दैनिक जनमत

ब्लॅक मेल करून पत्रकार बागडे यांना मागीतली ५० हजारांची खंडणी

परंडा  दि.२२( प्रतिनिधी) परंडा येथील पत्रकार तथा सराफ दुकानदार सुरेश बागडे यांना ५० हजार रूपये दे अन्यथा तुला सोने चोरी प्रकरणाच्या खोटया गुन्हयात आडकवीन अशी धमकी देऊन खंडणी मागणाऱ्या अभिजित हीरालाल पेडगावकर यांच्या विरुद्ध परंडा पोलिसात दि२२मे रोजी खंडणीचा गुन्हा दाखल करण्यात आला आहे .

        या बाबत परंडा पोलिसा कडून मिळालेली माहिती अशी की यातील आरोपी सराफ दुकानदार अभिजीत हिरालाल पेडगावकर ( दहिवाळ) हा दि २० मे रोजी रात्री ७ -३० ते ७-४५ वाजेच्या सुमारास फिर्यादी सुरेश बागडे यांच्या घरी गेला व सोने  चोरी प्रकरणामध्ये उत्तर प्रदेशच्या पोलिसांनी मला अटक केली होती याची माहिती तुच दिली होती त्या मुळे माझे खुप नुकसान झाले आहे.उत्तर प्रदेश च्या केस मध्ये माझा झालेला सर्व खर्च दे मला अत्ताच्या अत्ता ५० हजार रुपये दे नसता तुलाही सोने चोरीच्या गुन्ह्यात अडकवीन व तुझा गेम करीन तुझ्या घरच्यांना देखील माहित पडणार नाही अशी धमकी दिली . 

        महाराष्ट्रातील च नाही तर बाहेरील राज्यातील मोठ मोठे गुन्हेगार तसेच पोलिस,मंत्री माझ्या ओळखीचे आहेत. सोन्याच्या धंदयामधला मी डॉन आहे तुझा गेम करीन अशी धमकी दिली 

          दि२०मे रोजी यातील फिर्यादी सुरेश बागडे यांच्या फिर्यादी वरून आरोपी अभिजित पेंडगावकर यांच्या वर भादवी कलम ३८४,४५२,५०४,५०६ नुसार गुन्हा दाखल करण्यात आला असुन पुढील तपास सहाय्यक पोलिस निरिक्षक राजकुमार ससाने हे करीत आहे.

 परंडा (प्रतिनिधी)कोरोना संकट काळात परंडा तालुक्यातील रुग्णाची वाढती संख्या व त्या प्रमानात ऑक्सिजनचा तुटवडा हे लक्षात घेता. माजी मंत्री आमदार, प्रा.डॉ.तानाजीराव सावंत यांनी स्वखर्चाने 30 ऑक्सिजन काँन्सनट्रेटर मशीन खरेदी करुन परंडा येथील उपजिल्हा रुग्णालयातील रुग्णांच्या सेवेसाठी उपलब्ध करून देण्यात आल्या या ऑक्सिजन काँन्सनट्रेटर मशीनचे लोकार्पण जि.प. जिल्हा परिषदेचे उपाध्यक्ष तथा अरोग्य सभापती धनंजय सावंत व जिल्हा परिषदेचे क्रर्षी व  पशुसंवर्धन.सभापती दत्ता  साळुंखे यांच्या हस्ते करण्यात आले.

  यावेळी शिवसेना जिल्हाप्रमुख गौतम लटके,माजी नगरअध्यक्ष सुभाषसिंह सद्दीवाल, शिवसेना तालुका प्रमुख अण्णासाहेब जाधव,नगरसेवक रत्नाकांत शिंदे,मकरंद जोशी, अब्बास मुजावर,दत्ता रनभोर,  नायब तहसिलदार मिलींद गायकवाड ,डॉ.पवार,डॉ.पाटील व वैद्यकीय पदाधिकारी कर्मचारी उपस्थित होते.

 आमचं फॅमिली डॉक्टर गुळभिले डॉ यांच्या शी गेली पंधरा वर्षे म्हणजे आमचं आज्जी आजोबा होते तेव्हा पासून ऋणानुबंध आहेत. अतिशय समजुन साांगत पेशंटला धीर देणे तु लवकर बरा होणार काळजी करु नको मी आहे ना म्हणून पेशंटशी घरातील सदस्यांप्रमाणे एकरुप होणारे डॉ म्हणून मी डॉक्टर मिलिंद गुळभिले यांना मानतो…त्यांच्याच पावलावर पाऊल ठेवून निम्म्यारात्री पेशटचा फोन उचलणारे त्यांचे चिरंजीव डॉ तुषार गुळभिले यांची ओळख पिलीव भागात झाली आहे… कधी खिशात रुपया नसला तरी मोठे डाक्टर यांनी लोकांना ॲडमीट करून पैसे परत घेतले पैशासाठी कधीही अडवणूक न होणारे डॉ म्हणून मोठे डाक्टर यांचा परिचय आहे…पिलीव सारख्या भागात मुतखडा व इतर आपरेशन होतात हे पिलीवच्या  शिरपेचात डॉ तुषार गुळभिले यांनी मानाचा तुरा रोवला…. आज मोठ्या डॉ चा वाढदिवस होता खुप इच्छा होती भेटायची पण मी बाहेरगावी असलेमुळे भेटु शकलो नाही…. एक लहानपणी चा किस्सा सांगतो मी दहा वर्षाचा होतो साधारण एकोणिशे पंच्च्यानव शहान्नवचा काळ असेल माजी आज्जी आजारी पडली की मोठं डॉ सुझुकी गाडीवरुन बचेरीत एक नंबर तलाव जवळ माझ्या घरी येऊन सलाईन लावायाचे आम्हाला डॉ सलाईन मोटारसायकल याचं खुप नवल वाटायचं असो सांगायचा उद्देश येवढाच आज अक्षय हास्पीटलचे वटवृक्षात रूपांतर झाले यापाठीमागे मोठं डॉ यांचं खुप त्याग कष्ट चिकाटी आहे तेव्हा हे दिवस आले खरच मोठे डाक्टर म्हणजेच मिलिंद गुळभिले तुमचं कौतुक करायला माझ्याकडं शब्द अपुरे आहेत… अशीच सेवा आम्हा युवा पिढीला भविष्यात छोटे डॉ तुषार गुळभिले देतील येवढी सदिच्छा व्यक्त करतो आणि थांबतो पुन्हा एकदा तुमच्या सर्व परिवाराला मानाचा मुजरा पत्रकार विश्वजीत गोरड (M.A.b.ed)  व सदस्य ग्रामपंचायत बचेरी