दैनिक जनमत

धाराशिव – धाराशिव शहर पोलीस ठाण्यात दारूच्या नशेत एका इसमाने काचेवर दगडफेक करत सार्वजनिक मालमत्तेचे नुकसान केल्याची घटना घडली आहे.

फिर्यादी पोलीस हवालदार संतोष रामराजे पवार यांनी दिलेल्या माहितीनुसार, ८ ऑगस्ट रोजी रात्री ८ वाजल्यापासून ते ९ ऑगस्ट सकाळी ८ वाजेपर्यंत ते पोलीस ठाणे अंमलदार म्हणून कर्तव्यावर होते. त्यांच्यासोबत मदतनीस म्हणून पोअं/९१९ डी.बी. झोरी व वायरलेस ड्युटीसाठी पोअं/६६८ चव्हाण हेही ड्युटीवर होते.

रात्री १०.५२ वाजता तक्रारदार सुलताना हबीब निचलकर यांची तक्रार नोंदवित असताना, एक इसम दारूच्या नशेत येऊन अंमलदार कक्षाच्या काचेवर दगड मारून काच फोडली. बाहेर येऊन पाहणी केली असता, त्याचे नाव प्रदीप श्रीमंत लोखंडे (वय ४२, रा. तुळजापुरनाका, धाराशिव) असे समजले. आरोपीच्या तोंडाला दारूचा तीव्र वास येत होता. चौकशीत त्याने आपल्या गल्लीत भांडण झाल्याचे व लोकांनी मारहाण केल्याचे सांगितले. त्याच्या डोक्याला व हातापायावर किरकोळ जखमा होत्या.

घटनेची माहिती बीट मार्शल पोलिसांना दिल्यानंतर पोअं/११०१ भोसले व पोअं/१७०० घुगे घटनास्थळी आले. लोखंडे याने सार्वजनिक मालमत्तेचे नुकसान केल्याने त्याच्यावर महाराष्ट्र सार्वजनिक मालमत्ता नुकसान प्रतिबंधक अधिनियम १९८४ कलम ३(१) व महाराष्ट्र दारूबंदी अधिनियम कलम ८५(१) अंतर्गत गुन्हा दाखल करण्यात आला आहे.

• धाराशिव नगरपालिकेच्या सर्वसाधारण सभेत छुप्या युतीत ठिणगी? भाजप आणि राष्ट्रवादीच्या नगरसेवकांत गोंधळ!
• सर्वसाधारण सभा, स्थायी समितीचे इतिवृत्त गायब? धाराशिव नगरपरिषदेत पारदर्शकतेचा बोजवारा?आ. राणाजगजितसिंह पाटील यांच्या पारदर्शक कारभाराच्या दाव्याचा फुगा फुटला!
• परंडा तालुक्यात माजी सैनिकाच्या घरी सशस्त्र दरोडा; २४ तासांत टोळी जेरबंद, गुन्हे शाखेची कामगिरी
• टेक्सटाईल पार्कवरून आ. राणाजगजितसिंह पाटील यांचा यू -टर्न?;
  कौडगावसाठी डिफेन्स हबचे नवे आश्वासन, जुन्या बाटलीत नवी दारू!
• पवनचक्कीतील तांब्याच्या तारा लुटणारी टोळी जेरबंद; ५ आरोपींसह ४२ लाखांचा मुद्देमाल जप्त

धाराशिव – जिल्हाधिकाऱ्यांनी एखादा आदेश अथवा सूचना काढल्यास त्याचे पालन सर्व शासकीय यंत्रणांनी करणे अपेक्षित असते. मात्र, धाराशिव जिल्ह्यात उलट चित्र दिसून आले आहे. स्वतःच्या आदेशाचे पालन खुद्द जिल्हाधिकारी कार्यालयानेच न केल्याची घटना उघड झाली आहे. काही महिन्यांपूर्वी जिल्हाधिकारी कार्यालयाकडून जिल्ह्यातील सर्व नगरपालिकांना व नगरपंचायतींना अवैध बॅनरांवर लगाम घालण्यासाठी कठोर सूचना देण्यात आल्या होत्या. या सूचनांनुसार, शहरातील प्रत्येक बॅनरवर QR कोड असणे बंधनकारक करण्यात आले होते, ज्यामुळे बॅनर लावणाऱ्यांची ओळख व वैधता त्वरित तपासता येईल.

