दैनिक जनमत

                               उस्मानाबाद – शहरात दि.२३ जानेवारी  रोजी सांजा रोड कठारे दवाखाना समोर अभिजात नारायण पंतगे हे फोनवर बोलत असताना उस्मानाबाद येथील तहसीलदार गणेश माळी यांनी तू येथे का थांबला आहेस असे विचारून अभिजात पंतगे यास शिवीगाळ करत लाथबुक्कयांनी मारहाण केली तसेच तुझ्यावर ३५३ कलमा अंतर्गत गुन्हा नोंद करतो अशी धमकी दिली याविरोधात अभिजित पंतगे यांनी जिल्हाधिकारी यांच्याकडे तक्रार केली आहे.  तहसीलदार गणेश माळी यांच्या विरोधात कडक कारवाई करूनमला न्याय द्यावा अशी मागणी त्यांनी जिल्हाधिकाऱ्यांकडे केली आहे.  जिल्हाधिकारी या तक्रारीवर तहसीलदार गणेश माळी यांच्याविरोधात काय कार्यवाही करतात याकडे सर्वाचे लक्ष्य लागले आहे.

 जिल्हा नियोजन बैठकीत अभिनंदन ठराव मंडण्यावरून झाला होता राडा 

परंडा :- उस्मानाबाद येथे दि 25 रोजी झालेल्या जिल्हा नियोजन बैठकीमध्ये जिल्ह्यातील विविध विषयांवर चर्चा झाली  तर काही ठराव घेण्यात आले. यामध्ये जिल्हा परिषद सदस्य यांनी नीरा भीमा स्थिरीकरण योजना मार्गी लावल्याबद्दल राज्याचे जलसंपदा मंत्री यांच्या अभिनंदनाचा ठराव मांडणयात आला  यावेळी माजी मंत्री तथा  आ तानाजी सावंत यांनी  या ठरावात दुरुस्ती करण्याची सूचना केली  सावंत म्हणाले की ,मराठवाड्याला हक्काचे पाणी मिळवून देण्यासाठी मुख्यमंत्री उध्वव ठाकरे यांनी खास बाब म्हणून अतिशय तातडीने बैठक लावून लवकरात लवकर मराठवाड्याला पाणी मिळाले पाहिजे याची सविस्तर माहिती नियोजन मंडळाला दिली व पाहिले उद्धव ठाकरे यांच्या अभिनंदनाचा ठराव घेण्याची सूचना ,हट्ट धरला त्यामुळे यामध्ये फक्त जलसंपदा मंत्री यांचे अभिनंदन  करण्याच्या ठरावात बदल करून  मुख्यमंत्री व  जलसंपदा मंत्री यांचे अभिनंदन करण्याचा ठराव घ्या अशी सूचना करणे म्हणजे पक्ष विरोधी भूमिका असू शकत नाही. असे यावेळी जिल्हाप्रमुख  गौतम लटके यांनी स्पष्ट केले  

    एखाद्या कामात प्रशासकीय अधिकाऱ्यांनी ढिलाई केली तर जनतेचे प्रश्न सुटणार नसतील तर  लोकप्रतिनिधिनी त्या त्या वेळेस प्रशासनाला सूनवणे गरजेचे आहे जर प्रशासकीय अधिकारी  यांनी कामात दिरंगाई केली तर याचा दोष जनता सरकारला देते जनतेने सरकारला दोषी धरू नये म्हणून आम्ही अधिकाऱ्यांनी काम करणं गरजेचे ही काळजी आम्ही घेतोय असे सावंत याना वाटले  परंतु काहींनी याचा विपर्यास करून आ. सावंत यांना  बदनाम करण्याचा प्रयत्न केला तो चुकीचा असल्याचे  मत शिवसेना जिल्हाप्रमुख गौतम लटके  यांनी परंडा येथील शासकीय विश्रामगृहात झालेल्या पत्रकार परिषदेत व्यक्त केले 

 यावेळी या पत्रकार परिषदेत  जिल्हा परिषद उपाध्यक्ष धनंजय सावंत,शिवसेना तालुका प्रमुख अण्णासाहेब जाधव,सतीश मेहेर यांच्यासह शिवसेनेचे पदाधिकारी उपस्थित होते 

 आ. सावंत यांनी मांडले मुद्दे 

  जिल्हा नियोजन मधील निधी लोकसंख्या प्रमाणे वाटप व्हावा कोणत्याही तालुक्यावर अन्याय होऊ नये 

शेतकऱ्यांना अखंडित वीज पुरवठा होण्यासाठी महावितरण च्या अधीक्षक अभियंता यांनी लक्ष देणे  गरजे आहे

