दैनिक जनमत

राष्ट्रीय महामार्ग क्रमांक १६० व २६६ निधी मिळावा यासाठी रोहित दादा पाटील यांची मंत्री महोदय यांना साकडे

स्व. आर आर आबा पाटील व केंद्रीय मंत्री नितिन गडकरी यांच्या मैत्रीचा फायदा होण्याची शक्यता मंत्री गडकरी यांनी निधी देण्याचे आश्‍वासन दिले

तासगाव प्रतिनिधी/ राहुल कांबळे

सांगली जिल्ह्यातील तासगाव तालुक्यातील राष्ट्रीय महामार्ग क्रमांक १६० व  २६६ च्या तासगाव शहराजवळील बाह्यवळण लांबीच्या भूसंपादनासाठी निधी  मिळावा यासाठी तासगाव कवठेमहांकाळ च्या लोकप्रिय आमदार सुमनताई आर आर पाटील यांनी दिल्ली येथे केंद्रीय भूपृष्ठ व परिवहन मंत्री ना. नितीनजी गडकरी यांच्याकडे पत्राद्वारे मागणी केली आहे.

तासगाव तालुक्यातील अहमदनगर दौंड- फलटण विटा- तासगाव -कुमठे फाटा म्हैसाळ रस्ता राष्ट्रीय महामार्ग क्रमांक १६० म्हणून घोषित झाला आहे सदर रस्त्याच्या तासगावातील बाह्यवळण मार्गाची एकूण लांबी ०/०० ते २/२०० ( A )  ( भाग-कॉलेज कॉर्नर ते भिलवडी रस्ता) ही लांबी राष्ट्रीय महामार्ग क्रमांक २६६ मध्ये समाविष्ट झालेले आहे त्याच्या भूसंपादनासाठी अंदाजे रुपये ४० कोटी रुपयांची आवश्यकता आहे तसेच सदर रस्त्याची लांबी ( कि.मी.२/२०० ते ७/६५०) ही राष्ट्रीय महामार्ग क्रमांक १६० मध्ये समाविष्ट झालेले आहे सदर रस्त्याची रस्त्याच्या कि.मी.२/२०० ते ३/६०० ( B) ( भाग भिलवडी रस्ता ते विटा  रस्ता) अशी एकूण १.४० कि.मी. लांबीच्या भूसंपादनासाठी अंदाजे रू.३० कोटी रुपयांची आवश्यकता आहे. तर उर्वरित कि.मी.३/६०० ते ४/२०० ( C) ( भाग विटा रस्ता ते भिवघाट रस्ता) एकूण ०.६०० कि.मी. लांबीच्या भूसंपादनासाठी अंदाजे १२ कोटी रुपये कि.मी.४/२०० ते ५/१५० एकूण ०.९५ कि.मी.( D)(देवघाट रस्ता ते चिंचणी रस्ता) यांच्या भूमी संपादनासाठी अंदाजे २०  कोटी रुपये ची आवश्यकता आहे उर्वरित कि.मी.५/१५० ते ७/६५० ( E,,) ( भाग चिंचणी रस्ता ते मनेराजुरी रस्ता )एकूण २.५० कि.मी. लांबी असून त्याच्या भूसंपादनासाठी रुपये ५० कोटींची आवश्यकता आहे. तासगाव शेरा लगत बाह्यवळण ची भूसंपादनासाठी एकूण रुपये १५२ कोटीची आवश्यकता असून सदर निधी उपलब्ध करून द्यावा व तासगाव शहर बायपास रस्त्यांची कामे तातडीने पूर्ण करावे अशी या पत्रात विनंती करण्यात आले आहे. दिल्ली येथे महाराष्ट्रातील प्रशिक्षणासाठी आमदार दाखल झाले आहेत तेथील प्रशिक्षण पूर्ण केल्यानंतर आमदार सुमनताई पाटील यांनी महाराष्ट्रातील दिल्ली येथे एक वजनदार मंत्री असणारे आणि आपल्या कर्तृत्वातून महाराष्ट्रात नव्हे तर संपूर्ण भारतामधील जनतेच्या मनामध्ये आपले वेगळे स्थान निर्माण करणारे केंद्रीय मंत्री नितिनजी गडकरी यांच्याकडे तासगाव शहरालगत असलेल्या बाह्यवळण रस्त्याच्या निधीसाठी पत्र द्वारे मागणी केली सदरचे पत्र तासगाव राष्ट्रवादी काँग्रेस पक्षाचे युवानेते रोहित दादा पाटील यांनी समक्ष भेटून मंत्री महोदयांना भेटून त्याचा पाठपुरावा केला त्यास अतिशय उत्तम प्रतिसाद देत मंत्रिमहोदयांनी तातडीने निधी देण्याचे आश्वासन दिले  आहे.सध्या तासगाव शहरा वर  प्रचंड वाहतुकीचा ताण आहे‌. बायपास रस्त्यासाठी निधी लवकरात लवकर उपलब्ध झाला तर विटा भागातून तसेच आटपाडी कडून येणारे सर्व वाहने बाह्यवळण मार्गे पुढे कराड व सांगली,मिरज कोल्हापूर कर्नाटकाकडे कडे जाऊ शकतात. त्यामुळे या सगळ्या गोष्टीचा जास्तीत जास्त लवकर पाठपुरावा करून निधी उपलब्ध झाल्यास तासगावकर नागरिकांच्या मनामध्ये समाधान निर्माण होईल असे म्हटले तर वावगे ठरू नये. तासगाव शहरातील प्रचंड वाहतुकीचा ताण कमी होण्यास मदत होईल.

