दैनिक जनमत

विटा नाका परिसरात घडली दुर्दैवी घटना भोसकून तरुण हल्लेखोर पसार

नूतन पोलीस निरीक्षक संजीव कुमार झाडे यांचे समोर मोठे आव्हान

तासगाव प्रतिनिधी

      तासगाव शहरातील विटा नाका येथे आज सायंकाळी एकाचा भोकसून अमानुषपणे खून करण्यात आला. अज्ञात हल्लेखोरांनी हे कृत्य केले. हल्ला केल्यानंतर हल्लेखोर पसार झाले आहेत. या घटनेने विटा नाका परिसरात खळबळ उडाली आहे. गेल्या तिनं चार महिन्यांपासून दोन तरून टोळ्यांमध्ये वाद सुरू होता. या वादातून हे कृत्य झाल्याची प्राथमिक माहिती प्राप्त झाली आहे: सदरच्या तरुणांच्या टोळक्यातील वाद व भांडणे मारामारी यासंदर्भात तासगाव पोलिसांनी तातडीने त्यावेळेला पावले उचलून संबंधित तरुणांना पोलिसी खाक्या दाखवला असता तर आजचा हा प्रकार घडला नसता असे म्हटले तर वावगे ठरू नये यासंदर्भात तासगाव पोलिसांनी तातडीने घटनास्थळी धाव घेतली व पंचनामा करण्यात आला असून मृतदेह शवविच्छेदनासाठी ग्रामीण रुग्णालय तासगाव येथे पाठवण्यात आला आहे. मृत व्यक्ती ही दत्त माळ परिसर इंदिरानगर झोपडपट्टी येथील असल्याची माहिती प्राप्त झाली आहे. तासगाव शहरांमध्ये सध्या दररोज सांगली नाका परिसर विटा नाका परिसर येथे तरुणांच्या टोळक्यामध्ये वाद-विवाद व मारामारीच्या घटना सतत सुरू आहेत. दोन्ही परिसरामध्ये देशी दारूची दुकाने आहेत तसेच त्या परिसरामध्ये मटका खुलेआमपणे सुरू आहे. पोलिसांनी तातडीने या परिसरावर लक्ष ठेवणे काळाची गरज आहे. सर्वात महत्वाचे हाणामारीचे व अवैद्यधंद्याचे हॉटस्पॉट सांगली नाका परिसर आहे तरी पोलिस प्रशासनाचे या घटनेकडे दुर्लक्ष होत असून नूतन पोलीस निरीक्षक संजीव कुमार झाडे यांनी आपला पॉलिसी खाकी दाखवावा अशी अपेक्षा तासगावकर नागरिक व्यक्त करीत आहेत. आज रंग पंचमी च्या पार्श्वभूमीवर दिवसाढवळ्या खूनासारखी तासगाव शहरातील लोक वस्तीतील घटना ही पोलीस असा पोलीस प्रशासनाचे दुर्लक्ष असल्याची घटना मानली जाते आहे सदरचा खून हा अवैद्य व्यवसायातून झाला असल्याची दबक्या आवाजात तासगाव शहरातील नागरिकांच्या मते चर्चा सुरू आहे. तरी तातडीने उपविभागीय पोलिस अधिकारी श्रीमती अश्विनी शेंडगे यांनी तातडीने तासगाव शहरातील संपूर्ण अवैद्य धंदे त्यामध्ये खुले खुले आम मटका,जुगार, खुलेआम रात्रीचे होणारी वाळू चोरी इत्यादी घटनांमुळे तासगाव शहरांमध्ये टोळ्या झालेले आहेत. त्यामुळे सततच्या हाणामारी दादागिरी वादविवादाच्या घटना घडत असून.तातडीने सर्व अवैध धंदे बंद करण्याची मागणी तासगाल शहरातील नागरिकांच्या कडून होत आहे.गेल्या दोन-तीन वर्षांपासून तासगाव पोलिस प्रशासनाचे या सर्वांकडे दुर्लक्ष झाले असून नूतन अधिकाऱ्याने यावर तातडीने कारवाई करून पोलिसांची झालेली मलीन प्रतिमा सुधारण्याचे  मोठे आवाहन तासगाव नूतन पोलिस अधिकाऱ्यांच्या समोर आहे. दैनिक जनमत च्या २५ मार्च च्या अंकात नूतन पोलीस अधिकारी हजर होणार आहेत या बातमीच्या त्या संदर्भात तासगाव शहरात तरुणांच्या टोळक्याने चे वाद-विवाद व हाणामारीचे प्रकार सतत घडत असतात ही माहिती सदर अकांत दिली होती हे विशेष होय. तासगाव शहर व तालुका संवेदनशील तालुका असून लवकरच येत्या सहा महिन्यांमध्ये तासगाव नगरपालिकेची सार्वत्रिक निवडणूक होऊ घातली असून महसूल व पोलीस प्रशासनाने तातडीचे पावले उचलून पुढील घटना व अनर्थ टाळण्याची गरज निर्माण झाली आहे.

