अव्यावसायिक अभ्यासक्रम प्रवेशासाठीही जात प्रमाणपत्र पडताळणी अनिवार्य

मुंबई – आतापर्यंत व्यावसायिक अभ्यासक्रम प्रवेशासाठी जात पडताळणी प्रमाणपत्र आवश्यक होते, येणाऱ्या काळात अव्यावसायिक अभ्यासक्रम प्रवेशासाठीही जात प्रमाणपत्र पडताळणी अनिवार्य करण्यात येणार असल्याची माहिती आदिवासी विकास मंत्री डॉ. विजयकुमार गावित यांनी विधानपरिषदेत दिली. सध्या राज्याचे अर्थसंकल्पीय अधिवेशन मुंबई येथे सुरू असून त्या अधिवेशनात ही घोषणा करण्यात आली आहे.