दैनिक जनमत

पारा (प्रतिनिधी ): सतत च्या नापिकीला तसेच कर्जबाजारी पणाला कंटाळून वाशी तालुक्यातील सारोळा (मां)येथील एका अल्प भूधारक शेतकरी पुत्राने आत्महत्या केल्याची घटना शनिवारी दि.22 जून रोजी सकाळी उघडकीस आली.
याबाबत पोलिसांकडून मिळालेली माहिती अशी की, मेघराज शेषेराव मोरे वय 35वर्ष या शेतकरी पुत्राने कष्ट करून शेतात दरवर्षी पीक घेतले होतें. परंतू सतत च्या नापिकीला तसेच विधवा आईच्या नावावर काढलेले बँकेचे पीक कर्ज कसे फेडायचे? या विवंचनेतून मेघराज मोरे यांनी घराशेजारील शेतामध्ये झाडाला गळफास घेऊन आत्महत्या केल्याची फिर्याद मयताच्या भावाने पोलीसात दिल्यामुळे वाशी पोलिसात आकस्मित मृत्यूची नोंद करण्यात आली असून, शवविच्चदन प्राथमिक आरोग्य केंद्र पारा येथे करण्यात आले असून पुढील तपास प्रभारी पोलीस निरीक्षक रविंद्र शिंदे यांच्या मार्गदर्शनाखाली जमादार मोहसीन खान पठाण, कॉ. नवनाथ सुरवसे , कॉ. किरण माळी करत आहेत.
या घटनेमुळे संपूर्ण गावावर शोककळा पसरली होती.

इमारत पोखरली घुशीने ग्रामपंचायतीचे दुर्लक्ष,बालकांच्या जिवीतास धोका

या पुर्वी जि.प.शाळेच्या शोचालयाची भिंत पडून दोन विद्यार्थी झाले होते जखमी

घुशी च्या खड्डयातून अंगणवाडीत सर्प निघाल्याने बालकांत भितीचे वातावरण……

परंडा (भजनदास गुडे)
( दि २२जून ) परंडा तालूक्यातील देवगाव (खुर्द) येथिल मुक्तांई अंगणवाडी क्र. २१६ मध्ये घुशी ने पोखरल्याने इमारतीत मातीचा ढिग लागला असून फरश्या पोकळ झाल्या आहेत.या मुळे बालकांचा जिव धोक्यात आला असून या गंभीर प्रश्नाकडे ग्रामपंचायतीचे दूर्लक्ष होत असत्याने ग्रामस्था मध्ये संताप व्यक्त केला जात आहे.
अंगणवाडीत घुशी ने पोखरल्यामुळे अंगणवाडी इमारतीची दुरुस्ती करून देण्यात यावी आशी मागणी अंगणवाडी सेवीका यांनी सरपंच व गटविकास अधिकारी यांच्याकडे केली होती मात्र त्यांच्या मागणीची ग्रामपंचायतीची दखल घेतली नाही.घुशीने पोखरलेल्या खड्डयातून सर्प निघाला होता अशी माहिती पालकांनी दिली आहे या गंभीर प्रश्ना कडे ग्रामपंचायत जानीव पूर्वक दुर्लक्ष करीत असल्याने ग्रामस्थामधून संताप व्यक्त करण्यात येत आहे.
मागील वर्षी देवगाव येथील शाळेच्या सौचालयची भिंत कोसळून दोन विद्यार्थीनी जखमी झाल्याची घटणा घडली होती. अशी घडणा घडल्यानंतर देखील ग्रामपंचायतीला जाग आलेली नाही.
एखादी अशी घटना घडण्याची ग्रामपंचायत पहात वाट आहे का असा प्रश्न निर्माण झाला आहे.अंगणवाडी ची दुरावस्था झाल्याने ग्रामस्थ व पालकांनी अंगणवाडी ची पाहणी केली व तात्काळ दुरूस्ती करण्याची मागणी केली.
यावेळी ग्रामपंचायत सदस्य राजेंद्र देवराव चौधरी, नागनाथ नरसाळे,अमर महादेव चौधरी, अमोल नागनाथ चौधरी,योगेश शिंदे,धनाजी शिंदे,योगेश काळे, वैभव शिंदे,योगेश पाटील, बालाजी चौधरी आदिची उपस्थिती होती.

