दैनिक जनमत

 कपिलापूरी,आवार पिपरी येथील ४३ विजचोरांवर दंडात्मक कार्यवाही

दंडात्मक रक्कम न भरल्यास गुन्हे दाखल करणार -अमेय वनारी

परंडा (भजनदास गुडे )दि १८ विज वितरण कंपनीचे औरंगाबाद येथिल सह व्यावस्थापकीय संचालक गोंधवले यांच्या आदेशा नुसार व परंडा विज वितरण कंपणीचे उपकार्यकारी अभियंता अमेय वनारी यांच्या मागदर्शना खाली  विज चोरा विरुध्द परंडा तालुक्यात धडक मोहिम सुरू करण्यात आली आहे .

       दि १८ डिसेंबर रोजी विज वितरण कंपनीचे उप कार्यकारी अभियंता अमेय वनारी यांच्या मार्गदर्शनाखाली व सिराळा शाखेचे कनिष्ठ अभियंता सचिन बुरूंगे,यांच्या नेतृत्वाखाली विज चोरी रोखन्या साठी पथक प्रमुख कनिष्ठ अभियंता सुरज नायर, कनिष्ठ अभियंता,अंकुश जाधव कर्मचारी अशोक विभुते,राजेंद्र वाघमारे,इरफान शेख,देवीदास अलाट,ज्ञानेश्वर जाधव,मनिष वाघमोडे,समाधान शिंदे,कृष्णा मुळीक,जोगदंड यांच्या पथकाने  आवार पिपरी,कपिलापुरी येथे पहाटे पाचच्या दरम्यान धाडी मारल्या

      या घाडीत आवार पिपरी येथे २३ ठिकाणी तर कपिलापुरी येथे २० ठिकाणी आकडे टाकुन विज चोरी करीत असल्याचे आढळून आले आहे. 

    या सर्व विज चोरा विरूध्द दंडात्मक कारवाई करण्यात आली असुन दंडाची रक्कम न भरल्यास विजचोरी कलम १३५ नुसार फौजदारी गुन्हे दाखल करणार असल्याची माहिती कनिष्ठ अभियंता सचिन बुरंगे यांनी दिली आहे .

      विज चोरा विरूध्द कारवाई करण्यासाठी परंडा तालूक्यातील सर्व गावामध्ये धाडी मारून तपासणी करण्यात येणार आहे .

विज चोरी केलेल्या लोकांचे विजेचा वापर बघून ५ हजार ते २० हजार रुपये पर्यंत दंड करण्यात येत आहे .

          परंडा तालूक्यातील ज्या लोकांनी आधिकृत विज जोडणी केलेली नाही त्यांनी विज वितरण कार्यालयात रितसर अर्ज दाखल करून अधिकृत विज जोडणी करून घ्यावी व ज्यांची विज जोडणी कायम खंडीत करण्यात आलेली आहे त्यांनी थकबाकी भरून विज जोडणी कऊन घ्यावी असे आवाहन परंडा विज वितरण कार्यालयाच्या वतीने करण्यात आले आहे .

     विज चोरांना आता सावध होण्याची गरज असुन आकडे टाकलेले आढळल्यास कडक कारवाई करन्यात येणार आहे. विज चोरी विरूद्ध चे पथक अचानक धाडी मारुन कारवाई करणार आहे .

पाडोळी( प्रतिनिधी)

उस्मानाबाद तालुक्यातील टाकळी (बेंबळी) येथील जिल्हा परिषद प्राथमिक शाळेच्या शालेय व्यवस्थापण समितीच्या आज (दि.१८) झालेल्या बैठकीत एकमुखाने अध्यक्षपदी सौ. मोहिनी प्रशांत सोनटक्के तर उपाध्यक्षपदी मतीन शहाबुद्दीन पठाण यांची बिनविरोध निवड करण्यात आली.