शिक्षण संकुलाचा वटवृक्ष बनवण्याचा निर्धार

जयसिंगपूर – प्रतिनिधी  

शिरोळ तालुक्यातील दत्त उद्योग समूहाचे संस्थापक चेअरमन तथा उदगाव येथील  उदगाव एज्युकेशन सोसायटी संचलित  डॉ. अप्पासाहेब ऊर्फ सा रे पाटील उदगाव टेक्निकल हायस्कूलचे संस्थापक चेअरमन स्व. डॉ. आप्पासाहेब ऊर्फ सा. रे. पाटील यांना स्मृतिदिनानिमित्त अभिवादन करण्यात आले. आज सकाळी उदगाव टेक्निकल हायस्कूलच्या प्रांगणात हे पुण्यस्मरण झाले. स्व. आप्पासाहेब यांच्या प्रतिमेस विविध मान्यवरांनी पुष्पहार अर्पण केला. उपस्थितांनी अभिवादन केले. स्व. पाटील यांनी उदगाव येथे रोपण केलेल्या या शिक्षणसंकुलाचे वटवृक्षात रुपांतर करण्याचा निर्धारही यावेळी करण्यात आला.

यावेळी शाळा समितीचे चेअरमन बाळासाहेब कोळी व संचालक सुरगोंडा पाटील, रमेश पाटील, यशवंत माने, पांडुरंग चंदुरे, आक्काताई मोरे आदी मान्यवर उपस्थित होते. 

या अभिवादन सभेचे स्वागत प्रशालेचे मुख्याध्यापक एस. एस. जंगम यांनी केले. सुत्र संचलन अध्यापिका ए. पी. खंजिरे यांनी केले. आभार पर्यवेक्षक आर. एम. मोरे यांनी मानले. यावेळी सर्व अध्यपक वर्ग व शिक्षकेत्तर कर्मचारी तसेच विध्यार्थी प्रतिनिधी उपस्थित होते.

तासगाव प्रतिनिधी (स्पेशल न्यूज)

सांगली जिल्ह्यात कोरोना रुग्णाची वाढती संख्या पाहता आगामी पंधरा दिवस अत्यंत महत्त्वाची, जोखमीची  आहेत. पण जिल्ह्यात सध्या लाॅकडाऊन करण्याचा कोणताही विचार नसल्याची माहिती सांगली जिल्ह्याचे जिल्हाधिकारी डॉ. अभिजित चौधरी यांनी दिली आहे पण यासाठी यापूर्वी दिलेल्या नियमांचे काटेकोर पालन  करण्यावर लक्ष केंद्रित केले जाईल सोशल डिस्टन्ससह नियमांचे उल्लंघन करणाऱ्या वर कारवाई करण्यात येईल असा इशारा जिल्हाधिकारी डाॅ.चौधरी यांनी गुरुवारी पत्रकार परिषदेत दिली आहे फेब्रुवारीपासून ग्रामीण भागात मास्क फिरणाऱ्यावर चाळीस लाख ९० हजार रुपये इतक्या रकमेची  दंडात्मक कारवाई करण्यात आली आहे.नागरिक यांच्याकडून दंड वसूल करणे हे प्रशासनाचे उद्दिष्ट नाही परंतु नागरिकांनी ही नियमाचे काटक काटेकोर पालन करावे आपल्या आसपासच्या जिल्ह्यांमध्ये कोरोनाचीची काय स्थिती आहे याकडे पाहावे असे आवाहन जिल्हाधिकारी यांनी केले आहे जिल्ह्यात कोरोणा रुग्णांची संख्या दिवसेंदिवस वाढू लागली आहे. जानेवारीपासून आतापर्यंत दोन हजारावर कोरोना पॉझिटिव्ह रुग्ण आढळले आहेत प्रशासन कोरोनाच्या दुसऱ्या लाटेचा सामना करण्यासाठी सज्ज आहे नागरिकांनी प्रशासनाला सहकार्य करावे असे आवाहन जिल्हाधिकारी डॉ. अभिजित चौधरी यांनी पत्रकार परिषदेमध्ये केली आहे

