दैनिक जनमत

 ऑक्सिजन प्रकल्प उद्घाटन प्रसंगी पालकमंत्री सतेज पाटील यांचे गौरवोद्गार

बिद्री दि. 11

ऑक्सिजनच्या बाबतीत जिल्हा सक्षम करण्यासाठी जूलै अखेर 11 प्रकल्प कार्यान्वित होत असून त्यातून 27 टन ऑक्सिजनची उपलब्धता होणार आहे.  शासनाच्या आवाहनानुसार बिद्री साखर कारखान्याने ऑक्सिजन प्रकल्प उभारणीचे आव्हान पेलले. सहकारी क्षेत्रात जिल्ह्यात सर्वप्रथम ऑक्सिजन प्रकल्प उभारुन बिद्रीने पुण्याईचे काम केले आहे. असे प्रतिपादन राज्याचे गृहराज्य मंत्री व पालकमंत्री सतेज उर्फ बंटी पाटील यांनी केले. 

श्री. दुधगंगा वेदगंगा सहकारी साखर कारखान्याच्या ऑक्सिजन निर्मिती प्रकल्पाच्या उद्घाटन प्रसंगी ते बोलत होते. अध्यक्षस्थानी कारखान्याचे माजी चेअरमन दिनकरावजी जाधव होते. प्रारंभी मंत्री पाटील यांच्या हस्ते ऑक्सिजन निर्मिती प्रकल्पाचे उद्घाटन करण्यात आले. 

पालकमंत्री श्री. पाटील म्हणाले, कोरोनाच्या तिसऱ्या लाटेची शक्यता वर्तवली जात असून खबरदारी म्हणून जिल्हा प्रशासनाने संपुर्ण तयारी केली आहे कोरोनाला रोखण्यासाठी केल्या जाणाऱ्या उपाययोजनेत कोल्हापूर जिल्हा पुण्यानंतर दुसऱ्या क्रमांकावर आहे. कमी वेळेत जास्त गाळप करण्याची साखर कारखान्यांमध्ये स्पर्धा निर्माण झाली आहे. यामध्ये के. पी. पाटील यांनी उत्तम व्यवस्थापन व सचोटीने कारभार करत दराच्या बाबतीत कायमच आघाडी घेतली आहे. साखर कारखानदारीकडे व्यवसाय म्हणून पाहिले तरच उस उत्पादकांचे हित साधले जाणार आहे. गोकूळच्या माध्यमातून संस्था व दूध उत्पादकांचे हित साधण्यासाठी अँक्शन प्लॅन तयार केला असून साखर कारखान्याचीदेखील त्यासाठी मदत घेतली जाणार आहे. 

अध्यक्ष के. पी. पाटील म्हणाले, कोरोना पार्श्वभुमीवर सामाजिक बांधीलकी या नात्याने बिद्री साखर कारखान्याने लाँकडाऊनमधील अनंत अडचणीवर मात करत जिल्ह्यात सर्वात प्रथम ऑक्सिजन प्रकल्प पुर्ण केला. या प्रकल्पातून दररोज 90 सिलेंडरची निर्मिती होणार असून याचा फायदा गरजूंना होणार आहे. सहवीज प्रकल्पाच्या यशानंतर हाती घेतलेले विस्तारीकरणाचे काम वेगाने सुरु असून येत्या गळीत हंगामात दैनंदिन आठ हजार मे. टन ऊसाचे गाळप केले जाईल. विस्तारीकरणानंतर बिद्री साखर कारखान पश्चिम महाराष्ट्रात आघाडीवर राहील. कार्यक्रमाचे अध्यक्ष दिनकरराव जाधव यांनी ऑक्सिजन निर्मिती प्रकल्पाला मनोगतातून शुभेच्छा व्यक्त केल्या.

गोकूळचे संचालक शशिकांत पाटील – चुयेकर यांचा कारखान्याच्या वतिने अध्यक्ष के. पी. पाटील यांच्या हस्ते सत्कार करण्यात आला. यावेळी कार्यक्रमास यावेळी संचालक सर्वश्री ए.वाय.पाटील, बाबासाहेब पाटील, गणपती फराकटे, प्रविणसिंह पाटील, राजेंद्र पाटील, धनाजीराव देसाई, श्रीपती पाटील, धोंडीराम मगदूम, उमेश भोईटे, एकनाथ पाटील, प्रविण भोसले, मधुकर देसाई, के.ना.पाटील, अशोक कांबळे, युवराज वारके, प्रदिप पाटील, जगदीश पाटील, सुनिलराज सुर्यवंशी, विकास पाटील, अर्चना विकास पाटील, निताराणी सुनिल सुर्यवंशी यांच्यासह माजी संचालक विजयसिंह मोरे, पंडीतराव केणे, वसंतराव पाटील, जी. डी. पाटील, बाळासाहेब पाटील, सुनिल कांबळे, दत्ता पाटील- केनवडेकर, विश्वनाथ कुंभार, शामराव देसाई, रघूनाथ कुंभार, विकास पाटील मुदाळ व्यवस्थापकीय संचालक आर. डी. देसाई, कार्यकारी संचालक के. एस. चौगले यांच्यासह प्रमुख मान्यवर उपस्थित होते. सूत्रसंचालन सतिश घोरपडे यांनी तर आभार उपाध्यक्ष विठ्ठलराव खोराटे यांनी  मानले.

