दैनिक जनमत

नागरिकांनी सहभागी होण्याचे उपसरपंच प्रशांत लोमटे यांचे आवाहन

सलगरा,दि.२३(प्रतिक भोसले)

तुळजापूर तालुक्यातील सलगरा (दि.) येथील प्राथमिक आरोग्य केंद्र येथे राज्याचे माजी गृहमंत्री तथा माजी खा.डॉ.पद्मसिंह पाटील व तुळजापूर तालुक्याचे आमदार राणाजगजितसिंह पाटील यांच्या मार्गदर्शनाखाली भाजपा युवा नेते मल्हार पाटील यांच्या वाढदिसानिमित्त तेरणा पब्लिक चॅरिटेबल ट्रस्ट उस्मानाबाद यांच्या वतीने प्राथमिक आरोग्य केंद्र सलगरा (दि.) येथे उद्या दि.२४ जून रोजी सकाळी १० ते सायंकाळी ४ वाजेपर्यंत मोफत आरोग्य तपासणी शिबीर व उपचार शिबिर संपन्न होणार आहे. या शिबिराचे आयोजन सलगरा (दि.) येथील भाजपा पदाधिकारी यांच्या वतीने करण्यात आले आहे.

यामध्ये विविध प्रकारच्या आजारांवरती तपासणी होणार असून उपचार व मोफत औषध वाटप करण्यात येणार आहेत. यामध्ये या शिबिरासाठी तेरणा पब्लिक चॅरिटेबल ट्रस्ट अंतर्गत तज्ञ डॉक्टर उपस्थित राहणार आहेत. तरी सलगरा (दि.) तसेच परिसरातील जास्तीत जास्त सर्व नागरिकांनी लाभ घ्यावा असे आवाहन उपसरपंच प्रशांत लोमटे यांच्या सह भारतीय जनता पार्टी सलगरा (दि.) यांच्या तर्फे करण्यात आले आहे.

उस्मानाबाद – स्थानिक गुन्हे शाखेची टीम शासकिय वाहनाने उस्मानाबाद जिल्हयात पेट्रोलिंग करत कोंड येथे गेली असता गावातील चौकात गुप्त बातमीदारा मार्फत खात्रीशीर बातमी मिळाली की.  आरोपी नाम महालिंग नागू कोरे वय ६२ वर्ष रा. कोंड ता.जि.उस्मानाबाद यांनी गुटखा बाळगले आहेत अशी खात्रीशीर बातमी मिळाल्याने सदर ठिकाणी जावून अचानक पणे जावून छापामारून आरोपीस ताब्यात घेवून त्यास विचारपुस केली असता सदरचे एक आयशर कंपनीचा टेम्पो, एक महिंद्रा कंपनीचे पिकअप च गोडावून मधील माल गुटखा अवैद्य विक्री करीता बाळगल्याने त्यास ताब्यात घेवून त्याच्या विरुद्ध कलम ३२८. २७२.२७३.१८८ भादवि प्रमाणे पोलीस ठाणे ढोकी येथे गुन्हा दाखल केला आहे.

 सदरची कारवाई ही  पोलीस अधीक्षक  अतुल कुलकर्णी  अप्पर पोलीस अधीक्षक श्री नवनीत कॉवत यांचे मार्गदर्शनाखाली व सुचनेप्रमाणे स्थानिक गुन्हे शाखेचे पोलीस निरीक्षक रामेश्वर खनाळ पोहेकॉ निंबाळकर,पोहेकॉ काझी,पोहेकॉ औताडे,पोहेकॉ जानराव, पोना पठाण,पोन कवडे,पोना काकडे,पोना जाधवर, मपोना टेळे, चालक पोहेकॉ कवडे,चालक पोहेकॉ चौरे, चालक पोहेकॉ अरब यांनी केली.

मिरज (प्रतिनिधी) तालुक्यातील म्हैसाळ येथे एका डॉक्टर दाम्पत्याच्या घरातील  नऊ जणांनी एकाच वेळी विष प्राशन करून आत्महत्या केल्याची खळबळजनक घटना सोमवारी दुपारी उघडकीस आली. 

           म्हैसाळ ता. मिरज येथे पशुवैद्यकीय डॉक्टर कुटुंबासहित वास्तव्यास आहेत. सोमवारी सकाळी उशिरापर्यंत त्यांच्या घराचा दरवाजा उघडला नव्हता, त्यामुळे दवाखान्यातील कर्मचारी तसेच आजूबाजूला राहणाऱ्या ग्रामस्थांनी त्यांना मोबाईलवरून संपर्क साधण्याचा प्रयत्न केला. पशुवैद्यकीय डॉक्टर त्यांच्यासह कुटुंबातील अन्य कोणीही मोबाईल उचलला नाही. त्यामुळे ग्रामस्थांना शंका आल्यानंतर ग्रामस्थांनी घरात जाऊन पाहणी केली असता डॉक्टर दाम्पत्याच्या घरात सहा मृतदेह तर दुसऱ्या घरात तीन मृतदेह मिळून आले आहेत. 

         या सामूहिक आत्महत्येच्या घटनेने संपूर्ण मिरज तालुका हादरून गेला आहे. घटनास्थळी पोलिस पंचनामा सुरू असून अधिक माहिती घेण्याचे काम सुरू आहे. सदर कुटुंबाने कर्जबाजारीपणातून सामूहिक आत्महत्या केल्याचा संशय पोलिसांनी व्यक्त केला आहे. 

आत्महत्या केलेल्यामध्ये पोपट यल्लाप्पा वनमोरे (वय 52), संगीता पोपट वनमोरे (वय 48), अर्चना पोपट वनमोरे ( वय 30), शुभम पोपट वनमोरे (वय 28), माणिक यल्लाप्पा वनमोरे (वय 49), रेखा माणिक वनमोरे (वय 45), आदित्य माणिक वनमोरे (वय 15) अनिता माणिक वनमोरे (वय 28) आणि अक्काताई वनमोरे (वय 72) या नऊ जणांचा समावेश आहे.म्हैसाळ येथील नरवाड रोड जवळ असलेल्या अंबिकानगर चौकालगत मळ्यात डॉक्टर वनमोरे कुटुंबासह रहात होते. अंबिकानगरमध्येच या कुटुंबाचे एक तर राजधानी कॉर्नर येथे दुसरे घर आहे. तर दुसऱ्या घरात तिघांचे मृतदेह मिळून आले. एकाच कुटुंबातील नऊ जणांनी विषारी औषध प्राशन करून आत्महत्या केल्याचे स्पष्ट झाले आहे.जिल्हा पोलीस अधीक्षक दिक्षितकुमार गेडाम, पोलीस उपाधीक्षक अशोक विरकर, अप्पर पोलीस अधीक्षक मनीषा दुबुले यांच्यासह मिरज ग्रामीण ठाण्याचे पोलीस निरीक्षक चंद्रकांत बेंद्रे  यांच्या सह  पोलिसांच्या पथकानं घटनास्थळी भेट देऊन पंचनामा केला.सदर कुटुंबाने कर्जबाजारीपणाला कंटाळून सामूहिक आत्महत्या केल्याचा संशय व्यक्त करण्यात आला आहे. दरम्यान या घटनेमुळे मिरज तालुका हादरून गेला आहे. म्हैसाळ परिसरात हळहळ व्यक्त होत आहे. घटनास्थळी बघ्यांची मोठी गर्दी झाली होती. याबाबत अधिक तपास मिरज ग्रामीण पोलीस स्टेशन स्टेशनचे पोलिस निरीक्षक चंद्रकांत बेंद्रे हे करीत आहे.