– जिल्ह्यात रात्री ८ ते सकाळी  ७ पर्यंत ५ पेक्षा जास्त व्यक्तींना एकत्र येण्यास मनाई

– सिनेमा हॉल / मॉल्स / सभागृह / रेस्टॉरंट रात्री 8 ते सकाळी 7 पर्यंत बंद, घरपोच सेवा  व घेवून जाण्याची

   सेवा संबंधित आस्थापनांच्या नियमित वेळेनुसार सुरू ठेवण्यास परवानगी

– सामाजिक / सांस्कृतिक / राजकीय / धार्मिक कार्यक्रम प्रतिबंधित

– लग्न कार्यासाठी 50 व्यक्तींच्या मर्यादेत एकत्र येण्यास परवानगी

– अंत्यसंस्कारासाठी 20 पेक्षा जास्त व्यक्तींना एकत्र येण्यास प्रतिबंध

सांगली/तासगाव प्रतिनिधी दि.२७

 सांगली जिल्ह्यातील लॉकडाऊनची मुदत दिनांक ३१ मार्च २०२१ रोजीचे रात्री १२ वाजेपर्यंत वाढविण्यात आलेली होती. राज्य शासनाकडील दि. २७ मार्च २०२१ च्या आदेशान्वये त्यांच्याकडील दि. ३० सप्टेंबर २०२०, दि. १४ ऑक्टोंबर २०२० व दि. १५ मार्च २०२१ च्या आदेशांना दि. १५ एप्रिल २०२१ रोजीचे रात्री १२ वाजेपर्यंत मुदतवाढ देण्यात आली आहे. तसेच वाढती कोरोना रुग्ण संख्या पाहता काही प्रतिबंध घालण्यात आले आहेत. त्या अनुषंगाने जिल्हाधिकारी डॉ. अभिजीत चौधरी यांनी राज्यशासनाकडील आदेशान्वये दिलेल्या निर्देशानुसार जिल्हाधिकारी कार्यालयाकडून दि. १ ऑक्टोबर २०२०, दि. १५ ऑक्टोबर २०२० व दि. १६ मार्च २०२१ रोजी पारित केलेल्या आदेशांना दि. १५ एप्रिल २०२१ पर्यंत मुदतवाढ दिली आहे. तसेच सांगली जिल्ह्यात दि. १५ एप्रिल २०२१ रोजीचे रात्री १२ वाजेपर्यंत पुढीलप्रमाणे आदेश दिले आहेत.

जिल्ह्यात रात्रीचे 0८.00 वाजलेपासून ते सकाळी 0७.00 पर्यंत ५ पेक्षा जास्त व्यक्तींना एकत्र येण्यास मनाई केली आहे. या आदेशाचे उल्लंघन केल्यास प्रतिव्यक्ती १ हजार रूपये इतका दंड आकारला जाईल. सर्व सार्वजनिक ठिकाणे (उदा. बगीचे, मैदाने व इतर) रात्रीचे 0८.00 वाजल्यापासून ते सकाळी 0७.00 पर्यंत बंद राहतील. या आदेशाचे उल्लंघन केल्यास प्रतिव्यक्ती १ हजार रूपये इतका दंड आकारला जाईल. मास्क परिधान न केलेल्या व्यक्तीला ५०० रूपये इतका दंड आकारला जाईल. सार्वजनिक ठिकाणी  थुंकल्यास १ हजार रूपये इतका दंड आकारला जाईल. सदरचा आदेश जिल्हाधिकारी सांगली कार्यालयाकडील क्र.गृह-1/कार्या-6/कोरोना/आर आर-832/2020 दि. 15 सप्टेंबर 2020 व क्र.गृह-1/कार्या-6/कोरोना/आरआर-833/2020 दि. 15 सप्टेंबर 2020 अन्वये पारित केलेल्या दंड आकारणी आदेशास अधिक्रमित करील.

