दैनिक जनमत

उस्मानाबाद, दि. 19- मराठवाड्याचे प्रवेशद्वार अशी ओळख असलेल्या उस्मानाबाद जिल्ह्यात जानेवारी 2020 मध्ये अखिल भारतीय मराठी साहित्य संमेलन आयोजित करण्यात आले आहे. या साहित्य संमेलनाचा प्रचार आणि प्रसिध्दी सर्वदूर व्हावी यासाठी विद्येचे माहेरघर असलेले पुणे ते उस्मानाबाद, अशी सायकल फेरी बुधवारी सकाळी 6 वाजता निघणार आहे. साहित्य संमेलनासाठी सॉफ्टवेअर अभियंत्याने स्वीकारलेल्या या अनोख्या उपक्रमाचे स्वागत करण्यासाठी उस्मानाबादकरही उत्सुक आहेत.

उस्मानाबाद येथे पहिल्यांदाच अखिल भारतीय मराठी साहित्य संमेलनाचे आयोजन केले जात आहे. त्यानिमित्ताने विद्येचे माहेरघर पुणे ते मराठवाड्याचे प्रवेशद्वार उस्मानाबाद असा सायकल प्रवास करण्याचा संकल्प संगणक अभियंता प्रथमेश तुगावकर यांनी केला आहे.

 पुणे रेल्वेस्थानक येथून बुधवार, 20 नोव्हेंबर रोजी सकाळी 6 वाजता तुगावकर सायकलसह उस्मानाबादच्या दिशेने मार्गस्थ होणार आहे. पहिल्या दिवशी सुमारे 100 किलोमीटरचा प्रवास सायकलद्वारे केल्यानंतर बिगवण या ठिकाणी मुक्काम करून दुसर्‍या दिवशीचा मुक्काम कुर्डूवाडी येथे करणार आहेत. तिसर्‍या दिवशी शुक्रवार, 22 नोव्हेंबर रोजी उस्मानाबाद शहरात तुगावकर यांची सायकल फेरी पोहोचणार आहे. साहित्य संमेलनाचा प्रचार आणि प्रसिध्दी त्यासोबत तरूणाईमध्ये सायकलविषयी आस्था वाढावी याकरिता त्यांनी हा अफलातून प्रयोग अंगीकारला आहे.

नोकरीनिमित्त मुंबई येथे वास्तव्यास असलेले तुगावकर हे मूळचे उस्मानाबाद येथील रहिवाशी आहेत. सहाय्यक प्राध्यापक या पदावर कार्यरत असलेले तुगावकर लवकरच विदेशातील एका नामांकित सॉफ्टवेअर कंपनीमध्ये रूजू होत आहेत. तत्पूर्वी आपल्या गावी होत असलेल्या साहित्य संमेलनाबद्दलची आस्था व्यक्त करण्यासाठी त्यांनी उत्स्फूर्तपणे सायकलफेरी आयोजित करण्याचा निर्णय घेतला आहे. संमेलनाबद्दल जागरूकता निर्माण व्हावी, उस्मानाबाद जिल्ह्यातील साहित्य आणि सांस्कृतिक क्षेत्रातील योगदान त्यानिमित्ताने महाराष्ट्रासमोर यावे, असा मानसही त्यांनी व्यक्त केला आहे.

साहित्यसेवा करण्याची ही छोटी संधी ः तुगावकर

कविता, गझल लेखन त्याबरोबरच आपण एक सायकलिस्ट आहोत. दररोज ऑफिसला जातानाही आपण सायकलचा वापर करतो. सायकलींची संस्कृती तरूण पिढीमध्ये वाढावी यासाठी व्यक्तीगत पातळीवर आपण सतत प्रयत्नशील असतो. त्यातूनच साहित्य संमेलनाचे निमंत्रण सर्वांना देण्यासाठी या सायकल फेरीचे आयोजन केले आहे. मराठवाडा आणि त्यातल्या त्यात उस्मानाबाद परिसराने मराठी, उर्दू आणि दखणी या तीन भाषांना जन्म दिला आहे. हे साहित्यिक योगदान खूप मोठे आहे. त्याची सेवा करण्याची छोटीशी संधी आणि त्याचा प्रचार, प्रसार करण्यासाठी आपण विद्येचे माहेरघर ते मराठवाड्याचे प्रवेशद्वार असा सायकल प्रवास करणार असल्याची माहिती प्रथमेश तुगावकर यांनी दिली

उस्मानाबाद – घटनेने   बालकांना हक्क दिले आहेत पण त्या हक्कांचे संरक्षण करण्यासाठी सर्व समाजाने  एक होऊन काम  करायचे आहे. प्रत्येकाने आपापला खारीचा वाटा उचलला तरी आपण समाजात मुलांसाठी सुरक्षित वातावरण निर्माण करू शकतो, व त्यांचे बालपण अबाधित राहू शकतो, असे प्रतिपादन सुप्रसिद्ध स्त्री रोग तज्ज्ञ  डॉ. वसुधा दिग्गज दापके- देशमुख यांनी केले.

