दैनिक जनमत

उस्मानाबाद – 

लोहारा पोलीस स्टेशन येथील पोलीस नाईक गोरोबा बाबासाहेब इंगळे , वय 35 वर्षे हे २० हजाराची लाच स्वीकारताना   लाचलुचपत प्रतिबंधक विभागा जाळ्यात सापडले आहेत. याबाबत माहिती अशी की,तक्रारदार  यांचे विरुद्ध पो. स्टे. लोहारा येथे दाखल असलेल्या गुन्ह्यात त्यांना अटक न करणे, लॉकअप मध्ये न टाकणे, चार्जशीट न पाठवणे व फायनल पाठवणे यासाठी यातील लोकसेवकाने तक्रारदार यांच्याकडे  दिनांक 03.08.2022 रोजी 25000/- रुपये लाच रकमेची मागणी करून तडजोडी अंती 20,000/- रुपयांची मागणी करून दिनांक 04.08.2022रोजी  20,000/- रुपये लाच रक्कम पंचासमक्ष स्विकारली.  सापळा अधिकारी म्हणून प्रशांत संपते , पोलीस उप अधीक्षक,ला.प्र. वि. यांनी काम पाहिले तर सापळा पथकात पोलीस अंमलदार इफ्तेकार शेख, दिनकर उगलमूगले ,विष्णू बेळे , जाकेर काझी यांनी काम पाहिले.सदरची कारवाई लोहारा ते जेवळी रोडवर एच पी पेट्रोल पंपाजवळ आज दि.4/8/22 रोजीचे 10:55 वाजता करण्यात आली असून यासंबंधाने पो स्टे लोहारा येथे गुन्हा नोंद करण्याची प्रक्रिया चालू आहे.

उस्मानाबाद – प्रादेशिक हवामान केंद्र, मुंबई कडून प्राप्त झालेल्या हवामान अंदाजानुसार उस्मानाबाद जिल्ह्यामध्ये पुढील पाच दिवस आकाश ढगाळ राहून मध्यम स्वरूपाच्या (तुरळक ठिकाणी मुसळधार) पावसाची शक्यता आहे.

शिवसेनेचे मुख्य प्रवक्ते खा. संजय राऊत यांच्या घरावर ई डी ( अंमलबजावणी संचालनालय) ने छापा मारला असून आज सकाळी (३१ जुलै) पासून त्यांची चौकशी सुरू आहे. संजय राऊत यांच्या भांडुप येथील घरासमोर शिवसैनिक देखील जमले असून त्यांनी घोषणाबाजी करत ठिय्या आंदोलन सुरू केले आहे. तसेच संजय राऊत यांनी तीन वेगवेगळे ट्विट केले असून ते देखील चर्चेत आहेत. 

खा. संजय राऊत गेल्या काही काळात केंद्र सरकार विरोधात जोरदार टीका करत आहेत. महाविकास आघाडी सरकारची स्थापना करण्यात त्यांनी मोठी जबाबदारी पार पाडली होती. शिवसेनेतील बंडा नंतर देखील ते शिवसेनेची बाजू भक्कम पाने मांडत आहेत. उद्या सर्वोच्च न्यायालयात महाराष्ट्रातील सत्तानाट्या संदर्भात सुनावणी आहे. तत्पूर्वीच खा. संजय राऊत यांच्या घरावर धाड पडल्याने चर्चेला उधाण आले आहे.