दैनिक जनमत

उस्मानाबाद – तेरणा लवकरात लवकर सुरू व्हावा या मागणीसाठी तेरणा बचाव संघर्ष समितीच्या वतीने आत्मदहनाचा इशारा देण्यात आला आहे.समितीच्या वतीने जिल्हाधिकाऱ्यांमार्फत मुख्यमंत्र्यांना निवेदन दिले या निवेदनात म्हटले आहे की, सन २०१२ ते २०२२ गेल्या १० वर्षीपासून तेरणा कारखाना बंद आहे २०२१ ला तेरणा बचाव संघर्ष समितीने आंदोलन केले होते जिल्हा मध्यवर्ती बँकेने मार्ग काढून २५ नोव्हेंबर २०२१ हा कारखाना भाडेतत्त्वावर दिला होता पण २१ शुगर्स लातूर व भैरवनाथ शुगर सोनारी यांनी हे प्रकरण न्यायालयात नेले गेल्या ६ महिन्यांपासून हे प्रकरण या न्यायालयातून त्या न्यायालयात चालू आहे तरी मुख्यमंत्री व उपमुख्यमंत्री यांनी या दोन संस्थांमध्ये  मध्ये तडजोड करून तेरणा चालू करावा व तेरणा परिसरातील शेतकऱ्यांची होणारी हेळसांड थांबावी अन्यथा ४ जून रोजी तेरणा साखर कारखान्यासमोर शेतकरी व कर्मचारी आत्मदहन करणार आहेत या निवेदनावर अनिल कोकाटे, सुनिल समुद्रे,शहाजी शिंदे, श्रीकांत परीट,बबलू सिरसिर, शशिकांत देशमुख यांच्या स्वाक्षऱ्या आहेत.

ईट(प्रतिनिधी) ईट येथील वीज वितरण कंपनीच्या शाखेकडून ईटसह परिसरात कमी दाबाने विद्युत पुरवठा होत आहे. तसेच वेळोवेळी विद्युत पुरवठा खंडित पण होतो . तसेच लोडशेडिंग यामुळे नागरिकांना खूप त्रास सहन करावा लागत आहे. याबाबत वीज वितरण कंपनीचे कनिष्ठ अभियंता यांना निवेदन देण्यात आले असून हे प्रकार असेच सुरू राहिल्यास दिनांक चार मे रोजी जातेगाव -भुम रोड वर नागेवाडी चौकांमध्ये युवा सेनेच्या वतीने रास्तारोको आंदोलन करण्यात येणार असल्याचे निवेदन युवा सेना तालुका प्रमुख निलेश चव्हाण तसेच प्रविण देशमुख ,राकेश भोसले आदींनी दिलेल आहे.  दिलेल्या निवेदनात नमूद करण्यात आले आहे की  विद्युत पुरवठा कमी चालत असल्याने फॅन कुलर चालत नाहीत . यामुळे याचा विशेष करून  त्रास लहान बालकांना व वयोवृद्ध नागरिकांना होत आहे. तसेच बँक ऑफ महाराष्ट्र शाखेचे कामकाज ही  कमी दाबाने चालणारे विजेमुळे  बंद पडत आहे .यामुळे या परिसरातील नागरिकांना आर्थिक ही त्रास सहन करावा लागत आहे. तरी विद्युत पुरवठा याबाबत नागरिकांच्या अडचणी दूर करण्यात याव्यात अन्यथा युवा सेनेच्या वतीने रास्तारोको आंदोलन करण्याचा इशारा देण्यात आला आहे.

   पहिले राजस्थान (दिल्ली )तर दुसरे बक्षीस जेजुरी संघाने पटकाविले

पारा (राहुल शेळके ):वाशी तालुक्यातील पारा येथे दि.30 एप्रिल रोजी माजी हॉलीबॉल पटू श्री.सर्जेराव आबा पाटील व कै.सुरेश बाबुराव भराटे यांच्या स्मरणार्थ भव्य खुल्या ढकली हॉलीबॉल स्पर्धेचे आयोजन करण्यात आले होते. या स्पर्धेत एकूण 28संघांनी सहभाग नोंदवला होता.या स्पर्धेचे बक्षीस वितरण सोमवारी सकाळी पार पडले.

