खासदार संजयकाका पाटील गटाला जोरदार धक्का बसण्याची शक्यता
तासगाव –
तासगाव तालुक्यातील ग्रामपंचायत निवडणूक नुकतीच जाहीर झाली असून या निवडणुकीच्या पार्श्वभूमीवर तासगाव नगरपालिकेचे एक आक्रमक माजी नगराध्यक्ष खासदार संजयकाका पाटील यांचे कट्टर समर्थक हे मुंबई येथे शिवसेना भवन येथे शिवसेनेच्या नेत्यांची भेट घेऊन मुख्यमंत्री उद्धवजी ठाकरे यांच्या हस्ते शिवबंधन बांधणार असल्याची माहिती प्राप्त झाली आहे.सोबत तासगाव तालुक्यातील पूर्व भागातील एका मोठ्या गावातील लोकनियुक्त सरपंच व तासगाव पंचायत समितीचे माजी उपसभापती हे तिघे व अन्य काही कार्यकर्ते खासदार संजय काका पाटील यांच्या गटाला सोडचिठ्ठी देत आहेत. त्यामुळे तासगाव शहरासह तालुक्यात एकच चर्चेला उधाण आले आहे. ग्रामपंचायत व तासगाव नगरपालिका च्या निवडणुकीच्या पार्श्वभूमीवर खासदार संजय काका पाटील यांना हा धक्का मानला जाऊ शकतो, तासगावचे माजी नगराध्यक्ष हे मध्यंतरी राष्ट्रवादी काँग्रेस पक्षामध्ये प्रवेश करणार असल्याच्या वावड्या उठल्या होत्या परंतु त्यांनी त्यावेळी प्रवेश केला नाही तर पंधरा दिवसांपूर्वी झालेल्या पुणे पदवीधर मतदारसंघाच्या निवडणुकीत या तीन नेत्यांनी भाजपचे अधिकृत उमेदवार संग्रामसिंह देशमुख यांचा उघड प्रचार करीत निवडणूक दिवशी तासगाव येथील बूथवर दिवसभर ठिय्या मांडला होता हे विशेष होय, भाजपच्या खासदार संजय काका पाटील यांच्या कट्टर नेते यांचा शिवसेना प्रवेश म्हणजे यह तो ट्रेलर है पिक्चर अभी बाकी है असे म्हटले तर वावगे ठरू नये, या भाजपच्या तिन्ही नेत्यांचा भाजपला सोडचिठ्ठी दिल्यानंतर भाजपचे किती नुकसान होणार व शिवसेनेच्या प्रवेशानंतर तासगाव शहर, तालुक्यातील शिवसेनेला किती फायदा होणार हा येणारा काळच ठरवेल तसेच तासगाव पालिकेची निवडणूक नऊ ते दहा महिन्यावर येऊन ठेपली आहे त्या पार्श्वभूमीवर कोणकोण नेते राज्याच्या सत्ताधारी असलेल्या महाविकास आघाडीत प्रवेश करणार आहेत हे लवकरच तालुक्यातील व शहरातील जनतेला समजेल तासगाव तालुक्यात सत्ता असणाऱ्या पक्षात कार्यकर्ते व नेतेमंडळी प्रवेश करत असतात हे सर्वांना ज्ञात आहे. सदरच्या कार्यकर्त्यांच्या भाजप सोडचिट्टी मुळे भाजपला किती नुकसान तर शिवसेनेत प्रवेश केल्यामुळे शिवसेनेला तालुक्यात व शहरात किती फायदा मिळणार याबद्दल सध्यातरी अंदाज बांधणे कठीण आहे.