकान,स्वस्त धान्य दुकान  पुढील येईपर्यंत तर दूध डेअरी तीन दिवस बंद ठेवण्यात येणार असल्याचे गट विकासअधिकारी  रावसाहेब चकोर यांनी सांगितले
आज रुग्ण सापडतच आवार पिंपरी येथे प्रशासनाच्या वतीने तहसीलदार अनिलकुमार हेळकर,पोलीस निरीक्षक आय एस सय्यद ,आरोग्य अधिकारी डॉ जे एन सय्यद  गट विकासअधिकारी रावसाहेब चकोर यांनी भेट देऊन पाहणी केली

परंडा शहरात दोन दिवसांचा जनता कर्फ्यु
– इंगोले
 ,काव्हीड -१९ करोना या विषाणुजन्य आजारावर प्रतिबंधात्मक उपाययोजना म्हणुन दि.05/07/2020 वार रविवार व दि.06/07/2020 वार सोमवार या दोन दिवस स्थानिक प्रशासनाद्वारे  जनता कर्फ्यु पाळण्याचे आवाहन केले आहे  या जनता कफ्युँ दरम्यान केवऴ दवाखाने ,मेडिकल्स ,दुध विक्रि दुकाने चालु  राहतिल.तेव्हा कोणीही विनाकारन घराबाहेर पडू नये असे आवाहन मुख्याधिकारी दिपक इंगोले यांनी केले आहे

उस्मानाबाद – लोहारा येथील सुंदरम एजन्सी मध्ये अप्रमाणित औषधाचा साठा आढळून आला होता. अन्न व औषध प्रशासनाने तो साठा जप्त केला असून याबाबत पुढील कारवाई सुरू आहे.
याबाबत माहिती अशी की लोहारा येथील सुंदरम एजन्सी ची नियमित तपासणी करत असताना एनझीमाॅल ड्रॉप या पोटफुगी दूर करणारे सुगंधी  औषधाच्या ८ बॉटल्स जप्त करण्यात आल्या होत्या १८ जून रोजी त्यांचा दर्जा अप्रमाणित असल्याचा अहवाल अन्न व औषध प्रशासनाला मिळाला त्यानुसार २९ जून रोजी उर्वरित २२ बॉटलस चा साठा अन्न व औषध प्रशासनाने जप्त केला आहे. हे औषध अकोला येथील एलमेको या वितरकाकडून अकोला येथीलच  वितरकाकडून  लोहारा येथील लीबेन लाईफ सायन्सेस या मार्केटिंग आणि वितरण करणाऱ्या कंपनीला   मिळाले होते.त्यानंतर ते सुंदरम एजन्सी लोहारा यांना पुरवठा करण्यात आले होते. जी. एम.एच. लॅबोरेटरी, हिमाचल प्रदेश  ही या औषधाची उत्पादक कंपनी आहे. जी. एम.एच. लॅबोरेटरी १०७८० बॉटल उत्पादित केल्या होत्या त्यापैकी लीबेन ने पूर्ण १०७८० बॉटल खरेदी केल्या होत्या. आणि पुढे त्यातील ३२०० बॉटल एल्मेको कंपनीने खरेदी केल्या त्यातील ३० लोहारा येथे सुंदरम एजन्सी कडे वितरित करण्यात आल्या होत्या. तो साठा अन्न व औषध प्रशासनाने जप्त केला आहे. तसेच हे औषध अप्रमाणित दर्जाचे आढळून आल्याने ते बाजारातून परत मागविण्यात येत आहे.

याबाबत अन्न व औषध प्रशासन योग्य ती कार्यवाही करत असून खटला दाखल करण्यासाठी परवानगी मागविण्यात आली आहे. परवानगी मिळाल्यानंतर लोहारा येथील न्यायालयात खटला चालणार असल्याची माहिती अन्न व औषध निरीक्षक दुसाने यांनी दैनिक जनमतशी बोलताना दिली

या औषधाच्या खरेदीच्या पावत्या आमच्याकडे आहेत. हे औषध कोणत्याही मेडिकल मध्ये विक्रीसाठी पाठविण्यात आले नव्हते. अशी प्रतकिया सुंदरम एजन्सी चे बिराजदार यांनी दैनिक जनमत शी बोलताना दिली.

