दैनिक जनमत

उस्मानाबाद जुगार खेळणाऱ्या १९ जणांवर स्थानिक गुन्हे शाखेने  कारवाई केली असून १० लाखाचा मुद्देमाल जप्त केला आहे याबाबत माहिती अशी की दि.२१ जुलै रोजी उमरगा उपविभागात पोलीस गस्तीस होते. दरम्यान सपोनि शैलेश पवार यांना गुप्त बातमी दारामार्फत माहिती मिळाली कि, मनोहरनगर, होळी तांडा ग्रामस्थ- दत्ता चव्हाण यांचे शेतात एका पत्राचे शेडमध्ये काही इसम तिर्रट नावाचा जुगार खेळत आहेत. यावर पथकाने त्या ठिकाणी १७.०० वा. सु. छापा टाकला असता तेथे दत्ता चव्हाण,राजेंद्र चव्हाण,बबन चव्हाण,विकास राठोड,संतोष राठोड,अजित जाधव,गुलाब चव्हाण,बाबु चव्हाण,विजय चव्हाण, सर्व रा. होळी तांडा, ता. लोहारा, खंडु खराटे ,अरुण गायकवाड,विश्वनाथ क्षिरसागर,महावीर सुरवसे,रफीक शेख,सचिन मुनाळे,शकील शिरगापुरे,बाबुराव दुधभाते, सर्व रा. किल्लारी, ता. औसा, जि. लातूर रोहन पवार, रा. माकणी अजय चव्हाण, रा. राजेगाव, ता. लोहारा हे सर्व लोक तिर्रट जुगार खेळताना मिळुन आले. त्यांचेकडे जुगाराबाबत विचारणा केली असता सदर पत्रा शेडचे मालक दत्ता चव्हाण हेच जुगाराचा अड्डा चालवित असल्याचे समजले. त्या ठिकाणाहून जुगाराचे साहित्यासह 05 मोटारसायकल, 01 कार, 17 भ्रमणध्वनी व 29,300 रु. रोख रक्कम असा एकुण 10,31,880 रु चा मुददेमाल पोलीसांनी जप्त केला असुन त्यांचेविरुध्द महाराष्ट्र जुगार प्रतिबंधक अधिनियम कलम 4,5 प्रमाणे लेाहारा पोलीस ठाणे येथे गुन्हा नोंदवला आहे.

            सदरची कामगिरी पोलीस अधीक्षक अतुल कुलकर्णी,अपर पोलीस अधीक्षक नवनीत काँवत यांचे मार्गदर्शनाखाली स्थानिक गुन्हे शाखेचे प्रभारी पोनि-रामेश्वर खनाळ, सपोनि- शैलेश पवार, पोहेकॉ- प्रकाश औताडे, जावेद काझी, हुसेन सय्य्द, मेहबुब अरब, धनंजय कवडे, पोना- शौकत पठाण, अमोल चव्हाण, अशोक ढगारे या पथकाने केली आहे.

 उस्मानाबाद – प्रादेशिक हवामान केंद्र, मुंबई कडून प्राप्त झालेल्या हवामान अंदाजानुसार उस्मानाबाद जिल्ह्यामध्ये पुढील पाच दिवस आकाश ढगाळ राहून दिनांक २३ व २४ जुलै, २०२२ रोजी मध्यम स्वरूपाच्या पावसाची शक्यता आहे.

सलगरा,दि.१८(प्रतिनिधी) – 

 तुळजापूर तालुक्यातील किलज येथील विविध कार्यकारी सेवा सहकारी सोसायटीच्या चुरशीच्या पंचवार्षिक निवडणुकीत माजी चेअरमन वैजिनाथ कोनाळे, दिनकर पाटील, नागेश कुताडे, माजी सरपंच विठ्ठल मर्डे यांच्या नेतृत्वाखालील जय मल्हार परिवर्तन पॅनलने १२ पैकी ११ जागांवर दणदणीत विजय मिळवून विरोधकांना धोबी पछाड केले. एकूण १३ जागेसाठी झालेल्या निवडणुकीत जय मल्हार परिवर्तन ग्राम विकास पॅनलचे वि.जा.भ.जा. गटातून शामराव राठोड हे उमेदवार यापूर्वीच बिनविरोध निवडून आले आहेत. तर माजी पंचायत समिती सदस्य खंडेराव शिंदे, यांच्या नेतृत्वाखालील जय शंभो शेतकरी विकास आघाडीला केवळ एकाच जागेवर समाधान मानावे लागले. 

  रविवारी (दि.१७) रोजी मतदान प्रक्रिया पार पडली. मतदानानंतर लगेच मतमोजणी होऊन निकाल घोषित झाला. या निवडणुकीत ५३० पैकी ४८९ मतदान झाले. सर्वसाधारण गटात जय मल्हार परिवर्तन ग्राम विकास पॅनलचे चॉंदसाहेबलाल इनामदार (२२४), लक्ष्मण गिरमल (२२३), प्रविण कुठार (२२७), वैजिनाथ कोनाळे(२३०), राम किनगे (२२९), जयराम राठोड (२३०), अशोक शेळके (२३५) निवृत्ती शिंदे (२२७), तर याच गटातून जय शंभो शेतकरी विकास आघाडीचे मनोहर भोईटे (२०४), सचिन बिडवे (२२१), आण्णाराव मोजगे (२०५), बाळू राठोड (२१५), दगडू शिंदे (२१५), विजय शिंदे (२१४), विवेकानंद सोमवंशी (२१८), माणिक येलूरे (२११) यांना सपशेल पराभव पत्करावा लागला. अनुसूचित जाती गटात महादेव गायकवाड (२५०) विजयी झाले तर भिमा गवळी (२२७) पराभूत झाले. इतर मागास प्रवर्ग गटातील शिवाजी सगर (२५२) विजयी झाले तर महेश माने (२२१) पराभूत झाले. महिला राखीव गटात जय मल्हार परिवर्तन ग्राम विकास विकास पॅनलच्या गंगाबाई सारणे (२४३) विजयी झाल्या तर कुसूम गायकवाड (२३०) यांचा जय शंभो शेतकरी विकास आघाडीच्या कुसूम शिंदे (२३१) यांनी केवळ एका मतांनी पराभव केला. तर जय शंभो शेतकरी विकास आघाडीच्या शेषाबाई सगर (२१६) यांचाही पराभव झाला.

  सोसायटी निवडणूक म्हणजे ग्रामपंचायतची रंगीत तालीम समजली जाते. त्यामुळे अनेकांची प्रतिष्ठा पणाला लागली होती. विजय खेचून आणण्यासाठी दोन्ही पॅनलमध्ये चांगलीच चुरस निर्माण झाली होती. अखेर जय मल्हार परिवर्तन ग्राम विकास पॅनलने १३ पैकी १२ जागा जिंकून किलज सोसायटीवर आपले प्रभुत्व प्रस्थापित केले आहे.