दैनिक जनमत

कवठेमहांकाळ, दि २७ (तानाजी शिंगाडे)

संपूर्ण तालुक्याचे लक्ष लागून राहिलेल्या कवठेमंहाकाळ विकास सोसायटी च्या निवडणुकीमध्ये माजी राज्यमंत्री अजितराव घोरपडे ,आमदार सुमनताई पाटील, अनिताताई सगरे ,यांच्या नेतृत्वाखालील महाकाली  शेतकरी विकास पॅनल ने आठच्या आठ जागेवर  एकतर्फी विजय मिळवला. या विजयानंतर माजी राज्यमंत्री अजितराव घोरपडे यांच्या समर्थकांनी गुलालाची उधळण व फटाक्यांच्या  आतिषबाजी करत विजयी रॅली काढली. व जल्लोष साजरा केला .

  याबाबत सविस्तर वृत्त असे की कवठेमंहाकाळ विकास सोसायटीची निवडणूक ही अपक्ष उमेदवारांनी चर्चेची केली होती. परंतु अजितराव घोरपडे यांचे नेतृत्व आणि माजी चेअरमन दिलीप झुरे यांचे काम या मुळे कवठेमंहाकाळ विकास सोसायटी वरती महांकाली शेतकरी विकास पॅनलचा झेंडा फडकला.

   एकूण 13 जागेपैकी पाच जागा या बिनविरोध झाल्या होत्या. तर आठ जागांसाठी निवडणूक लागली होती माजी राज्यमंत्री अजितराव घोरपडे आमदार सुमनताई पाटील सुरेश भाऊ पाटील आणि अनिता ताई सगरे, शांतनु सगरे  या सर्वांनी एकत्रित येत महांकाली शेतकरी विकास पॅनल  आठ जागांसाठी निवडणूक रिंगणात उतरवले होते.

   त्याच्या विरोधात अपक्षांनी मोट बांधत शेतकरी विकास पॅनल चे आठ उमेदवार रिंगणात उभे केले होते .

  आज मतमोजणी व मतदान प्रक्रिया पार पडली. यामध्ये महाकाली  शेतकरी विकास पॅनलचे आठच्या आठ उमेदवार निवडून आले.

   या 13 पैकी आठ  उमेदवार हे माजी मंत्री घोरपडे यांचे आहेत. तर आर आर पाटील गटाचे चार उमेदवार असून एक सगरे गटाचा उमेदवार आहे.

   या कवठेमंहाकाळ विकास सोसायटी साठी बाराशे 22 मतदान झाले. त्यापैकी  माजी चेअरमन दिलीप देशमुख यांनी 1031 एवढी विक्रमी मते घेतली. तर दुसऱ्या नंबर वरती तुकाराम संभाजी पाटील यांनी 950 मते घेतली तर दुसऱ्या नंबर वरती तुकाराम आबा पाटील यांनी 905 मते घेतली या तिन्ही उमेदवारांचे मताधिक्य पाचशे ते सहाशे च्या घरात आहे.

 एकूणच कवठेमंहाकाळ विकास सोसायटी वर माजी राज्यमंत्री अजितराव घोरपडे यांनी आठ जागा आपल्या गटाकडे खेचत पुन्हा एकदा निर्विवाद वर्चस्व सिद्ध केले आहे.

   तर आमदार गटाला ही चार जागा मिळाल्या आहेत.आणि सगरे गटाला  एक जागा मिळाली आहे.

 विजयी उमेदवार असे- दिलीप भानुदास झुरे 

(1031) ,

तुकाराम संभाजी पाटील(950),

तुकाराम आबा पाटील(908),

निखिल घाडगे(799),

अशोक पाटील (665),

बाळासाहेब पाटील

(799),

बंडू सूर्यवंशी(734),

दिनकर जाधव(866)

बिनविरोध उमेदवार असे– सुनील माळी,सुलोचना माळी,प्रकाश माने,काका बंडगर,पुष्पा पाटील.