उस्मानाबाद –

जिल्ह्यातील शेतकर्‍यांचे या पावसामुळे हाताशी आलेले पिक सततच्या पावसामुळे हातुन वाया गेले आहे.
शेतकऱ्यांचे मोठ्या प्रमाणात झालेल्या नुकसानचे भान ठेवून शासनाने जाहीर केलेली रक्कम अतिशय तुटपुंजी आहे.
तरी शासनाने या मध्ये वाढ करुन जिरायत शेतीसाठी हेक्टरी ६० हजार रुपये तर फळ बागायत साठी हेक्टरी १ लाख रुपये मदत देण्यात यावी यासाठी उस्मानाबाद जिल्हा राष्ट्रवादी काँग्रेसच्या वतीने जिल्हाधिकारी यांना निवेदन देण्यात आले.
यावेळी राष्ट्रवादी काँग्रेसचे ज्येष्ठ नेते जिवनराव गोरे  , राष्ट्रवादी जिल्हा अध्यक्ष  सुरेश दाजी बिराजदार  , युवती प्रदेशाध्यक्ष सक्षणा सलगर , जिल्हा परिषद सदस्य महेंद्र धायगुडे, अमित शिंदे , राष्ट्रवादी महिला जिल्हा अध्यक्षा  मंजुषा ताई मगर , नितीन बागल , प्रदीप घोणे , राष्ट्रवादी तुळजापूर तालुका महिला अध्यक्षा सौ. पवार  , दिनकर पवार यांच्यासह अन्य पदाधिकारी व कार्यकर्ते उपस्थित होते.

पाडोळी – प्रतिनिधी
उस्मानाबाद तालुक्यातील टाकळी(बें) येथील तेरणा नदीवर काल (दि९)राष्ट्रवादी काँग्रेस पार्टीच्या युवती प्रदेशाध्यक्षा आणि जिल्हा परिषद सदस्या सक्षणा सलगर यांच्या हस्ते जलपूजन करण्यात आले.
     चालू वर्षाच्या मे- जून महिन्यामध्ये येथील तेरणा नदीचे भारतीय जैन संघटना आणि उस्मानाबाद जिल्हा परिषदच्या माध्यमातून जवळपास अडीच किलोमीटरचे खोलीकरण आणि रुंदीकरण करण्यात आले होते, आज मात्र परतीच्या पावसामुळे तेरणा नदीच मोठे पाणी येऊन गेले होते, आणि खोलीकरण झालेल्या पात्रामध्ये मोठ्या प्रमाणात पाणी साचल्याने जवळपास पाडोळी, टाकळी(बें) कनगरा,बोरखेडा आणि धुत्ता या गावचे चारशे ते पाचशे हेक्टर क्षेत्र ओलिताखाली येणार आहे, त्यातून शेतकऱ्यांचे उत्पन्न वाढणार असून पिण्याच्या पाण्याचा प्रश्न मोठ्या प्रमाणात मिटणार आहे. हे काम यशस्वी होण्यासाठी जिल्हा परिषद सदस्या सक्षणा सलगर यांनी या कामाचा मोठ्या प्रमाणात पाठपुरावा केला होता, त्यामुळे टाकळी(बें) येथील ग्रामस्थांच्या आग्रहाखातर सक्षणा सलगर यांनी गावास भेट देऊन तेरणा नदीच्या पात्रात साचलेल्या पाण्याचे जलपूजन केले. यावेळी तंटामुक्त समितीचे अध्यक्ष काकासाहेब सोनटक्के, शाहजहान पठाण, पाशुमिया शेख, अमोल सूर्यवंशी,सुरज लातुरे, अल्लाबक्ष पठाण, नजूमिया शेख, महमद शेख, आनंद कोळी यांच्या मोठ्या संख्येने शेतकरी उपस्थित होते.

जलपूजन झाल्यानंतर टाकळी(बें) येथील नागरिकांनी गावातील समस्यांचं पाढा वाचून दाखवला, गावातील पंचायत पाणी असून नळाला पाणी सोडत नाही, गावातील नाल्या अर्धवट साफ केल्या आहेत, गावातील दवाखाना सतत बंद असतो, याकडे लक्ष देऊन आपण संबंधित अधिकाऱ्यांना सूचना द्याव्यात अशी मागणी केली. त्याच बरोबर सक्षणा सलगर यांनी टाकळी(बें) शिवारातील शेतरस्ते व्हावेत आणि तेरणा नदीवर बॅरेज होण्यासाठी आपण सतत पाठपुरावा करावा आणि निधी उपलब्ध करून घ्यावा अशी मागणी केली आहे.

