दैनिक जनमत

निरा नरसिंहपुर 

निरा व भिमा नदीला आलेल्या पुरामुळे शेतकऱ्यांचे व गोर गरीब नागरिकांचे  कोट्यावधी रुपयाचे नुकसान झालेली पाहणी करण्यासाठी महाराष्ट्र राज्याचे राज्यमंत्री दत्तात्रेय भरणे, राष्ट्रवादी पक्षाचे तालुकाअध्यक्ष हनुमंतराव कोकाटे, इंदापुर तहसीलदार सोनाली मेटकरी, पंचायत समिती बिडिओ विजय परिट, इंदापुर.पि.आय नारायण सारंगकर, कृषी अधिकारी रुपनवर, या सर्वांच्या उपस्थितीत राज्यमंत्री दत्तात्रेय भरणे यांनी निरा नरसिंहपूर येथे पुर परिस्थितीची पाहणी केली. नीरा व भीमा नदीकाठी पुराची पाहणी करुन निरा नरसिंहपुर परिसरामधील सर्व शेतकरी असो कामगार  मजूर असो  ज्यांच्या ज्यांच्या  घरांमध्ये पुराचे पाणी गेलेले असेल व पाण्यामुळे अनेक प्रकारे नुस्कान झालेली असेल त्यांचे तातडीने पंचनामे करण्याचे आदेश या वेळी पदाधिकाऱ्यांना व महसूल अधिकारी यांना दिले. 

निरा नरसिंहपूर येथील सर्व पूरग्रस्त ग्रामस्थ व उपस्थित राहून प्रत्येकाने आपापल्या पुराच्या पाण्यामुळे झालेल्या या अडचणी राज्यमंत्री  दत्तात्रेय भरणे यांना यावेळी सांगितल्या यावेळी राज्यमंत्री दत्तात्रेय भरणे पुढे म्हणाले की पुराच्या पाण्याने अथवा पावसाने ज्या शेतकऱ्यांचे मोटारी पाईपलाईन अथवा शेतातील पिके घरातील सर्व काही पाण्याने वाहून गेली असतील त्यांचे तातडीने पंचनामे करण्यासाठी आदेश दिले यातून एकही शेतकरी पंचनामा करण्याचा न राहता कामा नये असे या वेळी अधिकाऱ्यांना सूचना दिल्या

परंडा(दत्ता नरुटे) परंडा तालुक्यातील सर्वात मोठे   (5tmc)समजले जाणारे सीना कोळगाव धरण  बुधवार दि 14 रोजी अखेर पूर्ण क्षमतेने भरले असून आज सकाळी दोन टप्प्यात धरणाचे 4 दरवाजातून सीना नदीत पाणी सोडण्यात आले असून नदीकाठावरील गावांना सतर्कतेचा इशारा देण्यात आला आहे 

 सीना कोळगाव धरणात नगर जिल्ह्यातील पाणी येते गेल्या महिनाभर नगर जिल्ह्यात जोरदार पाऊस बरसत आहे त्यामुळे सीना नदीवरील नगर जिल्ह्यातील धरणे गेल्या महिन्यापूर्वीच ओव्हरफ्लो झाल्याने सीना कोळगाव धरण भरण्याचे आशा पल्लवित झाल्या होत्या अखेर आज धारण 100 टक्के भरले असून यातून खाली पाणी सोडण्यात आले आहे त्यामुळे परंडा ,करमाळा, माढा तालुक्यातील शेतकऱ्यांमध्ये आंनदाचे वातावरण आहे गेल्या दोन वर्षात हे धरण भरले नसल्याने शेतकऱ्यांना मोठ्या पाणी टंचाईचा सामना करावा लागला होता 

13हजार हेक्टर होणार बागायती

सीना कोळगाव धरणतुन परंडा तालुक्यातील 8700 हेक्टर तर करमाळा तालुक्यातील3400 हेक्टर असे लागवडीलायक क्षेत्र 13000 च्या आसपास सिंचित होणार असून याचा फायदा दोन्ही तालुक्यातील शेतकऱ्यांना होणार आहे  

 धरण  भरले पण नियोजनाचे काय?

सीना कोळगाव धरण यावर्षी पूर्ण क्षमतेने भरले आहे परंतु त्या पाण्याचे योग्य नियोजन करणे गरजेचे आहे धरणातून विविध ठिकाणी पाणी सोडवे लागते यामध्ये परंडा तालुक्यातील आनाळा,करमाळा तालुक्यातील नेर्ले साठवण तलावात पाणी सोडण्याची मागणी होत आहे त्यामुळे प्रशासनाने वाया जाणारे पाणी  या ठिकाणी सोडावे अशी मागणी आता जोर धरू लागली आहे