परंतु, गेल्या दोन दिवसांपासून जिल्हाधिकारी कार्यालयाच्या प्रवेशद्वारासमोरच लावण्यात आलेल्या एका बॅनरवर QR कोड नसल्याचे उघड झाले आहे. त्यामुळे हा बॅनर वैध आहे की अवैध, हा प्रश्न निर्माण झाला असून, नियमभंगाचे हे उदाहरण खुद्द जिल्हाधिकारी कार्यालयाच्या दारात घडल्याने प्रशासनाच्या कार्यपद्धतीवरच प्रश्नचिन्ह उपस्थित झाले आहे.

शहरात बॅनर आणि होर्डिंग लावण्यासाठी ठराविक वेळ, ठिकाण आणि आकारमानाचे निकष निश्चित आहेत. त्याबाबत कर आकारणीची स्पष्ट तरतूद असून, या माध्यमातून नगरपालिकेला लाखो रुपयांचा महसूल मिळतो. परंतु, प्रत्यक्षात हे निकष पाळणे टाळले जात असल्याने अवैध बॅनर लावण्याचे प्रकार वाढले आहेत. धाराशिव शहरात, विशेषतः राष्ट्रीय महामार्गालगत, बॅनर सर्रासपणे लावले जातात. यामुळे केवळ शहराचे सौंदर्य बिघडत नाही, तर वाहतुकीस अडथळा निर्माण होतो. काही वेळा बॅनरमुळे दृष्टी आड झाल्याने किरकोळ अपघातांच्याही घटना घडल्या आहेत.

नगरपालिकेने आणि जिल्हाधिकारी कार्यालयाने याबाबत गंभीर पावले उचलणे आवश्यक असतानाच, जिल्हाधिकारी कार्यालयासमोरच नियमभंग करणारा बॅनर लावला जाणे, ही बाब दुर्दैवी आणि लाजिरवाणी मानली जात आहे. नागरिकांचा प्रश्न आहे की, या बॅनरच्या वैधतेबाबत नगरपालिका स्पष्ट भूमिका घेणार का? की नेहमीप्रमाणेच चुकीकडे दुर्लक्ष करून ‘मूकसंमती’ दिली जाणार? याकडे सर्वांचे लक्ष लागले आहे.

• धाराशिव नगरपालिकेच्या सर्वसाधारण सभेत छुप्या युतीत ठिणगी? भाजप आणि राष्ट्रवादीच्या नगरसेवकांत गोंधळ!
• सर्वसाधारण सभा, स्थायी समितीचे इतिवृत्त गायब? धाराशिव नगरपरिषदेत पारदर्शकतेचा बोजवारा?आ. राणाजगजितसिंह पाटील यांच्या पारदर्शक कारभाराच्या दाव्याचा फुगा फुटला!
• परंडा तालुक्यात माजी सैनिकाच्या घरी सशस्त्र दरोडा; २४ तासांत टोळी जेरबंद, गुन्हे शाखेची कामगिरी
• टेक्सटाईल पार्कवरून आ. राणाजगजितसिंह पाटील यांचा यू -टर्न?;
  कौडगावसाठी डिफेन्स हबचे नवे आश्वासन, जुन्या बाटलीत नवी दारू!
• पवनचक्कीतील तांब्याच्या तारा लुटणारी टोळी जेरबंद; ५ आरोपींसह ४२ लाखांचा मुद्देमाल जप्त

मागण्या मान्य न झाल्यास सणासुदीत सेवा विस्कळीत होण्याची शक्यता

धाराशिव –
राज्य परिवहन महामंडळाच्या (एसटी) उत्पन्नाचा कणा मानल्या जाणाऱ्या चालक आणि वाहक यांच्या आगारस्तरील प्रलंबित मागण्यांकडे सातत्याने दुर्लक्ष होत असल्याचा आरोप करत, येत्या 15 ऑगस्टपासून आमरण उपोषण सुरू करण्याचा इशारा एसटी कर्मचाऱ्यांनी दिला आहे. या उपोषणामुळे श्रावण महिना आणि आगामी सणासुदीच्या काळात एसटी सेवेत अडथळे निर्माण होण्याची शक्यता निर्माण झाली आहे.