उस्मानाबाद येथील शासकीय रुग्णालयाची पाहणी करण्यासाठी राष्ट्रीय आयुर्वेदिक आयोग समिती येणार आहे. नवीन शासकीय रुग्णालय येथे वैद्यकीय महाविद्यालय सुरू होणार असल्याने त्याअनुषंगाने ही पाहणी असणार आहे.

दरम्यान गेले अनेक दिवस जिल्हा शासकीय रुग्णालयात अस्वच्छता निर्माण होती. कोरोना सारख्या काळात ज्या रुग्णालयात कित्येक रुग्णांचे उपचार केले आहे त्या इमारतीकडे जिल्हा आरोग्य प्रशासनाने स्वच्छतेबाबत लक्ष दिले नव्हते. रुग्णालयात ठीकठिकाणी गुटखा खाऊन थूंकलेल्या भिंती अस्वच्छता पहावयास मिळत होती. याबाबत दैनिक जनमत ने वृत्त प्रसारित केले होते याची दखल प्रशासनाने घेतली.

जिल्हा रुग्णालयातील नवीन इमारतीत मागील दोन ते तीन दिवसांपासून नगरपालिकेच्या वतीने सफा सफाई चे काम चालू केली असून तपासणीत कुठलीही त्रुटी राहू नये याची काळजी घेत असल्याची प्रतिक्रिया नगर परिषदेचे मुख्याधिकारी हरिकल्याण येलगट्टे यांनी दिली.

ओबीसी आरक्षणासाठी तुळजापूर ते आझाद मैदान संघर्ष रथयात्रा

मंगळवारी जगदंबेचा आशीर्वाद घेऊन होणार रथयात्रेस शुभारंभ 

ज्योती क्रांती परिषदेचे रमेश बारसकर यांची माहिती

उस्मानाबाद, दि. 3 – पक्षांतर्गत ओबीसी आरक्षण ओबीसींना येड्यात काढण्याचा विषय असून ओबीसींच्या राजकीय आरक्षणासाठी केंद्र व राज्यातील सरकार वेळकाढूपणा करत असल्याचा आरोप करत हक्काचे आरक्षण मिळविण्याकरिता 5 एप्रिल ते 17 मे या काळात महाराष्ट्रभर ओबीसी संघर्ष रथयात्रा काढून समाजात जनजागृती करण्यात येणार आहे. मंगळवार, 5 एप्रिल रोजी सकाळी 10 वाजता तुळजापूर येथे कुलस्वामिनी तुळजाभवानी मातेचा आशीर्वाद घेऊन या रथयात्रेचा शुभारंभ करण्यात येणार असून 17 मे रोजी मुंबई येथे आझाद मैदानावर समारोप होणार आहे. या भव्य एल्गार मोर्चा काढण्यात येणार असल्याची माहिती ज्योती क्रांती परिषदेचे प्रदेशाध्यक्ष रमेश बारसकर यांनी दिली.

