धाराशिव, दि. १२ सप्टेंबर २०२५: महाराष्ट्राचे परिवहन मंत्री आणि धाराशिव जिल्ह्याचे पालकमंत्री प्रताप सरनाईक येत्या १५ ते १७ सप्टेंबर २०२५ दरम्यान पुणे, सोलापूर आणि धाराशिव जिल्ह्यांच्या दौऱ्यावर असणार आहेत. या दौऱ्यादरम्यान ते विविध विकासकामांचे उद्घाटन, पाहणी आणि बैठका घेणार आहेत.
१५ सप्टेंबर: पुणे जिल्हा दौरा
मा. मंत्री सरनाईक यांचा दौरा सोमवारी, दि. १५ सप्टेंबर रोजी सकाळी १० वाजता लोणावळा बस स्थानक (MSRTC), पुणे येथून सुरू होईल. येथे ते बस स्थानकाची पाहणी करतील. त्यानंतर सकाळी १०:३० वाजता खाजगी वाहनाने (MH-04-MP-7578) चाकण (MIDC), ता. खेड येथे रवाना होतील. दुपारी ११:४५ वाजता चाकण येथील मर्सिडीज बेंझ कंपनीला सदिच्छा भेट देऊन ते चर्चा करतील. यावेळी श्री. सत्यजीत पाटील (मो. ९७३०८१११००) उपस्थित राहतील. दुपारी १:३० वाजता ते VVIP सर्कीट हाऊस, पुणे येथे पोहोचतील आणि दुपारी २ वाजेपर्यंत विश्रांती घेतील. त्यानंतर सायंकाळी ७ वाजता सोलापूर येथील शासकीय विश्रामगृहात पोहोचून रात्रीचा मुक्काम करतील.
१६ सप्टेंबर: सोलापूर आणि धाराशिव दौरा
मंगळवारी, दि. १६ सप्टेंबर रोजी सकाळी १० ते दुपारी १२ वाजेपर्यंत सोलापूर येथील शासकीय विश्रामगृहात शिवसेना पदाधिकारी आणि शासकीय अधिकाऱ्यांसमवेत सोलापूर जिल्ह्यातील विविध विषयांवर बैठक होईल. दुपारी १:१५ वाजता ते तूळजापूर, जि. धाराशिव येथे रवाना होतील आणि दुपारी २:१५ वाजता तुळजाभवानी मंदिर, तूळजापूर येथे शारदीय नवरात्र महोत्सव २०२५ च्या तयारीची पाहणी आणि आढावा बैठक घेतील. यावेळी धाराशिवचे जिल्हाधिकारी उपस्थित राहतील. सायंकाळी ५:३० वाजता ते धाराशिव येथील शासकीय विश्रामगृहाकडे रवाना होतील आणि सायंकाळी ६ वाजता धाराशिव जिल्ह्यातील शिवसेना पदाधिकाऱ्यांसमवेत बैठक घेतील. रात्री ९ वाजता याच ठिकाणी मुक्काम करतील.
१७ सप्टेंबर: धाराशिव जिल्हा दौरा
बुधवारी, दि. १७ सप्टेंबर रोजी सकाळी ८:२५ वाजता मा. सरनाईक शासकीय विश्रामगृह, धाराशिव येथून जिल्हाधिकारी कार्यालयाकडे रवाना होतील. सकाळी ८:४५ वाजता ते “मराठवाडा मुक्तीसंग्राम दिनाच्या ७७ व्या वर्धापन दिन” समारंभाला उपस्थित राहतील. त्यानंतर सकाळी १० वाजता शासकीय वैद्यकीय महाविद्यालय व रुग्णालय, धाराशिव येथे “उम्मीद निदान केंद्र” आणि “रक्त साठवण केंद्र” यांचे उद्घाटन करतील. यावेळी अधिष्ठाता डॉ. शैलेंद्र द. चौहान (मो. ७५८८६९३०३२) उपस्थित राहतील. सकाळी ११ वाजता छत्रपती शिवाजी महाराज चौक, धाराशिव येथे “४५ मीटर ध्वज” उभारणी कार्यक्रमाचे भूमिपूजन करतील. यावेळी नगरपरिषदेचे मुख्याधिकारी (मो. ९६०४३४६४६१) उपस्थित राहतील. दुपारी १ वाजता ते धाराशिव येथून समृद्धी महामार्गामार्फत (धाराशिव-छत्रपती संभाजीनगर-नाशिक-ठाणे) ठाणे येथील निवासस्थानाकडे रवाना होतील आणि रात्री ९ वाजता तिथे पोहोचतील.
- पवनचक्कीचे साहित्य चोरणारी सराईत टोळी स्थानिक गुन्हे शाखेच्या जाळ्यात
- परंड्यात अवैध शस्त्र बाळगणारे दोन अल्पवयीन पोलिसांच्या जाळ्यात; मॅगजिनसह अग्निशस्त्र जप्त
- परंड्यात महावितरणचा ट्रान्सफॉर्मर चोरट्यांनी केला लक्ष्य; ६० किलो कॉपर तार आणि ऑईल चोरीला
- विठ्ठल दर्शनासोबत आधुनिक शेतीचे पंढरीत दर्शन (श्रीमंत सुधाकरपंत परिचारक कृषी महोत्सवाचा जय्यत तयारी मुख्यमंत्र्यांच्या हस्ते उद्घाटन)
- पि.एम.श्री.जि.प.कें.प्रा.पारा शाळेतील पोषण आहारात अळ्या आढळल्याचा पालकांचा आरोप; अन्न व औषध पथकाकडून अन्नधान्याची तपासणी