आगारातील विविध मागण्या मान्य व्हाव्यात, यासाठी चालक-वाहकांनी आगार व्यवस्थापकांना निवेदन सादर केले असून, त्याची प्रत राज्याचे परिवहन मंत्री, धाराशिव जिल्ह्याचे पालकमंत्री, विभाग नियंत्रक धाराशिव, विभागीय वाहतूक अधिकारी, कामगार अधिकारी, पोलीस निरीक्षक (आनंदनगर), विभागीय सुरक्षा व दक्षता अधिकारी यांना पाठवण्यात आली आहे.

प्रमुख मागण्या अशा –

1. नियमानुसार आपत्कालीन भत्ता देणे.
2. सेवा जेष्ठतेनुसार राज्य परिवहन महामंडळात कर्तव्याचे वाटप.
3. सेवा जेष्ठतेनुसार रोटेशन तालिका तयार करणे.
4. मुंबई, बोरीवली, भिवंडी पायलट कर्तव्याचा संपूर्ण मोबदला नियमानुसार देणे. अन्यथा, इतर आगारांप्रमाणे ‘स्क्रू’ सुविधा उपलब्ध करणे.

या मागण्यांसह आणखी काही मागण्या उपोषणाच्या निवेदनात समाविष्ट आहेत. “मागण्यांवर तातडीने अंमलबजावणी न झाल्यास 15 ऑगस्टपासून आम्ही आमरण उपोषणास बसू”, असा इशारा कर्मचाऱ्यांनी दिला आहे.

निवेदनावर वाहक ए. डी. शिरसकर, चालक एल. बी. सय्यद, वाहक के. बी. गायकवाड, चालक व्हि. टी. मुंडे, चालक एन. व्ही. रपकाळ, चालक जी. के. कात्रे, वाहक सौ. एम. एस. राऊत यांच्यासह एकूण 53 चालक-वाहकांच्या स्वाक्षऱ्या आहेत. यामध्ये पुढील काही दिवसांत आणखी कर्मचारी सहभागी होण्याची शक्यता वर्तवली जात आहे.

एसटीचे चालक आणि वाहक हे प्रवासी वाहतुकीचे थेट चालक घटक असल्याने, त्यांच्या संपाचा परिणाम थेट गाड्यांच्या वेळापत्रकावर होतो. त्यामुळे उपोषणाची अंमलबजावणी झाल्यास, सणासुदीच्या काळात प्रवाशांना गैरसोयीचा मोठा फटका बसण्याची शक्यता आहे.

• धाराशिव नगरपालिकेच्या सर्वसाधारण सभेत छुप्या युतीत ठिणगी? भाजप आणि राष्ट्रवादीच्या नगरसेवकांत गोंधळ!
• सर्वसाधारण सभा, स्थायी समितीचे इतिवृत्त गायब? धाराशिव नगरपरिषदेत पारदर्शकतेचा बोजवारा?आ. राणाजगजितसिंह पाटील यांच्या पारदर्शक कारभाराच्या दाव्याचा फुगा फुटला!
• परंडा तालुक्यात माजी सैनिकाच्या घरी सशस्त्र दरोडा; २४ तासांत टोळी जेरबंद, गुन्हे शाखेची कामगिरी
• टेक्सटाईल पार्कवरून आ. राणाजगजितसिंह पाटील यांचा यू -टर्न?;
  कौडगावसाठी डिफेन्स हबचे नवे आश्वासन, जुन्या बाटलीत नवी दारू!
• पवनचक्कीतील तांब्याच्या तारा लुटणारी टोळी जेरबंद; ५ आरोपींसह ४२ लाखांचा मुद्देमाल जप्त

शेतकरी हितासाठी 200 रुपयांचा अंतिम हप्ता देण्याची घोषणा

धाराशिव – तुळजापूर तालुक्यातील देवकुरुळी येथील श्री सिद्धिविनायक ॲग्रीटेक युनिट क्र. 1 आणि खामसवाडी येथील श्री सिद्धिविनायक ग्रीनटेक युनिट क्र. 2 या दोन्ही गुळ कारखान्यांच्या 2025-26 गळीत हंगामाचा प्रारंभ रविवारी (दि. 10) पारंपरिक रोलर पूजनाने झाला. संस्थापक अध्यक्ष दत्ताभाऊ कुलकर्णी यांच्या हस्ते सहकुटुंब धार्मिक विधीपूर्वक पूजन करण्यात आले.

