दैनिक जनमत

 वालवड (बाबासाहेब नाईक)

         भूम तालुक्यातील मौजे वालवड येथील जि.प.प्रशालेत आज “अनुभवकथन” कार्यक्रम आयोजित करण्यात आला.

        या कार्यक्रमाचे अध्यक्ष हरिभाऊ शेळके व प्रमुख पाहुणे म्हणून मेजर पवार एस.एन हे उपस्थित होते. तसेच शालेय व्यवस्थापन समितीचे नुतन निर्वाचित अध्यक्ष मा. संतोष बाबर साहेब उपस्थित होते. या सर्वांचा सत्कार शालेय शिक्षकांकडून करण्यात आला तसेच सन 2021 मध्ये घेण्यात आलेल्या जिल्हास्तरीय शिष्यवृत्ती परीक्षेत चांगले गुण मिळवून जिल्ह्यात उत्तीर्ण होत शिष्यवृत्ती धारक झालेला कु.अनिकेत बाबासाहेब नाईक याचा गुणगौरव व सत्कार करण्यात आला.

         “अनुभवकथन” या विषयावर बोलताना मेजर ( माजी सैनिक ) मा. श्रीराम पवार साहेबांनी आपल्या आर्थिक परिस्थितीशी दोन हात करत कसे शालेय शिक्षण घेतले, सन १९८५ साली आर्मीत शिपाई पदावर भरती होत मेजर पदा पर्यंतचा प्रवास सांगत उपस्थित विद्यार्थ्यांसमोर एक आदर्श ठेऊन शालेय शिक्षण घेत असताना येणाऱ्या आर्थिक संकटातून मार्ग काढत आपले करिअर अस घडवता येते या बाबत मार्गदर्शन केले, व कोरोना , आणि ओमायक्रोन या संसर्गजन्य आजारा विषयीव घ्यावयाची काळजी याबाबत विद्यार्थ्यांशी चर्चा करण्यात आली.

       यावेळी शालेय शिक्षक मुख्याध्यापक खरात एल.व्ही , जठार पी.आर , खुने आर.आर , पठाण एस.के , नदाफ एम.एन , वाघमारे ए.एस , चौधरी बी.एस , श्रीमती.भोसले एम.जे , श्रीमती.सुरवसे एम.जे , श्री.दहीहंडे ए. डी , गवळी बी.आर व हे उपस्थित होते.

     या कार्यक्रमाचे सूत्रसंचालन पठाण सर यांनी केले तर उपस्थितांचे आभार श्री.वाघमारे सर यांनी मानले. कार्यक्रम यशस्वितेचे काम शिपाई हातमोडे यांनी केले

अध्यक्षपदी महादेव वायकर तर उपाध्यक्ष पदी उत्रेश्र्वर बारस्कर यांची निवड

 परंडा :- (दि ८ जानेवारी )  जि.प.प्रा शाळा,अंदोरी येथे कोरोनाचे सर्व नियम पाळत पालक सभेचे आयोजन करण्यात आले व शाळा व्यवस्थापन समिती स्थापन करण्यात आली.

       पालकसभेच्या अध्यक्षस्थानी ग्रामपंचायत सदस्य शहाजी बारसकर तर प्रमुख पाहुणे म्हणून गावचे पोलीस पाटील अंगद बारसकर होते.यावेळी मान्यवरांच्या हस्ते सावित्रीबाई फुले यांच्या प्रतिमेचे पूजन करून पालक सभेला सुरूवात झाली.मुख्याध्यापक रमेश बारसकर सर यांनी प्रास्ताविक केले व आजच्या पालक सभेचा हेतू सांगितला.

     यावेळी उपस्थित पालकांमधून शाळा व्यवस्थापन समितीच्या सदस्यांची निवड करण्यात आली. सदर निवडीनंतर अध्यक्ष व उपाध्यक्ष निवडी खेळीमेळीच्या वातावरणात बिनविरोध करण्यात आल्या.

           व्यवस्थापन समीतीच्या अध्यक्ष पदी महादेव वायकर तर उपाध्यक्ष म्हणून उत्रेश्वर बारसकर यांची सर्वानुमते निवड करण्यात आली.तर सदस्य म्हणून गोकूळ बारसकर,श्रीहरी गायकवाड, रोहिणी गायकवाड,राधिका बारसकर,गौरी पवार व उर्मिला शिंदे यांची बिनविरोध निवड करण्यात आली.शिक्षणतज्ज्ञ म्हणून भाऊसाहेब बारसकर यांची सर्वानुमते निवड करण्यात आली.नुतन अध्यक्ष,उपाध्यक्ष यांच्यासह सदस्यांचा सत्कार शाळेच्या वतीने रमेश बारस्कर सर यांच्या हस्ते करण्यात आला.सदरील कार्यक्रमाचे सुत्रसंचलन प्रशांत बरबडे यांनी केले.

परंडा (दि८ जानेवारी)प्रदेशाध्यक्ष शिवमती माधुरीताई भदाने यांच्या मार्गदर्शना खाली व प्रदेश कार्याध्यक्ष शिवमती नंदाताई शिंदे यांच्या अध्यक्षतेखाली दि.७ जानेवारी रोजी मराठा सेवा संघ कार्यालय उस्मानाबाद येथे उस्मानाबाद जिजाऊ ब्रिगेडची कार्यकारीणी जाहीर करण्यात आली.त्यामध्ये शिवमती सुजाता चव्हाण यांना विभागीय उपाध्यक्ष शिवमती रेखाताई सुर्यवंशी विभागीय प्रवक्त्या शिवमती आशाताई मोरजकर यांना उस्मानाबाद जिल्हाध्यक्ष,तसेच शिवमती माधुरी गवारे यांना उस्मानाबाद शहर अध्यक्ष याप्रमाणे निवडी करण्यात आल्या आहेत.नुतन पदाधिकाऱ्यांचा सत्कार मान्यवारांच्या हस्ते सत्कार करण्यात आला.

    यावेळी रत्नमाला टेकाळे महिला व बालकल्याण सभापती,सुनंदा माधव माने उस्मानाबाद जिल्हा कार्याध्यक्ष, उमरगा तालुका अध्यक्ष रेखा नंदकुमार पवार,लोहारा तालुका अध्यक्ष रंजनाताई श्रीकांत हासुरे, डॉ.तेजस्विनी प्रमोद करळे,भुम तालुका अध्यक्ष प्रगती तानाजी गाढवे,प्रमिला कमालकर शेळके, कल्पना रवी मोरे-पाटील,बालिका रवींद्र शिंदे,प्रगती अमोल खैरे, सुरेखा अनंत सुर्यवंशी,सीमा विजय पाटील, मनीषा राजेंद्र राजेनिंबाळकर,माधवी नंदकुमार गवारे,प्रतिभा विलासराव काकडे, अंजली दिनेश काकडे, सिमाताई काकडे,सुचीताताई काकडे,संध्या बाळकृष्ण शिंदे, प्रतिभाताई शिखंडी परसे आदी महिला उपस्थित होत्या.