दैनिक जनमत

विटा प्रतिनिधी :

 1 मे महाराष्ट्र दिन व कामगार दिनाचे औचित्य साधून नगराध्यक्षा सौ प्रतिभाताई पाटील यांचे वतीने माजी नगराध्यक्ष अ‍ॅड.वैभव पाटील यांच्या हस्ते विटा नगरपालिकेच्या सर्व कर्मचारी बांधवांना कामगार दिनाच्या शुभेच्छा म्हणून फराळाचे वाटप केले.

           यावेळी बोलताना अ‍ॅड. वैभव पाटील म्हणाले, कोरोनाच्या महामारीत विटा नगरपरिषदेच्या सर्व कर्मचाऱ्यांनी अतिशय चांगल्या पद्धतीने आपले कर्तव्य बजावले आहे. स्वच्छ सर्वेक्षण मध्ये विटा नगरपरिषदही सलग तीन वर्षे भारतात अव्वल ठरत आहे.याचे सर्व श्रेय विटा नगरपरिषदेच्या कर्मचारी बांधवाना जाते म्हणून प्रत्येक वर्षीप्रमाणे याहीवर्षी कामगार दिनाचे औचित्य साधून सर्व कर्मचाऱ्यांना गोड फराळाचे वाटप करीत आहे,असे माजी नगराध्यक्ष अ‍ॅड.वैभव पाटील यांनी सांगितले.

           यावेळी नगरसेवक संजय तारळेकर,फिरोज तांबोळी, गजानन निकम,संदेश पवार,राहुल घोरपडे तसेच विटा नगरपरिषदेचे प्रमुख कर्मचारी उपस्थित होते.

तासगाव प्रतिनिधी

: सांगलीचे खासदार संजयकाका पाटील यांच्या प्रयत्नाने

जिल्ह्याला नियमित ऑक्‍सिजन टॅंकर उपलब्ध झाला आहे. यामुळे कोरोना महामारीच्या संकटात ऑक्‍सिजनची गरज असलेल्या रुग्णांचे प्राण वाचवण्यास मदत होणार आहे. कनार्टकमधील जेएसडब्ल्यू कंपनीकडून हा ऑक्‍सिजन टॅंकर उपलब्ध झाला आहे. केंद्रीय मंत्री प्रल्हाद जोशी यांनी यासाठी सहकार्य केले, अशी माहिती खासदार संजयकाका पाटील यांनी दिली.सध्या जिल्ह्यात कोरोनाचा प्रसार वेगाने होत आहे. कोरोना रुग्णांची संख्या मोठ्या प्रमाणात वाढत आहे. कोरोनाने गंभीर होणाऱ्या या रुग्णांसाठी ऑक्‍सिजनची गरज असते. मात्र सध्या ऑक्‍सिजनचा मोठ्या प्रमाणात तुटवडा जाणवत आहे. त्यामुळे ऑक्‍सिजनची गरज भागवण्यासाठी प्रशासन प्रयत्न करत आहे. खासदार संजयकाका पाटील यांनी यासाठी केंद्रीय मंत्री प्रल्हाद जोशी यांच्याशी संपर्क साधून ऑक्‍सिजन उपलब्ध करण्याची

विनंती केली होती. त्यानुसार केंद्रीय मंत्री प्रल्हाद जोशी यांनी कर्नाटकातील जेएसडब्ल्यू कंपनीशी संपर्क साधून खासदार संजयकाका पाटील यांच्या मागणीनुसार सांगली जिल्ह्यात ऑक्‍सिजन टॅंकर पुरवण्याचे सहकार्य करण्याचे आवाहन केले.

मंत्री प्रल्हाद जोशी यांच्या आवाहनाला प्रतिसाद देत जेएसडब्ल्यू

कंपनीच्या व्यवस्थापनाने खासदार संजयकाका पाटील यांना सांगलीजिल्ह्यासाठी ऑक्‍सिजन टॅंकर देण्याची तयारी दर्शवली. त्यानुसार जिल्ह्याला आज एक ऑक्‍सिजन टॅंकर उपलब्ध झाला आहे. इथून पुढे हा ऑक्सिजन टॅंकरचा पुरवठा असाच सुरु ठेवण्याबद्दलही जेएसडब्ल्यू कंपनीकडून ग्वाही देण्यात आली आहे. त्यामुळे ऑक्सिजनची गरज असणाऱ्या रुग्णांना यामुळे दिलासा मिळाला असल्याचेही खासदार संजयकाका पाटील यांनी सांगितले.