बार्शी  प्रतिनिधी – गणेश घोलप

पंढरपूर, दि. ८ :-  राज्यातील  शेतकरी आणि सामान्य जनता  सुखी होऊ दे, असे साकडे महसूल मंत्री चंद्रकांतदादा पाटील यांनी श्री विठ्ठलाच्या चरणी आज घातले.
महसूल मंत्री पाटील यांच्या हस्ते आज कार्तिकी एकादशीच्या निमित्ताने श्री विठ्ठल रुक्मिणी यांची शासकीय महापूजा करण्यात आली. त्यानंतर संत तुकाराम भवन येथे झालेल्या कार्यक्रमात श्री. पाटील यांच्या हस्ते मानाचे वारकरी श्री. सुनील महादेव ओमासे आणि सौ. नंदा ओमासे यांचा सत्कार करण्यात आला. त्यावेळी ते बोलत होते.
यावेळी विठ्ठल रुक्मिणी मंदिरे समितीचे सहअध्यक्ष गहिनीनाथ महाराज औसेकर,  जिल्हाधिकारी डॉ. राजेंद्र भोसले, सौ. अंजली पाटील, शकुंतला नडगिरे, रामचंद्र कदम, ह.भ.प. शिवाजीराव मोरे, संभाजी शिंदे, अतुलशास्त्री भगरे, ज्ञानेश्वर महाराज जळगावकर, माजी अध्यक्ष अतुल भोसले, पोलीस अधिक्षक मनोज पाटील, प्रांतधिकारी सचिन ढोले, उपविभागीय पोलीस अधिकारी डॉ. सागर कवडे, मंदीर समितीचे कार्यकारी अधिकारी विठ्ठल जोशी , तहसिलदार वैशाली वाघमारे आदी उपस्थित होते.
श्री. पाटील म्हणाले, ‘यावर्षी राज्यासमोर अनेक आव्हाने आली. सुरुवातील दुष्काळस्थिती होती. त्यानंतर महापुराला सामोरे जावे लागले आणि आता अवकाळी पावसामुळे शेतीचे आतोनात नुकसान झाले आहे. या आव्हानांचा मुकाबला करण्यासाठी राज्यशासनाने उपाययोजना केल्या आहेत. केंद्र सरकारकडेही  मदत  मागितली आहे’.
गेली तीन चार वर्षे वारी निर्मल वारी करण्यासाठी प्रयत्न केला गेला.  वारीच्या मुक्कामाच्या ठिकाणी स्वच्छता ठेवण्यासाठी प्रयत्न केले गेले. त्याला अतिशय चांगले यश आले. पुढील वर्षी धूरमुक्त वारी करण्यासाठी शासन प्रयत्नशील असणार आहे, असे श्री. पाटील यांनी सांगितले.

बेडग गावचे ओमासे
ठरले मानाचे वारकरी
 मानाचा वारकरी ठरलेले सुनील ओमासे सांगली जिल्ह्यातील मिरज तालुक्यातील बेडग येथील आहेत. शेतकरी कुटुंबातील ओमासे २००३ पासून वारी करतात. त्यांना एक मुलगा आणि एक मुलगी आहे. त्यांना चांदीची विठ्ठल रुक्मिणी मुर्ती, शाल श्रीफळ देऊन सत्कार करण्यात आला. त्यांना मोफत एसटी पासही देण्यात आला.

आज दि.३.११.१९ रोजी  उस्मानाबाद जिल्ह्यातील महाराष्ट्र नवनिर्माण  सेनेचे जिल्हाध्यक्ष प्रशांत नवगिरे यांच्यासह मनसेच्या पदाधिकार्यांनी मुंबई येथे माजी उपमुख्यमंत्री तथा राष्ट्रवादी काँग्रेस पक्षाचे विधीमंडळ गटनेते मा.अजीत (दादा) पवार व प्रदेशाध्यक्ष मा.जयंत पाटील यांच्या हस्ते,राष्ट्रवादी काँग्रेस पार्टीत जाहिर प्रवेश केला.
    प्रशांत नवगिरे यांचेसोबत महाराष्ट्र नवनिर्माण विद्यार्थी सेनेचे  जिल्हाध्यक्ष महेश जाधव,उपजिल्हाध्यक्ष मल्लिकार्जून कुंभार,मयूर गाढवे,राहूल गायकवाड, मनसे तुळजापूर तालूकाध्यक्ष धनाजी साठे,उपतालूकाध्यक्ष अविनाश कांबळे,  मनविसे तालुकाध्यक्ष रोहित दळवी या पदाधिकार्यांनी राष्ट्रवादी काँग्रेसमध्ये जाहिर प्रवेश केला. यावेळी राष्ट्रवादी काँग्रेसचे उस्मानाबाद जिल्हाध्यक्ष सुरेश (दाजी) बिराजदार व जि.प.सदस्य महेंद्र (काका)धुरगुडे उपस्थित होते.