 नियोजन मंडळाने महावितरण ला देखभालिसाठी ज्यादा निधीची तरतूद करावी 

अतिवृष्टी झालेल्या तालुक्याला ज्यादा निधीची तरतूद करावी अश्या मागण्या केल्या

ईट-(प्रतिनिधी)ईट येथे विठ्ठल सोनबा चव्हाण यांची अज्ञाताने दगडाने ठेचून निर्घृण खून केल्याची घटना शनिवारी उघडकीस आली . ही घटना ईट जातेगाव रोडवर ईरीकेशन कॉलनी जवळील आंबरईत  घडली. सदर घटनेमुळे ईट परिसर हादरला असून मोठ्या प्रमाणावर खळबळ उडाली आहे .तसेच नागरिकातून वेगवेगळे तर्कवितर्क काढले जात आहेत.  याबाबत पोलिसांकडून मिळालेल्या माहितीनुसार 22 ते 23 जानेवारी च्या राञी अज्ञात मारेकर्‍यां कडून दगडांनी  विठ्ठल चव्हाण यांचे तोंडावर दगड मारून  हत्या करण्यात आली . प्रकरणाच्या तपासासाठी डॉग स्काॅडला  पाचारण करण्यात आले होते. तसेच घटनास्थळी वरिष्ठ अधिकाऱ्यांनी भेटी दिल्या असून उशिरापर्यंत गुन्हा नोंदविण्याची प्रक्रिया सुरू होती. 

उस्मानाबाद : रिपब्लिक टी.व्ही.चे संपादक अर्नब गोस्वामी आणि B.A.R.C. चे C.E.O. पार्थोदास गुप्ता यांच्यातील व्हॉट्सअप चॅट मधून अनेक गंभीर बाबी उघड झाल्या आहेत. विशेषतः पुलवामा येथे सी.आर.पी.एफ. जवानांवर झालेल्या हल्यानंतर पाकिस्तानातील बालकोटवर भारताने हवाई हल्ला केला . या कारवाईची माहिती अर्नब गोस्वामींना घटनेच्या तीन दिवस आधीच होती असे या संभाषणातून स्पष्ट दिसत आहे . देशाच्या सुरक्षेच्या दृष्टीने ही अत्यंत गोपनीय व संवेदनशील माहिती गोस्वामीकडे कशी आली ? देशाच्या संरक्षण विषयक महत्वाची माहिती बाहेर येणे हे अत्यंत गंभीर असून लष्करी कारवाई संदर्भातील माहिती बाहेर कशी आली ? ही माहिती गोस्वामीला कारवाई होण्याच्या तीन दिवस आधी म्हणजे २३ फेब्रुवारी २०१९ रोजी कशी काय मिळाली ? त्याने अजून कोणाला ही माहिती दिली का ? तसेच त्याने स्वतः सांगितले आहे की , ज्याने त्याला ही माहिती दिली तो मोदी सरकार मधील मोठा व्यक्ती आहे . त्यामुळे या सर्व प्रकाराची चौकशी होणे गरजेचे आहे . अर्नब गोस्वामी याचे हे कृत्य Official Secrets Act – १९२३ , Sec.५ नुसार कार्यालयीन गोपनियतेचा भंग करणारे आहेतच पण हा देशद्रोहाचा प्रकार आहे. असे उस्मानाबाद जिल्हा काँग्रेस कमिटी निवेदनात नमूद केले आहे

 पत्रकार अर्नब गोस्वामीला तात्काळ अटक करून त्याच्यावर कठोर कारवाई करण्याची आवश्यकता आहे.  गोस्वामी आणि त्यांच्या रिपब्लिक टी.व्ही.ने अनेक बेकायदेशीर कृत्य केली असून दुरदर्शनची सॅटेलाईट फ्रिक्वन्शी बेकायदेशीर वापरून प्रसार भारतीचे करोडो रुपयांचे नुकसानही केले आहे . रिपब्लिक टी.व्ही . ने दुरदर्शनला पैसे न देता त्यांच्या फ्रिक्वन्शी वापरने हा गुन्हा आहे . टी.आर.पी. घोटाळ्याची चौकशी करताना या बेकायदेशीर कृत्याचीही चौकशी होणे गरजेचे आहे . दुरदर्शनने माहिती व प्रसारण मंत्री राजवर्धन राठोड यांच्याकडे या संदर्भात तक्रार केली असता राठोड यांनी ती तक्रार बाजूला ठेवली असे या संभाषणातून दिसून येत आहे . याचाच अर्थ मोदी सरकारचा गोस्वामीला पाठींबा आहे . जनतेचा पैसा लुबाडणाऱ्या अर्नब गोस्वामी विरोधात केंद्र सरकार कारवाई का करत नाही असा प्रश्न काँग्रेस कमिटीने या निवेदनात उपस्थित केला आहे. 

