दैनिक जनमत

आंदोलनात बहूसंख्य महिलांनी सहभागी व्हावे-जाकीर सौदागर

परंडा (भजनदास गुडे)इंधन व जिवनावश्यक वस्तुची दरवाढ,केंद्र सरकार च्या विरोधात राष्ट्रवादी महिला कॉंग्रेस च्या वतीने १५ मे रोजी सकाळी ११ वाजता टिपू सुलतान चौक, आठवड बाजार परंडा येथे अंदोलन करण्यात आहे.या आंदोलनात वाहूसंख्य महिलांनी सहभागी व्हावे असे अव्हान मा.नगर अध्यक्ष जाकीर सौदागर यांनी केले आहे.

     सदर आंदोलन राष्ट्रवादी काँग्रेस पार्टीच्या विभागीय अध्यक्षा सौ.वैशालीताई राहुल मोटे यांच्या मार्गदर्शना खाली व राष्ट्रवादी युवक काँग्रेस चे प्रदेशाध्यक्ष महेबुब शेख,मा.आ.राहूल मोटे,राष्ट्रवादी युवती प्रदेशाध्यक्षा सक्षणा सलगर, जिल्हाध्यक्षा मनिषा राखुंडे यांच्या उपस्थिती मध्ये केंद्र सरकारच्या गॅस दरवाढ,पेट्रोल डिझेल,सिएनजी व जीवनावश्यक वस्तु महागाई वाढीच्या धोरणाविरूध्द राष्ट्रवादी काँग्रेस पार्टी महिलांच्या वतीने आंदोलन करण्यात येणार आहे.तरी या आंदोलनासाठी बहुसंख्य महिलांनी उपस्थित राहावे,असे आवाहन माजी नगराध्यक्ष जाकीर सौदागर यांनी केले आहे.

 उस्मानाबाद शहरातील स्काउड गाईड येथे आज सकाळपासून एक बेवारस मृतदेह आढळून आला आहे. याची माहिती तेथील कर्मचाऱ्यांनी आनंद पोलिस स्टेशनला कळवली आनंद येथील पी.पी.बोचरे पोलीस नाईक,आय.बाईक शिंदे पोलीस शिपाई,पो.हे.का.मैद्रे यांनी या घटनास्थळी येऊन त्या मृतदेहाची पाहणी करून मृतदेहाजवळ कोणतेही कागदपत्रे सापडली नाही.  शव विच्छेदनासाठी मृतदेह जिल्हा शासकीय रुग्णालयात नेला असून त्याचा अहवाल आल्यानंतर मृत्यूचे कारण स्पष्ट होणार आहे.

अपडेट 

सदर मृतदेहाची ओळख पटली असून रामकिसन जाधव ( वय ५५) रा. बोंबले  हनुमान चौक पिवळी टाकी परिसर उस्मानाबाद अशी आहे.

 उस्मानाबाद जिल्ह्यातील शेतकऱ्यांना खरीप २०२० च्या हंगामातील पीक विमा नाकारणाऱ्या कंपनीला उच्च न्यायालयाच्या औरंगाबाद खंडपीठाने फटकारून विमा रक्कम शेतकऱ्यांच्या खात्यावर जमा करण्यास आदेशीत केले आहे.

आ. कैलास पाटील यांनी आज मुंबई येथे शिवसेना पक्षप्रमुख तथा राज्याचे मुख्यमंत्री उद्धव ठाकरे यांची भेट घेऊन उस्मानाबाद जिल्ह्यातील पीक विम्याचा कंपनीने निर्माण केलेला पेच व तद्नंतर रिट पिटिशन दाखल करून शेतकऱ्यांनी दिलेला न्यायालयीन लढा व त्याला मिळालेले यश, या सर्व इत्यंभूत बाबी त्यांना अवगत केल्या. लवकरात लवकर पात्र शेतकऱ्यांना त्यांच्या हक्काचा पीक विमा मिळवून देण्यासाठी पुढाकार घेण्याची व कंपनीस नुकसानभरपाई तातडीने देण्याचे निर्देश द्यावेत, अशी विनंती केली. यावर लागलीच मुख्यमंत्री महोदयांनी कृषी सचिव यांना तात्काळ कार्यवाही करण्याच्या सूचना केल्या.

