दैनिक जनमत

सोलापूर दि.०७(प्रतिनिधी)

महाराष्ट्र नवनिर्माण सेना जनहित कक्ष व विधी विभागाच्या बार्शी तालुकाध्यक्ष पदी बार असोसिएशनचे सदस्य ॲड.अनंत आप्पाराव मस्के यांची निवड प्रदेश सरचिटणीस ॲड.किशोर शिंदे यांच्या अध्यक्षतेखाली परंडा येथील शासकीय विश्रामगृहात करण्यात आली यावेळी प्रमुख पदाधिकाऱ्यांच्या निवडी जाहीर करण्यात आल्या याप्रसंगी ॲड अरूण लंबुगोड ॲड नंदकिशोर खरसडे ॲड अविनाश जाधव ॲड रियाज बागवान ॲड पवन मोरे ॲड स्वाती ठोसर ॲड रमेश चव्हाण ॲड गणेश फावडे ॲड अक्षय दोशी उपस्थित होते.

बार्शी येथील जाणीव फाउंडेशनच्या वतीने फटाक्यांची आतषबाजी करीत भव्य नागरी सत्कार करण्यात आला यावेळी फाउंडेशनचे अध्यक्ष तुळशीराम मस्के उपाध्यक्ष वसंत हवालदार सचिव राणाप्रताप देशमुख पवन खरसडे संतोष मस्के उमेश साळुंखे राजाभाऊ नवगण संतोष पवार ज्ञानेश्वर मारकड किरण लुंगारे आदी उपस्थित होती

या निवडीनंतर त्यांचे सर्व स्तरावरुन अभिनंदन केले जात आहे सोशल मीडियाच्या माध्यमातून राष्ट्रवादी लीगल सेलचे तालुकाध्यक्ष ॲड.हर्षवर्धन बोधले यांनी शुभेच्छा दिल्या त्याचबरोबर विविध क्षेत्रातील मान्यवराकडून शुभेच्छांचा वर्षाव होत असल्याचे पाहवयास मिळत आहे.

 कुर्डूवाडीत दि.०६(प्रतिनिधी)

पद्मश्री डॉक्टर प्रतापसिंह जाधव यांच्या ७५ व्या अमृत महोत्सवी वाढदिवसा निमित्त कुर्डूवाडी प्रेस क्लबच्या वतीने उम्मीद या एड्स बाधीत मुलांच्या शाळेतील मुलांना फळे व खाऊचे वाटप करण्यात आले .

पोलिस उपनिरीक्षक चिमणाजी केंद्रे मराठा सेवा संघाचे जिल्हा सचिव निलेश देशमुख,सोलापूर जिल्हा प्रवासी संघटनेचे अध्यक्ष हर्षद मोरे,पत्रकार श्रीनिवास बागडे,विनायक दीक्षित,सतिश महिंगडे,वसंत कांबळे,लक्ष्मण कांबळे,अनिल कांबळे,महेश वाळुजकर,बाबाफरीद पठाण,नितिन वाघमारे,सोमनाथ शिंदे,संतोष वाघमारे,शफी शेख,अंकुश आतकर,शिरीष महामुनी,विजयकुमार कन्हेरे यांच्या हस्ते मुलांना खाऊ वाटप करण्यात आले तसेच मुकबधीर शाळेला रोख स्वरुपातही मदत करण्यात आली यावेळी पत्रकार विनायक पाटील यांनी सर्व उपस्थित पत्रकारांचे आभार मानले .

कुर्डुवाडी दि.४(प्रतिनिधी) 

येथील रेल्वे कारखाना बंद करण्याच्या प्रस्तावाला तत्वतः मंजुरी मिळाली असताना संसदेत तीन वेळा या कारखान्याबात प्रश्न उपस्थित करुन हा कारखाना वाचवण्यात यश आल्याचा आनंद आज अधिक होत आहे चिंकहिल येथील सुरक्षाबलाचे प्रशिक्षण केंद्र हलविण्याचा प्रस्ताव पूर्वीच झाला असल्यामुळ ते वाचवता आले नाही कुर्डुवाडी रेल्वे वर्कशॉपमध्ये नव्याने मंजूर झालेल्या ५११ पदाची भरती बरोबरच येत्या अधिवेशनात या कारखान्याचा आणखी विस्तार करण्यासाठी प्रस्ताव मंजूर करून बजेट मध्ये मंजुरी मिळवण्यासाठी माझा प्रयत्न करणार असल्याचे आश्वासन माढ्याचे खासदार रणजितसिंह नाईक निंबाळकर यांनी दिले.

