दैनिक जनमत

सलगरा,दि.३१(प्रतिनिधी) 

तुळजापूर तालुक्यातील सलगरा (दि.) येथील जिल्हा मध्यवर्ती सहकारी बँकेचे शाखाधिकारी भास्कर किवडे हे १९८२ सालापासून ते आतापर्यंत केलेल्या ४० वर्षांच्या प्रदीर्घ सेवेतून निवृत्त झाल्याबद्दल दि.३१ मे रोजी त्यांचा उपस्थित बँकेचे कर्मचारी आणि मान्यवर यांच्या उपस्थितीत शाल, श्रीफळ आणि भेटवस्तू देऊन त्यांचा सत्कार करण्यात आला.१९८२ सालापासून ते आतापर्यंत उस्मानाबाद मुख्यालय, मुरूम, तुळजापूर, वाघोली, मंगरूळ, काटगाव आणि शेवटी सलगरा आदी ठिकाणी त्यांनी विविध पदं सांभाळत सेवा दिली आहे. गोरगरीब, वृद्ध, निराधार, शेतकरी सर्वसामान्य ग्राहकांशी प्रामाणिकपणे वागणे, मनमिळावू स्वभाव या मुळे ते पंचक्रोशीत परिचित होते. प्रामाणिकपणे आणि विश्वासाने काम करणे या बद्दल त्यांचे कौतुक करावे तितके कमीच आहे. असे मत बोलताना उपस्थितांनी व्यक्त केले.

या वेळी उत्तमराव लोमटे, लक्ष्मण शिंदे, अजित भागवत, रवी सुर्यवंशी, सुपेकर, जांभळे, पाटील, खोपडे,  पवार, नवनाथ कोळी, पिराप्पा कोळी, भुजंग लोमटे, प्रताप मोरे, विक्रम गवारी, व्यंकट पवार, इरफान मुलानी, विशाल लोमटे, मतीन शेख, बाबुराव भोसले, संजय भोसले, 

तसेच तुळजापूर शाखेसह विविध बँकेचे कर्मचारी आणि आदर्श व्यापारी मंडळ तुळजापूर यांच्या सह गावातील काही ग्रामस्थ उपस्थित होते.

उस्मानाबाद :-  उस्मानाबाद जिल्ह्यात शासकीय वैद्यकीय महाविद्यालय उस्मानाबाद करांच्या ब-याच प्रयत्नाने सन २०२२-२३ शैक्षणिक या वर्षापासून सुरू झाले.हे महाविद्यालय शासकीय रुग्णालयातील नविन ईमारतीत चालु झाले. उस्मानाबाद शासकीय रुग्णालयाचे अधिष्ठाता (अधिक्षक) मा.संजय राठोड यांचा सत्कार रुग्ण कल्याण समितीच्या वतीने पुष्प गुच्छ देऊन करण्यात आला, वैद्यकीय महाविद्यालय चालु झाल्याने प्रशासनाचे देखिल आभार मानण्यात आले, वैद्यकीय महाविद्यालयातील सिक्युरिटी,पोलीस चौकी,वाहन पार्किंग,रुग्ण व त्यांच्या नातेवाईकांना पिण्याच्या पाण्याची व्यवस्था यासहित इतर अन्य आवश्यक बाबींवर देखिल चर्चा करण्यात आली,यात प्रामुख्याने रुग्ण कल्याण समिती सदस्य अब्दुल लतिफ,मिशन वात्सल्य समिती सदस्य गणेश रानबा वाघमारे,सचीन चौधरी,महादेव माळी, मच्छिंद्र चव्हाण, परिचारिका  अश्विनी गोरे,अभियंता श्री शिवपुजे अन्य इतर उपस्थित होते.

उस्मानाबाद-31 मे

उस्मानाबाद शहराच्या सौंदर्यात भर घालणारे बसस्थानकासमोरील तुळजाभवानी शॉपिंग सेंटर मधील अंतर्गत रस्ता पूर्णपणे उखडल्याने या ठिकाणी दुचाकी चालवणे तसेच पायी चालणे देखील मुश्किल झाले आहे पावसाळ्यामध्ये या रस्त्याला दलदलीचे स्वरूप येते त्यामुळे हा रस्ता तात्पुरता का होईना तातडीने दुरुस्त करून द्यावा अशी मागणी तुळजाभवानी शॉपिंग सेंटर मधील गाळेधारकांनी आमदार कैलास दादा पाटील यांच्याकडे निवेदनाद्वारे केली आहे.

बसस्थानकासमोरील श्री तुळजाभवानी शॉपिंग सेंटर येथील रस्ता गेल्या वीस वर्षापासून पूर्णता उखडून गेला आहे मागील पाच वर्षांपूर्वी या ठिकाणी खड्ड्यामध्ये मोठे दगड व मुरूम टाकून रस्ता तात्पुरता दुरुस्त करण्यात आला होता आता यातील मुरूम निघून गेला असून मोठाले दगड उघडे पडले आहेत यामुळे पायी चालणे तसेच दुचाकी चालवणे म्हणजे कसरत करावी लागते शिवाय धुळीचा ही मोठा त्रास ग्राहक आणि गाळेधारकांना होत आहे याबाबतचे निवेदन आज आमदार कैलास पाटील यांना देऊन याठिकाणी डांबरीकरण अथवा पेवर ब्लॉक टाकावे अशी विनंती केली.

यावेळी आ.कैलास दादा यांनी पावसाळ्यापूर्वी रस्ता दुरुस्तीचे आश्वासन दिले. शिवाय कायमस्वरुपी पक्का रस्ता लवकरच केला जाईल असे आश्वासित केले.  