 व्हॉट्सअप चॅट वरून अर्नब गोस्वामी यांचे पंतप्रधान , गृहमंत्री यांच्यासह सरकार मधील मंत्र्यांशी अत्यंत निकटचे संबंध असून त्यांनी त्याला नियमाच्या पलीकडे जावून व्यवसायीक मदत केली असल्याचे स्पष्ट आहे . त्या सोबतच पुलवामा हल्ला हा मोठ्या व्यक्तीच्या फायद्याचा आहे तो निवडणुक जिकेल असा उल्लेख ही या चॅट मध्ये आहे . त्यामुळे भाजपने निवडणुक जिंकण्यासाठी शहीद जवानांच्या बलीदानाचा वापर केला का ? याचे उत्तर ही केंद्र सरकारने दिले पाहिजे. अर्नब गोस्वामी आणि केंद्रातील भाजप सरकारचे साटेलोटे हा माध्यम स्वातंत्र्य , देशाची सुरक्षा आणि लोकशाहीसाठी अत्यंत धोकादायक आहे. त्यामुळे निवेदनातील सर्व गंभीर बाबींची चौकशी करून अर्नब गोस्वामी यांना तात्काळ अटक करून कठोर कायदेशीर कारवाई करावी, अशी मागणी उस्मानाबाद जिल्हा काँग्रेस कमिटीच्या वतीने गृहमंत्री यांना जिल्हाधिकारी मार्फत निवेदन देऊन करण्यात आली आहे.

यावेळी जिल्हाध्यक्ष धीरजभैय्या पाटील, कार्याध्यक्ष प्रकाश आष्टे, संघटक राजेंद्र शेरखाने, शहराध्यक्ष अग्निवेश शिंदे, अल्पसंख्याक जिल्हाध्यक्ष सय्यद खलील सर, प्रशांत पाटील, नगरसेवक सिद्धार्थ बनसोडे, मा.नगरसेवक दर्शन कोळगे, युवक प्रदेश सचिव उमेश राजेनिंबाळकर, मूहिब शेख, खुद्दुस सिद्दीकी, हरिभाऊ शेळके, मिलिंद गोवर्धन, विश्वजित शिंदे, राहुल लोखंडे, अभिजित देडे, प्रसन्न कथले कृष्णा तवले, सचिन धाकतोडे, समाधान घाटशिळे, सुरेंद्र पाटील, मेहराज शेख यांच्यासह पदाधिकारी उपस्थित होते.

विश्वजीत गोरड/पिलिव प्रतिनिधी : सोलापूर- सातारा जिल्ह्याच्या सरहद्दीवरील माण- माळशिरस तालुक्याच्या मध्यावर माळशिरस तालुक्यातील गोरडवाडी हे सधन गाव असून या गावातील वयोवृद्ध, तरुण व सर्वसमावेशक घटकांनी एकत्र येऊन गावची ग्रामपंचायत निवडणूक बिनविरोध करून आदर्श निर्माण केला. त्या आनंदाप्रीत्यर्थ माजी सरपंच  नानासाहेब कर्णवर पाटील यांनी कर्णवर पाटील परिवारातर्फे नूतन बिनविरोध ग्रामपंचायत सदस्यांचा सन्मान ,त्यांचे वडील आबाजी कर्णवर पाटील यांच्या १११ व्या वाढदिवसाचे व मुलगा सद्गुरू श्री श्री साखर कारखाना लिमिटेड राजेवाडी श्री श्रीनगर चे व्हाईस चेअरमन बाळासाहेब कर्णवर पाटील यांच्या वाढदिवसाच्या निमित्ताने या आजोबां- नातूं च्या  औक्षणाच्या संयुक्त कार्यक्रमाचे आयोजन केले होते. सदर कार्यक्रमाला प्रमुख अतिथी म्हणून नुकताच वाढदिवस झालेले सद्गुरु श्री श्री साखर कारखान्याचे चेअरमन एन शेषागिरी राव यांना निमंत्रित केले होते ‌.त्याच वेळी तालुक्यातील जुन्या पिढीतील,नव्या पिढीतील सर्व जेष्ठ,श्रेष्ठ मंडळींच्या उपस्थितीत वाढदिवसाचा आनंद घेत औक्षणाचा कार्यक्रम आनंदात पार पाडीत. १११ वयाच्या पित्याकडून बिनविरोध ग्रामपंचायत सदस्यांचा व पत्रकार दिनाचे महत्त्व ओळखून तालुक्यातील पत्रकारांचा सन्मान करून नवनिर्वाचित सदस्यांना आशीर्वाद देऊन मकर संक्रांतीच्या पूर्वसंध्येला सर्वांना स्नेहभोजन देण्यात आले. सदर कार्यक्रमाचे नियोजन ए.पी.आय. सोमनाथ कर्णवर, अजित बापू कर्णवर , शामराव कर्णवर,सचिन  कर्णवर व अतुल आवाड यांनी केले तर आभार पै.गणेश कर्णवर यांनी मानले. गोरडवाडी ग्रामपंचायत बिनविरोध झाल्यामुळे उत्सवमूर्तींचे नातू ए.पी.आय सोमनाथ कर्णवर यांनी ५१ हजार रुपये गावच्या विकासासाठी दिले.