उस्मानाबाद येथील शासकीय विश्रामगृहात रविवारी आयोजित पत्रकार परिषदेत ओबीसी आरक्षण संघर्ष रथयात्रेच्या तयारीबाबत श्री.बारसकर यांनी माहिती दिली. यावेळी महादेव माळी, खलील सय्यद, विशाल शिंगाडे, लक्ष्मण माने, डी.एन. कोळी, रवी कोरे आदींची उपस्थिती होती. 

यावेळी बोलताना श्री.बारसकर म्हणाले, देशात 52 टक्के असलेल्या ओबीसी समाजाला आरक्षणासह इतर सुविधा देण्याची शिफारस बी.पी. मंडल आयोगाने केलेली होती. 1989 साली व्ही.पी. सिंग यांच्या नेतृत्वाखालील सरकारने मंडल आयोगाचा प्रस्ताव मान्य करुन ओबीसींना सभागृहात आरक्षण मंजूर केले. त्यावेळी आरक्षणाच्या विरोधात सर्वोच्च न्यायालयात 31 याचिका दाखल झाल्या. त्या निकाली निघण्यासाठी 1992 साल उजाडले. म्हणजेच देशाला स्वातंत्र्य मिळाल्यानंतर ओबीसींना 45 वर्षे आरक्षणासाठी वाट पहावी लागली. आरक्षण मिळून 25 वर्ष झाली नाहीत तोच राज्यातील स्थानिक स्वराज्य संस्थेतील आरक्षण काढून घेतले आहे. यापुढील काळात शैक्षणिक आणि नोकर्‍यांमधील आरक्षण काढून घेतले जाईल अशी भीती देखील श्री. बारसकर यांनी व्यक्त केली. 

म्हणून ओबीसी आरक्षणाकडे सरकारचे लक्ष वेधण्यासाठी आम्ही तुळजापूर ते आझाद मैदान मुंबई  ओबीसी संघर्ष रथयात्रा काढत असल्याचे त्यांनी सांगितले. या रथयात्रेत महाराष्ट्रातून ओबीसी समाजबांधव मोठ्या संख्येने सहभागी व्हावे, असे आवाहनही त्यांनी केले. 

पारा येथे दीड एकर ऊस महावितरणच्या तुटलेल्या जम्परिंग मुळे जळून खाक

 पारा (राहुल शेळके ): एकीकडे चौदा पंधरा महिने उलटूनही कारखान्याची तोड मिळत नसल्याने फडातच चिपाड होत असलेल्या उसाची चित्तर कथा वाशी तालुक्यातील पारा येथे दिसून येत असताना दुसरीकडे गाळपाच्या प्रतीक्षेत असलेले उस आगीच्या भक्ष्यस्थानी सापडत आहेत

          वाशी तालुक्यातील अनेक गावात ऊस गाळपाचा प्रश्‍न निर्माण झाला आहे. यास्थितीत उन्हाचा तडाखा वाढत आहे. शुष्कता वाढत आहे. यामुळे फडातच असलेल्या अनेकांचे ऊस उसावरून जाणाऱ्या महावितरणच्या तारांच्या घर्षणाने लागलेल्या आगीत भस्मसात होत आहे. मंगळवारी(दि.29) दुपारी पारा येथे शॉर्टसर्किटने आग लागून भराटे यांचा साडेचार एकर ऊस जळून खाक झाला होता. ही घटना ताजी असतानाच शनिवारी दुपारी पारा येथील सर्वे नंबर 335 /अ मधील रामा दगडू वैद्य या शेतकऱ्याच्या शेतातून जाणाऱ्या पिंपळवाडी गावठाण लाईटच्या लोखंडी पोलवरील जम्परिंग तुटून लागलेल्या आगीत   दीड एकर ऊस पूर्णपणे जळून खाक झाला आहे. या घटनेचा तलाठी साबळे यांनी पंचनामा करून अहवाल वरिष्ठांकडे पाठवला आहे. या घटनेमुळे हा शेतकरी पूर्णपणे संपला असून लवकरात लवकर कारखान्याने हा उस न्यावा अशी विनवणी कारखाना कर्मचाऱ्यांना करताना दिसून आला. तसेच महावितरण ने या शेतकऱ्यास झालेल्या नुकसानीची भरपाई द्यावी अशी मागणी उपकार्यकारी अभियंता, महाराष्ट्र राज्य विद्युत वितरण कंपनी वाशी उपविभाग यांच्याकडे केली आहे.