यावेळी सदस्य म्हणून स्वाती भैरवनाथ भालेराव, अनुराधा गणेश सूर्यवंशी, नफीसा आदम शेख, शाहूराज श्रीमंत सोनटक्के, विलास संगाप्पा सोनटक्के, जमील रशीद पठाण, राजाराम ज्ञानदेव माने आणि शिक्षक तज्ञ म्हणून तानाजी योगीराज शेंद्रे आदी सदस्यांची खेळीमेळीच्या वातावरणात काहींची चिट्या टाकून तर काहींची बिनविरोध निवड करण्यात आली. निवडीनंतर सर्व शिक्षकांच्या वतीने निवड झालेल्या अध्यक्ष, उपाध्यक्ष आणि सदस्यांचा शाल आणि पुष्पगुच्छ देऊन सत्कार करण्यात आला.

यावेळी जिल्हा परिषद शाळे ने आयोजित केलेल्या शालेय समितीच्या निवडीच्या बैठकीचे अध्यक्ष हे माजी शालेय व्यवस्थापण समितीचे अध्यक्ष आदम शेख, प्रमुख पाहुणे म्हणून माजी पंचायत समिती सदस्य दत्तात्रय सोनटक्के,उपसरपंच महादेव सूर्यवंशी, प्रमुख उपस्थित तंटामुक्ती समितीचे अध्यक्ष काकासाहेब सोनटक्के, शालेय समितीचे उपाध्यक्ष हेमंत पाटील, ग्रामसेवक नेताजी सांगवे यांची उपस्थिती होती.

यावेळी कार्यक्रमाचे प्रास्ताविक सहशिक्षक श्री.एच.एन.जगताप यांनी केले,शालेय समितीचे महत्त्व हे शाळेचे मुख्याध्यापक श्री.एस.एस.माशाळकर यांनी केले तर आभार श्री.सी. के.मस्के यांनी मांडले.

ही समिती गठीत करणेसाठी तानाजी थोरे, दादाराव जाधव, सुरज पठाण, अरुण सुर्यवंशी, नेताजी थोरे,ज्योतिराम जाधव, जलील पठाण, बळीराम खटके,सूर्याजी गायकवाड, उद्धव खटके,जुबेर पठाण यांच्यासह अन्य पालकांनी परिश्रम घेतले. यांच्यासह श्रीमती एम.बी.पवार, एस.पी.तानवडे,श्रीमती एम.एच. सय्यद, श्रीमती एम.एफ.शेख, श्री.जहागीर सर, कुलकर्णी मॅडम, हाजगुडे सर, फरताडे मॅडम आदी शिक्षकवृंद उपस्थित होते.

झरेगाव प्रतिनिधी

 १ ) दिनांक १९  डिसेंबर २०२१ रोजी  हर घर दस्तक मोहिमे अतर्गत   उस्मानाबाद  जिल्ह्यामध्ये  उपजिल्हा रुग्णालय ,ग्रामीण रुग्णालय  अंतर्गत शहरी भागातील  ४५ टीम द्वोरे    १८  वर्षाच्या वरील  नागरिकांना ऑन स्पॉट पद्धतीने मिळणार कोव्हॅक्सिन लसीचा डोस

उस्मानाबाद – डिजिटल प्रचारतंत्राचा वापर करणारी भाजप आता पारंपरिक पोस्टरबाजीकडे वळली आहे. सरकार हरवले आहे असे पोस्टर उस्मानाबाद भाजपकडून जिल्हाधिकारी कार्यालयासमोर लावण्यात आले आहेत. या पोस्टरमधून ठाकरे सरकारवर खोचक टीका देखील करण्यात आली आहे.

काय आहे पोस्टरमध्ये…

एसटीच्या कर्मचाऱ्यांचा प्रश्न चिघळला आहे. कित्येक कर्मचाऱ्यांनी आत्महत्या केल्यात. मात्र, ठोस तोडगा नाहीच. जनतेला त्रास होतोय तो तर वेगळाच.

• आरोग्य विभागाच्या परीक्षांमध्ये सावळागोंधळ दिसून आला. पेपर फुटले, पाठोपाठ म्हाडा परीक्षांचेही पेपर फुटले. आता टीईटी परीक्षांबाबतही प्रश्नचिन्ह आहे.

