उस्मानाबाद शहरात गणरायाचे आगमन

उस्मानाबाद ( कुंदन शिंदे) – विघ्नहर्ता गणपती बाप्पांचे आज घराघरात आगमन झाले आहे. गणेश चतुर्थी असल्याने उस्मानाबाद शहरात आज दिवसभर विविध ठिकाणी गणेशाची प्रतिष्ठापणा केली गेली. कोरोना सारखे संकट कायम असतांनाही गणेशभक्तांचा उत्साह उल्लेखनीय असल्याचे पाहायला मिळते आहे. राज्य सरकारने जारी केलेली कोरोना नियमांचे काटेकोरपणे पालन करत गणेशभक्तांनी घरोघरी आपल्या लाडक्या गणरायाची प्रतिष्ठापणा केली आहे. घराघरांमध्ये भक्तीमय वातावरण पाहायला मिळत आहे. 

सकाळपासूनच उस्मानाबाद छत्रपती शिवाजी महाराज चौक, नेहरू चौक, बसवेश्वर चौक, भवानी चौक परिसरात गणेशमूर्ती खरेदी करण्यासाठी गर्दी केल्याचे चित्र दिसून येते. होते या गणेश मूर्त्यांची किंमती १००ते १००० पर्यंतच्या मूर्त्यां बाजारात होत्या 

मात्र कोरोनामुळे यंदा गणेश आगमन व विसर्जनाच्या मिरवणुकांवर प्रशासनाने बंदी घातली आहे. यामुळे घरगुती गणेशमूर्तींप्रमाणेच सार्वजनिक मंडळांच्याही गणेशमूर्तींचे आगमन मोजक्या कार्यकर्त्यांसह आणि कोणत्याही वाद्यांच्या दणदणाटाशिवाय सुरू आहे. यामुळे प्रतिवर्षी दिसणारा उत्साह तुलनेने कमी झाला आहे. यामुळे पारंपरिक वाद्ये पथकांच्या हंगामावर कोरोनाचे सावट गतवर्षीप्रमाणेच कायम आहे. 

गणपती बाप्पाच्या पूजेसाठी लागणारे साहित्य घेण्यासाठी देखील मोठी गर्दी होती तसेच मोदक मिठाई खरेदी करण्यासाठी  देखील मोठी गर्दी केल्याचे पाहायला मिळाले.