दैनिक जनमत

परंडा तालुक्यातील पिंपळवाडी येथील चांदणी तलाव तुडुंब भरला असून एक दरवाजा उघडण्यात आला आहे. परंडा तालुक्यातील सीना-कोळेगाव प्रकल्पानंतर चांदणी प्रकल्प हा दुसऱ्या क्रमांकाचा मोठा प्रकल्प असून त्याची साठवण क्षमता 23.78 दशलक्ष घनमीटर आहे. प्रकल्पावर पिंपळवाडी, वाकडी, दहिटणा, बोडखा, घारगाव, आसू, ब्रह्मगाव सरणवाडी या गावांसह परिसरातील बहुतांश शेतकऱ्यांची शेती  तसेच बार्शी शहराचा पाणी पुरवठा अवलंबून आहे तसेच गतवर्षीपेक्षा यावर्षी धरण लवकर भरल्याने शेतकऱ्यांबरोबर सर्वसामान्यांमध्ये समाधान व्यक्त होत आहे चांदणी धरणास 28 स्वयंचलित दरवाजे असून त्यापैकी एक दरवाजा काल दिनांक  9 रोजी  सकाळी10 वाजता उघडला आहे, त्यामुळे धरणाच्या या दरवाजातून 211.63 क्युसेक ने पाण्याचा विसर्ग होत आहे वाढती पाण्याची पातळी लक्षात घेता गावकरी यांना  सतर्कतेचा इशारा दिलेला असुन अजुन दरवाजे उघडण्याची शक्यता आहे.

उस्मानाबाद – 

लोहारा पोलीस स्टेशन येथील पोलीस नाईक गोरोबा बाबासाहेब इंगळे , वय 35 वर्षे हे २० हजाराची लाच स्वीकारताना   लाचलुचपत प्रतिबंधक विभागा जाळ्यात सापडले आहेत. याबाबत माहिती अशी की,तक्रारदार  यांचे विरुद्ध पो. स्टे. लोहारा येथे दाखल असलेल्या गुन्ह्यात त्यांना अटक न करणे, लॉकअप मध्ये न टाकणे, चार्जशीट न पाठवणे व फायनल पाठवणे यासाठी यातील लोकसेवकाने तक्रारदार यांच्याकडे  दिनांक 03.08.2022 रोजी 25000/- रुपये लाच रकमेची मागणी करून तडजोडी अंती 20,000/- रुपयांची मागणी करून दिनांक 04.08.2022रोजी  20,000/- रुपये लाच रक्कम पंचासमक्ष स्विकारली.  सापळा अधिकारी म्हणून प्रशांत संपते , पोलीस उप अधीक्षक,ला.प्र. वि. यांनी काम पाहिले तर सापळा पथकात पोलीस अंमलदार इफ्तेकार शेख, दिनकर उगलमूगले ,विष्णू बेळे , जाकेर काझी यांनी काम पाहिले.सदरची कारवाई लोहारा ते जेवळी रोडवर एच पी पेट्रोल पंपाजवळ आज दि.4/8/22 रोजीचे 10:55 वाजता करण्यात आली असून यासंबंधाने पो स्टे लोहारा येथे गुन्हा नोंद करण्याची प्रक्रिया चालू आहे.