खुनाचा उलगडा करण्यात तासगाव पोलिसांना यश, तासगाव पोलिसांची प्रभावी कामगिरी सर्व स्तरातून कौतुक

तासगाव प्रतिनिधी  तासगाव तालुक्यातील मांजर्डे येथील दुहेरी खून प्रकरणातील मुख्य संशयित आरोपी रोहित सिधू कांबळे (वय २२ रा. मांजर्डे, ता. तासगाव) याच्या मुसक्या आवळण्यात तासगाव पोलिसांना यश आले आहे. कांबळे याला येथील प्रथमवर्ग न्यायदंडाधिकाऱ्यांसमोर उभे केले असता त्याला १३ जुलैपर्यंत पोलीस कोठडीत ठेवण्याचा आदेश देण्यात आला.

     याबाबत तपासाधिकारी, सहाय्यक पोलीस निरीक्षक नितीन केराम यांनी दिलेली माहिती अशी, मांजर्डे येथील स्टँड चौकात अजितकुमार बाबुराव साळुंखे (वय ४८, रा. मांजर्डे) व तानाजी शिवराम शिंदे (वय ६३ रा. आरवडे) या दोघांचे मृतदेह आढळून आले होते. दोघांच्याही अंगावर जखमेचे व्रण होते. दगडाने ठेचून दोघांचा खून करण्यात आला होता. याप्रकरणी अज्ञाताविरोधात खुनाचा गुन्हा दाखल करण्यात आला होता.   दरम्यान, गेल्या तीन – चार दिवसांपासून तासगाव पोलीस, स्थानिक गुन्हे अन्वेषण विभागाचे अधिकारी, कर्मचारी मांजर्डे परिसरात कसून चौकशी करीत होते. अनेक संशयितांना ताब्यात घेऊन चौकशी करण्यात आली होती. आरवडे, मांजर्डे परिसरात पोलिसांनी गोपनीय खबऱ्या सोडले होते. आरोपी अज्ञात असल्याने या दुहेरी हत्याकांडाचा शोध घेणे पोलिसांसमोरील आव्हान होते.अखेर परिस्थितीजन्य पुरावे व गोपनीय खबऱ्यामार्फत मिळालेल्या माहितीच्या आधारे रोहित सिधू कांबळे याला पोलिसांनी जेरबंद केले. त्याला १३ जुलैपर्यंत पोलीस कोठडीत ठेवण्याचे आदेश न्यायालयाने दिले आहेत.  दरम्यान, रोहित कांबळे याने दोन – दोन खून का केले, त्याच्यासोबत या गुन्ह्यात आणखी कोण होते का, याचा तपास पोलीस करीत आहेत, अशी माहिती सहाय्यक पोलीस निरीक्षक नितीन केराम यांनी दिली आहे. पुढील अधिक तपास उपविभागीय पोलिस अधिकारी अश्विनी शेंडगे यांच्या मार्गदर्शनाखाली व वरिष्ठ पोलीस निरीक्षक संजीवकुमार झाडे यांच्या सूचनेनुसार सुरू आहे.

उस्मानाबाद – पंतप्रधान नरेंद्र मोदी यांनी सहकार खात्यासाठी केंद्रीय स्तरावर नवीन मंत्रालय स्थापन करण्याची घोषणा केली. “सहकार से समृद्धी” हा मूलमंत्र घेऊन हे खाते देशातील सहकार चळवळीला संजीवनी देण्याचे काम करेल. देशपातळीवर सहकार विभागासाठी स्वतंत्र मंत्रालय असावे अशी मागणी तत्कालीन मुख्यमंत्री देवेंद्रजी फडणवीस व सहकार मंत्री  चंद्रकांतदादा पाटील यांच्याकडे सहकार परिषदेचे अध्यक्ष शेखर चरेगावकर यांच्या समवेत सहकार परिषदेचे सदस्य दत्ता कुलकर्णी यांनी वेळोवेळी केली होती व सातत्याने त्याचा पाठपुरावा देखील केला होता.          

                माननीय पंतप्रधानांनी घेतलेल्या या निर्णयामुळे राज्य आणि देशातील कार्यकर्त्यांच्या मागणीला यश आले आहे. या मंत्रालयामुळे राज्यातील व देशातील सहकार चळवळ अधिक समृद्ध होईल. हा निर्णय “आत्मनिर्भर भारत”योजनेची यशस्वीतेसाठी व सहकार चळवळीला लोकल ते ग्लोबल ओळख मिळवून देण्यासाठी महत्त्वपूर्ण आहे. माननीय पंतप्रधानांनी घेतलेल्या या निर्णयाचे व देशाचे पहिले सहकार मंत्री श्री.अमितभाई शहा यांचे भाजपा माजी जिल्हाध्यक्ष दत्ताभाऊ कुलकर्णी यांनी आभिनंदन व आभार व्यक्त केले.

कुर्डुवाडी दि.०८(शहर प्रतिनिधी

काँग्रेसच्या परांडा विधानसभा समन्वयक पदी अॅड.धनंजय झाडबुके तर भूम तालुका कार्याध्यक्षपदी अॅड.सिराज मोगल यांची सर्वानुमते निवड करण्यात आली या निवडीचे पत्र उपजिल्हाप्रमुख तथा माजी नगरसेवक अॅड.नुरोद्दीन चौधरी यांच्या हस्ते देण्यात आले.

परांडयातील जस्टीस हाऊस येथे नुतन पदाधिकाऱ्यांच्या सत्कार समारंभाबरोबर निवडी जाहिर करण्यात आल्या त्यापुढील प्रमाणे आहेत भूम तालुका कांग्रेस उपाध्यक्ष अॅड.घनशाम लावंड यांची नियुक्ती करण्यात आली यावेळी विधानसभा युवक कांग्रेस कार्याध्यक्ष दत्ता तांबे विधानसभा युवक उपाध्यक्ष मोईज सय्यद रवि सोनवणे यासह काँग्रेस कमिटीचे कार्यकर्ते पदाधिकारी बहुसंख्येने उपस्थित होते.