सलगरा,दि.२५(प्रतिनिधी) – 

बुधवारी सकाळी अचानक प्रभारी आरोग्य अधिकाऱ्यांसह जिल्हा परिषदेचे मुख्य कार्यकारी अधिकारी राहुल गुप्ता यांनी तुळजापूर तालुक्यातील सलगरा (दि.) येथील प्राथमिक आरोग्य केंद्राला ११ वा.सु. अचानक भेट दिली. त्या मुळे सगळ्यांची चांगलीच धांदल उडाली. प्राथमिक आरोग्य केंद्रातील ऑपरेशन थिएटर वापरायोग्य असतानासुद्धा वर्षभरापासून बंद असल्याचे गुप्ता यांच्या पाहणीत समोर आले. संबंधितांना फैलावर घेत लवकरात लवकर त्याचे निर्जंतुकीकरण करून पंधरा दिवसात पुन्हा ऑपरेशन थिएटर सुरू करण्याचे आदेश त्यावेळी तेथील आरोग्य अधिकाऱ्यांना दिले. प्रसुतीचे प्रमाण हे फारसे समाधानकारक नसल्याचे नमूद करीत हे प्रमाण वाढवण्यासाठी प्रयत्न करण्यास सांगितले. या वेळी गुप्ता यांनी जवळपास तीन तास आरोग्य केंद्राची झाडाझडती घेतली. या मध्ये पहिल्या आस्थापनांची तपासणी केली, त्यात कर्मचारी आणि अधिकाऱ्यांच्या सेवा पुस्तिका अद्यावत नसल्याचे समोर आले. तेव्हा संबंधित कर्मचाऱ्यांना त्या सेवा पुस्तिका अद्यावत करण्याचे आदेश दिले. 

त्याचबरोबर तेथील निवासी इमारतीत वीज कनेक्शन ची अडचण असल्याने वीज पुरवठा सुरळीत करण्याचे आदेश दिले. त्या नंतर माता व बाल संगोपन राष्ट्रीय कार्यक्रम चांगले सुरू असून शासनाच्या आदेशाप्रमाणे त्याची अंमलबजावणी करण्याची सूचना दिली. चांगले काम करणाऱ्या कर्मचाऱ्यांचे कौतुक केले विशेष म्हणजे आरोग्य केंद्रातील आरोग्य सहाय्यीका रेनके यांनी अचानक भेट देऊन पण या वेळी चांगल्या प्रकारचे प्रेझेंटेशन दिले त्या बद्दल त्यांचे कौतुक केले. तसेच सर्व कर्मचाऱ्यांनी आरोग्य सेवेच्या बाबतीत सतर्क राहावे असे सांगितले या वेळी वैद्यकीय अधिकारी डॉ.अविनाश गायकवाड यांच्या सह कर्मचारी उपस्थित होते.

उस्मानाबाद – राज्य सरकारने पेट्रोल डिझेल स्वस्त केल्याची घोषणा केली होती ती बोगस असल्याचा आरोप भारतीय जनता युवा मोर्चा ने केला आहे.

भाजपा युवा मोर्चा च्या वतीने राज्य सरकारद्वारे आकारण्यात येणाऱ्या इंधनावरील कर कमी करण्याबाबत जिल्हाधिकाऱ्यांना निवेदन दिले या निवेदनात म्हटले आहे की जागतिक स्थरावर कच्या तेलाचे भाव हे गगनाला भिडलेले आहेत हे सर्वजण जाणतात पण असे असतांना सुद्धा देशातूल जनतेला महागाई पासुन दिलासा देण्यासाठी केंद्र सरकारने केंद्रीय उत्पादन शुल्कामधुन पट्रोलवर ८ रुपये आणि डिझेलवर ६ रूपये जनतेकरीता कर कमी केलेला आहे. यामुळे केंद्र सरकारला जवळपास २ लाख कोटींपेक्षा जास्तचा भार बसणार आहे. पण केवळ जनतेचे हित लक्षात घेता केंद्र सरकारने हे आक्रमक पाऊल उचलले. आजच्या घटकेले केंद्र सरकारचा कर हा १९ रुपये आकारते आहे व रु ३० कर हा राज्य सरकार आकारते आहे. महाराष्ट्र राज्य संपूर्ण देशामध्ये पेट्रोल व डिझेलवर सर्वात जास्त कर आकारणारे राज्य असुन जनतेच्या हितासाठी व महागाई कमी करण्यासाठी तत्काळ हे इंधनावरील कर कमी करण्यात यावे. संपूर्ण देशातील इतर राज्य १७-१८ रुपये कर आकारत असतांना महाराष्ट्र सरकारमधील महाविकास आघाडीने ऐव्हड्या मोठ्या प्रमाणात आकारण्यात आलेला कर हा जनतेवर होणारा घोर अन्याय आहे.

 राज्य सरकारद्वारे आकारण्यात येणारा इंधनावरील कर हा त्वरित कमी करण्यात यावा जेणेकरून महागाईला “आळा बसेल आणि जनतेला दिलासा मिळेल. जर का हे पाऊल येणाऱ्या ३ दिवसांमध्ये म्हणजेच ७२ तासांमध्ये उचलले नाही तर संपूर्ण महाराष्ट्रामध्ये फार मोठ्या प्रमाणावर आक्रामक आंदोलन करण्यात येईल आणि मग ज्या गोष्टी घडतील त्याला संपूर्णपणे महाविकास आघाडी जबाबदार असेल असा इशारा देण्यात आला आहे. या निवेदनावर जिल्हाध्यक्ष राजसिंहा निंबाळकर,अमोल नाईकवाडी,सागर दंडनाईक, ओंकार देवकते, हिम्मत भोसले,सुजित साळूंके, ज्ञानेश्वर पडवळ,धनराज नवले, अँड फूलदिपसिंग भोसले आदींच्या स्वाक्षऱ्या आहेत

तुळजापूर तालुक्यातील खडकी येथे सकल धनगर समाज बांधवांच्या वतीने मंत्री जितेंद्र आव्हाड यांच्या प्रतिमेला जोडे मारो आंदोलन करण्यात आले.