 मुख्यमंत्री उद्धव ठाकरे यांनी पिकविम्या बाबत सकारात्मकता दर्शविली आहे. शेतकऱ्यांच्या खात्यात लवकरात लवकर विमा रक्कम मिळवून देण्यासाठी आम्ही पूर्णपणे प्रयत्नशील असून, त्याला नक्कीच यश मिळेल, अशी ग्वाही दिली.

यावेळी समवेत कळंब तालुकाप्रमुख शिवाजी आप्पा कापसे उपस्थित होते.

जिल्ह्यात खंडणी मागणारे किंवा दलाली घेणारे कोण आहेत. याबाबतीत जिल्ह्यातील शासकीय अधिकारी, ठेकेदार हेच जास्त सांगू शकतील आणि या सर्व गोष्टी जिल्ह्यातील सर्व सामान्य जनतेला माहिती आहेत.

व्हिडिओ पोस्ट करत मुख्यमंत्र्यांकडे बैठक लावण्याचे प्रतीआव्हान

उस्मानाबाद – पिकविम्याच्या विषयावरून जिल्ह्यात राजकारण ढवळून निघाले आहे. शिवसेनेने पत्रकार परिषद घेत आ. राणाजगजितसिंह पाटील यांच्यावर आरोप केल्यानंतर त्यांचे पुत्र भाजप चे युवा नेते मल्हार पाटील आक्रमक झाले आहेत. शिवसेनेच्या नेत्यांना कमिशनखोर लोकप्रतिनिधी म्हणत जोरदार शाब्दिक हल्ला केला आहे.

मल्हार पाटील व्हिडिओ मध्ये म्हणतात, पीक विम्याच्या यशाचे श्रेय शेतकरी हे आमदार राणा दादा यांना देत असल्याने विरोधकांना पोटदुखी होत आहे. हिम्मत असले तर मुख्यमंत्री उद्धव ठाकरे, कृषिमंत्री यांच्या उपस्थितीत बैठक लावा त्या बैठकीत तुम्हाला आमदार राणा दादा हे मुद्देसूद सडेतोड उत्तर देतील मात्र लढणाऱ्या नेत्याला बदनाम करू नका असे सांगत त्यांनी मुख्यमंत्र्याच्या दरबारात बैठक घेण्याचे प्रतीआव्हान शिवसेनेच्या नेत्यांना केले आहे.

उस्मानाबाद जिल्ह्यातील शेतकऱ्यांचे पीक विम्याचे पैसे बुडल्यात जमा होते मात्र आमदार राणादादा यांनी कायदेशीर लढा दिल्यानंतर हे पैसे 6 आठवड्यात देण्याचे आदेश उच्च न्यायलायाने दिले आहेत. राज्य सरकारच्या चुकीच्या धोरणा विरोधात हा निकाल असून त्यासाठी आमदार राणा यांनी प्रयत्न केले. पीक विम्याचे श्रेय हे आमदार राणा यांना मिळत असल्याने विरोधकांना पोटदुखी होत आहे.

आमदार राणाजगजीतसिंह पाटील यांना खुले आव्हान देण्याची लायकी विरोधकात नाही, आमदार राणा यांना खुले आव्हान देणारा अजून जन्माला आला नाही. जर विरोधकात हिम्मत असेल तर त्यांनी पीक विमा या विषयावर केव्हाही मुख्यमंत्री, कृषी मंत्री यांच्याकडे बैठक लावावी त्यात आमदार पाटील हे शिवसेनेच्या जिल्ह्यातील नेत्यांना व त्यांच्या प्रश्नांना मुद्देसूद उत्तर देतील. मंजूर पीक विम्याचे प्रकरणी शेतकरी, कार्यकर्ते यांनी मनापासून आमदार राणा यांचे आभार मानले आहेत.

 आमदार राणा दादा यांच्या सोबत बैठक लावण्याची विरोधकांची लायकी नाही, मुख्यमंत्री कृषिमंत्री यांच्या सोबत कधीही बैठक लावा त्याला सडेतोड उत्तर राणा देतील असे प्रतीआव्हान मल्हार पाटील यांनी केले आहे.