• शाळा सुरू करण्याच्या निर्णयाबाबत शिक्षण खाते तोंडघशीच पडले. निर्णयही न्यायालयाकडून रद्द झाले.

एमपीएससीच्या परीक्षांबाबतही घोळ. स्वप्निल लोणकरच्या आत्महत्येला सहा महिने उलटूनही अद्याप आयोगच कार्यान्वित झाला नाही, परीक्षा तर दूरच.

ओबीसी आरक्षणाच्या बाबतीतही हेच झाले. मागासवर्ग आयोगाची कार्यकक्षा वाढवण्याची फाइल तीन महिन्यांपासून धूळ खात पडून आहे.

• मराठा आरक्षणावर न्यायालयात बाजू मांडण्यात सरकार म्हणून तुम्ही कमी पडलात.

महाविकास आघाडी सरकार… अहो तुम्ही तुमचे मंत्री आणि नेते राजकीय कलगीतुऱ्यांमध्ये आणि मस्त मलईमध्ये रमले आहेत. सामान्य जनता होरपळून निघतेय. तुम्ही परत या. जिथे असाल तिथू परत या. ठोस निर्णय घ्या. लोकांना दिलासा द्या. सरकार म्हणून काही तरी ‘करून दाखवा’.

आपल्या प्रतीक्षेत, महाराष्ट्रातील १२ कोटी जनता अश्या आशयाचे पोस्टर लावून भाजपने सरकारवर  नवे टीकास्त्र सोडले आहे.

 जे विम्यापासून वंचित आहेत त्यांनी ग्रामपंचायतकडे तक्रार अर्ज द्यावा

कोणत्याही परिस्थितीत ३० हजाराच्यापुढे नुकसान भरपाई मिळवून देणारच

उस्मानाबाद दि.१७ (प्रतिनिधी) – पीक विमा नुकसान भरपाईबाबत बरेच गैरसमज निर्माण झालेले आहेत. बजाज अलायन्झ विमा कंपनीशी राज्य सरकारने पीक विम्यासाठी ३ वर्षाचा करार केलेला आहे. अतिवृष्टीमुळे शेतकऱ्यांचे नुकसान झाले असून त्या नुकसानीपोटी विमा कंपनीने शेतकऱ्यांना हेक्‍टरी ३६ हजार रुपये देणे बंधनकारक व अनिवार्य आहे. मात्र काहीजणांनी विनाकारण गैरसमज निर्माण केल्यामुळे अस्तित्वात नसलेल्या नियमांचा बाऊ करून विमा कंपनीने ५० टक्केच विमा रक्कम दिली आहे. ही रक्कम देखील सर्व शेतकऱ्यांना दिली नसून अनेक शेतकरी यापासून वंचित आहेत. त्यामुळे वंचित असलेल्या शेतकऱ्यांनी आपली तक्रार ग्रामपंचायत कार्यालयात दाखल करावी. या तक्रारीच्या आधारे मी जिल्ह्यातील सर्व शेतकऱ्यांना हेक्‍टरी ३६ हजार रुपये मिळवून देणार आहे. विशेष म्हणजे विमा कंपनीवर राज्य सरकारचे नियंत्रण असल्यामुळे जिल्हा प्रशासन व कृषी विभाग यांच्या माध्यमातून हा कारभार चालतो. त्यामुळे बजाज अलायन्झ पीक विमा कंपनीशी केंद्र सरकारचा दुरान्वये संबंध नसल्याची खुलासावजा माहिती भाजप आ. राणाजगजितसिंह पाटील यांनी आयोजित पत्रकार परिषदेत दि.१७ डिसेंबर रोजी दिली.

