धाराशिव – 5 मोटरसायकल व डिझेलसह आरोपी स्थानिक गुन्हे शाखेने ताब्यात घेतला आहे.पोलीस अधीक्षक संजय जाधव, अपर पोलीस अधीक्षक शफकत आमना यांच्या मार्गदर्शनाखाली स्थानिक गुन्हे शाखेचे पोलीस निरीक्षक विनोद इज्जपवार यांच्या आदेशानुसार सहाय्यक पोलीस निरीक्षक सचिन खटके, अमोल मोरे, पोलीस हवालदार विनोद जानराव, समाधान वाघमारे, पोलीस नाईक नितीन जाधवर, बबन जाधवर, चालक महेबुब अरब, पोलीस अंमलदार विनायक दहीहंडे, प्रकाश बोईनवाड आणि सुनिल मोरे या पथकाने धाराशिव जिल्ह्यातील मालमत्ताविषयक गुन्ह्यातील आरोपींचा शोध घेण्यासाठी पेट्रोलिंग करत असताना ही कारवाई केली.
गुप्त बातमीदारामार्फत माहिती मिळाली की, पोलीस ठाणे धाराशिव शहर गु.र.नं. 272/2024 कलम 394 आणि इतर गुन्ह्यातील पाहिजे आरोपी सुरज उर्फ बबल्या उर्फ डालग्या श्रीपती काळे, राहणार मोहा, तालुका कळंब, जिल्हा धाराशिव, हा वडजीकडे जाणाऱ्या रस्त्याच्या बाजूला फटाक्याच्या कारखान्याजवळ थांबलेला आहे. मिळालेल्या खात्रीशीर माहितीनुसार, पोलीस पथकाने तातडीने त्या ठिकाणी जाऊन शोधमोहीम राबवली.
सदर ठिकाणी पोहोचल्यावर संशयित आरोपी मिळून आल्याने त्याला ताब्यात घेण्यात आले. त्याच्याकडे असलेल्या मोटरसायकलींबाबत विचारपूस केली असता, त्याने उडवाउडवीची उत्तरे दिली. अधिक विश्वासात घेऊन चौकशी केली असता, त्याने धाराशिव येथून मोटरसायकल चोरल्याची कबुली दिली.
पुढील चौकशीत त्याने आपल्या साथीदार कुक्या उर्फ मोतीराम बादल शिंदे याच्यासह अनेक मोटरसायकली चोरून मोहा येथे पत्र्याच्या शेडच्या मागे लपवून ठेवल्याची माहिती दिली. त्यावर पोलिसांनी नमूद स्थळी जाऊन मोटरसायकली तसेच दोन डिझेल कॅन ताब्यात घेतले.
यानंतर पोलीस अभिलेखांची तपासणी केली असता, जप्त केलेल्या मोटरसायकलींवर खालील पोलीस ठाण्यांमध्ये गुन्हे दाखल असल्याचे आढळून आले:
- आनंदनगर पोलीस ठाणे गु.र.नं. 100/2025, भारतीय दंड संहिता कलम 303(2)
- आनंदनगर पोलीस ठाणे गु.र.नं. 276/2020, कलम 379
- नळदुर्ग पोलीस ठाणे गु.र.नं. 57/2025, कलम 3303(2)
- नळदुर्ग पोलीस ठाणे गु.र.नं. 83/2025, कलम 303(2)
- धाराशिव शहर पोलीस ठाणे गु.र.नं. 73/2023, कलम 379
- येरमाळा पोलीस ठाणे गु.र.नं. 40/2025, कलम 303(2)
- गातेगाव, जिल्हा लातूर पोलीस ठाणे गु.र.नं. 23/2025, कलम 303(2)
पोलिसांनी पंचाच्या उपस्थितीत आरोपी सुरज उर्फ बबल्या उर्फ डालग्या श्रीपती काळे याच्याकडून एकूण 1,61,510 रुपये किमतीच्या मोटरसायकली जप्त करून पुढील कार्यवाहीसाठी आनंदनगर पोलीस ठाण्याच्या ताब्यात दिले.
ही कामगिरी पोलीस अधीक्षक संजय जाधव आणि अपर पोलीस अधीक्षक गौहर हसन यांच्या मार्गदर्शनाखाली स्थानिक गुन्हे शाखेचे पोलीस निरीक्षक विनोद इज्जपवार, सहाय्यक पोलीस निरीक्षक सचिन खटके, अमोल मोरे, विनोद जानराव, समाधान वाघमारे, नितीन जाधवर, बबन जाधवर, चालक महेबुब अरब, पोलीस अंमलदार विनायक दहीहंडे, प्रकाश बोईनवाड आणि सुनिल मोरे यांच्या पथकाने पार पाडली.
- तोतया चेअरमनने केली 1 कोटी 10 लाखांची फसवणूक
- महावीर जयंतीच्या सुट्टी दिवशी मोबाईल नोटीसीद्वारे त्रास : लहु खंडागळे यांची जिल्हा पोलिस प्रशासनाविरोधात पोलिस महानिरीक्षांकडे तक्रार
- उमरगा तालुक्यात 2025-2030 सरपंच पद आरक्षण जाहीर – अनुसूचित जाती, जमाती व महिला प्रवर्गाला प्राधान्य
- लोहारा तालुक्यातील 2025-2030 सरपंच आरक्षण जाहीर; अनुसूचित जाती, महिला व सर्वसाधारण गटांना संधी
- कळंब तालुक्यातील 92 ग्रामपंचायतींसाठी सरपंच पदाच्या आरक्षण सोडतीची कार्यवाही पूर्ण; अनुसूचित जाती-जमाती, महिला व सर्वसामान्यांसाठी आरक्षण जाहीर