सातत्याने समाजात नावीन्यपूर्ण उपक्रम राबवून समाजात सकारात्मक बदल घडत असतो असे प्रतिपादन उपविभागीय अधिकारी रामेश्वर रोडगे यांनी केले.एकता फाउंडेशन उस्मानाबाद आणि संतकृपा बहुउद्देशीय सामाजिक संस्था संचलित सद्गुरू जोग महाराज गोशाळा यांच्या संयुक्त विद्यमानाने वाघोली येथे आयोजित गोमाता पूजन व कीर्तन महोत्सवात ते बोलत होते.
          यावेळी जिल्हा सरकारी वकील अँड. शरद जाधवर, सहाय्यक पोलिस निरीक्षक शरदकुमार रोडगे, ह.भ.प.अनिल पाटील, ह.भ.प. नवनाथ चिखलीकर, एकता फाउंडेशन अध्यक्ष अमित कदम, ह.भ.प.आकाश मगर यांची प्रमुख उपस्थिती होती.
          शेतकऱ्यांनी शेती सोबतच दुग्ध व्यवसाय करत आपल्या कडील जास्तीत जास्त देशी गायीचे संवर्धन करावे व त्याच बरोबर अशा कार्यक्रमांमुळे आपल्या संस्कृतीचे जतन होण्यास मदत होईल. एकता फाऊंडेशन व जोग महाराज गोशाळा यांनी अशा कार्यक्रमाचे आयोजन केल्याबदल कौतुक केले.
          रामेश्वर रोडगे पुढे बोलताना म्हणाले की युवकांनी पुढे येऊन गावाच्या विकासासाठी प्रयत्न करावेत यासाठी प्रशासनाच्या वतीने जी काही मदत लागेल ती मदत करण्याचे आश्वासन यावेळी देण्यात आले. प्रशासन, वारकरी, युवकवर्ग यांच्या जो ञिवेणी संगम याठिकाणी घडवुन आणला ही बाब अतिशय कौतुकास्पद असल्याचे हि मत त्यांनी यावेळी व्यक्त केले.
          अँड शरद जाधवर यांनी बोलताना वसुबारस चे महत्व सांगत प्रत्येकाने आपल्या घरी देशी गायीचे संवर्धन करावे असे आवाहन यावेळी केले.देशी गायीचे दुध आपल्या आरोग्यास चांगले असुन संकरित दुधापासून होणाऱ्या आजारा पासून यामुळे आपणांस सुटका मिळेल.एकता फाऊंडेशन करत असलेले कार्य अतिशय उत्तम आहे असे ही यावेळी बोलताना म्हणाले.
          ह.भ.प अनिल पाटील महाराज यांनी धन्य आजि दिन झाले संताचे दर्शन जाली पापातापा तुटी दैन्य गेलें उठाउठीं या अभंगावर आपली किर्तन सेवा सादर केली.
          कार्यक्रमाचे प्रास्ताविक भाषणात एकता फाऊंडेशनचे सचिव आभिलाष लोमटे यांनी  कार्यक्रम आयोजनामागची भूमिका विशद करत आपली संस्कृती जपण्यासाठी प्रत्येकाने असे कार्यक्रम आयोजीत करावे असे आवाहन यावेळी केले.
          कार्यक्रमाची सुरुवात गोमाता पूजन करून करण्यात आली. यावेळी रामेश्वर रोडगे यांचा एकता परिवाराच्या वतीने शाल व सन्मानपञ देऊन सत्कार करण्यात आला. त्याचबरोबर विविध क्षेत्रात निवड झालेल्या वाघोली गावातील गुणवंताचा सत्कार मान्यवरांच्या हस्ते करण्यात आला.
          यावेळी कार्याध्यक्ष विशाल थोरात, प्रसाद देशमुख,सरपंच बाळासाहेब गोगावे, श्रीकृष्ण धर्माधिकारी,अमर पवार, सचिन बारस्कर, आनंद खडके,अँड.विक्रम सांळुके,प्रशांत पाटील, दिपक साखरे,पंकज सुलाखे, एकता फाउंडेशन सदस्य, वैष्णव विचारधारा संघ, व्यसनमुक्त युवक संघ व ग्रामस्थ उपस्थित होते.