दैनिक जनमत

नळदुर्ग (प्रतिनिधी) : नळदुर्ग पोलीस ठाण्याच्या पथकास दि. 10 जुलै रोजी सकाळी गोपनीय माहिती मिळाली की, नळदुर्ग येथील गफुर कुरेशी व मर्सोद्दीन कुरेशी हे दोघे गफुर यांच्या येडोळा शिवारातील शेतातून गोवंशीय जनावरे कत्तलीसाठी पाळून आहे. यावर पथकाने 11.15 वा. सु. गफुर कुरेशी यांच्या शेताता छापा टाकला असता ॲपे मॅझीक वाहन क्र. एम.एच. 11 बीएल 1141 मध्ये 5 लहान- मोठ्या गायी दाटीवाटीने भरुन त्यांच्या चारा- पाण्याची व्यवस्था न करता त्यांची कत्तल करण्याच्या उद्देशाने निर्दयतेने वाहतूक करत असताना आढळले. तसेच त्यांनी शेतातील दावणीला अन्य 10 गायी कत्तल करण्याच्याच उद्देशाने बांधून ठेवल्या असल्याचे पथकाच्या निदर्शनास आले. यावर नळदुर्ग पो.ठा. चे पोलीस अंमलदार- अमाकांत माळाळे यांनी सरकारतर्फे दिलेल्या प्रथम खबरेवरुन नमूद दोघांविरुध्द प्राण्यांना निर्दयतेने वागविण्यास प्रतिबंध कायदा कलम- 11 (1) सह महाराष्ट्र प्राणी संरक्षण अधिनियम कलम- 5 व मो.वा.का. कलम- 83/177 अंतर्गत गुन्हा नोंदवला आहे.

आमदार कैलास घाडगे पाटील यांची मुख्यमंत्री व उपमुख्यमंत्र्याकडे मागणी  

उस्मानाबाद (प्रतिनिधी )- येथील शासकीय वैद्यकिय महाविद्यालयात प्रथम वर्षाचे प्रवेश यंदाच्या वर्षी होण्यासाठी तत्काळ कार्यवाही करणे गरजेचे असुन याबाबत जे विषय प्रलंबित आहेत ते मार्गी लावावे अशी मागणी आमदार कैलास घाडगे पाटील यांनी मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्याकडे पत्राद्वारे केली आहे.

जिल्ह्यामध्ये शासकीय वैद्यकिय महाविद्यालय व्हावे ही कित्येक दशकापासुनची मागणी होती. उध्दव  ठाकरे यांच्या नेतृत्वाखालील महाविकास आघाडी सरकारने १३ जानेवारी २०२१ रोजी मंत्रीमंडळ निर्णयाव्दारे शंभर प्रवेश क्षमतेचे व ४३० खाटाचे रुग्णालयाच्या निर्मीतीला मंजुरी दिली.२७ जानेवारी २०२१ रोजी शासकीय वैद्यकिय महाविद्यालयाचा शासन निर्णय देखील झाला.२७ मे २०२१ च्या शासन निर्णयाव्दारे आवश्यक पदनिर्मीतीला मंजुरी देऊन जिल्हा सामान्य रुग्णालय इमारत जमीनीसह शासकीय वैद्यकिय महाविद्यालयाला सामंजस्य कराराव्दारे हस्तांतरीत करण्यात आली आहे.एक लाख चौरस फुट बांधकाम असलेली नवीन इमारत उपलब्ध असुन शासकीय वैद्यकिय महाविद्यालयासाठी गट नंबर ९ व १० मधील १६ एकर व गट नंबर ४२६ मधील २० एकर अशी ३६ एकर जमीन वैद्यकिय शिक्षण व संशोधन मुंबई यांच्या नावावर झालेली आहे.सामंजस्य करारानुसार सार्वजनीक आरोग्य विभागाची १२ एकर जमीन परिक्षणासाठी उपलब्ध आहे.  

