दैनिक जनमत

कंडारी (शंकर घोगरे)

 भैरोबाच्या नावानं चांगभलं च्या गजरात गुलाल खोबऱ्याची उधळण करत कावडीची मिरवणूक मोठ्या थाटात काढण्यात आली. यावेळी अनेकांनी नवसाचे तोरण बांधले पायघड्या घातल्या . महाराष्ट्रासह आंध्र व कर्नाटकातील भाविकांचे श्रद्धास्थान असणाऱ्या परंडा तालुक्यातील कंडारी येथील श्री काळभैरवनाथ यात्रेस काल दिनांक 23 रोजी कावड मिरवणुकीने सुरुवात झाली आहे.

    गेली दोन वर्ष करोनामुळे भैरवनाथ   यात्रेवर निर्बंध लादले होते. यावर्षी करोना रुग्णांत लक्षणीय घट झाल्याने यंदा  यात्रेवरील सर्व निर्बंध हटवले असल्याने यात्रा संपन्न होत आहे.

परंपरेनुसार दुपारी साडेबारा वाजता सुतार नेटवरून सनई चौघड्याच्या स्वरात ढोल-ताशांच्या गजरात हलगीच्या तालावर भैरवनाथाच्या कावडीची मिरवणूक काढण्यात आली. मुख्य रस्त्यावरून गणपती मंदिर, मारुती मंदिर, मार्गे भैरवनाथ मंदिरास प्रदक्षिणा घालून मंदिरा समोर ठेवण्यात आली. यावेळी देवाच्या नावानं चांगभलं चा गजर करत गुलाल खोबऱ्याची उधळण करण्यात आली . त्यानंतर गावकऱ्यांनी देवास आंबील पुरणपोळीचा नैवेद्य अर्पण केला. परंपरेनुसार रात्री ठीक बारा वाजता भैरवनाथ जोगेश्वरी विवाह संपन्न झाला. लग्न सोहळ्यासाठी बीड आंबेजोगाई लातूर उस्मानाबाद इतर भागातील भाविक भक्त मोठ्या संख्येने दाखल झाले होते.

 दरवर्षी यात्रेत लाखो भाविक दर्शनासाठी येतात. यंदा करोनाचे संकट दूर झाले असल्याने मोठ्या प्रमाणात गर्दी होणार असल्याचा अंदाज आहे. कावड मिरवणुकीच्या वेळी बाळासाहेब पडघन, भैरवनाथ शिंदे, मा. जि प सदस्य धनंजय मोरे, माजी सरपंच विश्वास मोरे ,उपसरपंच राहुल डोके, विशाल देवकर, दिलीप मोरजकर, आदेश निंबोळे ,दादासाहेब घोगरे, सारंग घोगरे, भाऊसाहेब तीबोळे ,नवनाथ तीबोळे, हरी घोगरे, यांचे सह, ग्रामपंचायत सदस्य व ग्रामस्थ ,भाविक भक्त मोठ्या संख्येने उपस्थित होते.

 आज दिनांक 24 रोजी दुपारी दोन वाजता जंगी कुस्त्यांचे मैदान होणार असून कुस्ती शौकिनांनी याचा लाभ घ्यावा असे आवाहन करण्यात आले आहे.

पाझर तलाव दुरुस्तीच्या कामावर अभियांत्यांची देखरेख नसल्यामुळे कामाचा दर्जा खालावला 

अभियंता गायब बिले कोण रेकॉर्ड करणार ठेकेदारांचा टाहो

पाझर तलाव दुरुस्तीचे काम निकृष्ठ दर्जाचे केले जात असल्याची मलकापुर च्या सरपंचा सह ग्रामस्थांची तक्रार

परंडा (भजनदास गुडे ) – जिल्हा परिषद लघूपाटबंधारे उप विभाग परंडा कार्यालया मार्फत पाझर तलाव दुरुस्ती,कोल्हापुरी बंधारे दुरूस्तीची कामे करण्यात येत असुन कनिष्ठ अभियंता हनुवते गेल्या अनेक दिवसा पासुन गायब असल्यामुळे मलकापुर येथिल पाझर तलावाचे काम निकृष्ठ दर्जाचे करण्यात येत असल्याची तक्रार सरपंचा सह ग्रामस्थांच्यां वतीने निवेदना द्वारे करण्यात आली आहे.

      दि २२ एप्रील रोजी जिल्हा परिषद लघू पाटबंधारे उप विभाग  कार्यालयास दिलेल्या निवेदनात म्हटले आहे की परंडा तालुक्यातील मलकापुर येथिल पाझर तलाव क्र ३च्या दुरुस्तीचे काम करन्यात येत असुन कामावर अभियंता फिरकलेच नसल्याने ठेकेदारा कडून निकृष्ठ दर्जाचे काम करण्यात येत आहे .

     भरावाचे खोदकाम अरूंद व कमी खोलीचे करून निकृष्ठ दर्जाची काळी माती भरण्यात येत आहे.तसेच दबाई साठी रोलींग व पाणी मारण्यात येत नाही .

   या प्रकरणी सबंधीत आधिकारी यांनी दखल घेऊन केलेल्या  कामाची दुरुस्ती करून घ्यावी अशी मागणी करन्यात आली आहे.

या प्रकरणी जलसंधारण आधिकारी जोशी यांच्याशी संपर्क साधला असता अंदाजपत्रका नुसार काम करण्यच्या सुचना ठेकेदार यांना पुर्वीच दिलेल्या असून,कनिष्ठ अभियंता हनुवते विना परवाना गैरहजर असल्याची माहिती वरिष्ठ आधिकारी यांना .देण्यात आली असून सदरील कामाची पाहणी करण्यात येईल असे सांगीतले.

