मेघराज पाटील यांच्यावर काही दीवसातच पक्षाची मोठी जबदारी देणार – सावंत
परंडा ( दि ३१जानेवारी)परंडा तालुक्यातील जिल्हा परिषद,पंचायत निवडनुकीच्या प्रचारादरम्यान राजकारणात मोठी उलथापालथ झाली असून उबाठा शिवसेना पक्षाचे परंडा तालुका प्रमुख मेघराज पाटील यांनी तालुका प्रमुख पदाचा राजीनामा देत शेकडो कार्यकर्त्यांसह माजी मंत्री आमदार प्रा.डॉ.तानाजीराव सावंत यांच्या मार्ग दर्शना खाली शिवसेना शिंदे गटात जाहीर प्रवेश केला आहे.
उबाठा शिवसेना पक्षाचे प्रामाणिकपणे कान करत असताना माझा राजकीय बळी घेण्यात आला.असा गंभीर आरोप करत मेघराज पाटील यांनी आपल्या भावना व्यक्त केल्या.दि.३१ जानेवारी रोजी परंडा शहरातील प्रितम मंगल कार्यालयात आयोजित कार्यकर्त्यांच्या बैठकीत त्यांनी उबाठा शिवसेना पक्षाच्या तालुका प्रमुख पदाचा व सदस्यत्वाचा राजीनामा दिला आहे.या नंतर माजी मंत्री आमदार प्रा . डॉ.तानाजीराव सावंत यांच्या नेतृत्वाखाली शिवसेना शिंदे गटात प्रवेश करताच मेघराज पाटील यांचा माजी मंत्री,आमदार
तानाजीराव सावंत यांच्या हस्ते सत्कार करण्यात आला.जिल्हा परिषद व पंचायत समिती निवडणुकीच्या पार्श्वभूमीवर मेघराज पाटील यांचा प्रवेश शिंदे गटासाठी फायदेशीर ठरणार असल्याची चर्चा राजकीय वर्तुळात सुरू आहे.
या वेळी बोलताना माजी मंत्री आमदार प्रा.डॉ.तानाजीराव सावंत म्हणाले की मेघराज पाटील यांची पक्षात अवेहलना होऊ देणार नाही लवकरच त्यांच्यावर पक्षाच्या मोठ्या पदाच्या जबाबदारी बरोबर च महत्त्वाच्या शासकीय कमेटीचे पद काही दिवसातच दिले जाईल असे आश्वासन सावंत यांनी मेघराज पाटील यांना दिले आहे.
या वेळी शिवसेना शिदें गटाचे जिल्हा प्रमुख दत्ता साळुंके,युवासेना तालुका प्रमुख राहूल डोके,नवनाथ जगताप,संजयकुमार बनसोडे,विशाल देवकर,रत्नकांत शिंदें,दत्ता रणभोर,वैभव पवार,माऊली गोडगे,गणेश चव्हाण यांच्यासह मेघराज पाटील समर्थक शिवसेनीक,कार्यकर्ते मोठ्या संख्यांने उपस्थित होते.
- धाराशिव जिल्ह्यात भाजप शिवसेनेपेक्षा केवळ 3 टक्क्यांनी पुढे
- परंडा तालुक्यात जिल्हा परिषद व पंचायत समितीसाठी चुरशीचे मतदान;७३ उमेदवारांचे भवितव्य मतपेटीत बंद!
- ईटचा ‘रणसंग्राम’ शांत; उमेदवारांचे राजकीय भवितव्य ‘पेटी’बंद!
- तेर मध्ये आम आदमी फोडतोय प्रस्थापितांना घाम!
- मेघराज पाटील यांचा तालुका प्रमुख पदाचा राजीनामा उबाठा शिवसेनेला जय महाराष्ट्र