राजे मल्हारराव होळकर यांच्या बद्दल पाठीमागच्या काळामध्ये ही जितेंद्र आव्हाड यांनी अपशब्द वापरले होते. आताही राजे मल्हारराव होळकर व छत्रपती महाराजा यशवंतराव होळकर यांच्याबद्दल अपशब्द वापरुन महाराष्ट्रातील व भारत देशातील तमाम समाज बांधवांच्या भावना दुखावल्या आहेत.वारंवार महापुरुषांबद्दल अपशब्द वापरून महापुरुषांचा अपमान करण्यात येत आहे.राजे मल्हारराव होळकर यांनी संपुर्ण भारतात सह इराण इराक पर्यंत अटक भारताचा झेंडा लावला आहे. भारत भुमी साठी राजे मल्हारराव होळकर व छत्रपती महाराजा यशवंतराव होळकर यांचे खुप मोठे योगदान आहे. हे योगदान येथील राजकीय मंडळी जर विसरणार असतील अन् बेताल वक्तव्य करणार असतील तर महाराष्ट्रातील व देशातील जनता तुम्हाला धडा शिकविल्याशिवाय राहणार नाही अशी भावना आंदोलनकर्त्यांनी व्यक्त केली,तरी मंत्री जितेंद्र आव्हाड यांनी तात्काळ जाहीर माफी मागावी व आपल्या मंत्री पदाचा राजीनामा द्यावा, अशी मागणी उपस्थिती धनगर समाज बांधवांनी केली आहे.

यावेळी उपस्थित संतप्त धनगर समाज बांधवांनी मंत्री जितेंद्र आव्हाड यांच्या विरोधात जोरदार घोषणाबाजी केली. यावेळी जोडे मारून निषेध नोंदविण्यात आला.

यावेळी राम जवान, म्हाळाप्पा सुरवसे, भरत जवान, विठ्ठल भंडारे, ज्ञानेश्वर जवान, विद्याधर सोनवणे, सिद्धाराम सुरवसे, संजय आडसुळ, उमेश जवान, सचीन भंडारे, संतोष गायकवाड, सतीश कांबळे, महादेव सुरवसे, विकास साबळे, संतोष कांबळे यांच्या सह समाज बांधव व खडकी ग्रामस्थ उपस्थित होते.

उस्मानाबाद येथे डॉ.बाबासाहेब आंबेडकर मराठवाडा विद्यापीठ औरंगाबाद या विद्यापीठाचे उपकेंद्र उस्मानाबाद येथे कार्यरत आहेत. सदर उपकेंद्रास स्वतंत्र विद्यापीठ म्हणुन कार्यान्वयीत करणे बाबतचा अहवाल शासनाने मागीतला आहे. या प्रस्तुत विषयास अनुसरुन डॉ.प्रकाश बच्छाव सह संचालक उच्च शिक्षण महाराष्ट्र राज्य यांनी उपकेंद्रास भेट दिली व सर्वांचे मत एकुन घेतले व विद्यापीठ उपकेंद्राची पाहणी केली. यावेळी भारतीय जनता युवा मोर्चाच्या वतीने  सह संचालक यांना निवेदन दिले.

उस्मानाबाद येथे स्वतंत्र विद्यापीठ व्हावे, ही जिल्हावासीयांची अनेक दिवसाची मागणी आहे. विद्यापीठ उपकेंद्र मंजूर करून घेतल्यानंतर भविष्यात स्वतंत्र विद्यापीठात रूपांतर करण्यासाठी एमआयडीसी ची ६० एकर जागा खास बाब म्हणून उपकेंद्रासाठी तत्कालीन राज्यमंत्री आ.राणाजगजितसिंह पाटील यांनी उपलब्ध करून घेतली होती. राणा दादा यांच्या मार्गदर्शनाने सर्व पक्षीय भेद बाजुला ठेऊन ऐकोपाने आपल्या जिल्हयात विद्यापीठ झाले पाहीजे ही भावना या प्रसंगी व्यक्त केली. उस्मानाबादचा समावेश आकांक्षित जिल्ह्यात असून येथील युवकांना विविध अभ्यासक्रमाचे शिक्षण येथेच राहून करता यावे यासाठी स्वतंत्र विद्यापीठाची नितांत गरज आहे. उस्मानाबाद जिल्हयातील अनेक विद्यार्थी हे शेतकरी कुटुंबातील आहेत, विद्यार्थ्यांना प्रवास खर्च व औरंगाबाद येथील डॉ.बाबासाहेब आंबेडकर मराठवाडी विद्यापीठ येथे शिक्षण घेण्याचा शैक्षणिक खर्च पेलवत नसल्यामुळे बाहेर जात नाहीत, यामुळे उस्मानाबाद जिल्हयातील विद्यार्थ्यांना उच्च शिक्षण घेण्यास मर्यादा पडत आहे, याचा आपण गांर्भीर्याने विचार करावा.

