धाराशिव : जिल्ह्यात दोन वेगवेगळ्या ठिकाणी घरफोडी व चोरीच्या घटना घडल्या असून पोलिसांनी अज्ञात चोरट्यांविरोधात गुन्हे दाखल केले आहेत.

परंडा तालुका :
फिर्यादी धनाजी रामचंद्र यादव (वय 53, रा. आसु, ता. परंडा) यांच्या घरी 30 ऑगस्ट रोजी रात्री 1.00 ते 3.00 च्या सुमारास अज्ञात चोरट्यांनी कडी–कोंडा तोडून प्रवेश केला. या वेळी त्यांच्या घरासह सोमनाथ जाधव, कुसुम जाधव, बळीराम बुरुंगे, हरिदास बुरुंगे व बजरंग जाधव यांच्या घरातून रोख रक्कम व सोन्या–चांदीचे दागिने, साड्या असा एकूण 88 हजार 500 रुपयांचा ऐवज चोरून नेण्यात आला. याप्रकरणी परंडा पोलीस ठाण्यात भा.न्या.सं. कलम 331 (4), 305, 62 अंतर्गत गुन्हा दाखल करण्यात आला आहे.

उमरगा तालुका :
दरम्यान, 30 ऑगस्ट रोजी सकाळी 9.30 वाजता उमरगा बसस्थानक येथे कदेर (ता. उमरगा) येथील प्रणिता विलास जाधव (वय 27) या उमरगा–लातूर बसमध्ये चढत असताना अज्ञात चोरट्याने गर्दीचा फायदा घेत पर्स मधून 40 ग्रॅम सोन्याचे दागिने व ओपो मोबाईल फोन, एकूण 1 लाख 40 हजार रुपयांचा ऐवज चोरून नेला. याप्रकरणी उमरगा पोलीस ठाण्यात भा.न्या.सं. कलम 303 (2) अंतर्गत गुन्हा दाखल झाला आहे.

दोन्ही प्रकरणांचा तपास संबंधित पोलीस ठाण्याचे पथक करीत असून चोरट्यांचा शोध सुरू आहे.

• संजय निंबाळकर व भाजपचे  नेते रामेश्वर शेटे यांचा आज शिवसेना उद्धव बाळासाहेब ठाकरे पक्षात प्रवेश; आ.कैलास पाटील यांच्या नेतृत्वात पक्षाची पुन्हा मजबूत बांधणी
• पारगावच्या लॉजवर AHTUचा धडाका!वेश्याव्यवसायावर पोलिसांची थेट कारवाई; परराज्यातील ८ महिलांची सुटका, लॉज मालक-मॅनेजर यांना अटक
• तुळजापुरात सरकारने हिंदुत्व गुंडाळलं, चायनिज कंपनीचे सीसीटीव्ही असलेल्या प्रकल्पाचे उद्या पालकमंत्र्यांच्या हस्ते उद्घाटन
• पवनचक्कीचे साहित्य चोरणारी सराईत टोळी स्थानिक गुन्हे शाखेच्या जाळ्यात
• परंड्यात अवैध शस्त्र बाळगणारे दोन अल्पवयीन पोलिसांच्या जाळ्यात; मॅगजिनसह अग्निशस्त्र जप्त