दैनिक जनमत

उस्मानाबाद – तालुक्यातील सारोळा बु गावाजवळ दि.१ रोजी सायंकाळी ६:३० सुमारे दोन मोटारसायकलींची समोरासमोर धडक लागली. या अपघातात दोन्ही वाहनचाक गंभीररीत्या जखमी झाले आहेत. मोटारसायकल क्रमांक एम एच २५ ई ९९६२ तर दुसऱ्या मोटारसायकल क्रमांक एम एच २४ टी २९७८ आहे.  दोघांनाही उस्मानाबाद येथील शासकीय रुग्णालयात उपचारासाठी नेण्यात आले आहे. मिळालेल्या माहितीनुसार एक व्यक्ती बेंबळी तर दुसरी व्यक्ती टाकळ( सुंभा) येथील आहे.

कुर्डुवाडी दि.३०(प्रतिनिधी)

साम्राज्य आरमार युवक संघटनेच्या वतीने सार्वजनिक शिवजन्मोत्सव  सोहळयाची आयोजन बैठक विठ्ठल मंदिर कुर्डुवाडी(ता.माढा) येथे करण्यात आल्याची माहिती संस्थापक अध्यक्ष उमेश पाटील यांनी दैनिक जनमतशी बोलताना दिली 

दरवर्षीप्रमाणे यंदा महाराष्ट्रात सर्वात मोठा शिवजन्मोत्सव साजरा करण्याचा निर्धार कुर्डुवाडी शहरातील सर्व शिवभक्तांनी घेतला आहे याची पूर्व तयारी म्हणून आज सायं ६ वाजता कुर्डुवाडी शहरातील सर्व शिवभक्तांची आयोजित बैठकीत उपस्थित राहण्याचे आव्हान पाटील यांनी केले 

यामध्ये रक्तदान शिबिर,आरोग्य तपासणी शिबीर,शस्त्रास्त्र प्रदर्शन,रांगोळी स्पर्धा,शिव आरती,महिलांसाठी विविध उपक्रम,तसेच शिवरायांची पालखी असे विविध सामाजिक उपक्रमांचे याहीवर्षी त्याचप्रमाणे कुर्डुवाडी शहरात शिवजन्मोत्सव साजरा होणार आहे.

कुर्डुवाडी दि.२९(प्रतिनिधी) प्रसूतीसाठी लाचेची मागणी करणारे कुर्डुवाडी ग्रामीण रुग्णालयाचे वैद्यकीय अधीक्षक डॉ.संतोष आडगळे यांना ९ हजारांची लाच स्वीकारताना लाचलुचपत प्रतिबंधक विभागाच्या पोलिस निरीक्षक कविता मुसळे यांच्या पथकाने रंगेहाथ पकडले ही कारवाई शुक्रवार दि.२९ रोजी सकाळी ग्रामीण रुग्णालय कुर्डुवाडी येथे करण्यात आली.

याबाबत सविस्तर माहिती अशी की, तक्रारदाराची पत्नी ही गर्भवती होती तिला प्रसूती वेदना होत असल्याने ग्रामीण रुग्णालय कुर्डुवाडी ता.माढा येथे उपचाराकरीता दाखल करण्यात आले होते. सदर ठिकाणी नेमणूकीस असलेले वैद्यकीय अधीक्षक डॉ. संतोष आडगळे यांनी तक्रारदार यांच्या पत्नीच्या प्रसूती साठी १० हजार रुपयांची लाचेची मागणी केली होती मात्र तडजोडीनंतर शुक्रवारी सकाळी ९ हजार रुपये देण्याचे ठरले यानंतर तक्रारदाराने  लाचलुचपत विभागाला याबाबत माहिती दिली. त्यानुसार लाचलुचपत विभागाने सापळा रचून प्रसूतीकरीता डॉ. आडगळे यांना ९ हजारांची लाच घेताना रंगेहाथ पकडले असून चौकशीकरिता त्यांना ताब्यात घेण्यात आले आहे.ही कारवाई राजेश बनसोडे पोलिस अधिक्षक लाचलुचपत विभाग पुणे,सुरज गुरव अप्पर पोलिस अधिक्षक लाचलुचपत विभाग पुणे यांच्या व संजीव पाटील पोलिस उप अधिक्षक लाचलुचपत विभाग सोलापुर यांच्या मार्गदर्शनाखाली  पोलिस निरीक्षक कविता मुसळे, पोलिस काॅन्स्टेबल उमेश पवार, पोलिस काॅन्स्टेबल स्वप्निल सणके यांनी केली.याबाबत गुन्हा दाखल करण्याची प्रक्रिया सुरु आहे.

महाराणी अहिल्यादेवी प्रबोधन मंच यांची मुख्यमंत्र्यांकडे मागणी

उस्मानाबाद – उस्मानाबाद येथे नव्याने मंजूर झालेल्या शासकीय वैद्यकीय महाविद्यालयास पुण्यश्लोक अहिल्यादेवी होळकर यांचे नाव देण्यात यावे अशी मागणी महाराणी अहिल्यादेवी प्रबोधन मंच च्या वतीने  मुख्यमंत्र्यांकडे मागणी करण्यात आली आहे. जिल्हाधिकारी उस्मानाबाद यांच्यामार्फत हे निवेदन मुख्यमंत्र्यांना पाठवण्यात आले असून  पुण्यश्लोक अहिल्यादेवी होळकर यांचे आजोळ हे उस्मानाबाद जिल्ह्यातील चोराखळी या ठिकाणी आहे. तसेच अहिल्यादेवी यांचे सामाजिक कार्य खुप मोठे आहे. वैद्यकीय महाविद्यालयास त्यांचे नाव दिल्यास भविष्यात त्यांचा आदर्श घेवून हे विद्यार्थी आपल्या सामाजिक, प्रशासकीय व वैद्यकीय व्यवसाय करतानाअहिल्यादेवी यांचा आदर्श घेवून आपले काम करतील म्हणून उस्मानाबाद येथील शासकीय वैद्यकीय महाविद्यालयास अहिल्यादेवी होळकर यांचे नाव देण्यात यावे असे निवेदनात म्हटले आहे. यावेळी प्रा. सोमनाथ लांडगे, डॉ. संतोष पाटील, प्रा. मनोज डोलारे, नवनाथ काकडे,बिभीषण लोकरे, गणेश सोनटक्के, राहुल काकडे, नरसिंह मिटकरी, अशोक गाडेकर,  बालाजी तेरकर उपस्थित होते.