ताज्या बातम्या

परंडा तालुक्यात ७२ ग्रामपंचायतींसाठी सरपंच पदाचे आरक्षण जाहीर — महिलांसाठी ५० टक्के जागा राखीव

April 16, 2025

309

परंडा, १६ एप्रिल: परंडा तालुक्यातील ७२ ग्रामपंचायतींसाठी सरपंच पदाच्या आरक्षण सोडतीचा कार्यक्रम आज दिनांक १६ एप्रिल रोजी परंडा तहसील कार्यालयात पार पडला. या सोडतीमध्ये महिलांसाठी ५० टक्के जागा राखीव ठेवण्यात आल्या असून, यामध्ये सर्वसाधारण, ओबीसी, अनुसूचित जाती (SC) आणि अनुसूचित जमाती (ST) प्रवर्गातील महिलांचा समावेश आहे.

आरक्षण सोडतीसाठी प्राधिकृत अधिकारी तथा जिल्हा पुरवठा अधिकारी स्वाती शेंडे यांच्या मार्गदर्शनाखाली हा कार्यक्रम पार पडला. या वेळी तहसीलदार निलेश काकडे, नायब तहसीलदार पांडूरंग माढेकर, विजय बाडकर, अमोल हंकारे, गजानन बुवा, यशपाल बनसोडे यांनी आरक्षण प्रक्रियेचे कामकाज पाहिले. आरक्षण सोडत रोटेशन पद्धतीने व चिठ्ठ्या टाकून करण्यात आली. विशेष म्हणजे इ.२ री चा विद्यार्थी श्रेयश बुवा याच्या हस्ते चिठ्ठ्या काढण्यात आल्या.

आरक्षणाचे तपशील:

महिला आरक्षण (एकूण ३७ जागा):

सर्वसाधारण महिला: २१
ओबीसी महिला: १०
SC महिला: ५
ST महिला: १

पुरुषांसह सर्वसाधारण प्रवर्ग: २२
ओबीसी (पुरुषांसह): ९
SC (पुरुषांसह): ४

ग्रामपंचायतीनिहाय आरक्षण यादी:

सर्वसाधारण महिलांसाठी आरक्षित ग्रामपंचायती (२१):

सोनारी, चिंचपूर बु., डोंजा, हिंगणगाव बु., पारेवाडी, राजूरी, रोसा, तांदुळवाडी, वाटेफळ, डोमगाव, पांढरेवाडी, वाकडी, जेकटेवाडी, कांदलगाव, कुक्कडगाव, देवगाव (खुर्द), साकत (बु.), रुई, पाचपिपळा.

ओबीसी महिलांसाठी (१०):

पिंपळवाडी, कपिलापुरी, खानापूर, खासापुरी, कुंबेफळ, मलकापुर, आंदोरा, मुगाव, वडनेर, धोत्री.

SC महिलांसाठी (५):

कुंभेजा, भांडगाव, डोंजा, गोसावीवाडी, जाकेपिपरी.

ST महिलांसाठी (१):

टाकळी.

सर्वसाधारण प्रवर्गासाठी (२२):

भोत्रा, चिंचपूर खुर्द, जवळा (नि), शिराळा, आरणगाव, आवार पिपरी, दहिटणा, हिंगणगाव (खुर्द), रत्नापूर, शेळगाव, घारगाव, ढगपिपरी, नालगाव, आनाळा, आसू, बावची, कौडगाव, सिरसाव, देवगाव (बु), लोहारा, खंडेश्वरवाडी, खासगाव.

ओबीसी प्रवर्गासाठी (९):

रोहकल, इनगोंदा, उंडेगाव, आलेश्वर, कंडारी, काटेवाडी, पिंपरखेड, कोकरवाडी, येणेगाव.

SC प्रवर्गासाठी (४):

लोणी, वागेगव्हाण, देऊळगाव, कार्ला.