येथील प्रतिष्ठान भवन भाजप कार्यालयात आयोजित करण्यात आलेल्या पत्रकार परिषदेत ते बोलत होते. यावेळी जिल्हाध्यक्ष नितीन काळे, जिल्हा समन्वयक नेताजी पाटील, युवा मोर्चाचे जिल्हाध्यक्ष राजसिंह राजेनिंबाळकर, किसान मोर्चाचे जिल्हाध्यक्ष संजय पाटील आदी उपस्थित होते. पुढे बोलताना आ. पाटील म्हणाले की, राज्य सरकारने दि.२७ जुलै २०२० च्या दरम्यान कृषी कृषी आयुक्तालयातील कृषी संचालक यांच्या माध्यमातून बजाज अलायन्झ विमा कंपनी बरोबर करार केला आहे. २०२९ मध्ये ८० टक्के शेतकरी पीक विम्यापासून वंचित राहिले आहेत. त्यावर्षी विमा कंपनीला ५५० कोटीचा नफा झालेला आहे. विशेष म्हणजे दि. ५ मार्च २०२१ रोजी कृषी आयुक्तांनी विमा कंपनीला पत्र दिले होते. त्या पत्रात शेतकऱ्यांच्या पिकांचे नुकसान झालेले आहे. त्या नुकसानीचे जिल्हा प्रशासनाने केलेले पंचनामे ग्राह्य धरा व नुकसान भरपाईची रक्कम शेतकऱ्यांना देण्यात यावी असे नमूद केले होते. मात्र २५ लाखाच्या पुढील नुकसान भरपाई आदेश देण्याचे अधिकार कृषी आयुक्तांना नसून ते राज्य सरकारला आहेत. त्यामुळे मी दि.७ सप्टेंबर २०२१ रोजी एकनाथ डवले यांना हे प्रकरण राज्यस्तरीय तक्रार निवारण समितीकडे देण्याची मागणी केली होती. मात्र सचिवांनी याबाबत साधी बैठक घेतली नाही किंवा तसे आदेश देखील दिले नाहीत असे त्यांनी सांगितले. तर नुकसान भरपाई देण्यासाठी जी नियमांवली आहे. त्यातील २६ नंबरच्या नियमानुसार जिल्ह्याचे पालकमंत्री यांच्या अध्यक्षतेखाली जिल्ह्यात बैठक घेण्याची तरतूद आहे. या बैठकीसाठी विमा कंपनीच्या प्रतिनिधी सह राज्याच्या कृषी विभागाचे मुख्य सचिव उपस्थित राहणे बंधनकारक आहे. मात्र पालकमंत्र्यांनी देखील याकडे अक्षम्य दुर्लक्ष केल्याचा आरोपही त्यांनी केला. 

पीक कापणी प्रयोग दि. १५ ऑक्‍टोबर ते १५ नोव्हेंबर या दरम्यान केले जातात. जर या कालावधीत अतिवृष्टी किंवा नैसर्गिक संकट उद्भवून पिकाचे नुकसान झाले तर ५० टक्के व पीक कापणी प्रयोगानंतर नुकसान झाले तर ५० टक्के नुकसान भरपाई देण्याची तरतूद आहे. मात्र जिल्ह्यात २२ ते २७ सप्टेंबर या दरम्यान अतिवृष्टीने पिकांचे नुकसान झालेले आहे. त्यामुळे काही मंडळी केंद्र सरकारच्या त्या परिपत्रकाचा चुकीचा अर्थ काढीत आहेत. हाच आधार घेत विमा कंपनीने १०० टक्के नुकसान भरपाई देण्याची ५० टक्के नुकसान भरपाई देण्याचे सुरू केले आहे. मात्र १५ ऑक्‍टोबर ते १५ नोव्हेंबर या दरम्यान अतिवृष्टी किंवा इतर नैसर्गिक आपत्तीमुळे नुकसान झालेले नसल्यामुळे १०० टक्के नुकसान भरपाई रक्कम शेतकऱ्यांना देणे विमा कंपनीचे आद्य कर्तव्य असल्याचे त्यांनी ठणकावून सांगितले.

