मुंबई : मुख्यमंत्री देवेंद्र फडणवीस यांच्या अध्यक्षतेखाली झालेल्या मंत्रिमंडळ बैठकीत मंगळवारी (दि. १९ ऑगस्ट २०२५) आरोग्य, औद्योगिक वसाहत, महसूल व कर्मचारी हिताचे अनेक महत्त्वाचे निर्णय घेण्यात आले.
टाटा मेमोरिअल सेंटरला दिलासा
मुंबईतील टाटा मेमोरिअल सेंटरच्या एकात्मिक आयुर्वेदिक कर्करोग दवाखाना व संशोधन केंद्रासाठी उभारण्यात येणाऱ्या १०० खाटांच्या रुग्णालयावरचा मुद्रांक शुल्क माफ करण्यास मान्यता देण्यात आली. या निर्णयामुळे रुग्णालयाच्या उभारणीला गती मिळून कर्करोगग्रस्त रुग्णांना अत्याधुनिक व पर्यायी उपचार उपलब्ध होणार आहेत.
कोल्हापूरमध्ये महिलांसाठी औद्योगिक वसाहत
महिला उद्योजकतेला चालना देण्यासाठी कोल्हापूर येथील सावित्रीबाई फुले महिला सहकारी औद्योगिक वसाहत लि. संस्थेसाठी कसबा करवीर, बी वॉर्ड येथील गट क्रमांक ६९७/३/६ मधील २ हेक्टर ५० आर जमीन देण्याचा निर्णय घेण्यात आला.
सिंधुदुर्गमध्ये अतिक्रमणांना नियमबद्धता
सिंधुदुर्ग जिल्ह्यातील मौजे वेंगुर्ला – कॅम्प गवळीवाडा येथील शासकीय जमिनीवरील अतिक्रमणांना नियमांनुसार वैध करण्याचा निर्णयही मंत्रिमंडळ बैठकीत घेण्यात आला.
वैद्यकीय शिक्षण विभागातील कर्मचाऱ्यांना स्थैर्य
राज्यातील शासकीय वैद्यकीय महाविद्यालये व रुग्णालयांमधील गट-क (तांत्रिक) संवर्गातील विविध पदांवर २९ दिवस तत्त्वावर कार्यरत असलेल्या १७ कर्मचाऱ्यांची सेवा नियमित करण्यास मंत्रिमंडळाने मान्यता दिली. या निर्णयामुळे कर्मचाऱ्यांना नोकरीत स्थैर्य मिळेल व रुग्णालयीन सेवा अधिक प्रभावी होतील.
- एमपीएससी विद्यार्थी स्व. प्रथमेश देशमुख यांच्या कुटुंबीयांची आ. रोहित पवार यांच्याकडून सांत्वनपर भेट
- संजय निंबाळकर व भाजपचे नेते रामेश्वर शेटे यांचा आज शिवसेना उद्धव बाळासाहेब ठाकरे पक्षात प्रवेश; आ.कैलास पाटील यांच्या नेतृत्वात पक्षाची पुन्हा मजबूत बांधणी
- पारगावच्या लॉजवर AHTUचा धडाका!वेश्याव्यवसायावर पोलिसांची थेट कारवाई; परराज्यातील ८ महिलांची सुटका, लॉज मालक-मॅनेजर यांना अटक
- तुळजापुरात सरकारने हिंदुत्व गुंडाळलं, चायनिज कंपनीचे सीसीटीव्ही असलेल्या प्रकल्पाचे उद्या पालकमंत्र्यांच्या हस्ते उद्घाटन
- पवनचक्कीचे साहित्य चोरणारी सराईत टोळी स्थानिक गुन्हे शाखेच्या जाळ्यात