या कार्यालया अतंर्गत नवीन कोल्हापूरी बंधाऱ्यांची व पाझर तलाव दुरूस्तीची करोडो रुपयांची कामे सुरु आहेत. यातील काही कामे अंतीम टप्यात आहेत मात्र या कामाची साईट पाहाणारे कनिष्ठ अभियंता मागील काही दिवसापासुन गायब असल्यामुळे या कमाची साईट कोण पाहाणार व अंतीम टप्यात असलेल्या कामाचे बीले कोण रेकॉर्ड करणार असा प्रश्न समंधीत ठेकेदाराना सतावत आहे.

       मलकापुर सरपंच व ग्रामस्थ यांच्या तक्रारी वर अधिकारी काय कारवाई करतात याकडे तालुक्याचे लक्ष लागले आहे .

    निवेदनावर मलकापुर च्या सरपंच सुक्षाला कुतवळ,लक्ष्मण खोसे पाटील,मारूती हिवरे, बाबुराव हिवरे,अर्जुन जरे,महादेव तेरकर, लक्ष्मण वरपे,गोपाळ खोसे भालचंद्र हिवरे,तुकाराम तेरकर, दत्ता ढवळे, प्रविण भोगील,ओंकार खोसे, संदिप हिवरे,कृष्णा चौगुले, रंगराव खोसे, दिगंबर भोसले,मारूती चव्हाण, महादेव चव्हाण,पांडूरंग तेरकर, भाऊराव बिडवे,रामदेव तेरकर आदीच्या स्वाक्षऱ्या आहेत.

उस्मानाबाद – आज सरकारने एस टी कर्मचाऱ्यांना दिलेल्या अल्टिमेटमचा शेवटचा दिवस. यासाठी विभागीय नियंत्रक कार्यालयात कर्मचारी सुनावणीसाठी येत आहेत मात्र यासोबत काही कर्मचारी ‘टुल्ल’ होऊन येत असल्याने विभागीय नियंत्रक आणि त्यांच्या कार्यालयातील अधिकाऱ्यांना सुरक्षेची आवश्यकता आहे. 

आज सकाळी पत्रकार वार्तांकनासाठी गेले असता त्यांना काही कर्मचाऱ्यांमध्ये संशयास्पद हालचाली दिसून आल्याने अधिकारी आणि कर्मचाऱ्यांना सुरक्षेची आवश्यकता आहेच मात्र कोणी कर्मचारी मद्यधुंद अवस्थेत आहेत का याची तपासणी करण्यासाठी वेगळ्या यंत्रणेची आवश्यकता आहे. राष्ट्रवादीचे नेते शरद पवार यांच्या घरावर झालेल्या हल्ल्यातील काही कर्मचाऱ्यांनी मद्य प्राशन केल्याची चर्चा आहे. उस्मानाबाद विभागीय नियंत्रक कार्यालयात तसा गोंधळ होऊ द्यायचा नसेल तर वेळीच खबरदारी घ्यावी लागेल. टल्ली होऊन येणारे आणि ज्यांना गोंधळ घालायचा आहे अश्या कर्मचाऱ्यांबाबत दैनिक जनमत ने विभाग नियंत्रकांना कळवले आहे. पोलीस प्रशासनाने देखील याची काळजी घ्यावी यासाठी आहे ‘वृत्तप्रपंच’.

उस्मानाबाद – कळंब तालुक्यातील चोराखळी नजिक राष्ट्रीय महामार्ग  वर झालेल्या विचित्र अपघातात महिलेचा जागीच मृत्यू झाला असून अन्य ७ जणांना उस्मानाबाद जिल्हा शासकीय रुग्णालयात आणले आहे.

मिळालेल्या माहितीनुसार उस्मानाबाद जिल्ह्यातील तेरखेडा (ता.वाशी) येथील गोळे कुटुंबातील सदस्य लग्न समारंभासाठी सकाळी उस्मानाबादकडे येत होते. त्याचवेळी उस्मानाबाद येथून परंड्याकडे उपप्रादेशिक परिवहन कार्यालयाचे पथक अनुज्ञप्ती नोंदणीच्या शिबिरासाठी जात होते. धुळे-सोलापूर राष्ट्रीय महामार्गावर वडगाव (ज) गावाजवळ अचानक रस्त्यात जनावर आडवे आल्यामुळे चालकाचे नियंत्रण सुटून आरटीओ कार्यालयाची जीप (एमएच 06 -एडब्ल्यू  रस्ता दुभाजक ओलांडून विरुद्ध मार्गावर आली. त्याचवेळी समोरुन येणार्‍या कारला जीपची जोराची धडक लागली. या अपघातात निर्मला सुरेश गोळे (65) ही वृद्ध महिला जागीच ठार झाली. तर एसटी महामंडळाचे नियंत्रक बाळासाहेब काळे (वय45) यांचा जिल्हा शासकीय रुग्णालयात उपचारादरम्यान मृत्यू झाला. या अपघातात उपप्रादेशिक परिवहन कार्यालयाचे मोटार वाहन निरीक्षक श्रीकांत शिंदे, सहायक मोटार वाहन निरीक्षक कुणाल होले, संगणक चालक सुनील पडवळ, एसटी महामंडळाचे नियंत्रक अनंत आदमाने (40), तेरखेडा येथील धीरज गोळे (25), शिवप्रसाद धीरज गोळे (1.5 वर्ष), वृषाली धीरज गोळे (24), चंद्रकला सदाशिव गोळे (70), प्रकाश सदाशिव गोळे (45) हे गंभीर जखमी झाले. प्रकृती चिंताजनक असलेल्या दोघांना उस्मानाबाद शहरातील इतर खासगी रुग्णालयात तर दोघांना सोलापूर येथे उपचारासाठी पाठविण्यात आले आहे.