वंचित शेतकऱ्यांनी ग्रामपंचायतकडे तक्रारी अर्ज दाखल करावेत

ज्या शेतकऱ्यांना आपल्या झालेल्या पिकांच्या नुकसानीची भरपाई विमा कंपनीने दिलेली नाही. ते शेतकरी विमा कंपनीच्या कार्यालयात तक्रार अर्ज दाखल करीत आहेत. मात्र त्या अर्जावर विमा कंपनीचे प्रतिनिधी सही, शिक्का त्या पोहोच पावती देत नाहीत. तर कृषी विभागात अर्ज देण्यासाठी गर्दी होऊ लागली आहे. त्यामुळे शेतकऱ्यांनी ग्रामपंचायत कार्यालयात आपले अर्ज संबंधित कृषी विभागाच्या अधिकाऱ्यांनी घेण्याच्या सूचना जिल्हाधिकाऱ्यांना दिल्या आहेत. त्यामुळे प्रत्येक वंचित शेतकऱ्यांनी आपले अर्ज त्यांच्याकडे दाखल करावेत व त्यावर पोच घ्यावी, असे आवाहन आ.पाटील यांनी केले आहे.

कृषी सचिवांना न्यायालयात खेचणार 

राज्याच्या कृषी सचिवांना पीक नुकसान विमा रक्कम मिळण्याबाबत राज्यस्तरीय तक्रार निवारण समितीकडे प्रस्ताव पाठविण्याची मागणी केली होती. मात्र त्यांनी याबाबत कुठलीच कारवाई केली नसल्यामुळे शेतकऱ्यांना हक्काच्या पीक विमा रकमेपासून वंचित राहण्याची वेळ आली आहे. त्यामुळे राज्याच्या कृषी सचिवांना न्यायालयात खेचणार याचा स्पष्ट निर्वाळा त्यांनी दिला.

उस्मानाबाद जिल्ह्यात वाहतुकीला शिस्त लागावी तसेच अवैध वाहतूक करणे वाहतूक नियमाचे उल्लंघन करणे आदी कारणावरून ई- चालान प्रमाणालीद्वारे वाहन धारकावर दंडात्मक कार्यवाही करण्यात येत आहे. १ डिसेंबर पासून या दंडात्मक नियमात सुधारणा करण्यात आली असून नियम मोडणाऱ्या वाहनावर दंड आकारला जाणार आहे.

मोटर वाहन सुधारणा अधिनियमांतर्गत ई – चालान दंडात्मक कार्यवाहीत सुधारणा करण्यात आली आहे. वाहतूक नियमाचे उल्लंघन करणाऱ्यांवर आता दुप्पटीने दंड आकारला जाणार आहे. विविध नियम व आकारण्यात आलेला दंड पुढील प्रमाणे आहे. यामध्ये नवीन दंडाची रक्कम दिलेली आहे. पोलिस आदेशाचे पालन न करणे प्रथम अपराध ५०० रुपये तर द्वितीय अपराध १५०० रुपये, अनाधिकृत वाहन चालक ५ हजार रुपये, विना लायसन्स वाहन चालविणे ५००० रुपये, परवाना संपूनही वाहन चालविणे ५००० रुपये, वाहनाची शर्यत लावणे प्रथम अपराध ५००० रुपये, द्वितीय अपराध १० हजार रुपये,विनाकारण हॉर्न वाजविणे प्रथम ५०० रुपये  तर द्वितीय अपराध १५०० रुपये, विना विमा वाहन चालविणे प्रथम अपराध २ हजार रुपये तर द्वितीय अपराध ४ हजार रुपये, वेग मर्यादेचे उल्लंघन दुचाकी १ हजार रुप्ये, ट्रॅक्टर १५०० रुपये, हलकी वाहने ४ हजार रुपये , फॅन्सी नंबर प्लेट लावणे याबाबत प्रथम ५००, द्वितीय व त्यानंतर १५०० रुपये, विना हेल्मेट प्रथम ५००, द्वितीय व त्यानंतर १५०० रुपये, १६ वर्षाखालील व्यक्तीने वाहन चालविण्यास ५०००रुपये,अवैध प्रवासी वाहतूक ५००० रुपये, अवैध पीयूसीसी प्रथम ५०० रुपये व द्वितीय १५००० रुपये,वाहन चालविताना मोबाईल फोनवर बोलणे प्रथम दुचाकीसाठी एक हजार रुपये, तीनचाकी वाहनासाठी दोन हजार रुपये, जड वाहनासाठी चार हजार रुपये, द्वितीय अपराध चार हजार  दंड आकारला जाणार आहे.