या प्रसंगी कारखाना परिसरातील ऊस उत्पादक शेतकरी, ग्रामस्थ तसेच श्री सिद्धिविनायक परिवारातील मान्यवर मोठ्या संख्येने उपस्थित होते. मागील चार-पाच वर्षांपासून ऊस गाळप व्यवसायात सातत्य राखत असलेल्या या दोन्ही युनिट्सबद्दल शेतकऱ्यांचा विश्वास दृढ झाला आहे. मागील हंगामात सुमारे 2.25 लाख मेट्रिक टन ऊस गाळप झाले होते. यंदा तीन लाख मेट्रिक टनांपेक्षा अधिक गाळपाचे उद्दिष्ट ठेवण्यात आले असून, प्रतिदिन तीन हजार मेट्रिक टनांपेक्षा जास्त गाळप करण्याचे नियोजन असल्याची माहिती दत्ताभाऊ कुलकर्णी यांनी दिली.

शेतकऱ्यांच्या उत्पन्नवाढीला प्राधान्य देत जलद पेमेंट पद्धत राबवली जात असल्याचेही त्यांनी नमूद केले. ऊस खरेदी झाल्यानंतर अवघ्या 15 ते 45 दिवसांत रक्कम थेट शेतकऱ्यांच्या खात्यात जमा केली जाते. तसेच, हंगाम 2024-25 मधील उर्वरित ऊस बिलाचा 200 रुपयांचा अंतिम हप्ता बैलपोळ्याच्या सणानिमित्त देण्यात येणार असल्याची घोषणाही त्यांनी केली.

या कार्यक्रमाला श्री. दिनेश कुलकर्णी, श्री. गणेश कामटे, श्री. बालाजी कोरे, श्री. राजकुमार जाधव, श्री. अरविंद गोरे, श्री. देविदास कुलकर्णी, श्री. गजानन पाटील, श्री. मंगेश कुलकर्णी, श्री. विकास उबाळे, श्री. अभय शिंदे, श्री. बालाजी जमाले, श्री. संजीव शिलवंत, श्री. मकरंद ढोबळे आदी मान्यवर उपस्थित होते. कार्यक्रमाचे सूत्रसंचालन श्री. प्रतीक देवळे यांनी केले.

• धाराशिव नगरपालिकेच्या सर्वसाधारण सभेत छुप्या युतीत ठिणगी? भाजप आणि राष्ट्रवादीच्या नगरसेवकांत गोंधळ!
• सर्वसाधारण सभा, स्थायी समितीचे इतिवृत्त गायब? धाराशिव नगरपरिषदेत पारदर्शकतेचा बोजवारा?आ. राणाजगजितसिंह पाटील यांच्या पारदर्शक कारभाराच्या दाव्याचा फुगा फुटला!
• परंडा तालुक्यात माजी सैनिकाच्या घरी सशस्त्र दरोडा; २४ तासांत टोळी जेरबंद, गुन्हे शाखेची कामगिरी
• टेक्सटाईल पार्कवरून आ. राणाजगजितसिंह पाटील यांचा यू -टर्न?;
  कौडगावसाठी डिफेन्स हबचे नवे आश्वासन, जुन्या बाटलीत नवी दारू!
• पवनचक्कीतील तांब्याच्या तारा लुटणारी टोळी जेरबंद; ५ आरोपींसह ४२ लाखांचा मुद्देमाल जप्त

धाराशिव, 10 ऑगस्ट 2025: धाराशिव तालुक्यातील येडशी गावाजवळ उड्डाणपुलावर 21 जुलै 2025 रोजी सायंकाळी 5 वाजण्याच्या सुमारास एका 23 वर्षीय तरुणाला पाच जणांनी बेदम मारहाण केल्याची धक्कादायक घटना घडली. या प्रकरणी धाराशिव ग्रामीण पोलीस ठाण्यात पाच जणांविरुद्ध गंभीर स्वरूपाचे गुन्हे दाखल करण्यात आले आहेत.

