दीड हजाराची लाच घेताना कनिष्ठ अभियंता लाचलुचपत च्या जाळ्यात
उस्मानाबाद – दीड हजाराची लाच घेताना कनिष्ठ अभियंता लाचलुचपत च्या जाळ्यात अडकली असून जिल्ह्यात खळबळ उडाली आहे.राजश्री उत्तमराव शिंदे, वय 40 वर्षे, असे आरोपीचे नाव असून कनिष्ठ सहाय्यक, जि. प.बांधकाम विभाग,उप विभाग भूम जि. उस्मानाबाद या पदावर त्या कार्यरत आहेत.
याबाबत माहिती अशी की तक्रारदाराचे वडील हे मैल कामगार म्हणून 2016 मध्ये सेवानिवृत्त झाल्यानंतर 2021 मध्ये त्यांची सुधारीत वेतननिश्चिती बाबत आदेश काढण्यात आले होते. सदर फरक रक्कम बिलाच्या रु.91257/- च्या चेकवर साहेबांची सही घेऊन देण्यासाठी आरोपीने तक्रारदार यांचेकडे 1500/- रुपयांच्या लाचेची पंचांसमक्ष मागणी करून पंचासमक्ष स्वीकारली.या कारवाई मध्ये सापळा अधिकारी: – प्रशांत संपते, पोलीस उप अधीक्षक , ला.प्र.वि . उस्मानाबाद.
मार्गदर्शक – डॉ. राहुल खाडे, पोलीस अधीक्षक, ला.प्र.वि.औरंगाबाद
मा.श्री.विशाल खांबे,अपर पोलीस अधीक्षक, ला. प्र .वि. औरंगाबाद
सापळा पथक – पोअ/ दिनकर उगलमुगले, मधुकर जाधव, अर्जुन मारकड, विशाल डोके ला.प्र.वि, उस्मानाबाद.
यांनी काम पाहिले.
कोरोनाने मृत्यू झालेल्यांच्या नातेवाईकांनी सानुग्रह अनुदानासाठी 14 व 15 मार्चला कागदपत्रांची तपासणी करुन घेण्याचे आवाहन
उस्मानाबाद,दि.11(प्रतिनिधी):-कोविड-19 आजारामुळे मृत्यू झालेल्या व्यक्तीच्या नातेवाईकांना 50 हजार रुपये सानुग्रह अनुदान देण्यात येत आहे.हे सानुग्रह अनुदान मिळविण्यासाठी अर्जदारांनी ऑनलाईन पध्दतीने अर्ज केले आहेत. अर्ज तपासणी करताना रिजेक्ट झाले आहेत आणि ज्यांना ॲप्लाय GRC असा मॅसेज आला आहे.अशा अर्जदारासाठी दि.4 ते 7 फेब्रुवारी 2022 आणि दि.10 व 11 मार्च 2022 रोजी कागदपत्र तपासणी करण्यासाठी बोलवण्यात आले होते.परंतु जे अर्जदार उपस्थित राहु शकले नाहीत.त्यांनी दि.14 व 15 मार्च 2022 रोजी कागदपत्र तपासणीसाठी अर्जदारांनी नियोजन भवन,जिल्हाधिकारी कार्यालय येथे उपस्थित राहावे.
तांत्रिक अडचणीमुळे दि.14 व 15 मार्च 2022 रोजी कागदपत्र तपासणीसाठी उपस्थित राहण्याबाबत नातेवाईकांना मोबाईल वर कोणताही वेगळा मेसेज येणार नाही.
