त्या चार ठिकाणी भाजपचा ‘माणूस’ कोण भाजपचा छुपा पाठिंबा कोणाला? की भाजपला छुप्या पाठिंब्याची गरज?
धाराशिव – अवघ्या काही तासांनी धाराशिव शहरात मतदार आपले लोकप्रतिनिधी निवडणार आहेत मात्र शहरात छुपी युती कोणाकोणाची आहे याबाबत दबक्या आवाजात चर्चा सुरू असताना आ. राणाजगजितसिंह पाटील यांच्या वक्तव्याने वेगवेगळे तर्क लावले जात आहेत. भाजपने प्रभाग 17 आणि 18 मध्ये आपले उमेदवार दिलेले नाहीत. त्याबाबत आ. राणाजगजितसिंह पाटील यांना विचारले असता त्यांनी उमेदवार न देणं हीच पक्षाची भूमिका असल्याचे सांगितले. भाजपाने मित्र पक्ष असलेल्या शिवसेना शिंदे गट आणि राष्ट्रवादी अजित पवार गट यांना युतीत घेतले नाही.दोन्ही पक्ष स्वतंत्र लढत आहेत. बोलणी मध्ये त्यांनी दोन्ही पक्षांना कमी जागा देण्याचे ठरवल्याने युती फिस्कटली मात्र भाजपने प्रभाग 17 आणि 18 मध्ये उमेदवार का दिले नसावेत? तिथे उमेदवार न दिल्याने त्याचा काय परिणाम होणार? दोन्ही प्रभागामध्ये मुस्लिम मतदार जास्त आहेत. तिथे छुपी मदत घेऊन नगराध्यक्षपदाच्या उमेदवाराला मतविभागणी करण्याची भाजपची रणनीती आहे का? याबाबत उलट सुलट चर्चा सुरू आहेत. राष्ट्रवादी अजित पवार गट हा पुरोगामी विचारांचा पक्ष मानला जातो त्यांना भाजपने सोबत घेऊन मुस्लिम बहुल भागात उमेदवार देता आले असते मात्र भाजपने ते केले नाही. भाजप काँग्रेसची मदत घेऊ शकत नाही. मग तिथल्या मदतीचा भाजप कुठे उपयोग करून घेणार?
भाजपसारख्या देशात सत्ता असणाऱ्या पक्षाला इथे उमेदवार का मिळाले नसतील? उमेदवारी न देण्यामागे भाजपची नेमकी रणनीती काय? भाजपचा मतदार कोणाला मतदान करणार? हाताला? घड्याळाला? पतंगाला? की तुतारी वाजवणाऱ्या माणसाला? हे मतमोजणीत समजू शकेल मात्र उमेदवारच न देण्याची रणनीती मतविभाजनासाठी आहे की काय याबाबत तर्क वितर्क लावले जात आहेत.
त्या दोन प्रभागात सभा घेऊ – आ. राणाजगजितसिंह पाटील
प्रभाग 17 आणि 18 मध्ये उमेदवार दिले नाहीत यावर ही ही भूमिका पक्षाची भूमिका असल्याचे आ. पाटील म्हणाले मात्र खोचक उत्तर देताना दोन प्रभागाच्या मध्यावर एखादी सभा घेऊ असे देखील म्हणाले मात्र जिथे उमेदवारच दिले नाहीत तिथे सभा कोणासाठी घेणार हा प्रश्न आहे. केवळ नगराध्यक्षपदाच्या उमेदवारासाठी ही सभा आयोजित केली जाईल का याबाबत शंका असून दोन्ही प्रभागात भाजप प्रचार का करत नाही? त्यांचा ‘ माणूस’ कोण हे नागरिक ओळखतील का? त्यांचा छुपा पाठिंबा किंवा त्यांना कोणाचा छुपा पाठिंबा आहे हे निकालानंतर स्पष्ट होईल.
तुतारी सोबत स्पर्धेचा प्रचार
नगराध्यक्षपदाच्या निवडणुकीत आमची तुतारीसोबत स्पर्धा असल्याचे भाजपाचे नेते जाहीर सांगत आहेत तसा प्रचार करत आहेत मात्र राज्यात भाजपचे नेते शरद पवार यांच्या राष्ट्रवादीला साडे तीन जिल्ह्यांचा पक्ष, संपलेला पक्ष असे हिणवतात हा पक्ष धाराशिव मध्ये अचानक स्पर्धक कसा झाला की यामागे कुठली छुपी रणनीती आहे हे मतमोजणी नंतर समजणार आहे.
- आ. रोहित पाटील यांच्या पाठपुराव्याला यश; भूसंपादनग्रस्त शेतकऱ्यांचे धरणे आंदोलन स्थगित
- एजंट-दलालांकडे कागदपत्रे देऊ नका; शिधापत्रिका व शासकीय सेवांसाठी थेट ऑनलाईन अर्ज करा : तहसीलदार मृणाल जाधव यांचे आवाहन
- आमची लढाई आरएसएससोबत नाही; काँग्रेसच्या उमेदवाराचे अजब विधान
- विधान परिषदेसाठी दत्ताभाऊ कुलकर्णींची ताकद वाढली; तीन जिल्ह्यांतील 252 सदस्यांचा पाठिंबा असल्याची चर्चा
- रामाच्या आणि कृष्णाच्या आशीर्वादानं चालणाऱ्या महाविद्यालयात छेडछाडीच्या प्रकरणात प्रभारी प्राचार्य पुतण्याने वाचवलं काकाला!