मंगरुळ : – तुळजापूर तालुक्यातील मंगरुळ येथील कचेश्वर शुगर लिमिटेड यांचा सन 2018 – 2019 चा गळीत हंगामातील एफआरपी प्रमाणे दराचा 221 रुपये हफ्ता शेतकऱ्यांच्या खात्यावर जमा करण्यात आला आहे
याबाबत सविस्तर माहिती अशी की सन 2018 – 2019 गळीत हंगामात यशस्वीपणे कारखाना चालवून तालुक्यासह जिल्ह्यातील शेतकऱ्यांचे ऊस गाळप केले तसेच यापूर्वी पहिला हफ्ता 1700 रुपये शेतकऱ्यांना वितरित करण्यात आले होते शासनाच्या नियमानुसार एफआरपी प्रमाणे दर देणे आवश्यक होते यामुळे दि 30 जुलै रोजी पासून 221 रुपये प्रमाणे जवळपास सहा ते सात हजार शेतकऱ्यांच्या खात्यावर हा हफ्ता जमा करण्यात आल्याचे कचेश्वर शुगर लिमिटेडचे चेअरमन धनंजय भोसले व कचेश्वर शुगरचे व्यवस्थापक संजय गारूडकर यांनी दैनिक जनमत प्रतिनिधीशी बोलतांना जाहीर केले आहे