उस्मानाबाद – तालुक्यातील सारोळा बु येथे भरधाव ट्रँक्टरने सायंकाळी ५.३० च्या दरम्यान एकाला धडक दिल्याने त्याचा उपचारासाठी नेत असताना मृत्यू झाला आहे.
याबाबत माहिती अशी की सारोळा येथून चिखली कडे जाणाऱ्या ट्रॅक्टरने भूषण मोबाईल शॉपीच्या समोर उभारलेल्या अण्णा शिंदे यांना धडक दिली तसेच सकनेवाडी येथील युवक जखमी झाला असून दोन दुचाकीचे मोठे नुकसान झाले आहे. प्रत्यक्षदर्शींनी दिलेल्या माहिती नुसार ट्रॅक्टर चालवणारी व त्यासोबत असलेली व्यक्ती मद्यधुंद अवस्थेत होती. जखमी झालेले टाका येथील अण्णा शिंदे यांना उस्मानाबाद येथील रुग्णालयात उपचारासाठी नेत असताना त्यांचा मृत्यू झाला. घटनेनंतर उस्मानाबाद ग्रामीण पोलीस स्टेशनचे पोलीस अधिकारी दाखल झाले त्यांनी ट्रॅक्टर चालवणाऱ्या व्यक्ती सह त्याच्यासोबत असलेल्या एकाला अटक केली आहे.