20२२ च्या शैक्षणिक वर्षात प्रथम वर्षाची प्रवेश प्रक्रिया होण्यासाठी राष्ट्रीय आर्युविज्ञान आयोगाच्या (एनएमसी)प्रशिक्षणासाठी काही बाबीची पुर्तता होणे आवश्यक आहे.विभागीय निवड मंडळाने आठ सहाय्यक प्राध्यापक,१४ वरिष्ठ निवासी आणि १४ टयुटर या पदासाठी मुलाखती घेऊन संचालक वैद्यकिय शिक्षण यांच्याकडे मंजुरीसाठी पाठवले आहे.त्याला अद्यापही मंजुरी मिळालेली नाही.प्रथम वर्षासाठी लागणाऱ्या प्रयोग शाळेसाठी साहित्य खरेदीची प्रशासकीय मान्यता  देण्यात आली नाही त्याला तात्काळ मान्यता द्यावी.वरील प्राध्यापक श्रेणी मधील प्रथम वर्षासाठी आवश्यक प्राध्यापक,सहयोगी प्राध्यापक,सहाय्यक प्राध्यापक यांची ३१ पदे राज्य लोकसेवा आयोगामार्फत भरण्यासाठी सामान्य प्रशासन विभागाची मान्यता प्रलंबित आहे.या सर्व बाबीची तात्काळ पुर्तता राष्ट्रीय आर्युविज्ञान आयोगाच्या परिक्षणासाठी अत्यावश्यक असुन त्यानंतरच चालु शैक्षणिक वर्षात प्रथम वर्षाची प्रवेश प्रक्रिया होऊन शासकीय वैद्यकिय महाविद्यालय सुरु होऊ शकते.त्यामुळे हे सर्व प्रलंबित विषय तात्काळ मार्गी लावण्यासाठी सबंधिताना आदेश दयावेत अशी मागणी आमदार कैलास पाटील यांनी पत्राद्वारे केली आहे.

मंदिरात युद्ध पातळीवर काम सुरु  / नाशिकच्या कलाकारांची रात्रंदिवास मेहनत

उस्मानाबाद – तुळजापूर तालुक्यातील अणदूर येथील श्री खंडोबा मंदिरातील श्रीचे सिंहासन चांदीने मडवण्याचे काम युद्ध पातळीवर सुरु असून, श्रावण महिना सुरु होण्यापूर्वी हे काम पूर्ण करण्याचा मनोदय मंदिर समितीने केला आहे.

तुळजापूर तालुक्यातील अणदूर येथे श्री खंडोबाचे पुरातन मंदिर आहे. श्री खंडोबा – बाणाई विवाहस्थळामुळे हे मंदिर महाराष्ट्र, कर्नाटक , आंध्र प्रदेश आदी राज्यात  प्रसिद्ध आहे. छत्रपती शाहू महाराज आणि पुण्यश्लोक अहिल्यादेवी होळकर यांनी या मंदिराचा सभामंडप बांधल्याचा उल्लेख येथे आहे.

या मंदिराच्या गाभाऱ्यातील सिंहासन पितळी होते, त्याची झीज झाल्यामुळे ते  बदलण्यात आले असून आता ते सागवान लाकडाचे करण्यात आले आहे, हे सिंहासन आता चांदीने मडवण्यात येत आहे.

श्री चे सिंहासन , म्हाळसादेवी आणि हेगडी प्रधान यांचे प्रभावळ त्याचबरोबर गाभाऱ्याचा दरवाजा चांदीने मडवण्यात येणार असून त्याचे काम मंदीरातच युद्ध पातळीवर सुरू आहे. या सर्व कामासाठी 55 ते 60 किलो चांदी लागणार असून , श्रावण महिना सुरू होण्यापूर्वी हे काम पूर्ण करण्यात येणार आहे. नाशिक येथील कलाकार रुपेश कुलकर्णी आणि त्यांचे चार  साथीदार हे काम रात्रंदिवस करीत आहेत.

कोल्हापुरात चांदीचा पत्रा तयार

कोल्हापूर जिल्ह्यातील हुपरी येथे चांदीचे कारखाने असून या कारखान्यात रविवार दिनांक 10 जुलै (आषाढी एकादशी) रोजी  सिंहासन कामासाठी लागणारा 25 किलो चांदीचा पत्रा तयार करण्यात आला. यावेळी मंदिर समितीचे चेअरमन बालाजी मोकाशे, कारागीर परेश कुलकर्णी, सदस्य दीपक मोकाशे, किशोर पुजारी, उमेश ढेपे आदी उपस्थित होते.

या कामासाठी हातभार लावणाऱ्या सर्व भाविकांचे मंदिर समितीचे सचिव सुनील  ढेपे यांनी आभार मानले आहेत,  तसेच या कामांसाठी ज्यांना सहकार्य करायचे आहे त्यांनी मंदिर समितीशी संपर्क साधण्याचे आवाहन करण्यात आले आहे.