दि. १९ ऑगस्ट २०२० रोजी मंत्रालयात झालेल्या बैठकीचा संदर्भ देत उस्मानाबाद येथे स्वतंत्र विद्यापीठ सुरू करण्याच्या अनुषंगाने माजी कुलगुरू श्री.आर.एन.माळी यांच्या अध्यक्षतेखाली समिती गठीत केल्याचे वर्तमान पत्रामध्ये प्रसिद्ध करण्यात आले होते.

परंतु यानंतर दि १९ सेप्टेंबर २०२० रोजीच्या औरंगाबाद येथील पत्रकार परिषदे मध्ये विद्यापीठाचे विभाजन नाही, उस्मानाबाद उपकेंद्र विकासासाठी स्थापन केलेली समिती विभाजनासाठी नाही, विद्यापीठाचे दोन भाग करण्याचा कुठलाही प्रयत्न महाविकास आघाडी सरकारकडून होणार नाही, डॉ. बाबासाहेब आंबेडकर मराठवाडा विद्यापीठ मोठ्या कष्टाने निर्माण झाले असून उस्मानाबादला स्वतंत्र विद्यापीठ करण्याचा प्रश्नच नाही असे सांगितले होते.

यामुळे जिल्ह्यातील विद्यार्थी व नागरिकांमध्ये मोठा संभ्रम असून  शासनाने आपली भूमिका तात्काळ स्पष्ट करून जिल्हावासीयांची गरज व मागणी लक्षात घेवून उस्मानाबाद येथे स्वतंत्र विद्यापीठ मंजूर करण्याच्या अनुषंगाने आवश्यक ती कार्यवाही सुरु करण्याच्या सूचना द्याव्यात.

उस्मानाबाद विद्यापीठ होण्याच्या धोरणातुन सोईस्कर रित्या सत्ताधाऱ्यांच्या राजकीय वेगवेगळया भुमिकेमुळे जिल्ह्यातील विद्यार्थी व नागरिकांमध्ये मोठा संभ्रम निर्माण होत आहे. या विषयावर परस्पर विरोधी वक्तव्ये चीड निर्माण करणारी असून आपण शासनाची अधिकृत भूमिका तात्काळ स्पष्ट करून उस्मानाबाद येथे स्वतंत्र विद्यापीठ मंजूर करावे, अशी आग्रही मागणी उस्मानाबाद जिल्ह्यातील विद्यार्थी व नागरिकांच्या वतीने करण्यात येत आहे.

उस्मानाबाद जिल्हयातील उपकेंद्राचे रुपांतर विद्यापीठामध्ये झाले तर जिल्हयातील शैक्षणिक गुणवत्तेला खरे अर्थाने प्रोत्साहन, चालना मिळेल व अनेकांना रोजगाराची संधी मिळवुन आर्थीक स्थर उंचावेल अशी आशा आहे. व आपण याचा सकारात्मक विचार करावा अशी विनंती करण्यात आली.

या प्रसंगी सिनेट सदस्य संजय निंबाळकर, ॲड.मिलींद पाटील, प्रा.देशमुख सर, प्रा.संभाजी भोसले,  भाजयुमो जिल्हाध्यक्ष राजसिंह राजेनिंबाळकर, भाजप शहराध्यक्ष राहुल काकडे, आत्मनिर्भर जिल्हा संयोजक सचिन लोंढे, युवा मोर्चा शहराध्यक्ष सुजित साळुंके, विद्यार्थी जिल्हा संयोजक विशाल पाटील, जिल्हा सहसंयोजक सलमान शेख, जिल्हा उपाध्यक्ष स्वप्नील नाईकवाडी, सचिव गणेश एडके, धनराज नवले, सागर दंडनाईक सह सर्व पक्षीय नेते, विद्यार्थी प्रतिनीधी व युवामोर्चाचे कार्यकर्ते उपस्थीत होते.