सर्व सिनेमा हॉल / मॉल्स / सभागृह / रेस्टॉरंट रात्रीचे 08.00 वाजलेपासून ते सकाळी 07.00 पर्यंत बंद राहतील. घरपोच सेवा (Home Delivery) व घेवून जाणेस (Take Away) ची सेवा संबंधित आस्थापनांच्या नियमित वेळेनुसार सुरू ठेवण्यास परवानगी राहील. सामाजिक / सांस्कृतिक / राजकीय / धार्मिक कार्यक्रम प्रतिबंधित असतील. सभागृह / नाट्यगृह यामध्येही अशा प्रकारचे कार्यक्रम घेता येणार नाहीत. या आदेशाचे तसेच जिल्हाधिकारी कार्यालयाकडील दि. 16 मार्च 2021 रोजीच्या आदेशाचे उल्लंघन झाल्यास केंद्र शासनाकडून जितक्या कालावधीसाठी कोविड-19 साथरोग हा आपत्ती म्हणून अधिसूचित असेल, तितक्या कालावधीसाठी सबंधित सिनेमा हॉल / मॉल्स / सभागृह / रेस्टॉरंट/ मालमत्त बंद केले जातील. तसेच या आदेशाचे उल्लंघन झाल्यास सबंधित आस्थापनेच्या मालकाकडून आपत्ती कायद्याने निश्चित करण्यात आलेल्या दंडाची आकारणी व कायदेशीर कारवाई केली जाईल.

फक्त लग्न कार्यासाठी 50 व्यक्तींच्या मर्यादेत एकत्र येणयास परवानगी असेल. या आदेशाचे उल्लंघन झाल्यास जिल्हाधिकारी कार्यालयाकडील दि. 23 फेब्रुवारी 2021 रोजीच्या आदेशान्वये निर्धारित केलेल्या दंडाची कार्यवाही करून, केंद्र शासनाकडून जितक्या कालावधीसाठी कोविड-19 साथरोग हा आपत्ती म्हणून अधिसूचित असेल, तितक्या कालावधीसाठी सबंधित मालमत्ता बंद ठेवली जाईल. तसेच सदर आदेशाचे उल्लंघन झाल्यास सबंधित आस्थापनेच्या मालकाकडून आपत्ती कायद्याने निश्चित करण्यात आलेल्या दंडाची आकारणी व कायदेशीर कारवाई केली जाईल.

अंत्यसंस्कारासाठी 20 पेक्षा जास्त व्यक्तींना एकत्र येण्यास प्रतिबंध असेल. सदर बाबीचे पालन होते अगर कसे याची पडताळणी करण्याची जबाबदारी स्थानिक स्वराज्य संस्थेची असेल. 

गृह अलगीकरणास पुढील निर्बंधांसह परवानगी असेल. गृह अलगीकरण होणारी व्यक्ती ज्या वैद्यकीय व्यावसायिकाच्या पर्यवेक्षणाखाली उपचार घेणार आहे त्याची माहिती स्थानिक वैद्यकीय अधिकारी व स्थानिक स्वराज्य संस्था यांना देणे संबंधितावर बंधनकारक असेल. तसेच सदर गृह अलगीकरणाबाबत सर्व योग्य त्या खबरदारी कोरोना रूग्णाकडून घेण्यात आलेल्या असल्याची जबाबदारी संबंधित वैद्यकीय व्यावसायिकाची असेल. कोरोना बाधित रुग्णाकडून गृह अलगीकरणाबाबतच्या कोणत्याही नियमाचे उल्लंघन झाल्यास त्याची माहिती सबंधित वैद्यकीय अधिकारी / स्थानिक स्वराज्य संस्था यांना द्यावी. ज्या ठिकाणी कोविड-19 रुग्ण गृह अलगीकरण झाला आहे, त्या ठिकाणी दरवाजावर / दर्शनी भागावर सदर बाबतचा फलक रुग्ण कोविड-19 बाधित म्हणून आढळून आलेल्या दिवसापासून 14 दिवस लावण्यात यावा. कोविड-19 रुग्णास गृह अलगीकरणाचा शिक्का मारण्यात यावा. कोविड-19 रुग्णाच्या कुटुंबातील व्यक्तींनी शक्यतो बाहेर न पडावे, तसेच मास्क परिधान करणे बंधनकारक असेल. कोविड-19 रुग्णाने गृह अलगीकरणाचे कोणतेही उल्लंघन केल्यास तात्काळ त्याची रवानगी संस्थात्मक अलगीकरणाच्या ठिकाणी करण्यात येईल.