पाथरुड – (प्रतिनिधी)

 जि.प प्राथमीक शाळा वडाचीवाडी तालुका भूम या शाळेने आषाढी एकादशीचे औचित्य साधून ज्ञानसागर पायी प्रवास दिंडी गावातून काढली. यावेळी गावातील सर्व ग्रामस्थ टाळकरी वारकरी गावातील महिला यांनी सहभाग घेतला. गावात अक्षरशः यात्रेचे स्वरूप आले होते. दिंडीतील वारकऱ्यांसाठी फराळाची सोय करण्यात आली होती. तसेच दिंडीत सहभागी गावचे सरपंच , उपसरपंच, ग्रामपंचायत सदस्य, शाळा व्यवस्थापन समिती अध्यक्ष, उपाध्यक्ष,सर्व सदस्य तसेच गावातील सर्व प्रतिष्ठित मंडळी, सर्व टाळकरी, भजनी मंडळ,सर्व महिला मंडळ शाळेचे मुख्याध्यापक श्री झणझणे सर व सहशिक्षक गिरी आणि गावचे सर्व ग्रामस्थ पुरुष महिला आदींची उपस्थिती होती. दिंडीच्या समारोपप्रसंगी शाळेचे मुख्याध्यापक झणझणे सर यांनी आपल्या भाषणात विद्यार्थ्यांच्या चेहऱ्यावरचा आनंद हेच आमचे पंढरपूर आहे व सर्व गावकऱ्यांसाठी सुखाचे दिवस येऊ दे इडा पिडा दूर होऊ दे असे साकडे विठ्ठलाकडे घातले व दिंडीची सांगता करण्यात आली…

भूम (दत्ता आहिरे)

ईट येथील विद्युत वितरण कंपनीचे 33 के.वी. कार्यालय असून याकार्यालयातील कर्मचाऱ्यावर अधिकाऱ्यांचे दुर्लक्ष होत असल्याने मानमानी कारभार चालू आहे त्यामुळे याचा त्रास ईट परिसरातील सर्व विद्युत ग्राहकांना याचा त्रास होत आहे.

     ईट येथे मोठ्या प्रमाणावर बाजारपेठ असल्याने नागरिकांची कामासाठी नेहमी वर्दळ असते कामे लाईटवर अवलंबून असतात सध्या विमा कंपनीचे शेतकऱ्यांसाठी पिक विमा भरवायचा आहे त्यातच पावसाळ्याचे दिवस असल्याने वीज ग्राहकांना अंधारात राहावे लागत लागत आहे .ईट मधील अर्धा भाग अंधारात आहे तीन दिवसाला पासून लाईट नसताना देखील अधिकारी मात्र झोपेचे सोंग घेत आहेत

      विद्युत वितरण विभागाच्या कार्यालयासाठी सब इंजिनिअरिंग इंजिनियर म्हणून महिला अधिकारी काम पाहतात परंतु त्या कार्यालयात कधीच हजर राहत नाहीत त्यांचा फोन नियमित बंद असतो अशावेळी ग्राहकांना लाईन म्हणून कडे तक्रारी करावी लागते परंतु लाईनमन अधिकाऱ्यांच्याही पुढचे असल्याचे दिसून येते ग्राहकांनी लाईन मानला विचारले असता ते म्हणतात मॅडमला फोन करा इट विभागाचे लाईनमन खांडेकर यांना याबाबत विचारले असता तीन दिवसापासून लाईट नसल्याचे सांगताच त्यांच्याकडून ग्राहकांना कामकाजाबाबत उत्तर हवे असते परंतु सदर उत्तराऐवजी आम्ही पडलेला पोल उभा करण्याच काम आमचे नाही ते गुत्तेदाराचेआहे मॅडमला विचारा असे उत्तरे देऊन हात झटकातात ईट विभागाच्या अधिकारी व कर्मचारी यांची मिलीभगत काम करत असून ग्राहकांना वेठीस धरत असल्याचे दिसून येते. वितरण कंपनीचे अधिकारी कामाकडे लक्ष न देता खाजगी कामाकडे जास्त तर सार्वजनिक कामाकडे दुर्लक्ष करताना दिसतात कर्मचारी वर्ग  खाजगी लोकांचे कामे करून हजारो रुपये ग्राहकाकडून उकळत असलेले दिसून येत आहे कर्मचाऱ्यांना कार्यालयात कामाकडे वेळ नाही तर खाजगी कामाला प्राधान्य देत असतात मुख्य कार्यालय हजर नसतात या ठिकाणी कर्मचारी केव्हाही कधीही कार्यालयात ये जा करतात व थांबत नाहीत याचा सर्व त्रास ग्राहकांना बसत आहे.

उस्मानाबाद – प्रादेशिक हवामान केंद्र, मुंबई कडून प्राप्त झालेल्या हवामान अंदाजानुसार उस्मानाबाद जिल्ह्यामध्ये पुढील पाच दिवस आकाश ढगाळ राहून मध्यम स्वरूपाच्या पावसाची शक्यता आहे.