दैनिक जनमत

 लाचलुचपत प्रतिबंधक विभागाने घेतले ताब्यात

उस्मानाबाद – नळदुर्ग येथील भीमा रघुनाथ गायकवाड , वय 53 वर्षे सहाय्यक पोलीस उप निरीक्षक यांना लाचलुचपत प्रतिबंधक विभागाने ताब्यात घेतले असून २ हजाराची लाच मागून १५०० रुपये स्वीकारल्याने ताब्यात घेण्यात आले आहे. याबाबत माहिती अशी की, तक्रारदार या वकील असून त्यांनी

पोलीस स्टेशन नळदुर्ग गु. र. न. 88/2022 गुन्ह्यातील आरोपीतास कोर्ट कामकाजात मदत केली होती सदर आरोपीतास मा. न्यायालय तुळजापूर यांनी  न्यायालयीन कोठडी मंजूर केल्याने आरोपींना कारागृहात दाखल करण्यापूर्वी लोकसेवक गायकवाड यांनी तक्रारदार यांच्याकडे सदर आरोपीस जेवण  देण्यासाठी आणि सहकार्य करण्यासाठी पंचांसमक्ष 2000 रुपये लाच रकमेची मागणी करून तडजोडी अंती 1500 रु लाच रक्कम स्विकारल्याने सदर आरोपीस ताब्यात घेण्यात आले आहे.हॅश व्हॅल्यू घेण्यात आली आहे.सापळा पथकात – पोअ/  मधुकर जाधव, अर्जुन मारकड, सचिन शेवाळे, सिद्धेश्वर तावसकर ,विष्णु बेळे , विशाल डोके, जाकीर काझी , नागेश शेरकर ला.प्र.वि, उस्मानाबाद.यांनी काम पाहिले.

सलगरा,दि.२४ (प्रतिनिधी)

तुळजापूर तालुक्यातील सलगरा (दि.) येथील प्राथमिक आरोग्य केंद्रात राज्याचे माजी गृहमंत्री तथा माजी खा.डॉ.पद्मसिंह पाटील व तुळजापूर तालुक्याचे आमदार राणाजगजितसिंह पाटील यांच्या मार्गदर्शनाखाली भाजपा युवा नेते मल्हार पाटील यांच्या वाढदिवसानिमित्त

तेरणा पब्लिक चॅरिटेबल ट्रस्ट उस्मानाबाद यांच्या वतीने प्राथमिक आरोग्य केंद्र सलगरा (दि.) येथे दि.२४ जुन रोजी सकाळी १० ते सायंकाळी ४ वाजेपर्यंत मोफत आरोग्य तपासणी शिबीर व उपचार शिबिराचे आयोजन सरपंच विष्णू वाघमारे, उपसरपंच प्रशांत लोमटे, ग्रा.पं. सदस्य आणि भाजपा पदाधिकारी यांच्या वतीने करण्यात आले होते. यामध्ये विविध प्रकारच्या आजारांवरती तपासणी करून उपचार व मोफत औषध वाटप करून शिबिरामध्ये एकूण २५४ जणांची आरोग्य तपासणी करण्यात आली. 

या शिबिरासाठी तेरणा स्पेशलिटी हॉस्पिटल नेरूळ चे डॉ.अजित निले, डॉ.प्रशांत जयस्वाल, डॉ.हर्षदा मोरगे, डॉ.अनिकेत राघवर्ते, विनोद ओव्हाळ तसेच उस्मानाबाद तेरणा जनसेवा केंद्राचे रवी शिंदे, प्रविण लोहार, सौरभ रोचकरी, विशाल केदार, यांच्यासह प्रा. आरोग्य केंद्राचे डॉ. अनिल वाघमारे, डॉ.अविनाश गायकवाड, डॉ.भिसे, डॉ.जाधव, अनिता अंधारे, शीतल भालेराव, एल.एच.व्ही. रेणके, आवंतिका सुतकर (पिओ), सतीश कोळगे, प्रकाश रेड्डी, बिभीषण लोखंडे, कुणाल मस्के आदींनी परिश्रम घेतले.