 उस्मानाबाद – जिल्ह्यात गत दोन महिन्यापासुन जिल्हयात विविध ठिकाणी सामुहीक धाड सत्र आयोजीत करुन अवैध मद्य निर्मीती केंद्रावार कार्यवाही करण्यात येत आहे. जिल्हयातील अधिकारी सतर्क राहुन सदर मोहिमेत भरीव कामगीरी करीत आहेत.यातच दिनांक 15/12/2021 “रोजी मिळालेल्या गुप्त माहितीनुसार मौजे जेजला ता. भुम, जि. उस्मानाबाद येथील वैभव शत्रुघ्न् बनसोडे, वय 25 वर्षे हा” तिंत्रज- जेजला रोडवर जेजला शिवार जेजला ता. भुम, जि. उस्मानाबाद येथे त्यांचे फायदेसाठी अवैध रित्या गोवाराज्यनिर्मीत उत्पादन शुल्क चुकविलेले विदेशी दारुची विक्री करण्याच्या उद्देशाने वाहतुक करीत असल्याची खात्रीलायक बातमी मीळाली नुसार पी.जी.कदम, दुय्यम निरीक्षक, राज्य उत्पादन शुल्क, भरारी पथक उस्मानाबाद/लातुर, व जवान आर. आर. गिरी, एम.पी.कंकाळ,व्ही.आय.चव्हाण यांचेसह गुप्त माहिती मिळालेल्या तिंत्रज – जेजला रोडवर जेजला शिवार जेजला ता. भुम, जि. उस्मानाबाद येथे प्रो. गुन्हेकामी छापा मारला असता आरोपी वैभव शत्रुघ्न् बनसोडे, वय 25 वर्षे हा तिंत्रज – जेजला रोडवर जेजला शिवार जेजला ता. भुम, जि. उस्मानाबाद यांचे ताब्यातुन प्रो. गुन्हयाचा नमुद एकुण रु.9,51,000/- रुपये किंमतीचा गोवाराज्यनिर्मीत उत्पादन शुल्क चुकविलेले विदेशी दारुची मद्याचा मुद्देमाल मिळुण आला.

जप्त मुद्देमाल खालीलप्रमाणे

 विदेशी दारु मॅकडॉल नं-1 व्हिस्की, 180 मी.लीच्या 240बॉटल अं.किं. (गोवा राज्य निर्मीत) रु. 38400/,एक महिंद्रा कंपनीची स्कॉरपिओ चारचाकी वाहन जीचा र.नं. MH-12-MR-7882 अं. किं. 9,00,000/, एक VIVO कंपनीचा S1 मोबाईल 12,600/

एकुण मु किंमत रु 9,51,000/

 सदर गुन्हयात मिळून आलेला आरोपी व इतर यांचे विरुध्द महाराष्ट्र दारुबंदी कायदा 1949 चे (ई), 81,83,90 व 108 नुसार गुन्हा नोंदविण्यात आला आहे. सदरचा मद्यसाठा तो कोणला विक्री करणार कलम 65-(अ) होतो याचा तपास केला जात आहे.सदरची कार्यवाही विजय चिंचाळकर, अधीक्षक, राज्य उत्पादन शुल्क, उस्मानाबाद यांचे मार्गदर्शनाखाली पी.जी. कदम, दुय्यम निरीक्षक, राज्य उत्पादन शुल्क,भ.प.उस्मानाबाद/लातुर, व जवान आर. आर. गिरी, एम.पी.कंकाळ, व्ही.आय.चव्हाण यांचे पथकाने केली आहे. सदर प्रकरणांचा पुढील तपास पी.जी. कदम दुय्यम निरीक्षक, राज्य उत्पादन शुल्क, भरारी पथक उस्मानाबाद/लातुर हे करित आहेत.