• केंद्र शासनाच्या निषेधात पेट्रोल पंपावर ग्राहकांना गुलाब पुष्प देऊन आंदोलन

——————
उस्मानाबाद प्रतिनीधी : उस्मानाबाद जिल्हा राष्ट्रवादी काँग्रेस पक्षाच्या वतीने उस्मानाबाद येथे सूर्यकांत  पेट्रोल पंपावर ग्राहकांना तसेच पेट्रोल पंप चालक, कर्मचारी यांना गुलाब पुष्प देऊन भारतीय जनता पक्षाच्या सरकारच्या विरोधात  जिल्हाध्यक्ष  सुरेश बिराजदार यांच्या नेतृत्वाखाली गुलाब पुष्प देऊन गांधीगिरी आंदोलन करण्यात आले .
          या आंदोलनासाठी महाराष्ट्र प्रदेश युवती काँग्रेसच्या अध्यक्षा सक्षणा सलगर, युवक जिल्हाध्यक्ष आदित्य गोरे, माजी नगराध्यक्ष अमित शिंदे, प्रदेश सरचिटनीस  मसूद शेख , युवक प्रदेश सरचिटनीस प्रशांत कवडे , विद्यार्थी प्रदेश सचिव धीरज घुटे,  युवती जिल्हाध्यक्ष देवकन्या गाडे, नगरसेवक शेख अय्याज, खलीफा खुरेशी , बाबा मुजावर   यांची प्रमुख उपस्थिती होती. यावेळी कार्यकर्त्यांनी ‘ एक हि भूल, कमल का फूल ‘, ‘वारे मोदी तेरा खेल, सस्ती दारू महंगा  तेल ‘ अशा घोषणा देत शारीरिक व सामाजिक अंतराचं पालन करत मास्क घालून आलेल्या ग्राहकाला गुलाबाचं फूल देऊन राष्ट्रवादी काँग्रेसच्या पदाधिकाऱ्यांनी आंदोलन केले .
     शेतकऱ्यांवर दुबार पेरणीचे संकट ओढवले असताना , कोरणा विषाणूच्या प्रादुर्भावामुळे सामान्य नागरिक, व्यापारी, सर्व व्यवसायिक आर्थिक संकटात सापडलेला असताना,  केंद्र शासन शेतकरी आणि सामान्य वर्गाची पिळवणूक करत असून आज उस्मानाबाद येथे पेट्रोलचे दर ८७ .५९तर डिझेलचा दर ७८ .०६ एवढ्या मोठ्या उच्चांकी आकड्यावर जाऊन पोचले आहेत . भूलथापा देऊन सत्तेवर आलेले सरकार जनतेला कधी पाकिस्तान तर कधी चीनची भीती घालून पेट्रोल ,डिझेलचे दर वाढवुन जनतेची पिळवणूक करीत आहे . या भाजप सरकारचा राष्ट्रवादी काँग्रेस पक्षाच्या वतीने जाहीर निषेध करतो असे मत जिल्हाध्यक्ष बिराजदार यांनी व्यक्त केले.
           या गांधीगिरी आंदोलनासाठी रोहित बागल, सुरज शेरकर, आशिष पाटील, नंदकुमार गवारे, बबलू शेख, इस्माईल काजी म्हणणं काजी वाजीद पठाण, आतीक शेख,कादरखान पठान, खलील पठाण यांच्यासह कार्यकर्ते उपस्थित होते .

मिरज प्रतिनिधी
 येथील कबाडे गल्ली आणि रमा उद्यान या दोन ठिकाणी  मुबंई येथून आलेल्या दोन वृद्धांना कोरोनाची लागण झाल्याने मिरजेत खळबळ उडाली आहे ,महापालिका वैद्यकीय विभागाच्या अधिकाऱ्यांनी दोघांचे स्वाब घेतल्याने पुढील धोका टळला आहे
कबाडे गल्ली येथे मुबंई येथून आलेली 60 वर्षाची महिला कोरोना पोजिटीव्ह निघाली आहे ,त्याच बरोबर रमा उद्यान येथे ही मुबंई येथून आलेल्या वृद्धाला कोरोना झाला आहे ,आज त्यांचे कोरोना चाचणी रिपोर्ट आल्याने महापालिका वैद्यकीय विभागाने जागेवर धाव घेतली होती ,महापालिका वैद्यकीय विभागाने मुबंई येथून आलेल्या वृद्ध प्रवाशांची सक्तीची कोरोना चाचणी सुरू केली आहे .उपायुक्त स्मृती पाटील यांच्या मार्गदर्शनाखाली महापालिका वैद्यकीय विभागाचे डॉ वैभव पाटील,डॉअक्षय पाटील,किरण कांबळे यांनी घरोघरी जाऊन वृद्धांची तपासणी सुरू केली आहे. कबाडे गल्ली आणि रमा उद्यान येथे  मुबंई येथून आलेल्या दोन वृद्धांची  कोरोना चाचणी दोन दिवसांपूर्वी घेण्यात आली होती. या चाचणीचा अहवाल आज कोरोना पोजिटीव्ह आला आहे ,आज वृद्ध महिलेच्या संपर्कात आलेल्या दोन नातेवाईकांना इन्स्टिट्यूट कोरोंटाईन केले आहे ,रमा उद्यान येथील वृद्धांच्या संपर्कात आलेल्या 4 जणांना इन्स्टिट्यूट कोरोंटाईन करण्यात आले आहे .रमा उद्यान व कबाडे गल्ली येथे कोविड 19 प्रतिबंधक क्षेत्र घोषित केले आहे