यावेळी तुळजाभवानी शॉपिंग सेंटरचे मुकेश नायगावकर व इतर गाळेधारक उपस्थित होते.

परंडा (दि २८ मे)राष्ट्रवादी काँग्रेस सामाजिक न्याय विभागाचे जिल्हा अध्यक्ष राहुल बनसोडे यांची राष्ट्रवादी काँग्रेस पक्षाच्या लोहारा तालुका निरिक्षक पदी नेमणुक झाल्याबद्दल

 परांडा तालुका राष्ट्रवादी काँग्रेस सामाजिक न्याय विभागाच्या वतीने येथील शासकीय विश्रामगृहात भव्य सत्कार करुन शुभेच्छा दिल्या

       यावेळी राष्ट्रवादी काँग्रेस सामाजिक न्याय विभागाचे जिल्हा सरचिटणीस घनःश्याम शिंदे,तालुका अध्यक्ष विक्रम जाधव,तालुका संघटक मच्चींद्र दुबळे,तालुका उपाध्यक्ष व पिंपरखेड चे माजी सरपंच नागनाथ थोरात,जिल्हा चिटणीस धर्मराज कांबळे,शहर अध्यक्ष अजय बनसोडे, महिला आघाडीच्या लक्ष्मी ताई सरवदे,लक्ष्मिताई जाधव,पिंपळवाडी- ब्रम्हगाव चे सरपंच भाऊसाहेब ओहाळ,जवळा नि मा.सरपंच नवजीवन चौधरी,बावची ग्रां. पं. सदस्य कानिफनाथ सरपणे, मा.उपसरपंच नवनाथ जाधव , टाकळी चे सरपंच कृष्णा चौधरी, विश्र्वास आप्पा लोकरे,संतोष लोंढे, दत्तु गायकवाड,लक्ष्मण भोसले, गोरख जाधव,भाऊ ओहाळ,सचिन शिंदे, राहुल अर्जुन बनसोडे,भाऊ साळवे, भारत जाधव,ग्रा.पं.सदस्य नवनाथ ओहाळ,अंकुश भोसले,अविनाश बनसोडे,सिद्धांत वाघमारे,वसंत चोळसे,प्रतीक बनसोडे,नागेश ओहाळ,सुमित जकाते,सिद्धार्थ बनसोडे,भुषण बसवंत,अमोल चोळासे,पंकज बनसोडे,रुपेश बनसोडे,गोरख लोंढे आदी पदाधिकारी व कार्यकर्ते मोठ्या संख्येने उपस्थित होते…

 पारा (राहुल शेळके ):वाशी तालुक्यातील विविध कारणासाठी नेहमीच चर्चेत असलेली पारा ग्रामपंचायत चा अजब कारभार  पुन्हा एकदा चव्हाट्यावर आला असून यावेळी सरपंच व ग्रामविकास अधिकाऱ्यावर बडतर्फीची कारवाई करण्यासाठी चक्क सहा ग्रामपंचायत सदस्यांनी जिल्हाधिकारी उस्मानाबाद यांच्याकडे तक्रार करुन मागणी केली आहे.

              याबाबत अधिक माहिती अशी की,  वाशी तालुक्यातील पारा येथे सन 2021- 22 साठी अहिल्यादेवी सिंचन विहीर योजनेसाठी पारा गावच्या लोकसंख्येनुसार पंधरा विहिरींसाठी पंचायत समितीकडून मंजुरी देण्यात येते. परंतु पारा येथील सरपंच व ग्राम विकास अधिकारी स्वतःचा मनमानी कारभार करत शासन निर्णयाप्रमाणे ठराव न दिल्यामुळे  यावर झालेल्या चौकशीमध्ये विस्तार अधिकारी पंचायत समिती वाशी यांनी दिलेल्या चौकशी अहवालामध्ये मासिक सभा दि.5/7/2019सिंचन विहिरी मंजुरीसाठी प्रस्ताव सादर करणे बाबत ठरावात 152लाभार्थी निवडीची यादी असून संगणकीकृत यादीत  223सिंचन विहिरीसाठी निवड केलेली लाभधारकांची यादी जोडली आहे. संगणक यादीतील नावे मूळ इति वृत्तातील अनु क्रमांकानुसार  लिहिले नाहीत.  तसेच नियोजन विभाग महाराष्ट्र शासन निर्णय क्रमांक म. ग्रा. रो.2012/प्र. क्र.30/रोहयो दि.17/12/2012 वैयक्तिक विहिरी संदर्भात सुधारित सूचनांनुसार परिशिष्ट कलम 1(4) मधील तरतुदीनुसार ठराव  सरपंच व ग्राम विकास अधिकारी  यांनी दिलेला नसल्यामुळे गटविकास अधिकारी पंचायत समिती वाशी यांनी सिंचन विहिरीचे सर्व प्रस्ताव रद्द केलेले आहेत. यामुळे पारा येथील पंधरा लाभार्थी शेतकऱ्यांचे फसवणूक करून पंचेचाळीस लाख रुपये एवढ्या शासन अनुदानास नुकसान केलेले आहे. या झालेल्या नुकसानीस सर्वस्वी सरपंच व ग्राम विकास अधिकारी  हे जबाबदार असल्यामुळे या दोघांवर कारवाई करून बडतर्फ करावे अशी मागणी ग्रामपंचायत सदस्य बाजीराव भराटे, महेश खोले, उद्धव शेळके, आशाबाई भराटे, प्रियंका शिनगारे, आशाबाई काळे यांनी केली आहे. याची माहितीस्तव प्रत ग्राम विकास मंत्री महाराष्ट्र शासन, जिल्हा मुख्य कार्यकारी अधिकारी उस्मानाबाद, गट विकास अधिकारी वाशी यांना देण्यात आली आहे.