धाराशिव, दि. २२ एप्रिल २०२५ – महाराष्ट्र शासनाच्या सामान्य प्रशासन विभागाने निवडसूची वर्ष २०२४-२५ अंतर्गत उप जिल्हाधिकारी (निवडश्रेणी) संवर्गातील पात्र अधिकाऱ्यांना अपर जिल्हाधिकारी पदावर निव्वळ तात्पुरत्या स्वरुपात पदोन्नती व पदस्थापना दिली आहे. या अंतर्गत श्रीमती ज्योती हनुमान पाटील यांची धाराशिव येथे अपर जिल्हाधिकारी या पदावर नियुक्ती करण्यात आली आहे.
ही पदोन्नती आस्थापना मंडळ क्रमांक २ च्या १५ एप्रिल २०२५ रोजीच्या शिफारसीनुसार व महसूल संवर्ग वाटप नियमावलीतील तरतुदींनुसार करण्यात आली असून ती पूर्णपणे तात्पुरती असून न्यायालयीन प्रकरणांच्या अंतिम निकालाच्या अधीन राहणार आहे. या पदोन्नतीमुळे संबंधित अधिकाऱ्यांना नियमित पदोन्नतीचे हक्क प्राप्त होणार नाहीत.
या आदेशानुसार, श्रीमती पाटील यांना त्यांच्या सध्याच्या पदावरून कार्यमुक्त करण्यात आले असून नवीन पदावर तातडीने रुजू होण्याच्या सूचनाही देण्यात आल्या आहेत. शासनाने स्पष्ट केले आहे की, ही पदोन्नती शासनाच्या मंजुरीनंतर सार्वजनिक सेवेच्या आणि लोकहिताच्या दृष्टीने करण्यात आलेली आहे.
धाराशिव अपर जिल्हाधिकारी पदाचा कार्यभार यापूर्वी उपजिल्हाधिकारी शिरीष यादव यांच्याकडे होता.
- संजय निंबाळकर व भाजपचे नेते रामेश्वर शेटे यांचा आज शिवसेना उद्धव बाळासाहेब ठाकरे पक्षात प्रवेश; आ.कैलास पाटील यांच्या नेतृत्वात पक्षाची पुन्हा मजबूत बांधणी
- पारगावच्या लॉजवर AHTUचा धडाका!वेश्याव्यवसायावर पोलिसांची थेट कारवाई; परराज्यातील ८ महिलांची सुटका, लॉज मालक-मॅनेजर यांना अटक
- तुळजापुरात सरकारने हिंदुत्व गुंडाळलं, चायनिज कंपनीचे सीसीटीव्ही असलेल्या प्रकल्पाचे उद्या पालकमंत्र्यांच्या हस्ते उद्घाटन
- पवनचक्कीचे साहित्य चोरणारी सराईत टोळी स्थानिक गुन्हे शाखेच्या जाळ्यात
- परंड्यात अवैध शस्त्र बाळगणारे दोन अल्पवयीन पोलिसांच्या जाळ्यात; मॅगजिनसह अग्निशस्त्र जप्त