दैनिक जनमत

अध्यक्षपदी महादेव वायकर तर उपाध्यक्ष पदी उत्रेश्र्वर बारस्कर यांची निवड

 परंडा :- (दि ८ जानेवारी )  जि.प.प्रा शाळा,अंदोरी येथे कोरोनाचे सर्व नियम पाळत पालक सभेचे आयोजन करण्यात आले व शाळा व्यवस्थापन समिती स्थापन करण्यात आली.

       पालकसभेच्या अध्यक्षस्थानी ग्रामपंचायत सदस्य शहाजी बारसकर तर प्रमुख पाहुणे म्हणून गावचे पोलीस पाटील अंगद बारसकर होते.यावेळी मान्यवरांच्या हस्ते सावित्रीबाई फुले यांच्या प्रतिमेचे पूजन करून पालक सभेला सुरूवात झाली.मुख्याध्यापक रमेश बारसकर सर यांनी प्रास्ताविक केले व आजच्या पालक सभेचा हेतू सांगितला.

     यावेळी उपस्थित पालकांमधून शाळा व्यवस्थापन समितीच्या सदस्यांची निवड करण्यात आली. सदर निवडीनंतर अध्यक्ष व उपाध्यक्ष निवडी खेळीमेळीच्या वातावरणात बिनविरोध करण्यात आल्या.

           व्यवस्थापन समीतीच्या अध्यक्ष पदी महादेव वायकर तर उपाध्यक्ष म्हणून उत्रेश्वर बारसकर यांची सर्वानुमते निवड करण्यात आली.तर सदस्य म्हणून गोकूळ बारसकर,श्रीहरी गायकवाड, रोहिणी गायकवाड,राधिका बारसकर,गौरी पवार व उर्मिला शिंदे यांची बिनविरोध निवड करण्यात आली.शिक्षणतज्ज्ञ म्हणून भाऊसाहेब बारसकर यांची सर्वानुमते निवड करण्यात आली.नुतन अध्यक्ष,उपाध्यक्ष यांच्यासह सदस्यांचा सत्कार शाळेच्या वतीने रमेश बारस्कर सर यांच्या हस्ते करण्यात आला.सदरील कार्यक्रमाचे सुत्रसंचलन प्रशांत बरबडे यांनी केले.

परंडा (दि८ जानेवारी)प्रदेशाध्यक्ष शिवमती माधुरीताई भदाने यांच्या मार्गदर्शना खाली व प्रदेश कार्याध्यक्ष शिवमती नंदाताई शिंदे यांच्या अध्यक्षतेखाली दि.७ जानेवारी रोजी मराठा सेवा संघ कार्यालय उस्मानाबाद येथे उस्मानाबाद जिजाऊ ब्रिगेडची कार्यकारीणी जाहीर करण्यात आली.त्यामध्ये शिवमती सुजाता चव्हाण यांना विभागीय उपाध्यक्ष शिवमती रेखाताई सुर्यवंशी विभागीय प्रवक्त्या शिवमती आशाताई मोरजकर यांना उस्मानाबाद जिल्हाध्यक्ष,तसेच शिवमती माधुरी गवारे यांना उस्मानाबाद शहर अध्यक्ष याप्रमाणे निवडी करण्यात आल्या आहेत.नुतन पदाधिकाऱ्यांचा सत्कार मान्यवारांच्या हस्ते सत्कार करण्यात आला.

    यावेळी रत्नमाला टेकाळे महिला व बालकल्याण सभापती,सुनंदा माधव माने उस्मानाबाद जिल्हा कार्याध्यक्ष, उमरगा तालुका अध्यक्ष रेखा नंदकुमार पवार,लोहारा तालुका अध्यक्ष रंजनाताई श्रीकांत हासुरे, डॉ.तेजस्विनी प्रमोद करळे,भुम तालुका अध्यक्ष प्रगती तानाजी गाढवे,प्रमिला कमालकर शेळके, कल्पना रवी मोरे-पाटील,बालिका रवींद्र शिंदे,प्रगती अमोल खैरे, सुरेखा अनंत सुर्यवंशी,सीमा विजय पाटील, मनीषा राजेंद्र राजेनिंबाळकर,माधवी नंदकुमार गवारे,प्रतिभा विलासराव काकडे, अंजली दिनेश काकडे, सिमाताई काकडे,सुचीताताई काकडे,संध्या बाळकृष्ण शिंदे, प्रतिभाताई शिखंडी परसे आदी महिला उपस्थित होत्या.