         या स्पर्धेत शिवसेनेचे भूम -परांडा -वाशी चे आमदार डॉ. तानाजीराव सावंत यांच्या तर्फे पहिले पारितोषिक 51000/ रु राजस्थान (दिल्ली )संघाने , दुसरे पारितोषिक वाशीचे शिवसेना नेते प्रशांत बाबा चेडे यांचे 41000/ रु जेजुरी संघाने , तिसरे पारितोषिक पारा चे उपसरपंच अतुल चौधरी यांचे 31000 / रु सोलापूर संघाने ,चौथे पारितोषिक सामाजिक कार्यकर्ते पंजाबराव कवडे यांचे 21000/ रु पारा संघाने , पाचवे पारितोषिक शिवसेना गटनेते नागनाथ नाईकवाडी यांचे 11000/ रू दिल्ली संघाने , सहावे पारितोषिक उपसभापती विष्णुपंत मुरकुटे यांचे 10000/ रु मुरुड संघाने , सातवे पारितोषिक पत्रकार राहुल शेळके यांचे 9000/रु येडशी संघाने , आठवे जि. प सदस्य रामभाऊ खंडागळे यांचे 8000/ रु पारा संघाने तर  शिस्तबद्ध संघ म्हणून डोंजा संघाने बक्षीस पटकावले . यावेळी प्रशांत बाबा चेडे, विष्णुपंत मुरकुटे, राजेंद्र काशीद, अतुल चौधरी, सर्जेराव पाटील, जीवन भराटे,  बिभीषण भराटे, जयंत पानसे आदी मान्यवरांच्या हस्ते बक्षीस वितरण करण्यात आले.यासाठी अशोक भराटे ,अर्जुन ढेंगळे , सखाराम भराटे, सुंदर माळी, शशिकांत टाचतोडे, सचिन भराटे,विकास भराटे ,नकुल घरत,अक्षय गवळी , दत्तात्रय भराटे, , संजय फुरडे, अतुल धुमाळ, प्रदीप पाटील ,समीर शेख, केकान सर, शायक सय्यद , आणि संपूर्ण पारा हॉलीबॉल संघ, गावकरी तरुण मित्र मंडळ यांनी मोलाचे सहकार्य केले.

उस्मानाबाद

उस्मानाबाद नगरपरिषद कर्मचारी संघटनेच्या वतीने बेमुदत काम बंद आंदोलन पुकारले आहे. महाराष्ट्र राज्य नगर परिषद,नगर पंचायत कर्मचारी,संवर्ग कर्मचारी, सफाई कामगार संघटना संघर्ष समिती, राज्यातील नगर परिषद, नगर पंचायती मधील कर्मचारांना न्याय हक्कासाठी मागण्यांसाठी १ मे ध्वजारोहण कार्यक्रमानंतर हा राज्यव्यापी बेमुदत काम बंद आंदोलन पुकारले आहे. त्यांच्या मागण्या पुढीलप्रमाणे राज्यातील नगरपालिका, नगरपंचायती मधील कर्मचाऱ्यांचे १०० टक्के वेतन शासकीय कर्मचाऱ्यांप्रमाणे कोषागारात मार्फत करण्यात यावे,सेवा निवृत्त कर्मचाऱ्यांची सातव्या वेतन आयोगाच्या फरकाची रक्कम तात्काळ अदा करण्यात यावी, राज्यातील नगरपालिका नगरपंचायती मागणीपेक्षा कमी देण्यात आलेले सहाय्यक अनुदान त्वरित वितरित करण्यात यावे, राज्यातील नगरपंचायती मधील पूर्वीचे व उद्घोषणा नंतरच्या सर्व कर्मचाऱ्यांचे वेतन सरसकट समावेशन करावे तसेच नागपूर विभागातील नगरपंचायती मधील अतिरिक्त ठरलेल्या कर्मचारी व मित्र संस्था नाशिक यांनी प्रशिक्षण घेतल्यामुळे राहिलेल्या नगरपंचायतीच्या कर्मचाऱ्यांचे तात्काळ समावेशन करण्यात यावे. नगरपंचायतीच्या कर्मचाऱ्यांची सेवा सेवानिवृत्त व इतर लाभासाठी ग्राह्य धरण्यात यावी राज्यातील नगरपालिका नगरपंचायती कर्मचाऱ्यांना सातवा वेतन आयोगाच्या शिफारशी नुसार दिनांक १ जानेवारी २०१६ पासून दहा वीस तीस प्रगती योजना त्वरित लागू करावी सफाई कर्मचाऱ्यांना मोफत घरे बांधून देण्यात यावेत व त्यांच्या पाल्यांना वरिष्ठ पदावर पदोन्नती देण्यात यावी राज्यातील नगरपालिका नगरपंचायती व बंद करून कार्यरत कंत्राटी कर्मचाऱ्यांना नगरपालिका व नगरपंचायत सेवेत सामावून घेण्यात यावी सफाई कामगारांना राज्य सफाई आयोगाच्या सर्व शिफारशी लागू करण्यात यावेत तसेच सफाई कामगारांना व अत्यावश्यक सेवेतील सर्व कर्मचाऱ्यांना सार्वजनिक सुट्ट्यांना मोबदला देण्यात यावा. इत्यादी मागणीसाठी नगरपालिकेतील कर्मचाऱ्यांनी बेमुदत कामबंद आंदोलन पुकारले आहे.