सरकारी कार्यालयांमधील गर्दी कमी करण्यासाठी, लोकप्रतिनिधींव्यतिरीक्त, अतिमहत्वाची कामे नसलेल्या अभ्यागतांना शासकीय कार्यालयात येण्यास परवानगी असणार नाही. तसेच बैठकीसाठी बोलावण्यात आलेल्या अभ्यागतांना सबंधित विभागाकडून / शाखा प्रमुखांकडून बैठकीबाबातचे पत्र / प्रवेश पत्र देण्यात येईल. सदर बैठकीचे पत्र / प्रवेश पत्र असल्याशिवाय बैठकीस प्रवेश दिला जाणार नाही.

सर्व धार्मिक स्थळांच्या व्यवस्थापन विश्वस्त मंडळ यांनी उपलब्ध जागेमध्ये सामाजिक अंतराच्या नियमांचे उल्लंघन होणार नाही इतक्याच व्यक्तींना धर्मिक स्थळांमध्ये प्रवेश द्यावा. तसेच दर्शनासाठी भेट देण्यासाठी ऑनलाइन  आरक्षण सारख्या सुविधा उपलब्ध करून द्याव्यात. धार्मिक स्थळांमध्ये प्रवेश करण्यास पुढील निर्बंधांसह परवानगी असेल.  योग्य पद्धतीने मास्क परिधान केल्याशिवाय प्रवेश करण्यास परवानगी नसेल. प्रवेश देतेवेळी ताप मापक यंत्राने ताप नसल्याबाबतची खात्री करणे बंधनकारक असेल. विविध सोयीस्कर ठिकाणी पुरेसे हॅण्‍ड सॅनिटाईझर ठेवणे बंधनकारक असेल. अभ्यागतांना मास्क परिधान करणे व सोशल डिस्टन्सींग याची काटेकोर अंमलबजावणी करण्यासाठी पुरेशा मनुष्यबळाची व्यवस्था असणे बंधनकारक असेल.

सार्वजनिक वाहतुकीस अटी व शर्तींचा आधारे परवानगी देण्यात आलेली आहे. सदर अटी व शर्तींचे उल्लंघन झाल्याचे आढळून आल्यास उल्लंघन करणाऱ्या व्यक्तींवर सबंधित सार्वजनिक परिवहन प्राधिकरण यांनी 500 रूपये इतका दंड आकारण्याची कारवाई करावी.

या व्यतिरिक्त यापूर्वी आदेशाने बंदी अथवा सूट देण्यात आलेल्या क्रिया / बाबी कायम राहतील. सूट देण्यात आलेल्या आस्थापनांनी, शासनाने त्या – त्या विभागासाठी / आस्थापनांसाठी नेमून दिलेल्या मार्गदर्शक सूचनांचे पालन करणे बंधनकारक राहील.

या आदेशाची अंमलबजावणी पोलीस अधीक्षक, Incident Commander तथा तालुका कार्यकारी दंडाधिकारी, स्थानिक स्वराज्य संस्था व सर्व संबंधित प्रशासकीय विभाग प्रमुख यांनी करावी.

 हा आदेश दि. 28 मार्च 2021 रोजीचे 00.01 वाजल्यापासून दि. 15 एप्रिल 2021 रोजीचे 24.00 वाजेपर्यंत अंमलात राहील.