शिवसेना जिल्हाप्रमुख रणजित पाटील व सभापती जयकुमार जैन यांच्या हस्ते उषा बनसोडे यांच्या कुटुंबाकडे धनादेश सुपूर्द

परांडा (प्रतिनिधी)परंडा मंडई भीम नगर येथील हमाल हर्षवर्धन बनसोडे यांच्या मातोश्री उषा गजेंद्र बनसोडे यांचा कृषी उत्पन्न बाजार समितीच्या आवारात मागील काही दिवसा पुर्वी अपघात झाला होता.त्यांच्या उपचारासाठी कृषी उत्पन्न बाजार समितीच्या वतीने आर्थीक मदतीचा धनादेश उबाठा शिवसेना जिल्हा प्रमुख रनजित पाटील यांच्या हस्ते त्यांच्या कुटूंबीयाकडे दि८जून रोजी स्पूर्द करण्यात आला.
या आपघातात उषा बनसोडे या गंभीर जखमी झाल्या आसुन त्याना उपचारासाठी सोलापूर येथील खाजगी रूग्नालयात दाखल करण्यात आले आहे.मात्र त्यांची आर्थीक परिस्थिती अत्यांत हालाकीची आसल्याने रुग्लालयाचा खर्च करणे त्यांच्या कुटुंबीयांना परवडत नसल्याची बाब समोर आल्याची माहीती मा.आ ज्ञानेश्वर पाटील व मा.आ.राहुल मोटे यांना मिळाली असता पाटील व मोटे यांनी उषा बनसोडे यांना उपचारा साठी आर्थीक मदत करा आशा सुचना कृषी उत्पन्न बाजार समितीला दिल्या होत्या.
त्या अनुशंगाने परंडा कृषी उत्पन्न बाजार समितीच्या वतीने उषा बनसोडे यांच्या उपचारा साठी तातडीच्या आर्थिक मदतीचा धनादेश त्यांच्या नातेवाईकांकडे उबाठा शिवसेनेचे जिल्हाप्रमुख रणजीत ज्ञानेश्वर पाटील यांच्या हस्ते देन्यात आला.
यावेळी कृषी उत्पन्न बाजार समितीचे सभापती जयकुमार जैन,उपसभापती संजय पवार, संचालक अॅड.सुजित देवकते, शंकर जाधव,बाजार समितीचे सचिव सचिन पाटील,राष्ट्रवादी काँग्रेस पार्टी शरदचंद्र पवार सामाजिक न्याय विभागाचे जिल्हाध्यक्ष राहुल बनसोडे, घनश्याम शिंदे,जीवन बनसोडे, रणजीत शिंदे,विजय चौतमहाल , अजय चौतमहाल,सुजाताबाई बनसोडे,बेबीताई चौतमहाल, कामीनाबाई बनसोडे यांच्या सह महिला व समाज बांधव उपस्थित होते.

मागील दोन वर्षापासून संचिका गायब झाल्याचा अहवाल ठेवला दडवून

धाराशिव -महाराष्ट्राची कुलस्वामिनी आई तुळजाभवानी मातेच्या मंदिर संस्थान कार्यालयातून महत्त्वाच्या संचिकांना पाय फुटले असून त्या गायब झाल्याचा धक्कादायक प्रकार समोर आला आहे. याबाबतचा अहवाल दैनिक जनमत च्या हाती लागला असून मंदिरातील सुरक्षेच्या आणि गैरव्यवहाराच्या अशा महत्त्वाच्या 50 पेक्षा अधिक संचिका गायब झाल्याचे प्रकरण उघड झाले आहे.

तुळजाभवानी मंदिर संस्थान हे नेहमीच वादाच्या भोवऱ्यात अडकलेले पाहायला मिळतं. भ्रष्टाचाराचे कुरण बनलेल्या तुळजाभवानी मंदिरात यापूर्वी सोने-चांदीचे मौल्यवान पुरातन दागिने गायब झाल्याचा प्रकार समोर आला होता. त्यासोबतच दानपेटी घोटाळा उघडकीस आला. दोन्ही प्रकरणे न्यायालयात सुरू असून मंदिर संस्थान मध्ये कार्यरत असलेल्या तत्कालीन उच्च पदस्थ अधिकाऱ्यांवरती नेहमीच भ्रष्टाचार आरोप केले गेले आहेत. एवढेच नाही तर आता तुळजाभवानी मंदिर संस्थान कार्यालयातून महत्त्वाच्या संचिकाच गायब झाल्याचा प्रकार दैनिक जनमत ने समोर आणला आहे.