उस्मानाबाद 

पंतप्रधान पीक विमा योजनेअंतर्गत शेतकऱ्यांनी बजाज अलियांझ कंपनीला पिकांचा विमा भरला आहे परंतु सर्व शेतकऱ्यांना हा विमा समान न मिळाल्यामुळे अनेक शेतकरी अद्यापही विम्यापासून वंचित असल्याने त्यांना तातडीने विमा देण्यात यावा या मागणीसाठी मल्हार आर्मी संघटनेने जिल्हाधिकारी कार्यालयासमोर लाक्षणिक उपोषणाला बसले आहेत. पिक विमा शेतकऱ्यांना लवकरात लवकर मिळावा तसेच शेतकऱ्यांना समान विमा न मिळाल्यास  जिल्ह्यात ठिकठिकाणी मल्हार आर्मीच्या वतीने रास्ता रोको करण्यात येणार आहे या लाक्षणिक उपोषणाला आरपीआय ने जाहीर पाठिंबा दिला आहे. उपोषणाला मराठवाडा अध्यक्ष अण्णासाहेब बंडगर,राम जवान, वैभव लकडे,समाधान पाडूळकर,अशोक गाडेकर, विठ्ठल खटके,शहाजी हाके, रामकिशन खटके, धनंजय खटके, नारायण बंडगर,बालाजी वगरे यांनी उपस्थित रहात आंदोलन तीव्र केले.

१) दिनांक ०७   जानेवारी २०२२  रोजी उस्मानाबाद  जिल्ह्यामध्ये शहरी भागातील रुग्नालायांतर्गत  १९   लसीकरण केंद्रावर  १५ वर्षाच्या वरील  नागरिकांना ऑनलाईन व  ऑन स्पॉट पद्धतीने मिळणार कोव्हॅक्सिन लसीचा डोस 

उस्मानाबाद जिल्ह्यामध्ये दिनांक ०७  जानेवारी २०२२  रोजी शहरी भागामध्ये  १९  लसीकरण केंद्रावर १५  वर्षाच्या वरील  नागरिकांना कोव्हॅक्सिन लसीचा पहिला आणि दुसरा डोस दिला जाणार आहे.लाभार्थ्यांनी लसीकरणाला जाताना आपले आधार कार्ड/ पॅन कार्ड/ ड्रायव्हिंग लायसन्स/ पासपोर्ट /मतदाता कार्ड इत्यादी पैकी ओळख पत्र सोबत बाळगावे. या केंद्रांवर १५  वर्षाच्या वरील  वयोगटातील नागरिकांना तसेच जेष्ठ नागरिक, दुर्धर आजारी व्यक्ती ,दिव्यांग यांना प्राधान्याने कोव्हॅक्सिन लसीचा पहिला डोस दिला जाणार आहे,तसेच ज्या १८ वर्षाच्या वरील  लाभार्थ्यांना कोव्हॅक्सिन लसीचा पहिला डोस घेऊन २८ दिवस पूर्ण झालेले आहेत अशाच  लाभार्थ्यांना दूसरा डोस दिला जाणार असल्याने इतर लाभार्थ्यांनी लसीकरण केंद्रावर जाऊन गर्दी करू नये .

लसीकरणाची वेळ सकाळी ९ वाजल्या पासून दुपारी ५ वाजेपर्यंत आहे. दिनांक ०६ जानेवारी २०२२ रोजी दुपारी तीन वाजल्यापासून ऑनलाईन बुकिंग करणे करिता स्लॉट्स खुले करण्यात आलेले आहेत. ऑनलाईन नोंदणी करून स्लॉट बुक केलेल्या नागरिकांसाठी आणि ऑन स्पॉट नोंदणी करून लस घेण्यासाठी आलेल्या लाभार्थ्यांसाठी स्वतंत्र रांगा ठेवण्यात येणार आहेत. ऑन स्पॉट नोंदणी करू इच्छित लाभार्थ्यांनी लसीकरणाला जाताना ज्या मोबाईल क्रमांकावर ऑन स्पॉट नोंदणी करायचे आहे तो मोबाईल सोबत बाळगावा. लसीकरण केंद्रावर प्रथम येणाऱ्या लाभार्थ्यांना क्रमाने लसीकरण केले जाणार आहे. यावेळी केंद्रावरील उपलब्ध डोसच्या संख्येच्या प्रमाणातच टोकण वाटप करण्यात येणार आहेत. लसीकरण केंद्राच्या ठिकाणच्या ग्रामपंचायत, नगरपालिका व