भारतीय रेल्वे तर्फे लातूर येथे  रेल्वे प्रवासी कोच कारखानाची उभारणी केली जात आहे त्यापेक्षा चिंकहिल येथील रेल्वे सुरक्षा बल प्रशिक्षण केंद्राच्या १२० एकर रेल्वेच्या जमिनीवर जर संयुक्तीक ठरत असेल तर चिंकहिल येथे रेल्वे प्रवासी कोच कारखान्याची मागणी करणार असल्याचे निंबाळकर यांनी सांगितले तर बंद झालेल्या रेल्वे हायस्कूलच्या ठिकाणी सीबीएससी पॅटर्नचे केंद्रीय विद्यालय सुरू करण्यात यावे अशीही मागणी करणार असल्याचे त्यांनी सांगितले तसेच कुर्डुवाडी शहरातील मंजूर ट्रामा केअर र सेंटर व टेंभुर्णी येथील उपजिल्हा रुग्णालय, दोन न्यायमूर्तींचे बेंच कुर्डुवाडी येथे स्थापन करणे, कुर्डुवाडी शहरातील  गेट नं ३८ येथे सब- वे ऐवजी उड्डाणपूल करावा,मुंबई -विजापूर-मुंबई आठवड्यातील सर्व सातही दिवस धावावी मुंबई – विशाखापट्ट्णम् या गाडीस कुर्डुवाडी येथे थांबा मिळावा कुर्डुवाडी येथील रेल्वे ड्रायव्हर व गार्ड यांची लाॅबी लातूरला हलविण्याचा षडयंत्र सुरु आहे तरी ते कुर्डुवाडीतच कायम रहावे आदी प्रलंबित प्रश्न व मागण्यांचे निवेदन देण्यात आले यावेळी जिल्हाध्यक्ष श्रीकांत देशमुख,तालुका अध्यक्ष योगेश बोबडे,माजी शहराध्यक्ष विजयसिंह परबत आदी उपस्थित होते.

उस्मानाबाद – संत श्रेष्ठ श्री. संत गोरोबा काका यांच्या प्राचीन घराच्या दुरुस्तीच्या कामाची फेर तपासणी करुन गुणवत्ते नुसार काम झाले नसल्यास कंत्राटदारावर कठोर कारवाई करुन कोसळलेल्या छताची तातडीने दुरुस्ती करुन घेण्याच्या सुचना आ. राणाजगजितसिंह पाटील  यांनी पुरातत्व व वस्तुसंग्रहालय संचालनालयाचे संचालक डॉ. तेजस गर्गे यांना केल्या आहेत. त्याच प्रमाणे तेर नगरीचा एकात्मिक विकास आराखडा बनविण्याच्या अनुषंगाने देखील यावेळी चर्चा झाली.

सोलापूर दि.०३(प्रतिनिधी)  कुर्डूवाडी(ता.माढा) येथील पत्रकार बाबाफरीद पठाण यांनी पत्रकारिता क्षेत्रात उल्लेखनीय कार्य करून अविरतपणे सेवा बजावली या कार्याची दखल घेत बहुजन समाज परिषद महाराष्ट्र राज्य संचलित जोशाबा बहुउद्देशीय सामाजिक संस्थेच्या वतीने उत्कृष्ट पत्रकार पुरस्काराने सन्मानित करण्यात आले अण्णाभाऊ साठे आर्थिक विकास महामंडळाचे माजी अध्यक्ष दिलीप देवकुळे यांच्या अध्यक्षतेखाली व विद्युत अभियंता युवराज मोरे यांच्या हस्ते प्रदान करण्यात आला

कुर्डूवाडी येथील कै.विठ्ठलराव शिंदे सभागृहात संपन्न झालेल्या कार्यक्रमात सन्मानपत्र शाल फेटा,पुष्पगुच्छ देऊन गौरवण्यात आले 

यावेळी संस्थापक अध्यक्ष बाळासाहेब देवकुळे,आबासाहेब खंडाळे,सुनील देवकर राणेश्वर हानवते,अंकुश गोरवे,आदी मान्यवरांच्या उपस्थितीत सन्मानित करण्यात आले गेल्या अडीच वर्षापासून ते वृत्तलेखन करीत आहे सध्या ते विधी अभ्यासक्रमाच्या अंतिम वर्षात शिकत आहेत.