यात मोठी धक्कादायक माहिती समोर आली असून तुळजाभवानी देवीच्या प्राचीन खजिन्यावर आणि मौल्यवान दागिन्यांवर डल्ला मारणाऱ्या तत्कालीन धार्मिक व्यवस्थापक दिलीप नाईकवाडी याच्या संदर्भातील महत्त्वाची संचिकाच गायब असल्याचे या अहवालात नमूद करण्यात आलेलं आहे. त्याचबरोबर जून 2013 मधील राज्य गुन्हे अन्वेषण विभागाचे दस्तावेज, श्री तुळजाभवानी मंदिरातील गैर कारभाराची चौकशी संदर्भातील सप्टेंबर 2012 मधील संचिका,  तुळजापूर दानपेटी मोजणी संदर्भातील तहसील कार्यालयाची संचिका, मंदिरातील भरती प्रक्रियेतील महत्त्वाची दस्त गायब झाले आहेत. मे 2022 मध्ये संचिका गायब प्रकरणी 3 सदस्य समिती स्थापन करून याची चौकशी करण्यात आली होती. मागील दोन वर्ष हा अहवाल गुपित ठेवण्यात आला होता. लेखाधिकारी यांच्या मार्फत चौकशी केल्यानंतर विविध विषयांच्या महत्त्वाच्या 50 पेक्षा अधिक संचिका गायब असल्याचा अहवाल देण्यात आला होता.

मौल्यवान दागिने प्रकरण नेमकं काय आहे?

तुळजाभवानी मंदिर संस्थानातील तत्कालीन धार्मिक व्यवस्थापक दिलीप नाईकवाडी याने तुळजाभवानी देवीच्या प्राचीन खजिन्यावर डल्ला मारला. जवळपास 35 तोळे सोने, 71 किलो चांदी, 71 प्राचीन नाणी, गायब केली. या प्रकरणी 13 सप्टेंबर 2020 रोजी याच्यावर गुन्हा दाखल झाला होता. तसेच दिलीप नाईकवाडी याला अटकही करण्यात आली. नाईकवाडी याने 17 वर्षाच्या कालावधीत टप्प्याटप्प्याने पुरातन नाणी गायब केली. तुळजाभवानी देवीला अनेक राजेराजवाडे यांनी अर्पण केलेले बहुतांश मौल्यवान व प्राचीन दागिने तिजोरीतून गायब करून गैर व्यवहार केल्याचे चौकशीत निष्पन्न झाले होते त्याचा ठपका नाईकवाडी याच्यावर ठेवत नाईकवाडी याच्यावर गुन्हा दाखल करून अटक करण्यात आली होती मात्र आता याच तत्कालीन धार्मिक व्यवस्थापक दिलीप नाईकवाडी संदर्भातील महत्त्वाचे कागदपत्र मंदिर संस्थान कार्यालयातून गायब झाले आहेत.

संचिका गायब प्रकरणी या समितीने केली चौकशी

मंदिर संस्थान लेखाधिकारी सिद्धेश्वर शिंदे यांच्या अध्यक्षतेखाली 3 सदस्य समिती स्थापन करण्यात आली होती. समितीमध्ये लेखापाल सिद्धेश्वर इंतुले, सहाय्यक व्यवस्थापक स्थापत्य राजकुमार भोसले या समितीने 29 एप्रिल 2022 रोजी अभिलेख कक्षामध्ये प्रत्यक्ष तपासणी केली. दरम्यान समितीला 50 पेक्षा अधिक महत्त्वाच्या संचिका गायब असल्याचे लक्षात आले. त्या अनुषंगाने या समितीने 4 मे 2022 रोजी श्री तुळजाभवानी मंदिर संस्थान तहसीलदार तथा व्यवस्थापक प्रशासनाकडे संचिका गायब असल्याचा अहवाल बनवून सुपूर्द केला. यावर मंदिर प्रशासनाने नेमकी काय भूमिका घेतली हे अद्याप समोर आले नसले तरी तरी अहवालातून उघड झालेल्या प्रकारावर मंदिर प्रशासन काय भूमिका घेते याकडे लक्ष लागले आहे.

महावितरणच्या भोंगळ कारभारावर प्रश्नचिन्ह

पारा येथील विशाल गोडसे च्या अंगावर पडली मेन लाईनची तार वेळ आली होती पण काळ आला नव्हता युवक सुखरूप!

