सोलापूर–पुणे महामार्गावर गुरुवारी मध्यरात्री भीषण अपघाताची घटना घडली असून, धाराशिव जिल्हा परिषदेचे माजी उपाध्यक्ष धनंजय सावंत यांची कार एका भरधाव कंटेनरला धडकली. अपघात अत्यंत भीषण असतानाही सावंत सुखरूप बचावले, तर चालक आणि सुरक्षारक्षक किरकोळ जखमी झाले आहेत.
मिळालेल्या माहितीनुसार, सावंत हे बुधवारी मुंबई येथे झालेल्या भाजप प्रवेश सोहळ्यानंतर आपल्या फॉर्च्युनर (MH 12 SE 5559) वाहनाने परंड्याकडे परतत होते. गुरुवारी (दि. १९) मध्यरात्री सुमारे १ वाजण्याच्या सुमारास भिगवणजवळील डाळज २ गावाच्या हद्दीत त्यांच्या वाहनाला समोरून येणाऱ्या कंटेनरने (MH 12 WJ 6374) जोरदार धडक दिली.
या अपघाताची तीव्रता इतकी होती की फॉर्च्युनर गाडीचा चालक बाजूचा भाग पूर्णपणे चक्काचूर झाला. मात्र, सुदैवाने सावंत यांना कोणतीही गंभीर दुखापत झाली नाही. अपघातात चालक आणि सुरक्षारक्षक जखमी झाले असून त्यांना तातडीने जवळच्या रुग्णालयात उपचारासाठी दाखल करण्यात आले आहे.
दरम्यान, सावंत हे महाराष्ट्राचे माजी मंत्री तानाजी सावंत यांचे पुतणे असून, त्यांच्या सुरक्षिततेमुळे कार्यकर्त्यांमध्ये समाधान व्यक्त केले जात आहे. अपघाताबाबत अधिक तपास सुरू आहे.
- एमपीएससी विद्यार्थी स्व. प्रथमेश देशमुख यांच्या कुटुंबीयांची आ. रोहित पवार यांच्याकडून सांत्वनपर भेट
- संजय निंबाळकर व भाजपचे नेते रामेश्वर शेटे यांचा आज शिवसेना उद्धव बाळासाहेब ठाकरे पक्षात प्रवेश; आ.कैलास पाटील यांच्या नेतृत्वात पक्षाची पुन्हा मजबूत बांधणी
- पारगावच्या लॉजवर AHTUचा धडाका!वेश्याव्यवसायावर पोलिसांची थेट कारवाई; परराज्यातील ८ महिलांची सुटका, लॉज मालक-मॅनेजर यांना अटक
- तुळजापुरात सरकारने हिंदुत्व गुंडाळलं, चायनिज कंपनीचे सीसीटीव्ही असलेल्या प्रकल्पाचे उद्या पालकमंत्र्यांच्या हस्ते उद्घाटन
- पवनचक्कीचे साहित्य चोरणारी सराईत टोळी स्थानिक गुन्हे शाखेच्या जाळ्यात