घटनेचा तपशील:
फिर्यादी अविनाश हरीदास मोराळे (वय 23, रा. वडजी, ता. वाशी, जि. धाराशिव) यांनी दिलेल्या तक्रारीनुसार, 21 जुलै 2025 रोजी सायंकाळी 5 वाजण्याच्या सुमारास ते येडशी गावाजवळील उड्डाणपुलाजवळ असताना आरोपी विक्की चव्हाण, स्वप्नील पौळ, यश माने (सर्व रा. तेरखेडा, ता. वाशी), सूरज अवधूत (रा. अवधूत वाडी, ता. वाशी) आणि पांडू जाधवर (रा. रत्नापूर, ता. वाशी) यांनी गैरकायद्याची मंडळी जमवून त्यांच्यावर हल्ला केला. आरोपींनी अविनाश यांना शिवीगाळ करत लाथा-बुक्क्यांनी मारहाण केली आणि लोखंडी रॉडने त्यांना गंभीर जखमी केले. इतकेच नव्हे, तर आरोपींनी अविनाश यांना जिवे मारण्याची धमकीही दिली.

पोलीस कारवाई:
या घटनेनंतर अविनाश मोराळे यांनी 9 ऑगस्ट 2025 रोजी धाराशिव ग्रामीण पोलीस ठाण्यात तक्रार दाखल केली. त्यांच्या तक्रारीवरून पोलिसांनी भारतीय दंड संहितेच्या (भादंवि) कलम 118(1), 115(2), 352, 351(2), 351(3), 189(2), 191(2), 191(3) आणि 190 अन्वये गुन्हा नोंदवला आहे. यामध्ये मारहाण, जिवे मारण्याची धमकी, गैरकायद्याची मंडळी जमवणे आणि इतर गंभीर स्वरूपाच्या गुन्ह्यांचा समावेश आहे. पोलीस या प्रकरणाचा तपास करत आहेत.
धाराशिव ग्रामीण पोलीस ठाण्याचे अधिकारी या प्रकरणाचा सखोल तपास करत आहेत. नागरिकांना अशा घटनांबाबत सतर्क राहण्याचे आणि काही संशयास्पद हालचाली दिसल्यास तातडीने पोलिसांना कळवण्याचे आवाहन करण्यात आले आहे.या प्रकरणात पुढील तपासात काय उघडकीस येते, याकडे सर्वांचे लक्ष लागले आहे.

• धाराशिव नगरपालिकेच्या सर्वसाधारण सभेत छुप्या युतीत ठिणगी? भाजप आणि राष्ट्रवादीच्या नगरसेवकांत गोंधळ!
• सर्वसाधारण सभा, स्थायी समितीचे इतिवृत्त गायब? धाराशिव नगरपरिषदेत पारदर्शकतेचा बोजवारा?आ. राणाजगजितसिंह पाटील यांच्या पारदर्शक कारभाराच्या दाव्याचा फुगा फुटला!
• परंडा तालुक्यात माजी सैनिकाच्या घरी सशस्त्र दरोडा; २४ तासांत टोळी जेरबंद, गुन्हे शाखेची कामगिरी
• टेक्सटाईल पार्कवरून आ. राणाजगजितसिंह पाटील यांचा यू -टर्न?;
  कौडगावसाठी डिफेन्स हबचे नवे आश्वासन, जुन्या बाटलीत नवी दारू!
• पवनचक्कीतील तांब्याच्या तारा लुटणारी टोळी जेरबंद; ५ आरोपींसह ४२ लाखांचा मुद्देमाल जप्त

धाराशिव, दि. १० ऑगस्ट २०२५: धाराशिव जिल्ह्यात खुनाच्या दोन गंभीर घटनांनी खळबळ उडाली आहे. एक घटना ढोकी पोलिस ठाण्याच्या हद्दीत, तर दुसरी उमरगा पोलिस ठाण्याच्या हद्दीत घडली असून, दोन्ही प्रकरणांमध्ये पोलिसांनी गुन्हे दाखल केले आहेत.