पारा (राहूल शेळके): वाशी तालुक्यातील पारा येथील नवयुवक विशाल गोडसे चे दैव बलवत्तर म्हणून दि. २५ मे रोजी सायंकाळी साडेसहाच्या दरम्यान अंगावर महावितरण ची मेन लाईनची तार पडून सुद्धा हा  युवक सुखरूप बचावला आहे .
            याबाबत अधिक माहिती अशी की , पारा येथील नवयुवक विशाल लक्ष्मण गोडसे हा युवक सायंकाळी साडेसहाच्या दरम्यान पारा गावातून स्वतःच्या शेताकडे जात असताना गावापासून अर्धा किलोमीटर अंतरावर वाशी रोडवर स्वतःच्या मोटरसायकल वरून जात असताना अचानक वाशी ते पारा जाणारी महावितरण ची मेन लाईनची तार तुटून अचानक अंगावर पडली व तो युवक गाडीवरून पडला . दैव बलवत्तर म्हणून या युवकाला थोडासा करंट लागला परंतु शारीरिक काही नुकसान झाले नाही. याबाबत युवकाने वाशी व पारा येथील महावितरणचे अधिकारी व कर्मचाऱ्यांचे मोबाईलवर संपर्क केला असता कोणीही कॉल घेतला नाही.         

दैनिक जनमतने वारंवार बातमीतून तसेच प्रतिनिधीने अधिकारी व कर्मचाऱ्यांशी भेटून पारा येथेच 33 के व्ही प्रि मान्सून मेन्टेनन्स ची कामे करण्यात यावी म्हणून पाठपुरावा केला आहे .परंतु या अधिकारी व कर्मचाऱ्यांनी अध्याप पर्यंत काहीही कामे केलेली नाहीत. अशा निष्क्रिय अधिकारी व कर्मचाऱ्यांना या पारा 33 के वी चे काही देणे घेणे दिसत नाही .पावसाळापूर्वी प्रि मेन्टेनन्स ची   कामे जर वाशी महावितरण केले असते तर आज ही वेळ आली नसती. वाशि महावितरण ने या गंभीर गोष्टीची दखल घेऊन प्रि मान्सून मेन्टेनन्स ची कामे करावीत अन् ग्राहकांना विज पुरवठा सुरळीत द्यावा अशी मागणी होत आहे.

खरीप २०२३ मध्ये सुरुवातीला पावसातील खंड व नंतर अवेळी पावसाने सोयाबीन पिकाचे मोठे नुकसान होते. अवेळी पावसाने झालेल्या नुकसानी बाबत ऑनलाइन तक्रारी देण्याचे आवाहन आ. राणाजगजितसिंह पाटील यांनी त्यावेळी शेतकऱ्यांना केले होते. या आवाहनाला मोठा प्रतिसाद देत विहित मुदतीत जिल्ह्यातील जवळपास १ लाख ९२ हजार शेतकऱ्यांनी नुकसानीच्या पूर्वसूचना विमा कंपनीला दिल्या आहेत. या शेतकऱ्यांच्या खात्यात नुकसान भरपाईची रक्कम जमा करण्याची प्रक्रिया विमा कंपनीने सुरू केली असून तक्रार दिलेल्या परंतु पंचनामे न झालेल्या शेतकऱ्यांना देखील विमा वितरित करण्याचे सूचित करण्यात आले आहे.

पावसातील खंडामुळे संभाव्य नुकसानीच्या २५% अग्रीम प्रमाणे रु. २५३ कोटी यापूर्वीच शेतकऱ्यांना वितरित करण्यात आले आहेत. खरीप हंगामात अवेळी पावसाने देखील सोयबीन पिकाचे मोठे नुकसान झाले होते. याबाबत ऑनलाईन तक्रारी देण्याचे आवाहन त्यावेळी आ. राणाजगजितसिंह पाटील यांनी शेतकऱ्यांना केले होते. या अनुषंगाने नुकसानीच्या साधारणत: १,९२,००० ऑनलाईन तक्रारी दाखल करण्यात आल्या होत्या.
या तक्रारींच्या अनुषंगाने नुकसान भरपाई रकमेचे वितरण सुरू झाले असून शेतकऱ्यांच्या खात्यात रक्कम जमा होण्यास सुरुवात झाली आहे. आठवडाभरात सर्व शेतकऱ्यांच्या खात्यात रक्कम जमा करण्याच्या सूचना विमा कंपनीला देण्यात आल्या आहेत. तसेच तक्रारी दिलेल्या परंतु पंचनामे न झालेल्या शेतकऱ्यांना देखील इतरांप्रमाणे नुकसान भरपाई अदा करण्याचे सूचित करण्यात आले आहे.

दुष्काळी परिस्थितीत खरीप हंगामा ची पेरणी तोंडावर असताना पेरणी पूर्वी पैसे उपलब्ध होत असल्याने शेतकरी समाधान व्यक्त करत आहेत. यामुळे त्यांना मोठा आधार मिळत आहे. ठाकरे सरकारच्या काळातील खरीप २०२० व २०२१ मधील उर्वरित रक्कम देखील शेतकऱ्यांना लवकरच मिळवून देण्यासाठी प्रयत्न सुरू आहेत.