वाशी (प्रतिनिधी):
महिला सशक्तीकरण साठी स्वस्थ नारी सशक्त परिवार या शिबिरात जिल्हा आरोग्य अधिकारी डॉ. हरिदास सर यांच्या सूचनेप्रमाणे वाशी तालुका आरोग्य अधिकारी डॉ महिंद्रकर सर यांच्या मार्गदर्शनाखाली दि. 19 सप्टेंबर रोजी वाशी तालुक्यातील प्राथमिक आरोग्य केंद्र पारा येथे स्वस्थ नारी सशक्त परिवार शिबीर चा शुभारंभ अंगणवाडी पर्यवेक्षिका मुरकुटे मॅडम, स्त्रीरोगतज्ज्ञ डॉ शिंदे सर, बालरोगतज्ज्ञ डॉ सूळ सर, दंतचिकित्सक डॉ देवगिरे मॅडम या सर्वांच्या हस्ते दीप प्रज्वलन करून शुभारंभ करण्यात आला, यावेळी नेत्र चिकित्सक श्री गायकवाड उपस्थित होते.
या शिबीर अंतर्गत महिलांचे आरोग्य स्वस्थ ठेवण्यासाठी महिलांचे विविध आजार, गरोदर माता तपासणी, बालकांची तपासणी, बालकांचे लसीकरण,दातांची तपासणी, डोळयांची तपासणी, महिला व एकात्मिक बालविकास च्या माध्यमातून अंगणवाडी सेविका यांनी पोषण आहाराबाबत सर्व रुग्णांना माहिती दिली, प्रा आ केंद्र प्रयोगशाळा अंतर्गत HB, मधुमेह तपासणी व महालॅब मार्फत सिकलसेल व इतर आरोग्य तपासन्या करण्यात आल्या.
टीबी आजाराविषयी जनजागृती तसेच बेडका तपासणी करण्यात आली,आयुष्मान भारत कार्ड, प्रधानमंत्री जनआरोग्य योजना कार्ड, तसेच सार्वजनिक आरोग्य विभागा मार्फत मोबाईल मेडिकल व्हॅन च्या माध्यमातून एक्सरे काढण्यात आले.एकूण 210 रुग्णांनी या शिबिराचा लाभ घेतला.
यावेळी वैद्यकीय अधिकारी डॉ शिवानी पाटील मॅडम, डॉ किलचे सर यांनी या शिबीर साठी मोलाचे परिश्रम घेतले.वैद्यकीय अधिकारी यांच्या मार्गदर्शनाखाली समुदाय आरोग्य अधिकारी, प्रयोगशाळा वैज्ञानिक अधिकारी, आरोग्य सहायक, आरोग्य सहायिका, आरोग्य सेवक, आरोग्य सेविका,औषध निर्माण अधिकारी, वाहन चालक, डेटा एन्ट्री ऑपरेटर, महालॅब तंत्रज्ञ, गट प्रवर्तक, आशा कार्यकर्ती, अर्धवेळ स्त्री परिचर, पु परिचर, अंगणवाडी कार्यकर्ती व मदतनीस यांनी मोलाचे सहकार्य केले.