नागरिकांनी सहभागी होण्याचे उपसरपंच प्रशांत लोमटे यांचे आवाहन

सलगरा,दि.२३(प्रतिक भोसले)

तुळजापूर तालुक्यातील सलगरा (दि.) येथील प्राथमिक आरोग्य केंद्र येथे राज्याचे माजी गृहमंत्री तथा माजी खा.डॉ.पद्मसिंह पाटील व तुळजापूर तालुक्याचे आमदार राणाजगजितसिंह पाटील यांच्या मार्गदर्शनाखाली भाजपा युवा नेते मल्हार पाटील यांच्या वाढदिसानिमित्त तेरणा पब्लिक चॅरिटेबल ट्रस्ट उस्मानाबाद यांच्या वतीने प्राथमिक आरोग्य केंद्र सलगरा (दि.) येथे उद्या दि.२४ जून रोजी सकाळी १० ते सायंकाळी ४ वाजेपर्यंत मोफत आरोग्य तपासणी शिबीर व उपचार शिबिर संपन्न होणार आहे. या शिबिराचे आयोजन सलगरा (दि.) येथील भाजपा पदाधिकारी यांच्या वतीने करण्यात आले आहे.

यामध्ये विविध प्रकारच्या आजारांवरती तपासणी होणार असून उपचार व मोफत औषध वाटप करण्यात येणार आहेत. यामध्ये या शिबिरासाठी तेरणा पब्लिक चॅरिटेबल ट्रस्ट अंतर्गत तज्ञ डॉक्टर उपस्थित राहणार आहेत. तरी सलगरा (दि.) तसेच परिसरातील जास्तीत जास्त सर्व नागरिकांनी लाभ घ्यावा असे आवाहन उपसरपंच प्रशांत लोमटे यांच्या सह भारतीय जनता पार्टी सलगरा (दि.) यांच्या तर्फे करण्यात आले आहे.

उस्मानाबाद – स्थानिक गुन्हे शाखेची टीम शासकिय वाहनाने उस्मानाबाद जिल्हयात पेट्रोलिंग करत कोंड येथे गेली असता गावातील चौकात गुप्त बातमीदारा मार्फत खात्रीशीर बातमी मिळाली की.  आरोपी नाम महालिंग नागू कोरे वय ६२ वर्ष रा. कोंड ता.जि.उस्मानाबाद यांनी गुटखा बाळगले आहेत अशी खात्रीशीर बातमी मिळाल्याने सदर ठिकाणी जावून अचानक पणे जावून छापामारून आरोपीस ताब्यात घेवून त्यास विचारपुस केली असता सदरचे एक आयशर कंपनीचा टेम्पो, एक महिंद्रा कंपनीचे पिकअप च गोडावून मधील माल गुटखा अवैद्य विक्री करीता बाळगल्याने त्यास ताब्यात घेवून त्याच्या विरुद्ध कलम ३२८. २७२.२७३.१८८ भादवि प्रमाणे पोलीस ठाणे ढोकी येथे गुन्हा दाखल केला आहे.

 सदरची कारवाई ही  पोलीस अधीक्षक  अतुल कुलकर्णी  अप्पर पोलीस अधीक्षक श्री नवनीत कॉवत यांचे मार्गदर्शनाखाली व सुचनेप्रमाणे स्थानिक गुन्हे शाखेचे पोलीस निरीक्षक रामेश्वर खनाळ पोहेकॉ निंबाळकर,पोहेकॉ काझी,पोहेकॉ औताडे,पोहेकॉ जानराव, पोना पठाण,पोन कवडे,पोना काकडे,पोना जाधवर, मपोना टेळे, चालक पोहेकॉ कवडे,चालक पोहेकॉ चौरे, चालक पोहेकॉ अरब यांनी केली.