उस्मानाबाद –
सीना कोळेगाव धरणात परंडा व करमाळा तालुक्यातील स्थानिक मच्छिमारांना मच्छिमारी करण्यासाठी पास मिळावा या मागणीसाठी मच्छीमारांचे आंदोलन सुरू असून गेल्या तीन तासापासून उस्मानाबाद शहरातील सहाय्यक आयुक्त मत्स्य कार्यालय येथे मच्छीमारांनी ठिय्या मांडला आहे. परवाना मिळाल्याशिवाय इथून उठणार नसल्याचे मच्छीमारांचे म्हणणे आहे.
आंदोलनाच्या सुरुवातीपासून घोषणा देऊन आंदोलन करणारे मच्छीमार आता अर्धनग्न आंदोलनाकडे वळले आहेत.
पोलिसांची चर्चा निष्फळ
आंदोलनाच्या सुरुवातीला आनंद नगर पोलिसांनी आंदोलक आणि प्रशासनात चर्चा घडवून आणण्याचा प्रयत्न केला. सहायक आयुक्त न्यायालयीन कामासाठी औरंगाबाद येथे गेले असल्याने निर्णय घेण्यास सक्षम अधिकारी नाही. त्यामुळे आंदोलक आंदोलनाच्या भूमिकेवर ठाम असल्याने पोलिसांनी केलेली चर्चा तूर्तास निष्फळ ठरली आहे.