ढोकीत वडिलांचा खून: ढोकी पोलिस ठाण्याच्या हद्दीत, पळसप येथे दि. ३१ जुलै २०२५ रोजी रात्री १०:४५ वाजता वैभव चंद्रकांत लाकाळ याने आपल्या वडिलांवर, चंद्रकांत मदन लाकाळ (वय ६५) यांच्यावर खोऱ्याच्या दांड्याने हल्ला करून त्यांचा खून केला. रामपाल महाराज यांची भक्ती न करण्याबाबत बोलण्याच्या किरकोळ कारणावरून हा हल्ला झाला. गंभीर जखमी झालेल्या चंद्रकांत यांचा मृत्यू झाला. मृताच्या मुलाने, प्रमोद चंद्रकांत लाकाळ (वय २९) यांनी दि. ९ ऑगस्ट २०२५ रोजी दिलेल्या फिर्यादीवरून ढोकी पोलिसांनी भा.दं.वि. १०३(३) अंतर्गत गुन्हा नोंदवला आहे.

उमरग्यात तरुणाची हत्या: उमरगा पोलिस ठाण्याच्या हद्दीत, दि. २४ जुलै २०२५ रोजी सायंकाळी ७:०० ते दि. २५ जुलै २०२५ रोजी सकाळी ७:३० या कालावधीत, बायपास रोडलगत अंकुश शिंदे यांच्या शेताजवळ अभिषेक कालिदास शिंदे (वय २३, रा. मुन्शी प्लॉट, उमरगा) याचा खून झाला. आरोपी सरोज चिकुंद्रे, रेणु पवार आणि नीता जाधव (सर्व रा. उमरगा) यांनी संगनमताने हा खून केल्याचा आरोप आहे. अभिषेकचे वडील कालिदास संभाजी शिंदे (वय ५४) यांच्या फिर्यादीवरून उमरगा पोलिसांनी दि. ९ ऑगस्ट २०२५ रोजी भा.दं.वि. १०३(३) आणि ३(५) अंतर्गत गुन्हा नोंदवला आहे.

पोलिसांचा तपास सुरू: या दोन्ही घटनांमुळे परिसरात तणावाचे वातावरण आहे. पोलिसांनी दोन्ही प्रकरणांचा तपास सुरू केला असून, आरोपींना लवकरात लवकर अटक करण्याचे प्रयत्न सुरू आहेत. या खुनांच्या मागील नेमके कारण आणि परिस्थिती यांचा शोध घेण्यासाठी पोलिस सखोल तपास करत आहेत.

जिल्ह्यातील वाढत्या गुन्हेगारीमुळे नागरिकांमध्ये भीतीचे वातावरण निर्माण झाले आहे. पोलिसांनी या प्रकरणांना प्राधान्य देत कठोर कारवाईचे आश्वासन दिले आहे.

• धाराशिव नगरपालिकेच्या सर्वसाधारण सभेत छुप्या युतीत ठिणगी? भाजप आणि राष्ट्रवादीच्या नगरसेवकांत गोंधळ!
• सर्वसाधारण सभा, स्थायी समितीचे इतिवृत्त गायब? धाराशिव नगरपरिषदेत पारदर्शकतेचा बोजवारा?आ. राणाजगजितसिंह पाटील यांच्या पारदर्शक कारभाराच्या दाव्याचा फुगा फुटला!
• परंडा तालुक्यात माजी सैनिकाच्या घरी सशस्त्र दरोडा; २४ तासांत टोळी जेरबंद, गुन्हे शाखेची कामगिरी
• टेक्सटाईल पार्कवरून आ. राणाजगजितसिंह पाटील यांचा यू -टर्न?;
  कौडगावसाठी डिफेन्स हबचे नवे आश्वासन, जुन्या बाटलीत नवी दारू!
• पवनचक्कीतील तांब्याच्या तारा लुटणारी टोळी जेरबंद; ५ आरोपींसह ४२ लाखांचा मुद्देमाल जप्त