रखडलेल्या २१ टी. एम. सी. च्या कामाची करणार पाहणी
धाराशिव – जलसंपदा (गोदावरी व कृष्णा खोरे विकास महामंडळ) मंत्री मा.ना. डॉ. राधाकृष्ण विखे-पाटील सोमवारी, ११ ऑगस्ट २०२५ रोजी सोलापूर व धाराशिव जिल्ह्याच्या दौऱ्यावर असणार आहेत.
दौऱ्याची सुरुवात सकाळी १० वाजता सोलापूर विमानतळावर आगमनाने होईल. त्यानंतर मंत्री विखे-पाटील सकाळी १०.३० वाजता उत्तर सोलापूर तालुक्यातील पडसाळी पंपगृहाची पाहणी करतील. हे पंपगृह कृष्णा मराठवाडा उपसा सिंचन योजना क्र. २ अंतर्गत टप्पा क्र. २ मध्ये आहे.
सकाळी १०.५० वाजता पडसाळी येथून ते तुळजापूर तालुक्यातील सिंदफळ येथे प्रयाण करतील व ११.३० वाजता सिंदफळ पंपगृहाची पाहणी करतील. हे पंपगृहही कृष्णा मराठवाडा उपसा सिंचन योजना क्र. २ अंतर्गत टप्पा क्र. ५ मध्ये येते.
दुपारी १२.२० वाजता ते शासकीय विश्रामगृह, तुळजापूर येथे आगमन करतील. त्यानंतर दुपारी १.४० वाजता करजखेडा, धाराशिव येथे प्रयाण होऊन दुपारी २ वाजता निम्न तेरणा उपसा सिंचन योजनेच्या विशेष दुरुस्ती कामाच्या शुभारंभास उपस्थित राहतील.
दौऱ्याची सांगता सायं. ५ वाजता सोलापूर विमानतळावर होईल.
- ऊर्जा मंत्रालयाने प्रसिद्ध केला ‘राज्य ऊर्जा कार्यक्षमता निर्देशांक 2024’: महाराष्ट्र, आंध्र प्रदेश, आसाम आणि त्रिपुरा अव्वल
- अंगणवाडी पाडली; दोघांवर गुन्हा दाखल
- ताकविकी परिसरातील शेतकऱ्यांची मागणी : शेतीच्या नुकसानीसाठी हेक्टरमागे 50 हजार रुपये मदत द्यावी
- धाराशिव जिल्ह्यात चोरीच्या तीन घटना : बँकेतून 19 लाखांची रक्कम, शेळ्या व घरफोडीत सोनं-रोख लंपास
- खोट्या विवाहाच्या आमिषाने तरुणाची १.२० लाखांची फसवणूक